خارطة طريق شخصية ::
السيد الرئيس صرح بحرية التظاهر "الحضاري",, و بما انو نحنا أمام تشويش بين المتظاهرين و المندسين و ما بقا عم نعرف شو مطالب هالمتظاهرين ان كانوا متظاهرين طبعاً
.. فأنا برأيي يعملوا ساحة خاصة و لتكن امام المحافظه مثلاً .. يسيجوها بالسياج الحديدي مع وجود حماية الجيش و الامن و الشرطة بحيث اي واحد حابب يتظاهر يا اخي يدخل جوا السياج بعد التفتيش عن اي سلاح او قطعه معدنية و جوا السياج انشالله بضل عم يعوي و يطالب شهور و ايام .. هيك لا حدا بيعترضوا و لا هو بيعترض حدا لانو بصراحة انا شو ذنب اولادي انون يسمعو صوت رصاص و متظاهرين و كلام بزيء تحت بيتنا كل كم يوم و نحنا و اولاد الحارة ما إلنا اي علاقة بهالشي ولا رضيانين عنو اصلاً !...
و اي **** حابب يتظاهر خارج هالسياج فيعتبر مخرب و يحاكم بالقضاء لانو عم يقضي على امن و استقرار و حرية هالناس يلي ما حابه تتظاهر ولا تشوف تظاهرات تحت بيتها ..
و هيك الشعب بكون مرتاح و الحياة العادية ماشيه بشكل طبيعي مستقر و المحلات بتشتغل بشكل طبيعي انو مو كل كم متر بيصير رصاص و شي مظاهرات و شي عصابات .. و هالجيش بكون كمان ارتاح من موضوع انو كل حارا يقعدو للصبح و على تحقيق من انو هي مظاهره ولا تخريب...
و النقطة الاهم انو وقتا خلينا نشوف الجزيرة و العربية و البي بي سي و هالقصص شو بدها تحكي .. و خليها تنزل و تصور المظاهرة الحضارية يلي ح تكون بحماية الجيش ,,
يعني منكون حجمنا كتير مواضيع بوقت واحد
و هو انو الاعلام ما بقا فينو يكذب طول ما انو في كميرا عم تصور هالمتظاهرين لايف و مباشر
تانيا انو الشعب بيرتاح من موضوع صدقية انو هالمندسين يلي عم يقوصو هنن فعلا مندسين و مو جيش
لانو خلال التظاهر امام المحافظة ح يكونو محميين من الجيش يلي ممنوع يطلق النار و اي رصاصه بتصيب هالمتظاهرين فوقتا بتكون مسؤولية قائد الشرطة و يحاسب
و انو اقتصاد هالناس ما بينقتل و الطلاب ما بخافو يرروحو ع جامعاتن و التكاسي بتضل ماشيه بإطمئنان
و بتتوضح الصورة بين اي واحد حضاري يريد الاصلاح و اي واحد عنيد لا يريد الانضمام لهالساحة انما يريد تخريب و بالتالي كل الشعب و الجيش ح يكونو ضدو ..
و بظن اي متظاهر حضاري يريد فعلا الاصلاحات لسوريا و التطور الحضاري ما بروح بيخرب حارات الناس .. فورا بيتجه على هالساحه و بعوي هنيك قد ما بدو ...
و الله يديم الإستقرار لبلدنا الغالي و يديم القائد بشار الأسد على قيادة الدولة ..
