إلى حبيبتي اللتي هي في خيالي فقط

الشاعر لأنو رمنسي وعاطفي وذواق         

            بيكتب حروف الغرام بنار أنفا سو

ومن دم قلبو ودمع عينوا السخي الرقراق  

            بيرسم حبيبة حياتو بريشة حوا سو

إن غمض عيونو بخيالو بيقطع الآفاق      

             ولو نام قلبو بفيق الحب من را سو

إن وقف على شاطئ الجمال يقرأ الأعماق   

             بيكشف خفايا الحلا برادار أحساسو

وكثرة ما عندو جموح بوثبة الأشواق      

             بيعصر شفاف القمر خمره بقلب كاسو

ومطرح ما ذاب الكرز وتحمر الدراق      

             وزهزه شقار الذهب على وهج إلماسو

بغط يغرف رحيق معتق وترياق            

            ويبوس تم العفاف يلي ما حدا باسو

وعن قمتين الثلج يقطف فجر براق        

            ويسرق كنوز الكهف من عين حراسو

وينزل على سهل الحرير البارد الحراق   

             يرسم ويمحي ت تتعب إيد بيكاسو