الله يحمي الجيش و الله محي الجيش و يكون معكون. عبارات يرددها معظم السوريين على العلم و المعارضة تقول ان الشعب السوري يريد اسقاط النظام و لكن الشعب السوري قرر تغيير العبارة و يقول الله محي الجيش و الله يحمي الجيش.

هذا الجيش جيشنا و هذا الجيش من ابناء سوريا خاصة الطبقة الفقيرة.
اهم طبقة بهذا الجيش هم المجندين يلي بيتم سحبون اجباري ليخدموا سنتين و بالوقت الحالي يلي عن يتسحب عم يضل بالاحتياط
الام يلي عم تبعت ابنها عالجيش عم تعيش على اعصابها و خايفة اليوم بيجيني خبروا شهيد او بكرا.

بدي افهم كيف بيقوم السوري المعارض بإطلاق النار على المجنديين من الجيش السوري. ما انت يا سوري يا معارض عرفان كيف عايش اخوك السوري المسحوب عالخدمة الالزامية
هذا الجندي هو مواطن لا حول له و لا قوة. القانون العسكري بيقول نفذ و ثم اعترض. يعني ماله مجال يترك العسكرية.

و بالتالي هو مجند مجبر يروح و يخدم و ينفذ الاوامر. اما انت يا معارض و يلي اخترت السلاح ففيك بقى تميز شو معناه انك عم تقتل ناس بشكل عشوائي و متعطش للدم.
الشعب السوري كره المعارضة مع العلم ببداية الازمة و الفورة كان في كثير ناس مثقفة عم تفكر تلتف حول المعارضة.

في صديقة الي قالتلي اي بدنا ثورة بدنا حرية. ما في اي انسان ما بدو حرية. كلنا بدنا حرية. بس اذا كانت الحرية ملطخة بدم الشباب السوري و الشعب السوري فالشعب بيقول و انا بقول الله لا يوفق يلي عم يسلح و يضخ سلاح للسوريين.
اوفقوا اراقه الشعب السوري. الدم السوري مو رخيص حتى نقتل بعض. حرام عليكون. حرام .