اليوم أول مرة ومنذ شهور خلت وانا في
الشارع سمعت صوتاً كان مألوفاً سابقاً واليوم أصبح مفقوداً !!! .
هذا الصوت الذي أطربني اليوم لم يكن يطربني يوماً, لحقت مصدر الصوت الذي مافتئ أن
ملأ سمعي بالكامل ودخل في ثنايا أذني كموسيقى وبدأ صداه يدور في عقلي وارتجفت قدماي
له وبدأت أركض نحوه كالمجنون , لأعرف مصدر هذا الصوت الشجي بين أصوات الرصاص وضرب
المدافع, كلما اقتربت اليه زاد الصوت وعلا و"زادت دهشتي" .
بموسيقاه المألوفة للجميع " مازوت مازوت توت توت
توت توت مازوت مازوت توت توت توت توت " .
صهريج مملوءٌ بالمازوت "تكبيييييير".
اقتربت من صاحب الصوت الشجي والمزمار المميز؛ وسألته لأتأكد من انه ليس سراباً؛
لامست الصهريج وبدأت أتلمس جداره كالفارس الذي يلامس فرسه ويداعبه .
أخذت نفساً عميقاً من أريج الصهريج وسألته صاحبه معك مازووووووت ؟؟؟
أي .......كم ليتر بدك
شي 400 ليش بقديش الليتر
بنور الله بنور الله ب75 ليرة .......
ب75 ؟؟؟ لا بلاها عمرينو ما يتاكل وعمرينا ما نستخدم مازوت أصلن وزير الكهربا "الله
ينور عليه" علّم على وزير النفط وما عاد قطعها أيام البرد.
الخلاصة :
لك ما عاد حدا سرق بالليل ......... كلو في وضح النهار وعينك عينك وبكل جآرة عين
بالفعل يا جماعة نحنا منستاهل يلي عم بيصرلنا .... والاهم من كلشي كل العالم قلبها
لله وكلو بيبيع وبنور الله ...... والسلام .
النظام فاسد على عيني وراسي بس هادا مو مبرر ليلي عم بصير انا ضد دخول اي شخص من برا البلد واعطائو سلاح وتفليتو بالشوارع ولا تواخذوني على هل الكلمة متل ( الكلاب المسعورة) لك مو كل ملتحي صار ملاك ومو كل مقاتل صار شهم لك وين كان مخ الجيش الحر لما سمح بهيك ناس تدخل بلدنا لك حدا بفوت غريب على بيتو بس للاسف هلق فات الاوان على هل الحكي والسرطان دخل الجسم وبلش ينتشر والحل الوحيد هو استاصالو وحتى لو بدنا نفادي باستأصال احد الاعضاء لانقاذ باقي الجسد
الصراحة انا مغترب ومن سنتين ما شفت وطني سورية بس سمعت كتير عن هل القصص وكتير فكرت بنفس الشي يلي قلتو ,لك ازا السوري قلبو مو على اخوه السوري قلبو على جيبتو بقا كيف بدنا نتوقع من يلي جاية من برا ومو معروف قرعة ابوه من وين يكون قلبو علينا وعلى ارواحنا وعلى دمنا ومعلش بلا زعل خلينا ننسى كلشي ونشوف الامور ببساطة كيف بدك تعطي هيك ناس حرية وبالاخص انو ما بيعرف شو معنى هل الكلمة وبس شاطرين يرددو كلمات متل الببغاوات الناس لازم تتثقف وتتوعى بمعاني الكلامات يلي عم بتطالب فيها
انا قلت شي بواحد من ردودي على مواضيع احد الاخوة انو صار لازم الشعب يتحرك لانو هلق صارت واضحة المعادلة جيش نظامي وجيش حر والشعب كل جهة بكفة والخاسر الاكبر هو الشعب بس انا برايي انو صار وقت الشعب يلي كل من الطرفين عم بقول انو النسبة الاكبر هي محايدة وصار لازم هل الجهة المحايدة تتحرك ضد افعال الجهتين وتطالب باسقاطهم ورفع الدعم المعنوي والمادي عنهم وخروج مظاهرات تنديد فيهم لانو على قولة المثل ما بحك جلدك الا ايدك ويا ريت تنتشر فكرتي لحل الازمة وانقاذ بقايا سورية