استغلي الوقت لصالحك
عزيزتي، انك تلاقي شغل محترم هي شغلة بدها صبر كتير. هاد الوقت لا تخليه ضايع، اشتغلي على حالك وطوري لغتك الانكليزية وتعلمي كمبيوتر و كملي دراسات اذا بتقدري: هيك متطلبات العصر. وان شاء الله بتلاقي فرصة عمل محترمة. وبدي قول لـ "لوست مان" لو أني واثقة انو زوج المستقبل راح يستتني بترك الشغل هلأ، بس ماعاد في ثقة برجل هذا الزمان يلي بس يصير معه مصاري بيروح يتجوز على مرته.

بنت عادية ... بقلم: فتاة تحترم نفسها
الله كريم !!!!

سوريا
ياخطيتك يعني ما ألك غير تطولي بالك ولا قلك كفي دراسات عليا فشي خلقك فيا بكون أحسنلك من انك تدوري عشغل عالفاضي بسيطة الرب كريم

اسمعي مني
على شو عم تدوري على شغل روحي انتي ووغيرك تستتوا بالبيوت واتركولنا فرصة نلاقي منها ما يسد الرقم لنا ولعيالنا الوحدة منكن عم تبحث عن ذاتها ونحنا عم نبحث عن قوت ولادنا لو انو كل نسوان سوريا راحوا عالبيت وبطلوا بحث عن الذات كان انحلت ازمة البطالة انا ماني عم احكي من القرون الوسطى انا عم احكي من منطلق علمي لانو كل البنات رح يلاقوا اهل يعيشوهون وازواج يستتوهن طبعا انا بحترم كتير المرأة العاملة الي عم تربي ايتام ويجب على صناع القرار يوجدولها عمل مناسب الها وهاي حالات قليلة

كلية محترمة
والله أنت خريجة كلية محترمة يا محلاها قدام كلية الإعلام يلي انضربت على آمتي و تخرجت منها لأنو مافي مين بيطلب إعلاميين جداد كلهن بدهن خبرة لو عاملين 100دورة بدون خبرة مافي شغل ....أو الحل الدائم لجميع الوظائف الفيتامين واو

و الله حاسة فيكي
انا يا اختي الكريمة حالي من حالك..بس بقلك شغلة انو اذا خليت خربت,,و بما انك بنت مرباية و فعلا محترمة نفسك انا متاكدة انك رح تلاقي مين يقدرك و يقدر هالشي اللي عندك لانو في شركات بتحترم حالها و عم تدور عاللي متلك.يمكن تصطدمي بكم مقابلة يكون فيها المدير قليل ذوق بس انا متاكدة انو اللي متلك قدها..و مجالك اوسع مما بتتخيلي..بس ضللك عم تحاولي لاني انا كمان عم مر بنفس المشكلة و رح ضل حاول..

هالدنية خلقت للشاطر
طولي بالك أختي الكريمة مجالك حلو وفيه كتير فرص وشواغر .. ومعك حق انو شغل القطاع الخاص من برا رخام ومن جوا صخام بس بدها طولة بال وانشالله بتفرج .. دوري بالدليل أحسن شي إلا ما الله يجبر بخاطرك

دوري على صاحب النصيب احسن شي او سافري
تحياتي لك. انا بنصحك تدوري على ابن الحلال وترتاحي بقى من هالتعتير ياللي عايشة فيه، بس على فكرة ما حدا بدوا يصدق انوا احيانا العلم بيكون مصيبة على الفتيات وجوازة المومتعلمة اسهل من المتعلمات يللي الناس بتفكرهن شايفين حالهن وما حدا بيقرب عليهن وهادا حكي صحيح لأنوا كل وحدة متعلمة مفكرة حالها شغلة بدها عريس مفصل على قياسها، لا تطلبوا كتير من العريس بيجيكي الف عريس و بتبنوا حياتكم سوا من الصفر هادا احسن حل و اذا بدك انا في عندي عريس ابن حلال اذا بدك ربي يوفقك

احمدي ربك انك بنت
لكان شب شو بدو يعمل بحاله ؟ قدرتوا بعدين كيف الحياة صعبة ؟ وكيف الشب بنحت بالصخر وبموت ألف موتة حتى حضرتكم تشترطوا بالخطبة والزواج والطلبات ؟ يا ريت كل بنت عنا تنزل لسوق العمل مشان تشوف وضع العمل عنا وتشكر ربها انها مالها ملزومة وتخفف طلبات عن هالشباب يلي عايف سماه.

نصيحة بالعمل عن بعد
بما إنك خريجة كلية اقتصاد فمعناتى ممكن تشتغلي كتير أعمال من بيتك، متل التسويق ، الإعلانات ، التصميم ، المحاسبة ، إدخال البيانات ... البيع والشراء عن طريق الإنترنت، وغيرها كتير ، وهيك بتحفظي نفسك وكرامتك ... وجربي ما بتندمي ..

ارجوالقراءة
بدك تتوظفي الا بدك تتجوزي ؟