اذا كان دوما نقول الله يلعن إبليس فإنه بعد الان راحل عنا لنشاهد من سوف نلعن الان
إبليس في غرفته وعلامة حزن وغضب مرتسمة على وجهه , وهو يلملم ملابسه ويضعها حقيبته, وفي يده بعض الأوراق وأشياء خاصة به , فقراره النهائي أخذه بعد دراسة وتفكير عميق وعن قناعة تامة , وعلى طاولته الخاصة كانت استقالته موقّعة ومختومة حسب الأصول من كافة الجهات المعنية.وبجوارها تذكرة سفره وفيزا إلى الصومال..
كانت ملامح وجهه في تلك اللحظات تنطق بالحزن والكآبة والإحباط واليأس, وقلّة الحيلة ...مع دهشة أحاطت به , منذ فترة ليست بالقريبة واعتراف ٍمنه بالعجز والفشل!!
إبليس راحلٌ عن بلادنا إلى غير رجعة فليفرح المؤمنون.
شو بدنا أحسن من هيك .....
سؤال : وين يا مسهّل؟ ليش عم بتضبّ أغراضك يا سيد إبليس على وين العزم؟
إبليس : يازلمة ماضلّلي قعده عندكم , إلي سنين عاطل عن العمل وقرّبت موت من الجوع, صرت شحاد في بلادكم..ما بلاقي معك سيجارة يا أخي ؟
سؤال: ومين رح يوسوسنا غيرك لو سافرت وتركتنا؟
إبليس: انتم ما لازمكم لا وسواس ولا خنّاس!
سؤال : ليش يا سيد إبليس ؟؟؟
إبليس : كنت زمان أوسوس للواحدة تترك ابنها يبكي, وهي عم تحكي مع جاراتها وكيف تشلي على حماتها,
اليوم صاروا لحالهم.. يرموا أولادهم بالحاوية أوّل ما بيجوا, وإذا لم يستطيعوا بلعن اليوم يلي تزوجوا فيه!!!
كنت أوسوس للواحد ينسى يسمّي الله قبل ما يأكل
اليوم بَطًلْ حدا يلاقي شي يأكله أصلاً !!! ليش مانك شايف أزمة الخبز, وغلا اللحمة وإذا لقى شيء يأكله بيتسمم. أنا إبليس بالأمس بعتوني علبة سردين منتهي مدتها , تصور أنا إبليس عم بتغشوني !!
كنت وسوس لشرطي المرور يطلب رشوة من المواطن أحسن ما يخالفه,
اليوم صار المواطن بحط الرشوة بجيبة الشرطي بكل ممنونية حتى ما يخالفه حسب تسعيرة المخالفات الجديدة !!
كنت وسوس للموظف كيف يأخذ رشوة بحجة أن المعاملة بدها الطابع صار المراجع يحط ثمن الطابع(الرشوة ) على الطاولة وهو عم يضحك
كنت كمان بوسوس للشب يرميلو كلمة عالبنت وهي ماشية بالشارع (يعني يلطشها )
اليوم صاروا البنات يرمو عالشباب كلام أنا نفسي بستحي أحكيه !!
واحد بيسرق 100 مليون ليرة عينك عينك بيحبسوه . وبعد فترة بيطلع براء . لان بكون دفع ربعها رشوي
وأثنين عم بينبشوا بمكبّ الزبالة بتمسكهن الشرطة بتهمة سرقة أموال العامة , أو توجه لهم تهمه قيامهم بمظاهر غير حضاريه لا تليق مع مستوى الحضاري للمواطن يا مواطن !!
أنتوا بدّكم إبليس إنتوا خربتوا بيتي يا رجل ؟؟؟؟
صار عندكم فائض بالفساد بكفّي 500 سنة لقدّام , صرت خاف على حالي منكم يا زلمة !
صرت إنجبر مرّات وسوس بالمقلوب . وأقول للمسؤول أرحم.
وللحرامي بكيفي , خلّي شويّ للحراميّة يلي رح يجوا بعدك..
يعني انتو لحالكن ما شاء الله بتعملوا أمم كل هالبلاوي عندكم وبدك ياني أبقى عندكم ,أنا إبليس ما ببقي لي عندكم عمل يا زلمي.
سؤال أخير: ليش ما تشتغل شغله ثانية هون بالبلد عندنا تنفع فيها نفسك؟
إبليس: يا أخي والله رحت إلى مكتب مكافحه البطالة وسجلت اسمي,وما مسابقه وإلا قدمت عليها وحتى مسابقة وزارة الأوقاف قدمت عليها كويس شو بدك أحس من هيك يا سيد إبليس
إبليس : بدنٌ يعيّنوني إمام جامع! بس طلع بدهن واسطة كبيرة وقوية موافقات شي أمنية .سياسية . أخلاقية . شي غير محكوم .شي فحص كتابي وشي فحص شفهي وقلنا معلش كل شيء بهون لأني بدي صير ابن حكومي!!
مبروك عليك يا سيد إبليس شو بدك أحسن من هيك رح تصير شيخنا وإمامنا في الجامع نيالك شو بدك تحلينا
إبليس : بس كلشي فمهته إلا طابع عمل شعبي بليرة واحده طلبومني ومنين بدي جيبوا
