هاجت أشجاني اليَوم وتذكرتك

صديق جاني اليوم وقال شفتك

قلت شلون شفتني و أنا مو جنبك

قال شفت غاليتك وصورتها برسمك

طلعت روحي من مكانها بقصتك

نشدتك يا الغالي تقل لي تا أصدقك

تحكي جد وإلا هاي من عوايدك

وأقسَّم بالله العظيم إنهُ اليوم شَافَك

سألته عن أحوالك وعن صحتك

إسمع يا غالي ولا تنكر إلي ودك

أوصف لي وش شفت لا أزعلك

سلمت و إبتعدت فكرتني أخونك

قالت لي إبتعد أنا مو من حصتك

أنت خلك بعيد تعرف شقد أحترمك

تريد يا الغالي أوصفك لأنها نفسك

شفايفها وخدودها كلها من وردك

كحلة عينها تقول سبحان اللي خلقك

و الدلع بمشيتها كالملاك و أه يا بختك

وهي بعدها مثل ما كانت تعجبك

فائقة الجمال والله أنا حسدتك

يا سعد لا تتركها حلفتك بأغلى ما عندك

إنت اللي قلت ما راح تعيش حياتك

إلا بحبها وما تبعدها ولا يوم عنك

إنت اللي كتبت لها الأشعار بدمك

وسهرت الليالي تنتظرها ترد إلك

لا تطول غيبتك تراها تدور وتنشدك

مهرة وتدور فارسها وهي تقصدك

حاكيها وخفف عليها شوي من غربتك

ولا تبخل عليها من كلامك وجميل حِسَّك