مساهمات القراء
شعر
يا هالوطن .. بابا بعد ما مات... بقلم : عامر نصري خرمةخايف ما شوفك
وخايف اكتر ما ارجع
ما بعرف كيف
حاسس كانو الليلة بدنا نتودع
ولك اه ياعمر
عم ينسرق مني
اه يا طريق الشوق
الناطر ليحملني
خليني شوفك
قبل ما انسرق سرقة
خليني اشبع
قبل ما اشبع من الاه والحرقة
انا رايح وتارك معك روحي
رح تبقى معك بتونسك
وين ما كنتي ووين ما بتروحي
لو ما رجعت يا صغيرة عالدمعات
قلولي للموت
بابا شهيد
بابا بعد ما مات
لو ما رجعت
ووصلك خبر موتي
افتحي شبابيك الوطن
ليلعبو النسمات
ولما الريح بتهدر على التلاّت
رح تسمعي بالريح صرخة شهيد
رح تسمعي صوتي
افرحي ولك بنتي افرحي
وابتسمي للصرخات
وانطري الغيم اللي مارء
وانطري ضحك المطر
ع شفاف ها لطرقات
ورتلي من المصحف المكتوب
رتلي هالايات
وتذكري وتأكدي وقولي
يا هالوطن
بابا بعد ما مات
2011-01-10
التعليقات
كلمات فيها حس دافء فيها وجع فيها حزن وفيها بصيص أمل يعطيك العافية