رد على رد المساكنة في سوريا
أعجبني المقال عن المساكنة من حيث أنه أوجد مساحة من النقاش بعيدا عن التوابيت التي تغلف مجتمعنا. و أعجبني رد مها عبد الوهاب حرزالله من حيث أنه رد من التيار التقليدي في المجتمع.
أما أين أقف أنا, فطريقي لا يتفق والاثنين معا
أولا لنسمي الأمور بمسمياتها المساكنة هي زنا ومن أراد تسميتها بغير ذلك فليسمها ولكن هذا لا يلغي أنها زنا سواء في المسيحية أو الإسلام. والزنا رذيلة والأديان تحض على الفضيلة. ومن كان من القراء لا يؤمن بعيسى أو محمد فليفعل ما شاء, ولكن لا تقنعنا أن الرذيلة هي الفضيلة والفضيلة هي الرذيلة.
فما أنقى وأطهر من سمى بشهواته فأنسنها وهذبها وأحتفظ بنفسه وروحه نقيا وطاهراً لشريك عمره. وما أشقى من هوى بشهواته فخسر روحه وضيع جسده ونزع من قلبه العفة والمروءة والحياء.
من أراد أن يسمي العفة تخلفاً فلا بأس فقدوتي في هذا عيسى ومحمد ولكن أنت قل لي من قدوتك؟؟
و للمناسبة العفة والشرف صفتان للذكر والأنثى وليس للأنثى فقط كما هي الحال في مجتمعنا اليوم.
أما الأخت مها فقالت صوابا ولكن لا أتفق معها في طرق المعالجة.
أما زل هناك أناس يؤمنون بالمنع والتشفير والحجب؟ أرجوكم استيقظوا هذا الشيء انقرض منذ أعوام.
و لماذا نبقى في موقع الدفاع متقوقعين في قبورنا لا نملك إلا الدفاع. لماذا نعمل بمبدأ الرد فعل؟؟
علينا أن نتعامل مع العالم كما هو لا كما نشتهي. قد يكون المنع والحجب إحدى الوسائل ولكن لا يعول عليها كثيراً
أما موضوع الوعاظ, أرجوكم لا أريد أن أتكلم كثيراً عنهم ولكنهم جزء من المشكلة حتى يكونوا جزء من الحل.
تراهم كأنهم يعيشون في عالم غير عالمنا لا تسمع منهم إلا قصص السلف الصالح وأخبار القرن العاشر وكم كنا أقوياء و...
تمنيت يوما أن أسمع من أحدهم حلاً لمشكلات الشباب في القرن الواحد والعشرين. لا تسمع منهم إلا أحلاما وردية وحلولاً سحرية وأمور غير واقعية.
خذ على سبيل المثال مشكلة عدم قدرة الشاب على الزواج وأعباء الحياة, هنا يلقي عليك الحديث الشريف " ... ومن لم يستطع فعليه بالصيام فأن له وجاء" لست عالما بالدين ولكن أعتقد أن النبي الكريم قال ذلك في أيام "اذهب وألتمس خاتما من حديد" وليس في هذه الأيام. الشيخ يريد مني أن أصوم عشرة أعوام حتى أستطيع الزواج!!!
آه وألف آه من معظم مشايخنا وأسال الله أن يبعث لنا من يجدد لنا ديننا.
يا أخت مها. لماذا تنشئ المشاكل لأن هناك مسببات لهذه المشاكل وأي حل لا يتناول هذه المسببات لن يكون له أي أثر.
سأتناول نفسي كعينة اختبار وأقيس عليها.
أنا شاب عمري خمس وعشرون عاما مهندس ودخلي جيد في سوريا يتجاوز العشرين ألف في الشهر. ليس عندي منزل ولا سيارة وأهلي غير قادرين على مساعدتي وفوق كل ذلك عندي عسكرية. أفكر في الزواج ولكن لنحسبها قليلا. قد أحسد من الكثيرين بسبب دخلي المرتفع ولكن مع ذلك سأقيس على نفسي
الخطوبة, الذهب, الهدايا, الجهاز, العزائم, المقدم, كروت العرس, أجار الصالة, الضيافة والعرس لا أعتقد سيكلف أقل من نصف مليون ليرة.
و لنفترض أني سأستأجر بيت للافقاريات (بمساحة 60 م) في الأرياف بمبلغ 7000 ليرة أي ثلث راتبي. يبقى عندي تأثيث البيت, المطبخ وشغله من هون وسغلة من هون يعني مو أقل من ربع مليون.
