من ذكرياتي ...
لما طلع بابا من عكا فلسطين كان عمرو 8 أيام ..طلعوا هريبة على ضهر الجحش هو وأهلو
على أساس أسبوع وبيرجعوا .. لأنو اجتون اخبارية أنو اليهود داخلين على عكا وعم
يدبحوا الناس ... !!
طلع جدي حامل معو مفتاح الدار وسند الملكية ..على أساس راجع ياخد الغراض تاني يوم بس يأمن عيلتو .. ..... ماتت ستي وكان حلمها تدفن بفلسطين .. ومات بابا .. وكان حلمو يشوف فلسطين .... حمل القضية على كتافو حتى انحنى... ضهرو وما نشف قلمو وهو عم يكتب عن حلمو اللي مات قبل ما يتحقق ... كانت الشام وطنو .. ولهجتو شامية عتيقة .. متل أهل الميدان .. ما حدا يصدق غير أنو شامي ...
عشق الشام .. وحافظ على حلمو .. وعلمني معنى الوطن ...أيام كنت حس بالغربة لما
حدا يقلي فلسطينية انت ... مانك سورية .. كنت دافع عن سوريتي .. وقلون أنا
سورية بدم فلسطيني .. والي الشرف أنو عندي قضية .. كبرت وتجوزت وأخدت الهوية
السورية .. لما بدون يعطوني ياها كان لازم اتنازل عن هويتي الفلسطينية .. حسيت
بخيانة لفلسطين ..بس كان انتمائي وعشقي لسوريا أقوى ... هلأ .. بقول أنا بعرف
كتير منيح شعور الواحد يخسر وطن .. مشان هيك ... بقاتل .. ما بدي اخسر سوريا
....
شكرا ست جولي على هالمشاعر والكلام المؤثر بتمنى كلامك يصحي فينا حب الوطن بلكي منحس بقيمة الوطن ومنوقف شوي تفكير بحالنا ومنفكر بوطنا لانو الوطن اذا راح صعب كتير انو يرجع الوطن اغلا من الاهل والولد. اما للاخ العربي ابن العربي فاحترت شو بدي قلو فقررت ما قلو شي بس اخ...
يا حسرة على دنيا العرب من نقاتل أعداء الخارج أم اعداء الداخل. بنو اسرائيل احتلو أرضنا و قتلو و شردو تماما كما يفعل الآن أعداء الداخل و هم من أبناء جلدتنا لكنهم تكبرو وطغوا و ظنو انهم مانعتهم قصورهم و مخابراتهم فأسسو دكتاتوريات مؤبدة موغلة بالفساد و الإضطهاد و التسلط الأمني فقد استشهد في حرب غزة ما يقارب 2000 و جرح 5000 بينما في جمهورية المقاومة حتى الآن أكثر من 10 آلاف شهيد و جرحى و معتقلين لا يعلمهم إلا الله
نفس الشي صاير معنا يا جولي و انا هيك حاسس نفس شعورك بالظبط ,,, تابعت كل كتابتك و كلن حلوين
كلنا واحد ...