أنا المواطن : اه منك يا ابليس  شغلة ما عم  أفمها  حابب افهمها منك باعتبارك أنت بتعرف كل شيء وحتى عم يضرب فيك المتل (شو صرت متل ابليس)

إبليس: ما هي  هذه الشغلة المدوختك يا أخي المواطن , ابليس تحت أمرك

أنا المواطن : يا أخي أنا موظف متلي  متل جاري هو صار عندوا بيت ملك , وسيارة , وعفش بيت من نوع ممتاز , وأنا حتى الان بيتي مرهون للبنك , وراتبي يا دوب عم  بكفي واللحمة بناكلها مرة واحد في الشهر الله وكيلك, شلون ما عم افهم

إبليس : هذا الامر بسيط جدا  أنت  يا أخي عندك  شويت أفكار ومعتقدات قديمة ورجعيه لازم تطورها , تبدلها , تغيرها  بأفكار عصرية حضارية  وحسب الموضة

1-  يعني الرشوة أسمها هدية يأخي

2-  السرقة أسمها دين مؤقت ترد عندما تتحسن الظروف

3-  النصب والاحتيال أسمه شطارة والقانون لا يحمي المغفلين

انا المواطن : بس هذا حرام سوف نحاسب عليه يوم الحساب وربما ادخل النار بدل الجنة

ابليس : يا أخي أنت وين عايش أنت ما عم تسمع وما عم بتشوف البرامج الدينية التلفزيونية شو عم بتقول

1-  ان الله غفورا رحيم

2-  ان الله لطيف بالعباد

3-  ويدخل الجنه كل من قال لا الله إلا الله

صحيح أنت موظف وأبن حكومة ولكن يا أخي بس أنت رجعي وغير مثقف بثقافة عصرية وحضارية

انا المواطن : يا سيد ابليس يمكن, وأنا هون عم  قول يمكن, وأنا عم اخد الهدية من هل المواطن وإذا بهل المواطن مدعوم وواصل واصل لفوق لفوق يمكن أكلها من أول مرة وتروح علي , واطلع من المولد بلا حمص وأنا لسى بأول الطرق

إبليس: لا لا أنت رحت لبعيد  شوف ما في واحد طلع لفوق بدون رشوة عفوا أقصد هدية وكل واحد واصل لفوق اذا اجى  لعندك بلشغله  , والله بكبر الهدية وهو عم بحطها على الطاولة حتى تحترم أكثر, ومع ذالك أنت مو حابب هذه الشغلة أنا عندي إلك شغلي أحسن  ومجربي وأصحابها صار معن بملايين

انا المواطن : الله وإديك يا سيد ابليس

ابليس : كل يوم جمعة بتصحى بكير وبتسافر الى بلد ما حدى بيعرفك فيها, وبتلبس أحس لبس عندك وبترتب حالك بأحسن مظهر بحيث تظهر عليك النعمة ,  وبتدخل الى أكبر جامع مليان بالمصلين وبتصلي صلاة الجمعة وأثناء خروج المصلين من الصلاة بتوقف  بتنادي بأعلى صوت حرامي يا ناس إنسرقت محفظتي يا خراب بيتي وهويتي اوراقي ومصراتي وتظهر عليك علامات الحزن والغضب . وما بتشوف إلا والمصرات صارات بين ايديك وكل جمعة بتذهب الى بلد, وهاي دقني اذا ما بتصير أغنى من جارك بأقل من سنه .

انا المواطن : يعني يا سيد ابليس حتى صير غني لازم كون اما (حرامي او شحاد)

ابليس : نعم لأنك في بلد عربي , وأنت حر

انا المواطن : (وأنتم شو رأيكم أيهما أحسن حرامي ولا شحاد)

أيهما أختار أرشدوني ؟؟؟؟؟؟

https://www.facebook.com/you.write.syrianews