بالنتيجة مليون إلا ربع ولم أقض مع زوجتي المفترضة يوم واحد وصدقوني الأرقام أكثر من ذلك.
لنحسب كم أحتاج من الوقت لتأمين هذا المبلغ. لنقل إني أحتاج لعام لتوفير مبلغ مئتا ألف ليرة. هذا مع صيام عن الملذات والفوتات والطلعات التي يجب على المواطن السوري أن يحرم منها حتى يوفر بعض المال. أي أحتاج لأربع أعوام حتى أدخل القفص الذهبي الذي صنعته بعرقي ودمي.
فإذا صبرت أربع أعوام فخدمة الوطن لا تنتظر. حسبي الله ونعم الكيل على بلدي. كل بلدان العالم تحاول أن تنهض بشبابها إلا بلدي يحاول أن يحطم شبابه.
يعيني ازداد الأربع أعوام عامين ليصبحوا ستة, ولا ننسى أن نضيف عليهم عاما أخر حتى يعوض الشاب خسارته المادية في العسكرية لأني حكماً سأحتاج لما يفوق الألف ليرة في الشهر راتب الخدمة الإلزامية. أي صاروا سبع من السنين عجاف.
أما إذا أردتم أن لا تقيسوا علي, بل على عموم الشباب السوري بمتوسط دخل سبع ألاف ليرة (هذا إذا وجد عملاً) فأعتقد أن الصورة تصبح أكثر قتامة والسبع سنين تصبح عشرين.
يا أخت مها ألا ترين الإحباط الذي نعيش فيه. الأمر أكبر من فضائيات ومواعظ.
و الله لولا مباركة الله لهذه الأرض لعم الفساد. فمعظم الشباب نراهم متمسكين بالعفة والشرف رغم قسوة الظروف. ولكن لا نريد أن نضغط عليم كثيراً حتى لا يحدث ما لا يحمد عقباه.
المساكنة هي نتيجة الظروف القاسية وليس نتيجة تقليد الغرب, قد يكون تقليداً عند المترفين ولكن ليس عند غيرهم.
و الشباب قد يقدم عليها نتيجة ما أسلفنا دون أن ينظر للعواقب الوخيمة, ولا أدري من يحاسب هو أم من أجبره على تلك الممارسة
بنظري حل هذه المشكلة يتطلب جهداً من الدولة والمجتمع إن كانوا فعلاً يرغبون في حل المشكلة
المجتمع وخصوصاً والدا العروس, عليهم الرأفة بالشباب فالخلق الحسن هو المهم, الأمور المادية تأتي لاحقا. سيبني العروسان بيتهما معا عاماً بعام ولا ترهقوا الشاب بما لا يطيق.
كم سأحترم فتاة تجعل مهرها زوجاً يحترمها, وكم سأحترم أباً يشري ابنته بميزان التقوى وليس بميزان المادة.
و ارحموا الشاب من نمط العرس التقليدي المكلف, فلا داعي للصالة وللحفلة والسيارة الفخمة والضيافة لممن لا يستطيع تأمين كل هذا
أما الدولة إذا لم ترد التدخل الإيجابي فأرجو منها عدم التدخل السلبي.
أين بيوت الشباب وزيادة الدخل وفرص العمل, لا نسمع إلا عن النجاحات الاقتصادية الباهرة. ولكن كغيري من الشباب لم ألا حظ أي تحسين لوضعي المعيشي!
أوجدوا حلاً لمشكلة العسكرية, نعم هي مشكلة ولها أثارها الاقتصادية والاجتماعية والنفسية الوخيمة على طبقة الشباب بل على المجتمع ككل بذكوره وإناثه. وأناشد كل من يغار على الوطن أن يتصرف ويخرجنا من الضيق الذي نحن فيه. فنحن أمام حلين فإما غربة في وطن أو غربة خارج الوطن.
المشكلة قد يراها بعضنا صغيرة, ولكنها تخفي خلفها مشاكل كبيرة. منها ما ذكرته ومنها ما لم أذكره.
و أختم بقول للإمام ابن حزم عندما بين حقوق المحكوم على الحاكم
حيث يقول بما معناه "إن على الحاكم أن يؤمن بيتاً لمن لم يجد وأن يزوج من لم يستطع ويوفر عملاً لمن لا عمل له ويؤمن له دابة تقله لعمله"
تخبلوا هذه حياتهم في الأندلس هكذا كانت, أم حياتنا ... فأنا وأنتم أدرى
عبدا لله
من مساهمات القراء
المواضيع المتعلقة
إلى أين ستصل بنا الأمور ... رد على تحقيق "المساكنة في سوريا"
RS 2009-06-09 17:24:51
بلا دين بلا ضراب السخن
اصلا الدين هو يلي مرجعنا لورا. ما شايف الا الدول المتدينة عندا مشاكل اجتماعية متل العنوسة و الخيانة و و و.
