• مرحبا
• ممممم
• عبنقول مرحبا
• آآه ... إي أهلين
• لك اشبك يا زلمة مسطول و عينيك حمر متل الدم ... و كأنو فهمك صاير تقيل و كمان سمعك ؟؟؟
• ابعيد عني ... و اتركني بهمي
• يا زلمة نحن صحاب .. افتحلي قلبك ... فضفضلي .. ريح فكرك
• أنا مرضان
• ممم ... مزبوط ... سمعت انو فيه أمراض متل السكري أو الضغط أو شي متلهن ما بيخللو الواحد ينام
• بعيد الشر ... ما في شي من هل شي !!!
• لكن اش مرضك حبيبي ؟؟
• مرضي صار لي فيه شهرين .... جديد يعني
• مممم
• مرضي بتقدر تسميه إدمان ... تعلق ... متابعة ... هيك شي
• مممم
• رح تسألني على شو ؟؟؟ .. رح جاوبك ... إدمان على أخبار الثورات .... يا زلمة ما غمضلي عين من وقت أول ثورة لهلق .... كل يوم .. كل صباح ... كل مساء ... على الأكل ... أثناء النوم ...
• مممم
• بدك تسألني شلون أثناء النوم ... رح جاوبك ... حطيت تلفزيون في كل غرفة .... في الجلوس .. في المطبخ .. في النوم .. و حتى وقت بدي أروح للتواليت بترك الباب مفتوح مشان أسمع شي خبر عاجل ... و أنا نايم بترك التلفزيون شغال و بنام ... و بتلاقيني اللاوعي عندي و أنا نايم يهزني ليفيقني الساعة تلاتة أو أربعة الصبح على شي موسيقا للجزيرة أو شي نغمة للعربية أو موسيقا الحرة ... أو nbn أو العالم .. أو غيرها و غيرها ...
• يا زلمة و الله غيرت تلات أجهزة تحكم بظرف شهرين .... و سألت على ريسيفر تبرمجه على تكرار شي عشرين محطة إخبارية بفاصل زمني نص دقيقة ما لقيت ... على حد علمك في هيك شي ؟؟
• - ممممم لأ!!!
• بس بتعرف و الله زعلان على اليمنيين ... كل ما بصيروا بالواجهة ... في كل قنوات الأخبار ... بتقوم في بلد ثاني و بياخدو السوكسيه منهم ...
• مممم
• هداك الاسبوع تعطل الريسيفر لأنو ما تحمل تشغيل مستمر أكتر من شهرين
• مممم
• طيارة و اشتريت واحد خلنج ... و ركبتو و أجا الزلمة برمجلي ياه على الترددات الجديدة ...
• ممممممم
• الحقيقة كل الثورات بكفة و الثورة الأخيرة بكفة .... هلكتنا تقطيش و تعمية و تشويش و تغيير ترددات و بحث شبكة و ...
• ممكن أسألك سؤال ؟؟؟
• اتفضل!!!
• اش رح تستفيد من متابعة كل هلقنوات و الثورات ..؟؟؟؟
• له يا زلمة ... هلق بدي أزعل منك ... كلنا رح نستفيد ... رح تقللي شلون ... رح جاوبك ....
• كل ما بدخل على سيريا نيوز و بقرا خبر عن سحب آلاف السيارات من ماركة تويوتا من كندا أو أوروبا لإصلاح عطل في الفرامل ... أو شركة هيونداي لتعديل نظام القيادة لتسببه في الحوادث في أمريكا ... و شركة مرسيدس تسحب موديل معين لأنه غير متوازن من العالم كله .... إلا وطننا العربي ... كل شركات السيارات يصيبها الرعب عندما يجدون خلل في تصاميمهم و يعتذرون و يسحبون و يعدلون عل نفقتهم الخاصة من كل العالم إلا نحن ....
يا أخي مو معتبرينا بشر يعني ؟؟؟ لك نحن أكثر شعوب تحب الفنطزية في الموبايلات و السيارات و كل الوطن العربي أكبر مستهلك لسوق السيارات الفاخرة في العالم ... ليش ما بيسحبوا من عندنا تصاميمهم القاتلة و يعدلوها و يعتذروا مننا .... ليش مو شايفينا ؟؟؟ لذلك أملي عندما يجدوا أن الشعوب العربية يمكن أن تثور... يمكن يحسبو حسابنا و يبدو يسحبو من عنا كمان و يضمونا للعالم المتحضر اللي بينحسب حسابو ...
