في شغلة من زمان قاهرتني وحابة شاركون فيها،،، بدي اكتب بلهجتنا العامية بقا ما بعرف اذا رح ينشرولي هالمشاركة بالعامية او لا،،،، المهم انا بدي اكتبها واتكل ع الله.
هاد انا من الناس السوريين يلي عايشين بالخليج صرلي سبع سنين،، وخلال فترة الاحداث ببلدنا تعرفت على كتير ناس سوريين يلي منون اجا خلال الاحداث ومنون موجود هون اصلا.. والشي يلي جمعني انا وهالناس هو غير حبنا للوطن، وغير انو كل واحد مننا عندو غوالي واحباب واهل بالشام،، بس الشي التاني الاهم يلي جمعنا انو معظمنا، لحتى ما قول كلنا، اختلفت اولوياتنا وصارت اهم اولوية عنا انو نقدر نأمن اي مبلغ من رواتبنا لنبعتو لاهلنا بالشام...
يمكن حتى في كتير مننا مو بس عم يبعتوا رواتبون ع الشام لاهلون ليساعدون، بس كمان بعتو كل شي كانوا مصمدينو بهالغربة،،، هاد طبعا واجبنا تجاه اهلنا وعائلاتنا وبلدنا بس مو هون بيت القصيد
بيت القصيد هو انو ليش سوريين الخليج تحديدا اكتر شي عم يتم انتقادون من اهلنا بسوريا؟ مبارح مثلا عم احكي مع اختي قامت قالتلي بكرا ع راس السنة اانتو بتكونوا سهرانين ومبسوطين ومو سائلين عن حدا ونحنا متل الفيران عم نهرب من تحت القذايف !! ومن كم يوم رفيقتي كنت عم اتناقش معها قامت قالتلي يا ريت انتو يلي بالخليج بالذات ما تتفلسفوا لانكون عايشين هنيك مبسوطين ونحنا يلي عايشين كل لحظة بلحظتها!!
طبعا انا اكتر من مرة حكيت قدام اهلي انو بدي ارجع ع الشام ونفس الاخت والصديقة يلي عم ينتقدوا السوريين بالخليج،، هنن نفسون قالولي شو بدك تجي تعملي هلء؟ لا في شغل ولا من يحزنون وانتي هنيك عم تساعدينا وتساعدي اهلك بقا لا تكوني انانية بس لانك تعبتي من الغربة بدك ترجعي،، طولي بالك لتخلص الحرب
طيب احترنا يا قرعة،،، يعني بدون يانا ما نحكي باي شي بيتعلق بالبلد لانو ع قولتون نحنا ما بيحقلنا لانو نحنا شو على بالنا قاعدين بالخليج وعم ننظر،،، وبدكون يانا ما ننزل ع البلد لانو ونحنا بالخليج عم نقدر نساعدون ونبعت مصاري،،، بس انو ما لازم نعيش بشكل عادي!! بس ليش سوري الخليج بالذات هو يلي مظلوم هالظلم كلو مع انو اكبر نسبة تحويل اموال للشام عم تجي من سوريين الخليج!!
يا حسرتي ع المغترب يلي قلبو وحياتو ومالو بيكونوا لاهلو بالشام وهنن بيظلموه بس لانو عايش برا
https://www.facebook.com/you.write.syrianews
هني معذورين الله يكون بالعون
هني معذورين الله يكون بالعون و الله متلي متلك عايف حالي متل ما بيقولو نشكر الله على كل شي
اختي الكريمة ،،، ما تزعلي من حد بسورية رجاءً ، انا بالخليج متلك بس اهلنا معذورين شو ما حكو بقى ما تزعلي من احد الله يخليك ز و الله يعين قلبهم. يعني برايك بينعبت عاللي بموت برد،او حرق او ذبح او تحت الردم ... الله يصبرهم
كلامك صحيح يعني الواحد شو يعمل مو عارف همه اللي عبصير ببلده وخوفه على اهله وهمه هون انه ما يخلي هل المشاكل تؤثر على عمله هون وخاصة اصحاب العمل ما بيرحمو وهمه انه يوفر مبلغ زيادة عن مصروفه المرتفع اساسا هون نتيجة غلاء المعيشة ويرسل شي مبلغ لاهله امه وابوه واخوته واولادهم واقاربه ووووو وهمه لو فكر يوم يرجع لبلده انه مايكون اسمه موجود باخطأ ( بالخطأ ها منشان ماحدا يفهمنا غلط سامحونا يا اسياد )ويدقو فيه وبالاخر مو مشكور من احد وما حدا رضيان عنه بس ومع هيك انا بعذرهم لانه اللي بيشوفوه يمكن مخليهم هي
أنتي أخذتي المشكلة من الخارج ولكن مأساة سوريي الخليج أعمق وأعقدو فالحكمومة أستبدلت عدائها لأسرائيل بالعداء للسعودية وقطر وباقي دول الخليج وها الى أين سيؤدي هل لمصلحة السوري الذي يعيش في تلك الدول , ولماذا يتم أستهداف دول الخليج بشكل دائم وغير عادل , جميع الدول تقف مع مأسي الشعب السوري وتريد الحل السلمي لمشاكله فلماذ لو تدخلت دول الخليج وبتحريض من أيران تقوم الدنيا ولا تقعد بالهجوم على هذه الدول , هل ايران سيطرت على القرار السوري والأعلام السوري ووضعت أطماعها بدول الخليج الهدف للحرب في سوريا
كلامك صح مية بالمية يا اخ جاكي على قولة قاعدين ومبسوطين وخاصة الاصدقاء يلي بالداخل صرت اكره احكي معن ثلاث سنوات ما شفت امي وابي عندي طفل مو شايفينو.يلي مشتهي الغربة يتفضل لشوف مراجلو
لا تزعلي منهم أحيانا وجع الجروح بيخلينا نتصرف متل الأطفال ساعة بدنا وساعة ما بدنا ويلي شفناه كلنا السوريين بسوريا أو المغترب أفظع من انو العقل يتحمل لهيك كتير عادي نكون كلنا ضايعين وأحيانا نجرح بعض بس الأهم انو متفقين على محبة الوطن ونتحمل بعض لنقدر نوقف ونعمر هالبلد من جديد
اي خيتو اهلك معن حق اش ماحكو..... نعم يا ستي نحنا الحمد لله عايشين بأمان برا البلد. وهاااااااااااااد بيعادلوا شي ولو ساعدتيهن بمليار يورو بالشهر. انا بفرنسا و الحمد لله بساعد اهلي و سمعت بعض هيك حكي بس كان عئلبي متل العسل واعتبرت اي شي بيحكوه هو فضفضة مو اكتر يعني لا حسد و لا ضيقة عيييييين. الله يحميهن و يخليلي اياهن وانا مستعد اكل باليوم مليون لطشة. بعدين و هاد اهم شي تعاملك انت مع الله مو هيك