الصبر مليح  يا  أولاد حارتنا

" لوحة عَتم  ودموع مقهورة "

*

فوضى, وبشر ومقلاع  بالساحات

حرية , و بارود , وبواب مكسورة

*

خبز الخسيس بدموع  اليتامى

دموع  الطفل  بتقول  نافورة

*

حيتان برّا  بترسم  أمانينا

وزعران جوّا  بتحفر لِنا جورة

*

أفكار برّا صفرا  لتلهينا

 بنت الجيران اليوم مغدورة

*

صاح الطفل  : بَيي .. آه يا بابا

ما رجعت ليش قلّي ِمن الدورة ؟

*

قالو لإمو : زوجك   استشهد ...

شهق  الولد  وبوّس  الصورة.

*

قام خيّو لكبير وخاطب إمو:

بكرا يا إمي  بصير مثل بَيي

وبمنع  الغربان  تخرّب  الوردات

وتبقى سورية,  وترجع  مثل  صورة.

*

بكرا يا إمي بترجع البسمات

بيكبر زياد  وبيكبرو الغرسات

وبترجع  ديارنا  حلوة  ومعمورة

*

من قاسيون   بتهفهف  النّسمات

بتشيل الحزن , وبتطرد  الغيمات

وتبقى سورية.. وبتكون  منصورة

*****

أخوكم المحب لسورية  اسماعيل فارس مكارم

كراسندار – جنوب روسيا