مساهمات القراء
مقالات
المغترب السوري ومقترح لوزير المغتربين ... بقلم علاء الدين أحمد نحن المغتربين السوريين في جميع أرجاء المعمورة , ليس لدينا أي ضمان حقيقي عند العودة إلى بلادنا دون أن يكون قد حقق المغترب السوري مبلغ مالي كبير قد يضمن له أن يعمل في قطاعه الخاص أو مصلحة بيده في حال عاد بشكل نهائي إلى أرض الوطن.
ومن هنا لدي مقترح أرفعه من خلال سيريانيوز إلى معالي وزير المغتربين والذي هو المسؤول الأول أمام الحكومة عن شؤون المغتربين السوريين حول العالم.
والمقترح هو أن يتم عمل اتفاق معين بين وزارة المغتربين والتأمينات الاجتماعية على إقرار قانون خاص يتيح للمغترب أن يجد راتباً تقاعدياً بعد عودته إلى وطنه في نهاية مطاف غربته الوحشة , وهذا ليس بدون مقابل !! لا على العكس بل من خلال إيجاد الحل المناسب بحيث يقوم المغترب الذي يريد بأن يدفع مبلغ شهري مقطوع للتأمينات من خلال السفارات السورية حول العالم.
وفي حساب خاص لكل مغترب بحيث تكون الدفعة الشهرية هي العامل الأساس في تحديد شروط معينة لدفع الراتب لتقاعدي في المستقبل وعلى سبيل المثال :
فتح حسابات في التأمينات الاجتماعية على الشكل التالي وهي مثال فقط :
1 - دفع شهرياً 10.000 ل.س ولمدة خمس سنوات أو أكثر .. تؤمن راتب تقاعدي 5000 محدد في حال العودة النهائية
2 - دفع شهرياً 20.000 ل.س ولمدة خمس سنوات أو أكثر .. تؤمن راتب تقاعدي 10.000 محدد في حال العودة النهائية .
3 - دفع شهرياً 30.000 ل.س ولمدة خمس سنوات أو أكثر .. تؤمن راتب تقاعدي 15.000 محدد في حال العودة النهائية .
وهكذا أن تكون لدينا آلية معينة لضمان العيش الكريم فيما لو كان الزمان في حقبة معينة ليست بصالح المغترب أو انهار نظام عمل معين في بلد ... والأسباب كثيرة , وفي ذات الوقت الموضوع خيار يقع على عاتق المغترب , فالذي يريد ذلك يكون بإمكانه مراجعة السفارة والتي لديها جميع الترتيبات اللازمة للقيام بذلك , وبضمان وزارة المغتربين والتأمينات الأجتماعية .
وفي ذات الوقت فهي ذات فائدة كبيرة على اقتصاد البلد , فمن الممكن أن يأتي المغترب بعد 20 عام أو 30 أو... وربما لن يعود لا سمح الله , ولكن في النهاية يكون المغترب لديه على الأقل صلة اطمئنان بوطنه الأم , وعدم خوف من العودة بعد ضيق ما , أو حالة طارئة معينة ولا أحد يعلم ماذا يحمل له المستقبل ولكن يبقى الوطن هو بوصلة جميع المغتربين الذين لا يجدون بد من العودة في نهاية المطاف .
أرجو أن يلاقي مقترحي صدى معين من خلال سيريانيوز وإيصاله إلى وزير المغتربين أو التأمينات الأجتماعية , وأنا شخصياً سأكون أول من يقدم على هذه الخطوة .
دمتم بخير وبلدنا عزيز باق .
