أيا عماه
يشرفني
أمد يدي
لكي أحظى بكريمتكمْ
وأن تعطوننا وعداً
أتينا الله داعينا
فإن وافقت يا عماه
دعنا نفصل المهرَ
وخير البرِّ عاجله
ونحن البرَّ راجينا
فقال:ـ
أيا ولدي
لنا الشرف
فنعم الأهل من رباك
ونعم العلم في يمناك
وإن العلم يغنينا
وأما المهر يا ولدي
فلا تسأل
لأنا نشتري رجلاً
وليس المال يعنينا
ولكن هكذا العرف
وإن العرف يا ولداه
يحميكم ويحمينا
فمليون مقدمها ـ
وأربعة مؤخرها
وضع في البنك
للتأمين عشرينا
وبيت باسم ابنتنا
وملبوس على البدن
من الفستان للكفن
و"مورانو" وان صعبت
فإن "البيجو" تكفينا
وأما العرس يا ولدي
ففي "الشيراتون"
فشأن صغيرتي شأن
سعادٍ بنت خالتهاـ
وهندٍ بنت عمتهاـ
وشيريناـ
فإن وافقت
قلنا بارك الله
وقال الكل
آمينا
فقلت له :ـ
أيا عماه خللها
وضعها فوق رف البيت زيتونا
فلو بيديّ ربع المهر
كنت اليوم قارونا
أيا عماه
أنا رجل بسيط في موارده
ودخلي بضع آلاف
وزادي مثل كل الناس
أقول الحمد لله
خالقنا وبارئنا وساترنا وكافينا
أيا عماه
أنا رجل أحب بكل إحساسي
وقلبي ليس من ذهب
ترى ان كان من ذهب
أكان الحب يأتينا
ترى هل يشعر الإنسان
حين يكون خافقه
من الألماس معجونا
أيا عماه
لماذا صارت الدنيا
طريدَتنا
وقد كانت بأيدينا
لماذا نحن أصنام
وكيف يحاور الإنسان
حين يصير جبصينا
خلقنا نحن من روح ومن طين
نسينا روحنا حتى
غدت في جسمنا طينا
لماذا في مدينتنا
يعيش المرء للعادات مسجونا
وكيف يفكر الأنسان
حين يكون مسجونا
تطورنا
وعدنا في تخلفنا
لوقت كانت الأنثى
تباع كأنها عقد
فنخّاس ينادي هذه بكر
وآخر هذه أحلى
وثالث هذه اطول
يعود التاجر الميسور منزله
وفي يده اشترى امرأة
وفروجاً وليمونا ||الفروج هو الدجاج
لماذا صارت الأنثى
تساوم في أنوثتها
فتعطو ها
لمن ترضونه مالاً
وقال الله من ترضونه دينا
أيا عماه
عفواً إن تماديت
ولكني عزفت الآن عن طلبي
فلو كان الزواج بعصرنا عقلا
سأمضي العمر مجنونا
يا أخي يلي هيك عم يقولولك عم يكونوا ناس انت أخطأت بأنك دقيت بابهم.. أنا بعرف بنت حلوة وفهمانة وطيوبة وذكية ودارسة وعندها شغل وأهلها كتير فهمانين وبيقولوا أنو اذا اجا شب منيح لبنتهم رح يقولوله ع ذوقك المهم يكون شب محترم وبيخاف رب العالمين.. مع ذلك صار عمر البنت 26 ولهلأ ما حدا طلبها لحتى يحكوا بالمهر.. ليش؟ لأنو الشباب كتير أذكياء
بالفعل أنا مع كلام الست سوزان بكل كلمة يسلم تمك فشيتيلي قلبي كنت من فترة عم جهز مشاركة لذيذة لإرسالها تتعلق بالفتاة وما تعانيه عند استقبال الخطابين بس قلت يالله بلاها هلأ بتبلش اتهامات الشباب مع انو في أوقات بتعاني البنت من فزلكة الخطابين أكتر من معانات الشباب من الطلبات المادية
فعلا في ناس كتير بتفكر بنفس الطريقة وأنو المال هو الضمان ....بس مو دايما الاغلبية بتكون على حق ....أتمنى للكاتب التوفيق
والله تمام التمام نفس اصتي بس تعليقا علانسة سوزان اي حاسس حالي عم اشتري سيارة انشالله البنت يلي بدا تتجوز واحد زنكيل يطلع ملعب لتحس بحب الشب
اللي بفهمو انو الرجال مظلومين و عم يتعرضو للإستغلال من البنات و أهلهم أكيد وقت بتكون الkey wordتبعك خطأ نتيجة بحثك راح تكون خطأ