• ممممم ... السلام عليكم
• لك وين رايح
• رايح أدور على ريسيفر فيو برنامج بيكرر شي عشرين محطة إخبارية بفاصل زمني نص دقيقة ... يمكن نزلو واحد لاستخدام العالم العربي
• وينك ... نصيحة اشتري معو خمسة أجهزة تحكم
• شكراً
صدقيني أنقهر منهم ... و كأننا مكتوب علينا الموت بقصفهم و سمومهم و مؤامراتهم و كذلك بأخطاء تصميماتهم لسياراتهم و كأننا صفر على اليسار ... و كما قال الأخ سمير عندما نتوحد تحت لواء علم عربي واحد سنكون قوة عظمى ....
صدقني فعلت مثلك رغم معارضة بعض أفراد العائلة ... فطلبت منهم أن يتظاهروا لمنع حذف هذه القنوات ... و في اليوم التالي رأيت على مكتبي رسالة (( العيلة لا تريد حذف الجزيرة )) فما كان مني إلا أن أتيت بكوريكتور و حذفت (( لا )) و علقت (( هكذا تفعل الجزيرة و العربية و غيرها ... فإذا كنتم تقبلون ما فعلت بـ (( لا )) سأقبل ببقاء هذه القنوات ... فأجابوني بابتسامة و حرقوا الورقة ..
بس بدي أفهم إيمتى بدك تبدل هالمحمول الصيني يحرء حريشك ما صار قديم كتير جايي عبالي أهديك شي I phone يمكن تطلعلنا بشي مساهمات لسه أمتع وأمتع ولي تعليق رداً عليك وعلى الاخ سمير, يا سيدي خلينا بالاول نوقف هالمساطر تبعهم يلي نازلين فيها تسطير ببلادنا متل ما بلّشوا بالسودان قبل ما نحلم بعلم عربي واحد!!!تحية قلبية.
قولتك بعد هالثورات بصيروا يحسبولنا حساب بس المشكلةانه في كتير مننا وفينا مابيحسبولنا حساب وبيغشونا .شكرا كتير ضحكتني من قلبي
استغربت كلمتك الأخيرة بتعليقك على مقالتي فانتبهت لمقالتك المهضومة .. صدقني لقد حذفت كل تلك القنوات وتكفيني الدنيا والفضائيات السورية بأنواعها والمنار والمحطات الصديقة فقط وأتمنى من الجميع حذفها فليس معقولا لمحطة تريد تخريب حياتنا وبلادنا أن نبقيها موجودة .. وأقول بالنسبة للسيارات اطمئن فلقد تم سحب اليابان كلها لوجود عطل كبير فيها بعد الزلزال .. شكرا أخي مالك دائما مهضوم حتى في الأزمات .
تسرني مشاركتك .. و كأنها الأولى لك ... و لكنها تحمل هماً مشتركاً و نحن ننتظر بفارغ الصبر اليوم الذي ذكرته و يكون لنا مساحة أرضية واسعة بدون حدود ... أخي سمير .. عندما كنا صغار في المدرسة و درسنا خريطة دول الوطن العربي .. كان دائماً يثير فضولي الخطوط المستقيمة التي تفصل بيننا مثل جنوب شرق سوريا و مصر و ليبيا و السودان و بلدان عربية كثيرة ... هذه المستقيمات دليل تقسيم باستخدام المسطرة .. أي الغاية التقسيم و التقسيم فقط .. بينما لا نجد هكذا خطوط في كل أوروبا ... آن الأوان لتصميم علم عربي واحد
الأخ مالك كتاباتك جميلةوتدخل البهجة والفائدة معاً ونتوق إلى اليوم الذي يكون فيه العرب قاطبة ً يعشون تحت راية واحدة ويتسوقون بعملة واحدة ويقولون كلمةواحدة في المحافل الدولية وبذلك سيحترمنا العالم لابسحب السيارات ذات الخلل الفني بل بسحب كل أساطيلهم من منطقتنا وهم يهددوننا بها الواحد تلو الآخر. مع شكري الجزيل لك على كتاباتك الشيقة متمنيا ً لك امتلاك محمول ( عربي قطف )الذي لن نمتلكه إلا تحت راية دولة عربية واحدة
شكراً على عرضك و لكن بخاف انفسد و (أركب ) الـ I phone و ما أعود أشوف قدامي متل فريقنا الاقتصادي السابق اللي لهط الـ 1500 تعويض المازوت قبل ما يقول بايباي .... أرغب بالاحتفاظ بمحمولي الصيني و أن يكون نظري عشرة على عشرة على أن أحمل آيفون و اتلهى بميزاته و أغيب عليكم