2010-10-12
التعليقات
احمد شاكر
2010-10-14 09:43:41
مغتربون من اجل الوطن
افكار ومقترحات جيده وحسب تقديري الاجمل ان يصدر مرسوم جمهوري يمنح المغترب السوري في الخليج مثلا ترسيم سيارتو عند العوده النهائيه بعد عشر سنوات اوطنعشر سنه مجانا ما بيستاهل المغترب مكرمه من الوطن
افكار ومقترحات جيده وحسب تقديري الاجمل ان يصدر مرسوم جمهوري يمنح المغترب السوري في الخليج مثلا ترسيم سيارتو عند العوده النهائيه بعد عشر سنوات اوطنعشر سنه مجانا ما بيستاهل المغترب مكرمه من الوطن
السعودية
صبمضي
2010-10-14 07:53:03
باللهي ؟؟؟؟؟؟
هلأ بشرفك يا سيد علاء هي هية مششكلة المغتربين عن سوريا ؟؟؟؟!!؟!؟!!!؟!؟؟!!! لا حول ولا قوة إلا بالله.... يا رجل الناس وييييييييين و انت ويييييييييين.... نيالك إذا كانت هي هية مشكلتك بس... عنجد نيالك
هلأ بشرفك يا سيد علاء هي هية مششكلة المغتربين عن سوريا ؟؟؟؟!!؟!؟!!!؟!؟؟!!! لا حول ولا قوة إلا بالله.... يا رجل الناس وييييييييين و انت ويييييييييين.... نيالك إذا كانت هي هية مشكلتك بس... عنجد نيالك
الإمارات
الحــــــــــالم
2010-10-14 04:51:05
لك أخي انت وين عايش
اذا كنت عايش بالفضاء لازم تعرف الوضع اذا الشباب وهنن بقمة العطاء والقوة عم يستغنوا عنن وعم يخلون يسافروا وعم يشجعون عالسفر فكيف بدك يسهلوا وضع المغتربين مشان يرجعوا وخصوصا بعد ما يكون كبار وأصبح الضرر أكبر وما عادوا يقدروا يفيدوا البلد متل الشباب -
اذا كنت عايش بالفضاء لازم تعرف الوضع اذا الشباب وهنن بقمة العطاء والقوة عم يستغنوا عنن وعم يخلون يسافروا وعم يشجعون عالسفر فكيف بدك يسهلوا وضع المغتربين مشان يرجعوا وخصوصا بعد ما يكون كبار وأصبح الضرر أكبر وما عادوا يقدروا يفيدوا البلد متل الشباب -
سوريا
الباكي على حظو
2010-10-13 17:56:05
انسى سيدي الوزير
بدل الجيش ما عم نقدر نامنو بعد 5 سنين بدكيانا نشحذ اغرب خلف الرزق وهو مشرق واقسم لو شرقت راح يغرب
بدل الجيش ما عم نقدر نامنو بعد 5 سنين بدكيانا نشحذ اغرب خلف الرزق وهو مشرق واقسم لو شرقت راح يغرب
السعودية
طبيبة سورية
2010-10-13 17:17:17
يا جماعة
بصراحة الاقتراح رائع يمكن يحتاج تعديل و حدا خبير يفتي ،بس شبعنا غربة و تعتير. أنا ممن ولدوا بالغربة و الان ألعن اللحظة التي قرر فيها والدي الخروج من الوطن حتى باتت عودتي مستحيلة.ربما هكذا قرر قد يساهم في عودة الكثيرين لأرض الوطن للعيش بأمان. أتمنى أن يجد هذا الاقتراح طريقه لوزير المغتربين.فأنا مازلت مؤمنة بحكومتي تحت قيادة رئيسنا بشار الأسد.أدام الله عزك يا سوريا
بصراحة الاقتراح رائع يمكن يحتاج تعديل و حدا خبير يفتي ،بس شبعنا غربة و تعتير. أنا ممن ولدوا بالغربة و الان ألعن اللحظة التي قرر فيها والدي الخروج من الوطن حتى باتت عودتي مستحيلة.ربما هكذا قرر قد يساهم في عودة الكثيرين لأرض الوطن للعيش بأمان. أتمنى أن يجد هذا الاقتراح طريقه لوزير المغتربين.فأنا مازلت مؤمنة بحكومتي تحت قيادة رئيسنا بشار الأسد.أدام الله عزك يا سوريا
سوريا
manhal
2010-10-13 16:46:50
great
والله لاحظت انو اهم شي بهالطرح انو عاطفي وحنون ويصلح موضوع تعبير او مسلسل درامي قصير اكثر من كونها فكره حل منطقية للمغتربين مثلا :( ربما لن يعود لاسمح الله )والله شي بيخليني ايدك واتفاءل بهالفكرة. ولا العبارة الجذرية في الموضوع: ( ان يكون هناك صلةاطمئنان بالوطن الام ) وكأنو ياجماعة لحتى الواحد يطمئن عالرجعة عبلدو لازم يكون عندو شروط للرجعة او لازم ينزح عالسريع اذا لا سمح الله حس انو مو مطمئن .
والله لاحظت انو اهم شي بهالطرح انو عاطفي وحنون ويصلح موضوع تعبير او مسلسل درامي قصير اكثر من كونها فكره حل منطقية للمغتربين مثلا :( ربما لن يعود لاسمح الله )والله شي بيخليني ايدك واتفاءل بهالفكرة. ولا العبارة الجذرية في الموضوع: ( ان يكون هناك صلةاطمئنان بالوطن الام ) وكأنو ياجماعة لحتى الواحد يطمئن عالرجعة عبلدو لازم يكون عندو شروط للرجعة او لازم ينزح عالسريع اذا لا سمح الله حس انو مو مطمئن .
الكويت
مغترب
2010-10-13 14:55:38
اقتراح أكثر من معقول
و الله هذا اقتراح ممتاز و حضاري.ياريت لو يتم التعامل معه بقليل من الجدية. الاقتراح جميل جداً و منطقي و مفيد للطرفين. تطبيق هذا المقترح سيشجع المغتربين على العورة إلى بلادهم و المعروف أن المغترب عندما يعود سيعود هو و مدخراته المجزية و التي يقوم لاحقاًبضخها في الاقتصاد الوطني (من خلال شراء بيت أو سيارة..الخ) مما يكون أحد أسباب انتعاش الاقتصاد على المدى الطويل ناهيك عن عودة العقول المهاجرة..
