1 قله: شو دخلني بالحل إذا انا ما كنت اساس بالمشكلة ليش عم بتحملني مسؤولية قصة ما دخلني فيها ؟

انا لا كنت مستفيد و لا متنفع كنت اكل هوا و ساكت وعايش بس وقت المشكلة بصير الحل بإيدي و أنا بمثل كل شيء 

2 قله: ليش بدك تهرب ولوين ؟  انت مانك جزء من المشكلة و لا انا بس الحل نحن جزء منه والمشكلة طالت الكل لأن كان إلها وقت محدد و صار .... و اذا هربت هلأ لوين بدك ترجع بعدين !

1 قله: ومين قلك اني راجع ؟ بدي عيش الله يخليك حل عني ؟ 

2 قله: يعني بتقبل تمضي عمرك عايش متل الخروف ما بهمك الأرض اللي عايش عليها المهم تأكل و تشرب من خيرها وبس 

1 قله: ليش دخلك مو هيك عايشين و شو الفرق اذا كانت ارضي و لا ارض غيري مو المهم عيش و بسلام ، شو عم تعملي هالملكية اساساً ؟ 

 2 قله: شفت كيف فهمتني غلط انا ما قلت ملكية لأن مفهوم الملكية هوي اللي شوه انتمائنا و الفرق كبير ، انتمائك لشيء بجسد حبك إله أما ملكيتك لشيء بجسد تسلطك عليه

 و اكيد رح تقلي شو رح ينفعني هالانتماء اذا ما رح يطعميني و لا يشربني ؟ 

1 قله: طبعاً ..........!

2 قله: رح جاوبك ......انتمائك يمكن متل ما عبتفكر ما بيصنعلك شيء بس لما توقع بمشكلة او ورطة انتمائك بسخرلك اللي حولك ليساعدوك .....لما تحس حالك تعبان بنص الليل  فيك تنام عرصيف من دون ما يؤذوك ......انتمائك هو شيء ما بطعميك بس ما بجوعك  ......انتمائك هو ذكريات نحبست فيك لتعيدها و تضل تتذكرها و يمكن ما تكون سعيدة دايماً بس معبرة و عملت منك شيء وغيرت فيك اشياء ، بالنهاية انت ما عم دافع عن غريب عم بدافع عن حالك عن حلم وعن ذكريات اثرت فيك ......

قلي انه هي الاشياء فيك تلاقيها وين ماكان؟

 قلي انه هالصحبة اللي كونتها ما نستك هالمعاناة؟ 

قلي لو ما كانت تنقطع الكهرباء كنت رح تتعلم لعب الشدة ههه

قلي لو ما كان يقطعك الباص كنت رح تتعلم تلتزم بالوقت و تصحى ع بكير

هاد كله اسمه انتماء علّمنا كتير اشياء و اهم شيء منها نكون اوفياء قد ما بعدنا ، ليش عبتنكر حالك مو هاد انتي ؟

1 قله: مبلا بس انا جواتي حلم ....وبدي عيش بسلام يا أخي

 2 قله: للاسف ياصديقي السلام صفا كابوس مو حلم لأن كل ما نقول سلام منخوض مية حرب و مية هدنة و ما منوصله ..... بقا حاول تخلق سلام تاني جواتك بإنك تعيش الشيء اللي حبيته و تعودت عليه ولو بصعوبة بضل بتحس براحة اكبر ....... هاد الانتماء 

https://www.facebook.com/you.write.syrianews