مساهمات القراء
شعر
طاب الحكي ... بقلم : عبد الوهاب شرينهطاب الحكي بليلة سهر و تجمعوا الخلان
دلة على نار الحطب و مزنرة بفنجان
يغفى على طرافا اللهب لون اللهب مرجان
طقطق جمر نبه قلب صارلو زمن سرحان
لا هو غفي و لا هو صحي متذكر و نسيان
يوم اللي كانوا يلتقوا يوقع نجم دقة قلب
مين اللي بلش بالحكي ظل الحكي عالق
على شفافو دهر رفة جفن متردد و حيران
نار اللي كانت بالقلب ماهي جمر
ينعس على صوت السوالف و السير
و لاهي دلة من جمر تتغزل بفنجان
ديك الصبح قبل الصبح واقف على كومة حطب
يمكن ملل يمكن فرح
يمكن ينادي عالشمس شو طولت يوما الشمس
صوتو يوصل للقمر لسا القمر سهران
و ظل الحكي يودع حكي لاني مشارك بالحكي ولاني أنا غفلان
13-6-2014
https://www.facebook.com/you.write.syrianews
2014-06-26
التعليقات
كيفك يا استاذ عبد الوهاب رائع ومبدع كما عودتنا ... ساتطفل على خاطرتك لاقدم شكوى للموقع كان متوقف عندي لمدة اسبوعين تقريبا ولكني لا استطيع ان ادخل الى الصفحة الرئيسية اتمنا ان تحل المشكلة يعني هذا هو الموقع الوحيد الذي ازوره اتمنا ان تعذرني على مثل هكذا مداخلة ورمضان كريم ..