و الله هذا اقتراح ممتاز و حضاري.ياريت لو يتم التعامل معه بقليل من الجدية. الاقتراح جميل جداً و منطقي و مفيد للطرفين. تطبيق هذا المقترح سيشجع المغتربين على العورة إلى بلادهم و المعروف أن المغترب عندما يعود سيعود هو و مدخراته المجزية و التي يقوم لاحقاًبضخها في الاقتصاد الوطني (من خلال شراء بيت أو سيارة..الخ) مما يكون أحد أسباب انتعاش الاقتصاد على المدى الطويل ناهيك عن عودة العقول المهاجرة..
سوريا
abo alhareth
2010-10-13 13:33:42
تكرم عيونكم
يا سيدي أنا مستعد... كل مغترب يبعتلي 10000 ليرة شهرياً وبتعهد بس يرجع أعطيه بالشهر 5000 ليرة لحتى يموت -بعيد الشر عن قلبو- وإذا وافقتوا ببعتلكم رقم حسابي... وَلَو تكرم عيونكم...
يا سيدي أنا مستعد... كل مغترب يبعتلي 10000 ليرة شهرياً وبتعهد بس يرجع أعطيه بالشهر 5000 ليرة لحتى يموت -بعيد الشر عن قلبو- وإذا وافقتوا ببعتلكم رقم حسابي... وَلَو تكرم عيونكم...
سوريا
زبال بس بيفهم
2010-10-13 11:08:02
مغترب = مدرّس
حال المغترب ليس أحسن حالاً من المدرس في بلدنا ، كانو يقولو أن المدرس في بلدنا تجوز عليه " الصدقة " واليوم أصبح المغترب أسوأ حالاً وخاصة إذا كان المغترب يعمل لدى " كفيل " يمتص " خيره " على الطالع والنازل مو بس هيك عنده سلسلة من الالتزامات والمحاصرة بالرزق والتنفس والتعليم والشرب والنوم وغيييييييييييييييييره كتير لا تحسدو المغترب فهو " مضروب بحجر كبير " سيقضي عليه يوماص ما
حال المغترب ليس أحسن حالاً من المدرس في بلدنا ، كانو يقولو أن المدرس في بلدنا تجوز عليه " الصدقة " واليوم أصبح المغترب أسوأ حالاً وخاصة إذا كان المغترب يعمل لدى " كفيل " يمتص " خيره " على الطالع والنازل مو بس هيك عنده سلسلة من الالتزامات والمحاصرة بالرزق والتنفس والتعليم والشرب والنوم وغيييييييييييييييييره كتير لا تحسدو المغترب فهو " مضروب بحجر كبير " سيقضي عليه يوماص ما
سوريا
زبال بس بيفهم
2010-10-13 10:59:25
هههههههههههه ثم ههههههههههههههه
والله ضحكت كتير خاصة على مبلغ ال 30,000 ليرة شهريا ، ومين هادا اللي بيتقاضى اصلاً هذا المبلغ أو على القل بيزيد معه متل هيك مبلغ آخر الشهر ، صاحب هذا المبلغ إما " حرامي " أو " حرامي " بس ما تكون التالتة بيني وبينكم بنروح فيها
والله ضحكت كتير خاصة على مبلغ ال 30,000 ليرة شهريا ، ومين هادا اللي بيتقاضى اصلاً هذا المبلغ أو على القل بيزيد معه متل هيك مبلغ آخر الشهر ، صاحب هذا المبلغ إما " حرامي " أو " حرامي " بس ما تكون التالتة بيني وبينكم بنروح فيها
سوريا
مغترب سوري
2010-10-13 10:45:01
لفها
عمي الله يرضى عليك لفها ومو ناقصنا دفع اذا مصرياتك كتار تبرع انت للجمعيات ىالخيرية
عمي الله يرضى عليك لفها ومو ناقصنا دفع اذا مصرياتك كتار تبرع انت للجمعيات ىالخيرية
سوريا
للأسف مغتربة
2010-10-13 09:53:41
اقتراح جميل و لكن.......
بدك الصراحة هاد المقترح جيد ولكن يعز عليي أن أقول و أنا آسفة جداً أنه لم يعد في ثقة بين الحكومة و المواطن ...يعني اذا الحكومة طلعت هيك قرار انا لن أثق بانه سوف يتم التامين علي لاحقاً عندما أعود... أنا أفضل ان أضع في حسابي التوفير كل شهر مبلغ معين و عندما اعود سأجد هذا المبلغ أمامي و أنا على ثقة تماماً انني مؤمَنة وبدون مشاكل..
بدك الصراحة هاد المقترح جيد ولكن يعز عليي أن أقول و أنا آسفة جداً أنه لم يعد في ثقة بين الحكومة و المواطن ...يعني اذا الحكومة طلعت هيك قرار انا لن أثق بانه سوف يتم التامين علي لاحقاً عندما أعود... أنا أفضل ان أضع في حسابي التوفير كل شهر مبلغ معين و عندما اعود سأجد هذا المبلغ أمامي و أنا على ثقة تماماً انني مؤمَنة وبدون مشاكل..
