ألا ترون معي أن يوم عطلة واحد للمدارس يكفي ، و خصوصا مع وجود عطل رسمية كافية خلال السنة بالإضافة إلى عطلة الصيف.
أن الاكتفاء بيوم عطلة واحد للمدارس كفيل بتحقيق أهداف اجتماعية كثيرة ، يحلم الكادحون بالحصول عليها.
و أولها حصول المعلمين و العاملين في الحقل التربوي على تعويض مادي مقابل تعطيلهم يوما واحدا أي بقية الموظفين يحصلون على يوم عطلة زائد عنهم.
و لا شك أن تحسين الوضع الاقتصادي للمعلمين خصوصا يبهج أبناء الشعب من كل الفئات لما للمعلم من مكانة خاصة في القلوب و الضمائر.
الفوائد الأخرى و هي شديدة الأهمية:
أن لا يشعر الأولاد بأنهم غير مضغوطين، فيسرحون في الشوارع يلعبون الكرة بين السيارات معرضين أنفسهم للخطر, و جيرانهم للإزعاج.
ألا يكفي أنه لا يتم ضبطهم في الأعياد فيسببون شديد الأذى للأجهزة السمعية للناس من حولهم بما يفرقعونه من مفرقعات.
أن يشعر الأهل بأنهم استفادوا من يوم السبت فيقضي الزوجان وقتهما معا بعد أن قضيا يوم الجمعة مع الأولاد.
يا أخي مو بس المدارس والله كنا مبسوطين على أيام دوام كل الأسبوع يعني بلكي بيرجع السبت دوام وبخفضو ساعات الدوام لأنوم معلومك صار ت الدنيا شتا ومارح نطلع من الدوام الا تالي النهار وشو مستفيدين من نهار السبت غير عطلة الدوائر واللي عندو شغلة راحت للأحد واللي بيتوقف بمخالفة سير صغيرة كتير بتروح معو كم يوم يعني ( ) رجعو الدوام للــ 12 وخلونا نداوم الجمعة ماعليش
يعني خليت شي ست سبع ملايين شخص ينقموا عليك و يريدو ينتقموا منك على هل حكي اي بدك تمشي العالم على كيفك و اللا حضرتك افهم من المؤسسات التعليمية
كلا لا نرى معك .
جد مقالك و طلبك ما إلون داعي,,شوف شغلة تنفعك احسن
مو معقول في ناس كيف بتفكر بأنانية وبدها المجتمع كلو يمشي حسب مزاجها. يعني مشان حضرتك تخلص من هم ولادك يوم السبت صار بدك المدارس ما تعطل يوم السبت !! يعني المدرس والطالب عمرو ما يرتاح ولا ياخد نفس برايك؟؟ علما انو عمل المدرس صعب جدا جدا..واذا شي مدرس حب يستفيد ماديا من يوم هالعطلة ففيه يعطي دروس خصوصي فلا تخاف عليه.يعني متل ما انت بدك ترتاح يومين المدرس والطالب بشر وحقهم يرتاحو يومين..ولا تنس انو بالنهاية هدول ولادك انت وانت لي لازم تتعب معهم مو المدرس,,وعلى مبدأك أنا بقترح عليك أنو ولد واحد يكفي
ومتى تقضي المعلمات اذا يوما مع ازواجهن؟؟؟؟ خاصة وانها تقضي اجازتها في الطبخ والترتيب...... وماذا عن ضغط العمل للمعلمين؟؟؟؟
ومتى تقضي المعلمات اذا يوما مع ازواجهن؟؟؟؟ خاصة وانها تقضي اجازتها في الطبخ والترتيب...... وماذا عن ضغط العمل للمعلمين؟؟؟؟
لان والله انا عمبطلع عالشغل 80 كيلو متر ذهابا و 80 كيلو متر ايابا و عمحس حالي عمانطحن طحن و بتمنى من الموظف اللي مستعد يجي يبدل معي و انا حاضر و مستعد داوم يوميا لل 4 مساء اللي مو عارف مهنة التعليم شقد متعبة كرمال الله لا يحكي و يتحفنا بآراؤو بعدين ان عندي كل يوم حوالي 4 ساعات على الطريق ( تعيين حلب )