الله يسلم هالإيدين اللي كتبت و العقل اللي فكر و ابدع هالكلام و الله فشر كل مين مسك قلم و حاول يكتب شي عن هالموضوع و التحيات
والله لو عم تحكي مع الحيطان كانت حست وفهمت وتعاملت مع المشكلة بس للأسف عم تحكي مع ناس عقلها وقلبها متل حجر الصوان وعدم فهم وقلة ايمان ووعي وهم يدعون التدين أو على الأقل معرفة الحق أو الله و الصح أو الخطأ وهم لا يرون الا المال ولا شيء سواه حتى بناتهم يبيعونهم كالخراف والجواري وهن مثل الصوص لا بهشو ولا بنشو وبقولوا متل ما بدن أهلنا,,وهيدا كلام غير مسؤول من الفتاة فلو أنها ليست مادية مثل أهلها لقالت غير هذا الكلام,ولو أننا نرى فتياتنا جميلات كما يعتقدون لدفعنا الغالي والرخيص ولكن هيهات كل وحدةفايتة
thanx
أنا فيني اتزوج وقت بدي والحمد الله حالتي الماديه ممتازه بس ما رح اتزوج غير على كيفي انا وشروطي أنا واللي ما عجبو يخلي بنتو عندو لأنو انا رايح اتزوج مو اشتري سياره..وبالتوفيق للجميع
it is a very good poetry congratulatio you are an excellent poet
ماشاء الله جميل جداً الله يعطيك العافية
و لك آآآآآآآآآآآآه عاللي بتتجوز متل ما بدك و الله تعيش ملومة و مذمومة و اللي بيقول ليك وين رمت حالها و بتشوف ان اللي تجوزت رجل اغنى صارت هي صاحبقة القدر و القيمة و هي كل شهاداتها مالها قيمة بلا زوج ميسور هي من الاهل اما بيت الاحما شو ما اشترت هي بدها تقلد خواتا و عماتا هي ما بتقدر ابننا و ما بيقولو انو لو ما رحمة ربي على ابنهون ما كان بميت سنة تجوزها اذا مرضو او مرضو اولادهون بيبلشوا شحادة من هاد و هاد و ما حدا بيشيل كسرتهون و العيش على المبادئ هالايام صار جلد و تعذيب العمر كلو بس النا الله
إن بنت من أفضل البنات، يمكن أن تعاني في مرحلة معينة بسبب مادية الذكور الباحثين عن الشكل قبل المضمون، ولكن بالتأكيد الدنيا لا تخلو من أولاد الحلال، وبصراحة، نحن لا نتعاطف معكم، ولا نشعر بكم، عندما تتحدثون عن غلاء المهور، لأنكم تملكون حرية البحث والاختيار، ومعانتكم تتلخص في أنكم ذهبتم بكامل إرادتكم إلى سوق النخاسة لتشتروا الجارية الأجمل، وترفضون قبول حقيقة أنه من يذهب إلى السوق عليه أن يخضع لقوانين السوق.
عندي صديقة قمة في اللطف والذوق، من عائلة محترمة، الذكاء يشع من عينيها، لمّاحة ومتزنة ودمها خفيف، وعندها إذن موسيقية نادرة، وهي من الأوائل على كلية الطب، تخصصت في طب الأطفال، وفتحت عيادة امتلأت بالأطفال وأهاليهم، وفي أحد الأيام، بعد أن فرغت من المرضى، أغلقت باب عيادتها، وجلست تبكي، لأنها تتقدم في السن ولم يتقدم لخطبتها شخص مناسب، فقط لأنها قصيرة قليلاً، ولكن الحمد لله هي الآن متزوجة وعندها أطفال، الله يحميهم.
ياتي أستاذ عبد الرحمن، فعلاً حضرتك مبدع، أتمنى لو كان عندي أسلوبك الشاعري، لكنت كتبت قصيدة عن القصة التي تظهر الوجه الآخر للمادية، المادية كما نراها نحن ليست في غلاء المهور، المادية الحقيقية هي تلك المعشعشة في عقول الذكور، الباحثين قطعاً وحصراً عن العروس الحلوة، عن البنت إللي بتطلق دكتور وبتتزوج دكتور، لأني بعدها ما حدا يلبس الجنز، على حد قول واحدة من معارفي، بدلت ثلاث أزواج معتمدة على جمال سيقانها.