سوريا
مغترب كمان
2010-10-13 09:53:04
اقتراح
أظن أن التأمينات الاجتماعية قد أوجدت هذا الحل فعلاُ. ولكن كما أشار بعض المعلقين أن المبالغ المقترحة غير مقبولة ، وهنا أزيد على اقتراح الاخ الفاضل: 1- أن يكون الراتب التقاعدي متناسبا مع الدفعات زيادة ونقصاناً. يعني الذي يدفع مبلغ 10 آلاف شهري يحصل على راتب تقاعدي ضعف الذي يدفع 5 آلاف بنفس المدة. 2- تأسيس شركة مساهمة (بناء مساكن) تكون للمغتربين وتعود أرباحها عليهم. 3- تفعيل دور البنوك الاسلامية التي تقوم تقاسم الارباح (مضاربة) واستغال الموجودات الضخمة التي تملكها.
أظن أن التأمينات الاجتماعية قد أوجدت هذا الحل فعلاُ. ولكن كما أشار بعض المعلقين أن المبالغ المقترحة غير مقبولة ، وهنا أزيد على اقتراح الاخ الفاضل: 1- أن يكون الراتب التقاعدي متناسبا مع الدفعات زيادة ونقصاناً. يعني الذي يدفع مبلغ 10 آلاف شهري يحصل على راتب تقاعدي ضعف الذي يدفع 5 آلاف بنفس المدة. 2- تأسيس شركة مساهمة (بناء مساكن) تكون للمغتربين وتعود أرباحها عليهم. 3- تفعيل دور البنوك الاسلامية التي تقوم تقاسم الارباح (مضاربة) واستغال الموجودات الضخمة التي تملكها.
سوريا
خالد الحمصي
2010-10-13 09:12:49
عودة الإبن التائه
يرجى العلم بان وزارة المغتربين من تاسيسها الى اليوم لم نسمع عنها شيئ الا سفر الوزير لحضور احتفالات، يجب العلم بان المواطن السوري قام بدفع الضرائب المترتبة عليه وهو مغترب الآن ماذا استفاد منها؟ و في طور الأزمة المالية العالمية كثير من المواطنين السوريين فقدو اعمالهم ولديهم ممتلكات شخصية ومتعلقات ونقول ليس عليها التزامات مالية لماذا الحكومة لم تتحدث عن عودة المغتربين والسماح لهم بإدخال مقتنياتهم مع سيارة الشخصة دون جمارك مع فترة من 3-5 سنوات بان يتم تجديد الترخيص دون ترخيص لسيارة واحدة عائلية فقط.
يرجى العلم بان وزارة المغتربين من تاسيسها الى اليوم لم نسمع عنها شيئ الا سفر الوزير لحضور احتفالات، يجب العلم بان المواطن السوري قام بدفع الضرائب المترتبة عليه وهو مغترب الآن ماذا استفاد منها؟ و في طور الأزمة المالية العالمية كثير من المواطنين السوريين فقدو اعمالهم ولديهم ممتلكات شخصية ومتعلقات ونقول ليس عليها التزامات مالية لماذا الحكومة لم تتحدث عن عودة المغتربين والسماح لهم بإدخال مقتنياتهم مع سيارة الشخصة دون جمارك مع فترة من 3-5 سنوات بان يتم تجديد الترخيص دون ترخيص لسيارة واحدة عائلية فقط.
سوريا
ســـــــامر
2010-10-13 08:47:15
خـوود وعطـــي
أخــي الـدولـــه عنــا بتــاخد ما بتعــطي ,,,,فهمــووها بأأأأأ.
أخــي الـدولـــه عنــا بتــاخد ما بتعــطي ,,,,فهمــووها بأأأأأ.
سوريا
nabil
2010-10-13 08:30:13
okey
مع الاشارة الى استفادة الزوجة او احد الابناء من معاش التامينات في حالة الوفاة
مع الاشارة الى استفادة الزوجة او احد الابناء من معاش التامينات في حالة الوفاة
سوريا
mekan
2010-10-13 08:25:02
حسبة صغيرة
اخي الكريم شكر على مجهودك من وجهة نظري لو وفرت كل شهر 30000 ل.س لحالي معناتها كل سنة 360000 يعني في خمس سنوات 1800000 طيب و الله انا هالمبلغ بضل عم اكل و اشرب منو و انا متهني بس يا ترى 15000 ل.س بعد خمس سنوات كم رح يكون قيمتها يعني اديش رح تكفي لاخر الشهر 3 تيام!!!
اخي الكريم شكر على مجهودك من وجهة نظري لو وفرت كل شهر 30000 ل.س لحالي معناتها كل سنة 360000 يعني في خمس سنوات 1800000 طيب و الله انا هالمبلغ بضل عم اكل و اشرب منو و انا متهني بس يا ترى 15000 ل.س بعد خمس سنوات كم رح يكون قيمتها يعني اديش رح تكفي لاخر الشهر 3 تيام!!!
