هادا الوطن إلْنا
ما هُوْ للي
يصبغو بحنهْ
ما هُوْ للي
يزرعو فتنهْ

ما هُوْ للي
يضربو بمنهْ
هادا الوطن
للي يضحي بدمو
وقبل ما يستشهد
يبعت لأمو
يمّي . . .
ع كتر ضعفي وفرحتي
بحنيتك وطيبتك
ع كتر خجلتي من دمعتي
لما تجي سيرتك
ع كتر قهرتي من دنيتي
لُوْ تظني إني
لحظهْ
لُوْ لحظة نسيتك

ما اسْمَحْ
لمخلوق انخلقْ
يكتب لُوْ عالورق
إنّو دخل بيتك
ومسّ شعره من هيبتك

هادا الوطن إلنا
مُو ساكن بس بقلبنا
ولا ساكن بس بعقلنا
هادا الوطنْ إلنا
وما يبقى إلنا
لُوْ ما يسكن بدمنا

هادا الوطن
للي يبني
هادا للوطن
للي يحمي
هادا الوطن
للي ما يتركو
إلّا للكفن
وما يبيعو
قد ما كان الثمن

ولاد الوطن نحنا
من يوم ما خلقنا
ومو همّْ لو متنا
مادام رح يبقى
هادا الوطن إلنا
وما يقدر حدى
يسرقو منّا

https://www.facebook.com/you.write.syrianews