المنتديات .... صارت عنوان للهوس والجنون والإدمان , يعني الشب  من صار عمره 12 سنة ببلش فرزه لمنتدى وببلش بأسس قاعدة جماهيرية بالسباق مع الأعضاء وجلب الأخيار الطازجة !!

مو مشان شي بس مشان يقولولوا : يعطيك العافية أو كثر خيرك و ينقفوه هداك التقييم يلي بسر قلبه وخاطره

وبصير هالشب مداوم عالمنتدى وبيكتب مواضيع وردود أكثر من واجباته المدرسية ولما بكتب الرد بكون الهدف الأول والأخير أنه تكثر مشاركاته وتضرب بورصة التقييم معه.

بس بكون حلم أي شب لما بدخل المنتدى أنه يصير مشرف ويقفل هاد الموضوع ويسكر هداك ويحجب هداك

العضو وينقف عضو ثاني ايقاف !!!!!!!!!

بس أحلى شي لما بفوت المدير تبع المنتدى وبكتب موضوع , وعيونكم تشوف شو بصير ببلش تمسيح الجوخ   والشاطر يلي بيكتب تعليق أول شي على موضوع المدير طبعا بكون محتوى التعليق : درر وجواهر فعلا هي الشغلة و أول ما بتجرأ حدا وبحكي على المدير أو بناقده بتشوف الأعضاء هاجوا وكشروا عن أنيابن.

وهجموا على المسكين وبلشوا فيه مسخرة وضحك وشماتة والبقية بتعرفوها بس أبشع شي لما بيحجبك المدير وبترجع مشاركاتك للصفر

تدمير صح ؟؟؟؟؟؟؟؟؟؟؟؟