سوريا
eng.ahmed
2010-10-13 08:17:29
الى علاء الدين أحمد الكاتب
انا ادفع 30 الف ليره ل خمس سنين يعني مثلا يعني 1800000 وبعدين شو؟ رح اخد كل شهر 15 الف ليره يعني خلال بس بس 10 سنين لاسترد المبلغ حبيبي وفر الحسابات لحالك شو نسيت رسوم مغتربين هي مين بدو يعوضنا عنها؟ انا بدل ما ادفع 30 الف كل شهر بروح بحطها حق بيت بسوريا وبس فكر ارجع هي ازا رجعت بأجر البيت وباكل من حلالثي وروح اكتبلك شي مقال محرز وبلائم العقل ..تقبل مروري
انا ادفع 30 الف ليره ل خمس سنين يعني مثلا يعني 1800000 وبعدين شو؟ رح اخد كل شهر 15 الف ليره يعني خلال بس بس 10 سنين لاسترد المبلغ حبيبي وفر الحسابات لحالك شو نسيت رسوم مغتربين هي مين بدو يعوضنا عنها؟ انا بدل ما ادفع 30 الف كل شهر بروح بحطها حق بيت بسوريا وبس فكر ارجع هي ازا رجعت بأجر البيت وباكل من حلالثي وروح اكتبلك شي مقال محرز وبلائم العقل ..تقبل مروري
الإمارات
محمد
2010-10-13 07:11:46
تأمين تقاعد
الشكر الجزيل لصاحب الفكره كونه أثبت أنه مازال هنالك خير في السوريين الفكر مطبقه في كثير من شركات التأمين العالميه عندما تقوم بها الحكومه السوريه بموجب قانون نافذ هذا سيشجع السوري على الاشتراك بالبرنامج المهم الآن السرعه في الدراسه و التنفيذ
الشكر الجزيل لصاحب الفكره كونه أثبت أنه مازال هنالك خير في السوريين الفكر مطبقه في كثير من شركات التأمين العالميه عندما تقوم بها الحكومه السوريه بموجب قانون نافذ هذا سيشجع السوري على الاشتراك بالبرنامج المهم الآن السرعه في الدراسه و التنفيذ
سوريا
المغترب الحزين
2010-10-13 05:48:28
اقتراح مثالي تكملة
يحق للمغترب الدفع لخمس سنوات قادمة ولا يحق لة الاستفادة من الراتب التقاعدي الا بعد مرور 12 سنة من بداية التوظيف او اختيارة الدرجة الوظيفية ويحق لة تعديل الدرجة الوظيفية الى درجة اعلى ولا يحق لة الاختيار الى درجة ادنى مع دفع الفرق للسنوات السابقة ويسمى هذا الصندوق ( صندوق تقاعد المغتربين ) يتم تشكيل لجنة بكل المحافظات ويودع المبلغ بالنك الوطني تحت حماية الدولة ممثلة بوزارة المغتربين الاوراق المطلوبة عقد الزواج - وثيقة اغتراب - دفتر العائلة - البطاقة الوطنية والله ولي التوفيق شكرا لكم
يحق للمغترب الدفع لخمس سنوات قادمة ولا يحق لة الاستفادة من الراتب التقاعدي الا بعد مرور 12 سنة من بداية التوظيف او اختيارة الدرجة الوظيفية ويحق لة تعديل الدرجة الوظيفية الى درجة اعلى ولا يحق لة الاختيار الى درجة ادنى مع دفع الفرق للسنوات السابقة ويسمى هذا الصندوق ( صندوق تقاعد المغتربين ) يتم تشكيل لجنة بكل المحافظات ويودع المبلغ بالنك الوطني تحت حماية الدولة ممثلة بوزارة المغتربين الاوراق المطلوبة عقد الزواج - وثيقة اغتراب - دفتر العائلة - البطاقة الوطنية والله ولي التوفيق شكرا لكم
سوريا
المغترب الحزين
2010-10-13 05:41:46
اقتراح مثالي
شكرا لك اخي لكن لو اقتتطع من المغترب حسب الدرجة الوظيفية التي يختارها مثلا معلم اول مثبت ويفتطع من المغترب بقدر مايقتطع من المعلم وبنفس المدة التقاعدية مثلا 25 سنة ويعطى نفس الراتب التثاعدي ويعامل بنفس الدرجة الوظيفية بحالة الوفاة للزوجة والابناء القاصرين ويحق للمغترب أختيار الدرجة الوظيفية بدون النظر الى تحصيلة العلمي مثلا يختار مهندس يتم الاقتطاع من كما من المهندس الموظف لدى الدولة في بداية الاقتطاع تختلف عن السنوات المتقدمة ويحق للمغترب الدفع سنويا ويحق له دفع خمس سنوات دفعة ,,,,, يتبع
شكرا لك اخي لكن لو اقتتطع من المغترب حسب الدرجة الوظيفية التي يختارها مثلا معلم اول مثبت ويفتطع من المغترب بقدر مايقتطع من المعلم وبنفس المدة التقاعدية مثلا 25 سنة ويعطى نفس الراتب التثاعدي ويعامل بنفس الدرجة الوظيفية بحالة الوفاة للزوجة والابناء القاصرين ويحق للمغترب أختيار الدرجة الوظيفية بدون النظر الى تحصيلة العلمي مثلا يختار مهندس يتم الاقتطاع من كما من المهندس الموظف لدى الدولة في بداية الاقتطاع تختلف عن السنوات المتقدمة ويحق للمغترب الدفع سنويا ويحق له دفع خمس سنوات دفعة ,,,,, يتبع
سوريا
شرق وغرب
2010-10-13 03:21:54
ليش وجع هالراس
هلأ الفكرة من حيث المبدأ كتير مهمة بحياة أي شخص مغترب وغير مغترب بكل بساطة ياشباب يشتري الواحد مايسمى "خطة تقاعد" من اي بنك أو شركة تأمين محلية أو عالمية ويفصل الخطة والدفعات والمبلغ المسترد عند التقاعد على كيفو وهذا النظام معمول في بشكل واسع في العالم وبدون انتظار كرم القطاع العام.
