مساهمات القراء
شعر
عصفور الدوري ... بقلم : عبد الوهاب شرينهعصفور الدوري بيعرف كل الدخاريش
بسقف البيت و حيطانو شو مخبي ريش
و مغيب كل حكاية حكيناها همس
لما الليل يسهرنا و تغيب الشمس
شاف الفرحة و الدمعة بعيون صغار
و لمة عيلة مجتمعة قدام النار
شي نعسان عم يغفا و يحلم بنهار
و شي قاعد عم بيفكر ليش صرنا كبار
يا عصفور و عصفورة نحنا جيران
خلوا القصة مستورة يمكن غلطان
يل قاعد لحالو لسا سهران
عم يستنى شي نجمة توقع من فوق
و بنية متل الوردة حلمانة بطوق
أو خاتم أو إسوارة مدوبها الشوق
تتسمع كلمة منو بأول كانون
و يحكي كتير و تقلوا انت مجنون
تاري العصفور بيعرف كل الأحلام
و تعود يسمع صوتا قبل ما ينام
عصفور الدوري رفيق بيوت العشاق
و بيوت صغيرة بتغفا و شجر الدراق
و ريحة بستان مزهزه و معبا وراق
https://www.facebook.com/you.write.syrianews
2014-05-24
التعليقات
العبير
2014-05-24 01:48:15
قمة
وبنية متل الوردة حلمانة بطوق او خاتم او اسوارة مدوبها الشوق الله با استاذ عبد الوهاب نقلتنا الى الماضي الجميل الى ايام نفتقدها ونشتاق لها هذه الكلمات رائعة وتكتب بماء الذهب ويناسبها لحن من الحان الرحابنة وعملاق كزياد الرحباني
وبنية متل الوردة حلمانة بطوق او خاتم او اسوارة مدوبها الشوق الله با استاذ عبد الوهاب نقلتنا الى الماضي الجميل الى ايام نفتقدها ونشتاق لها هذه الكلمات رائعة وتكتب بماء الذهب ويناسبها لحن من الحان الرحابنة وعملاق كزياد الرحباني
سوريا
شكرا على هذا الكلام الجميل و أنا أقدر تقييمك لكتاباتي و أحترمه...