بالصدفة قرأيت القصيدة وما شاء الله خفة دم مع وصف دقيق للواقع .. شكرا للكاتب وانشالله دايما هيك ... عم احكي عن الابداع ببناء القصائد مو عن فحوى القصيدة :)
ههه والله قصيدتك لازم تتعلق على أبواب الشوارع الرئيسية في كل المدن السورية وخاصة بالشام وحلب,ههه خللوههههههه
أخي الكريم قد أحرقت كلماتك قلبا يعيش في مجتمع الماديات و مع ذلك هناك بنات ترغبن بالزواج بمن يتصف بالخلق و الدين و يكافئها بالمستوى الثقافي فقط و تمتلك من المواصفات ما هو مرغوب اجتماعيا ولكن للأسف تتعرضن للصدمات ......................
والله ضربت على الوتر الحساس, وهي أنا صرلي مغترب 4 سنين ولهلأ ما جبت حق البيت اللي بكلف 3 ملايين وإذا متل ما عم تحكي معناها انشالله بمضي 20 سنة بالسعودية لجيب طلبات المدام وقتها بكون صار عمري 50 سنة وبتبرع فيهن لشي واحد بدو يتزوج أو بصيع فيهن مع بنت مراهقة وبصير تصرفي المشين خبر بتعلقو عليه هون بسيريا نيوز بعد 20 سنة وبطلع أنا زلمي عاطل وبستاهل الحرق كمان.
يعطيك العافية لقد وضعت إصبعك على وجع الشباب بأسلوب جميل
عذرا بس نسيت تحط كلمة "منقول" بآخر المقال لهيك أنا رح اتبرع وحطلك ياها
هدا حال الاغلبية وبلاها هل الزواجة من اصله انشاء الله كل هل البنات بتعنس وما بيلاقو مين يشتريهم بفرنك مصدي
أنا عندي إستعداد أقضي عمري كله مجنونا" ولا أقضيه شحّادا" و متسولا" على أبواب بيوت الطمّاعينا و المتزمتينا والتاجرينا.. ومثل ما قال الكاتب : ضعها فوق رف البيت زيتونا
اي حاجة بقى طبلتو راسنا بالانثى و الزواج , يعني اذا ما معك مصاري لا تاخد وحدة خارقة الجمال , او سافر على روسيا و تجوز ملكة الجمال ببلاش, يعني و الله حفظناها , عنا بالبلد البنت الخارقة قليلة و الجمال نادر فاذا نوجدت ملكة الجمال فالبازار تبعها صعب شوي و بدك تدفع
بصؤاحة الله يعنيك على هيك عيلة ,الله يرزقك بنت حلال احسن من اللي رحت تخطبها. يعني ابوها شو رح يعمل بالمصاري اذا فرضا بنته ما كانت سعيدة مع زوجها؟ حتى لو عطاها زوجها مال الدنيا اذا الزوجة مو مبسوطة رح تكره الساعة اللي تزوجته فيها مهما كان غني
شكرا الك بس ما فيك تنقي وحدة على قدك!
راااااااااائع بوركت يمناك
اخي انت مبدع تهانينا
اللي قلتيه مزبوط.وفي لسا شغلي أفضع بمجتمعناالفظ اللي بشوف بالمقلوب ماعم أقدر استوعبها!إنو بيعتبر المرأةإذاإجاهاطالبين فهاي فخر الها, بس يا ترى حدا كلف حالو وفكر شوممكن تكون مشاعرالمرأة لماواحد يشرّف بزيارةليتأملها ويشوفها إذاعجبتو أو لأ ؟؟إذاعجبتوبظل وإذا ماعجبتو بروح وقلةالجواب جواب! حدا فكر أنو ممكن تحس حالها شوال بصل بالسوق للفرجة إذا بتعجبو أو لأ. للأسف كل مجتمعنا بيعتمد على هذا الأسلوب القمة في الإهانةوبدو يفهمنا إنهاقمة في الفخر للأنثى!أنا ماعم أقدر استوعب هاي الأسلوب المخزي.