هلأ الفكرة من حيث المبدأ كتير مهمة بحياة أي شخص مغترب وغير مغترب بكل بساطة ياشباب يشتري الواحد مايسمى "خطة تقاعد" من اي بنك أو شركة تأمين محلية أو عالمية ويفصل الخطة والدفعات والمبلغ المسترد عند التقاعد على كيفو وهذا النظام معمول في بشكل واسع في العالم وبدون انتظار كرم القطاع العام.
قطر
جمال الجاموس
2010-10-13 02:11:37
إقتراح
نرجو من وزير المغتربين النظر بهذا المقترح والمبلغ المذكور كثير جدا يجب أن يكون رمزي يكفينا غربتنا
نرجو من وزير المغتربين النظر بهذا المقترح والمبلغ المذكور كثير جدا يجب أن يكون رمزي يكفينا غربتنا
سوريا
Ali
2010-10-13 02:04:43
Excellent suggestion
Excellent suggestion but the details has to be discussed. I support the idea, thank you.
Excellent suggestion but the details has to be discussed. I support the idea, thank you.
كندا
سوريا يا حبيبتي
2010-10-13 00:43:09
شو عم تحكي ...هس
مشان الله سكوت قبل ما حدا يسمعك
مشان الله سكوت قبل ما حدا يسمعك
سوريا
م.إسماعيل عنجريني
2010-10-13 00:37:01
مقترح جدير بالدراسة
حقيقة اقتراح جدير بالدراسة من قبل وزارة المغتربين وهو في النهاية دخل في خزينة الدولة وكأن المغترب يضع في حسابه في سوريا مبلغاً من المال يستفيد منه في حال عودته بعد عمر معين, طبعاً في حال أنه عاد على قدميه :)
حقيقة اقتراح جدير بالدراسة من قبل وزارة المغتربين وهو في النهاية دخل في خزينة الدولة وكأن المغترب يضع في حسابه في سوريا مبلغاً من المال يستفيد منه في حال عودته بعد عمر معين, طبعاً في حال أنه عاد على قدميه :)
السعودية
مغترب تاني
2010-10-13 00:26:01
نظرية فاشلة
يعني أنا عمري 43 سنة. بدي لصير بسن التقاعد 20 سنة. هذا يؤدي إلى أن مجموع ما سأدفعه 20*12*30000 وهذا يساوي شي سبعة مليون ليرة منشان احصل على 15000 الف ليرة ما بتطعميني بهداك الوقت ملفوف. عندك غير هالخلطة استاذ؟
يعني أنا عمري 43 سنة. بدي لصير بسن التقاعد 20 سنة. هذا يؤدي إلى أن مجموع ما سأدفعه 20*12*30000 وهذا يساوي شي سبعة مليون ليرة منشان احصل على 15000 الف ليرة ما بتطعميني بهداك الوقت ملفوف. عندك غير هالخلطة استاذ؟
سوريا
مجد محمد سعيد
2010-10-12 22:18:25
صح لسانك
اشكرك ياأخي علاءعلى هذا المقال والإقتراح. فكل من يسمع بكلمة مغترب يتخيل مغارة علي باباولايعرف بأن الكثير الكثير منهم لايجدون مايسدون به رمق اولادهم اويسدون اجرة المنزل المستأجرويلعنون ساعة مغادرة بلدهم الحبيب. اشكرك مرة اخرى واتمنى الاذن الصاغية المسؤولة والتي يناقش اصحابها هذا الموضوع المهم جداوالذي يمثل شريحة كبيرة من المغتربين
اشكرك ياأخي علاءعلى هذا المقال والإقتراح. فكل من يسمع بكلمة مغترب يتخيل مغارة علي باباولايعرف بأن الكثير الكثير منهم لايجدون مايسدون به رمق اولادهم اويسدون اجرة المنزل المستأجرويلعنون ساعة مغادرة بلدهم الحبيب. اشكرك مرة اخرى واتمنى الاذن الصاغية المسؤولة والتي يناقش اصحابها هذا الموضوع المهم جداوالذي يمثل شريحة كبيرة من المغتربين
السعودية
طبيبة سورية
2010-10-12 22:04:23
أؤيد أقتراحك
فعلا ،ليس جميع المغتربين في الخارج بأولئك القادرين على تـأمين تلك المبالغ الطائلة للعودة و العيش بستر في بلدنا الأم... هذا ما خلق أجيال ثانية و ثالثة محتجزة في بلاد الغربة تبحث عن كنوز سليمان تمهيدا للعودة للوطن.. أرجو أن يصل اقتراحك للمسؤولين .أعتقد أن هذا الاقتراح سيقدم انجاز واضح لوجود وزير للمغتربين الذي لا أعلم إلى الان ما وظيفته
