دق دق ع شباك ذاكرتي دفا شامنا
لملمت كل ايامي معه وسطوره أرتمت بين احضانا
قلتلو يا حلو اشتقت للصبحيات
اشتقت انت وانا نعد سوى وع ريحة القهوة نفرد عن غيابنا حكاياتنا
قليّ دخلك اسكتي!! بعيوني في بكيّ
بتحكي اكتر من الحكي
عن شوقي لاهلي وحارتي وأكلات جارنا
بقلبي حنين عم يكويني
حنين للطفل البعده عايش فيني
حنين لقبور ناس تركتنا وعايشة ريحتها بأرواحنا
سكتت للحظة وبعيوني غلو الجمرات
شعلهم عشق شب وصبية غربتهم المسافات
وبقي بالقلب عم يتمختر الحكي ويقلي يا ترى اديش بقي؟؟؟
لنعيش سوى اعمارنا؟؟؟!!
رشرش تلت حروف وقلي شبك؟؟؟
ياعمر عم نكبر سوى والله مــــــا بتركك..
ماتفكري أنو البعد عمرّ سدوده بفؤادنا
وحياتك حنموت سوى ونندفن بحضن جدودنا بترابنا
ااااااه يا أمي ااااه كلامو شو دفاني
نزلت من رحمك صبية لم حلف ماينساني
لفلفت أيدي ع حالي خايفة من الفرح وأنا عم طيريرتفع فستاني
بنسمة هوا صفصفت صحون
الحواضر ليكون هو فطورنا
ع سطح بيت عتيق وكنبة تلونت بلون الصدئ حملت بسمتنا ودموعنا
وربطة خبز مئمرة بلون البشر
وابريق شاي عم يتنفس معنا ياسمين اسطوحنا
عطره رعشني لما قعد ادامي
وبكسرةخبزسكرباب الحكي
وبضحكة عيونه قلي كليّ كليّ تقبري عضامي
بلعت اللقمة وكانت كلها هنا
دخلك يا امي بدنيتو كل يوم من جديد بخلق انا
وبرعشة جديدة طخى وحضن فستاني
ولدت لما تلامسو بضوء النهار شفافنا
ضمني بقوة نساني حليب امي وعز ابي
وشامي وخلاني
وصفير صدرو عم يتغلغل بأدني
ولي ولي يا امي هالفصل زلزل كياني
نسينا الاكل نسينا الشاي نسينا كل الدنيا وبحرام السما الزرقاء غطاني
كلو هاد يا امي صار على ارض سطوحنا
فجأة!!!!!!!
بيجي حكي من بنت كل يوم بتشتكي
بدها تلعب بدها تعمل بدها تضل كل اليوم تشتري!!!
يييييي العمى ضرب عيوني ضرب
معقول انا بالبيجاما وبعدي مالبست فستاني
معقول كل هاد كان منام
حرام عليك يا هوا والله العشق حلال مو حرام
ليش تخلي لطفلة صغيرة تسرق مني اغلى احلامي
اااااااااااه يا امي ااااه كلو هاد صار وانا عم احلم اني على ارض اسطوحنا
دخلك يا امي اشتريلي كل يوم منام
عن نفس الشب والصبية يلي نزحو من الغرام
نزح العشق من قلوبهم قبل مايفلو من فيحاء الشام
قريو الفاتحة على حبهم وختموها بالصلاة ع خير الانام
لحظـــــــة ياامي لحظة لا لا لاتصدقيني
بحبو يا امي بحبو والله حبو عايش فيني
ليش في بالكون غير بعده كوايني
امي يا امي
اشريلي ليوم واحد منام
أنا وهو والسماء والارض سوا
وعن الزعل نعمل صيام
وصحن لبنة وشقفة جبنة وشاي
وخبزة صغيرة مئمرة بشوفها بعيوني سفرة معمرة
ببقعة ارض بريف الشام
ورعشة شب وصبية
يشعلوها بحنية
يختموها بااااه بتلحن غنية
ع حفة كنبة مهترية
بس تكون يا امي ع ارض اسطوحنـــــــا~~~ديدي
