بتذكر لما كنا نمشي بحاراتها العتيقة
ريحة الياسمين وكل واحد وصديقة
وزقزقة العصافير وصوت فيروز والمطر عم تنزل حبات رقيقة
هي الشام يا أحلى مكان
يا شام اشتقتلك ومن قلبي بحنلك
بحبك أنا عم اقول بقلبي انتي علطول
ياأرض أبي وجدي متل الشمس انتي الحقيقة
هي الشام يا احلى مكان
بتمشي بحارتها وبتشوف بيوتها
بتعشق هواها ومابتنسي ميتها
سبحان يلي سواها وهالحلا عطاها
هي الشام يا احلى مكان
الشام متل الأم كلها دفا وحنان
هي يلي ولادها بتلم وتعطين امان
وان بعدت عنها بتحن لانو هي الام وهاد طبع الانسان
ياشام يا احلى مكان
لماتكون مالل ومخنوق بتنزل عاحاراتها القديمة
بتفتل فيها لتروق وترجع روحك جديدة
هي الشام يا احلى مكان
ناسها اطيب ناس كلها حب واحساس
باب توما والحريقة باب شرقي والسويقة شاغور والميدان ساروجا والقنوات الصالحية
والحمدية الحمرا والشعلان وحارة الزيتون من اجمل مايكون
هي الشام يا احلى مكان
ربي بيحميكي ومبارك فيكي
وخبيكي بعيوني وبقلبي بخليكي
هي الشام يا احلى مكان ...
عشقت دمشق وهوائها منذ لحظة ولادتي وعشقتها حتى انساني عشقها اسمي وعنواني فكيف انسى اول واخر عشقي سعودي عاشق دمشقي