فعلا ،ليس جميع المغتربين في الخارج بأولئك القادرين على تـأمين تلك المبالغ الطائلة للعودة و العيش بستر في بلدنا الأم... هذا ما خلق أجيال ثانية و ثالثة محتجزة في بلاد الغربة تبحث عن كنوز سليمان تمهيدا للعودة للوطن.. أرجو أن يصل اقتراحك للمسؤولين .أعتقد أن هذا الاقتراح سيقدم انجاز واضح لوجود وزير للمغتربين الذي لا أعلم إلى الان ما وظيفته
سوريا
إياد
2010-10-12 21:51:40
مغترب وبدو تقاعد
العلاقة بين الدولة والمواطن هي علاقة مصلحة مثل الشركة والموظف. لماذا تظن بأن الدولة لها أي رغبة (مصلحة) باستقبالك عندما تعود بسن التقاعد؟ مشان سواد عيونك. مع العلم، أنا مو كتير مع الرجعة على البلد بأي حال من الأحوال بوضع مادي تعيس. بس ما تتخيل إنك مفضل على الدولة كتير إذا رحت أو إذا رجعت. مصيبتنا أكبر من هيك بكتير.
العلاقة بين الدولة والمواطن هي علاقة مصلحة مثل الشركة والموظف. لماذا تظن بأن الدولة لها أي رغبة (مصلحة) باستقبالك عندما تعود بسن التقاعد؟ مشان سواد عيونك. مع العلم، أنا مو كتير مع الرجعة على البلد بأي حال من الأحوال بوضع مادي تعيس. بس ما تتخيل إنك مفضل على الدولة كتير إذا رحت أو إذا رجعت. مصيبتنا أكبر من هيك بكتير.
سوريا
Nadim Al-Sadat
2010-10-12 21:05:23
Good idea.
Good idea
Good idea
الولايات المتحدة
ابو داني
2010-10-12 20:45:35
على الدنيا السلام
يا مغترب يا حبيبي يا فهمان - شو طلع من ضريبة المغتربين الى تم قرطها بدون مبرر سابقا و تم الغائها وين راحت و شو استفاد منها المغترب ؟ ما في غير شوية تجار جابوا سيارات و قرطوا المبالغ بشكل وهمي و المغترب لم يستفد انت يا حبيبي عم تفتح باب احتيال جديد - اصلا انت ببلد الاغتراب الاجنبي مطبق هذا الشي و ما بحاجة لهيك اقتراح بس شكلك بش بلد خليجي و ما عندي اي ضمان - لهيك لا تقترح و لا تفتح ابواب مسكرة على الناس - ما صدقنا على الله انهم لغوا ضريبة المغترب - الله يرضى عليك ريح بالك و لا تحكي هيك
يا مغترب يا حبيبي يا فهمان - شو طلع من ضريبة المغتربين الى تم قرطها بدون مبرر سابقا و تم الغائها وين راحت و شو استفاد منها المغترب ؟ ما في غير شوية تجار جابوا سيارات و قرطوا المبالغ بشكل وهمي و المغترب لم يستفد انت يا حبيبي عم تفتح باب احتيال جديد - اصلا انت ببلد الاغتراب الاجنبي مطبق هذا الشي و ما بحاجة لهيك اقتراح بس شكلك بش بلد خليجي و ما عندي اي ضمان - لهيك لا تقترح و لا تفتح ابواب مسكرة على الناس - ما صدقنا على الله انهم لغوا ضريبة المغترب - الله يرضى عليك ريح بالك و لا تحكي هيك
سوريا
مغترب
2010-10-12 20:29:50
كلام منطقي
فكرتك مزبوطة وانشالله تتطبق لانو مطلوبة وضمان للمغترب بس يرجع ... يا ريت يتحاسب الموظفين المرتشين بالسفارات السورية برا ..لانو شي مبكي انو يلهفو منا نحنا ولاد البلد المغتربين اللي طلعنا لنجيب لقمتنا بعرقنا
فكرتك مزبوطة وانشالله تتطبق لانو مطلوبة وضمان للمغترب بس يرجع ... يا ريت يتحاسب الموظفين المرتشين بالسفارات السورية برا ..لانو شي مبكي انو يلهفو منا نحنا ولاد البلد المغتربين اللي طلعنا لنجيب لقمتنا بعرقنا
سوريا
ابو رائد
