قال: ممكن نتعرف
قالت: نعم يا أخي, نتشرف
بكلام الصراحة....عم التعارف باسم الصداقة
وكلمة منو وإعجاب منها تحركت مشاعر باسم الحب
تزينت مواضيعهم بالعشق وقلوب مرتاحة
خواطر حب تنتشر بالمنتدى وإعجابها يتزين بالردود
صار الحب كلام معسول وموزون ينكتب عال...
Keyboard
البنت ترسم تواقيع عن حبها المجنون
والشب هواياتو..... مجنون فيها
مرت الأيام...
نسيو بعد المسافات ورسمو خريطة للحب
وتأملو بشي مستحيل وهو القرب
مرت الأيام وصار في شك بعلاقة كل واحد بالتاني
ما عرفو مين الكذاب ومين الأناني
وكمان مرت الأيام...
كلام كلو عتاب والزعل ينتشر
وكبسات الكيبورد بالعصبية تنكسر
دموع منها وحقد منو
بكبسة
Block و Delete
انتهت علاقة حب دامت شهور وايام
ونسيو الكلام المعسول
ما عرفو انو حب النت وهم ما عم نشوفو
منحكي مع انسان ما منعرف شو فصلو وشو ظروفو
قال: لغيتها من حياتي وقطعت خط النت وصارت ذكرياتي
قالت: عشت بأسا , جرحلي قلبي واختفا
وطلع حبيبي مجرد..
Wireless
كتير عجبتني هالخاطرة صح رائد حب النت حب وهمي ومافي منو غير وجع القلب والضمير وكل شخص عندو نقص وفاقد لشي بحياتو بيحاول يعوض هالشي بهيك علاقات مزيفة وبيكتشف بالنهاية كلها علاقات وهمية وعايش كذبة كبييرةولسانك عحسابك فيك تزيف كلشي بدون ماحدا يشوفك وترسم أشياء مثالية بعيدة عن الواقع وشكرا لإلك هزتني من الصميم لأني عشت هيك شي وبعرف .
بشكر جميع الي قرأوا الخاطرة التي تعبر عن حالنا في هذه الايام التي اصبح من السهل ان يتعارف الشبان على بعضهم بأبسط الطرق و ينجرون وراء العواطف و الاحاسيس المزيفة...شكرا لكم و لتعليقاتكم و اشكر اخي "سوري و افتخر" على نقده و له الحرية في ابداء رأيه ولكني اعتذر منه لعدم سماعي لنصيحته بسبب تعليقاتكم الايجابية لي مقابل ما قاله ان ابتعد عن الكتابة !!
ياسبحان الله دائما نحاول أن نطعن المصداقية بحروفنا القاسية وأفكارنا الشرقية البائسة الحب الإنساني حتى لو ع النت هو حب ونحن نتواصل مع بشر من دم وروح وصدقنا ينقلهم من العالم الافتراضي إلى العالم الواقعي نحن نلتقي بالناس ع النت وفي الشارع والجامعة والعمل لكن الخلل في تفكيرنا وليس في النت جرب أن تكون صادقا مع نفسك واجعل الإخوة في الله هدفك بعدها قرر مع احترامي للجميع
لاء وكلن فهمانين، أنا بس إزعل مع مرتي، أخاطبها مازحا: روحي ساهمي وخلين يمدحوكي عالنت.. وبقلد جملن.. لاء أحلى شي واحد بساهم وبعلق عمساهمتو بأحلى الأسماء متل: ...
مقال من أجمل ما قرأت إنه يبسط واقعا معقدا بأسلوب أكثر من رائع , بالفعل لقد وضعت النقاط على الحروف و أشرت للواقع بعينه أخي رائد, سلمت يداك
اعذرني ياأخي رائد فكتاباتك شبيهة باللغة العامية المتكسرة الغير مفهومة ,,,, أنا بنصحك تلاقي شئ غير الكتابة , لأنو شكلك مانك ضليع بها الأشياء , أحسن ماتسمم بدن القراء بها الملتقطات ......
حب الانترنت مجرد حب ساذج وبعبر انه الطرفين عندهم مشاكل اجتماعية أو نفسية، فما عم يقدروا يحبوا بالواقع حتى يلجؤوا لهيك طرق للحب والمعشقة ..
والله والله كتير حلوة ومهضومة ، تسلم إيديك الحقيقية
مشكور كتير أخي على الموضوع القيم بس انت ضلمت طريقة هالتعارف بجوز مريت بتجربة قاسية او سمعت من شخص ما عرف يختار صح أنا عم عيش أحلى حالة حب عالنت واتعرفت عليها أكتر وصار في لقائات وطلع كل حكيها عالنت هو الحقيقة وبرجع بكرر شكري مششششششششششكور