2010-10-12 20:15:03
تقاعد
لك ياعمي اي ضمان بدك ياه شو ماجيت ولامرة اجازة ةشفت الضحك والمسخرة عالحدود كيف الموضفين شاطرين بسحب المصاري يعني كل واحد فين ببيع بلدو كلا بشوية مصاري ال تأمين ال شو وين لحنا بألمانيا.هاي اذا ما اخدو ضرايب عليهم ليش مابتعرف العادي هون اذا الك مصاري مع الحكومة بتموت ومابتاخدن انا ماعم احكي من فراغ تأمين خط الانترنت تبع المقهى لهلأ ما اخدتن صرلي شي 9شهور مسكر المقهى هدول يلي بدك تدفعن كل شهر حطن بشي جمعية سكنية احسن وخلي الشقة تطلع بعد شي 40 سنة هاد هوي التقاعد تحياتي للجميع
لك ياعمي اي ضمان بدك ياه شو ماجيت ولامرة اجازة ةشفت الضحك والمسخرة عالحدود كيف الموضفين شاطرين بسحب المصاري يعني كل واحد فين ببيع بلدو كلا بشوية مصاري ال تأمين ال شو وين لحنا بألمانيا.هاي اذا ما اخدو ضرايب عليهم ليش مابتعرف العادي هون اذا الك مصاري مع الحكومة بتموت ومابتاخدن انا ماعم احكي من فراغ تأمين خط الانترنت تبع المقهى لهلأ ما اخدتن صرلي شي 9شهور مسكر المقهى هدول يلي بدك تدفعن كل شهر حطن بشي جمعية سكنية احسن وخلي الشقة تطلع بعد شي 40 سنة هاد هوي التقاعد تحياتي للجميع
سوريا
قطر الندى
2010-10-12 19:46:06
متفائل كتير
اخ علاء اظن بان اقتراحك غير واقعي ابدا وحضرتك تقول ان دفع 10000 شهريا لمدة تفوق الخمس سنوات سيحظى براتب 5000 حين العودة ما سالت حالك شو رح تكفي هال5000 ليرة ولا مفكرا متل ال5000 يورو رح يعيش منا مرتاح ومرفه ارجو ان تكون واقعيا حتى ال15000 لن تكفيه 5 ايام مو شهر يخز العين عنك كان لازم يعينوك مستشار لوزير المغتربين
اخ علاء اظن بان اقتراحك غير واقعي ابدا وحضرتك تقول ان دفع 10000 شهريا لمدة تفوق الخمس سنوات سيحظى براتب 5000 حين العودة ما سالت حالك شو رح تكفي هال5000 ليرة ولا مفكرا متل ال5000 يورو رح يعيش منا مرتاح ومرفه ارجو ان تكون واقعيا حتى ال15000 لن تكفيه 5 ايام مو شهر يخز العين عنك كان لازم يعينوك مستشار لوزير المغتربين
سوريا
أمين
2010-10-12 19:17:58
أكيد سمعوك
يا رجل ألله يخليك حاجة مقترحات..والله هذا المقترح أنا سمعته انا بسوريا قبل ما أصير مغترب منذ عشر سنوات.. يعني بالله عليك مين بدو يسمع او يوخذ برأينا ..نحن المغتربين صرنا بالنسبة للوطن بقرة حلوب ما بشوف إلا الضرايب عم بتزيد علينا و لما بدك تشتري محل او شقة سكنية لازم تشتغل عشر سنين حتى تحصل ثمن غرفة بمكان محترم؟؟ أرجو منك لا تقترح و لا تعذب حالك لانه ما في حدا رح يسمعك .. ولك مني و لوطني الغالي السلام و المحبة
يا رجل ألله يخليك حاجة مقترحات..والله هذا المقترح أنا سمعته انا بسوريا قبل ما أصير مغترب منذ عشر سنوات.. يعني بالله عليك مين بدو يسمع او يوخذ برأينا ..نحن المغتربين صرنا بالنسبة للوطن بقرة حلوب ما بشوف إلا الضرايب عم بتزيد علينا و لما بدك تشتري محل او شقة سكنية لازم تشتغل عشر سنين حتى تحصل ثمن غرفة بمكان محترم؟؟ أرجو منك لا تقترح و لا تعذب حالك لانه ما في حدا رح يسمعك .. ولك مني و لوطني الغالي السلام و المحبة
سوريا
ابن سورية
2010-10-12 18:54:08
حلم جميل
اوقظوه انه يحلم ياريت يتحقق
اوقظوه انه يحلم ياريت يتحقق
الكويت
انا برايي انو الاقتراح كتير حلو .. و ممكن يكون اختياري ,,, ,, بس السؤال انو هي وزارة المغتربين ليش ... شو الغرض منها انا ما فهمت ؟؟؟