خلي كل انسان يصطفل بعاداتو و دينو. لا حدا يفرض علي دينو ولا انا بفرض افكاري ع حدا حتى ولاديلولو 2009-03-18 22:25:03
رأي
معك حق انو الشب بيتعذب كتيير واهل البنت مابيرحموه بالطلبات بس بتوقع في حلول تانيةأما المساكنة فهي زنا بامتياز والحفاظ على تقاليدنا مابيعني انو نحنا متخلفين،،، نحنا مجتمع (سمعة) بالدرجة الاولى -سوريا
جونكر 2007-07-31 15:35:47
شو رأيك
شورايك تسحب ورقةيانصسب تبع بوكرةالسحب بلكي بتنقش معك وبتربح وبترتاح من هالهم.-.
وسام 2006-07-10 14:33:09
المساكنة؟؟؟؟
اولا انا اتفق مع الاخ عبد الله اتفاقا كاملا على تسميتها بالزني, ولكن تعليقي على الاخت اللتي قالت ان تكاليف عرسها كاملة ام تتجاوز 60 الف, انا خطبت وبعد اسبوع سافرت واكتشفت بعد سفري ان خطيبتي مجبرة فقررت فسخ الخطبة هل تعلمون كم كلفني فسخها؟ 100 الف نصف المهر وشر البلية ما يضحك!! اعمل 5 شهور في الغربة لاحصل على هكذا مبلغ والله يعين شبابنا ياللي مو مغتربين-جنوب افريقيا
مواطن سوري 2006-07-06 00:50:05
له يا مايا !!!
أنا أتفق معك فيما قلته عن الأطفال الناتجين عن علاقة مساكنة، ولكن ألا ترين أنك بالغت قليلا بوصفك للذين ينجبون بالمساكنة بأنهم "ما بيفهوا"؟ أرجو أن لا تكون تجربتك الناجحة وطريقتك الحرة والمتحررة بالتفكير سببا لتجاهلك ولعدم احترامك لتجارب الآخرين... أنا بالنسبة للزواج بعد المساكنة فهو برأيي ضروري على أن لا يكون بالضرورة "شرعي"...-سوريا
مواطن سوري 2006-07-06 00:25:35
إلى مايا
كلامك متوازن جدا، ويبدو لي أنك إنسانة متوازنة في كل مناحي الحياة، أتمنى لك التوفيق... ولكن أرجو أن لا تفهمي من تعليقي أنني أشجع المساكنة العشوائية، وأنا مقتنع معك أن نجاح أي علاقة متوقف عل طبيعة الأشخاص المقدمين عليها، وليس على نوع العلاقة نفسها (مساكنة أو زواج)... -سوريا
فادي 2006-07-05 17:47:21
تابع
هل نحن هنا فقط نحاول ان نجمل التسمية..في كلا الحالين الدافع هو المعاشرة الجنسية..وليس تأسيس عائلة
يجب ان نحدد ما نبحث عنه؟؟
من الطبيعي ان الشباب سيؤيدون المساكنة ..ولكن هل يقبلها احدهم لفتاة من عائلته...
انا لا ادعي أو أنظر..ولكن المبدأ مرفوض والغاية الجنسية لا تبرر الوسيلة المساكنة..
فادي 2006-07-05 17:42:27
ما هو الفرق
الموضوع غريب عن هذا البلد سواء شرعا او دينا او خلقا...ولنجاوز ذلك الى سؤال..ما هو الفريق بين المساكنة والدعارة...في الاولى تخفض المصاريف وتقوم باحضار بعض الحاجيات اما في الثانية فهي بدل مادي وانتهى.
لماذا لا نسميها دعارة بدل مساكنة...ولماذا لا يستعيض الشباب عن ذلك بزواج المسيار على سبيل المثال..السنا دائما نبحث عن افضل طريق للهروب من تحمل المسؤوليةرهام 2006-07-05 17:41:15
الله يسهل أمورك
من كل قلبي ان شاء الله واحد منهم يقرأمقالك بلكي بصير شي حركة بتفش خلق الشباب و البنات المساكين
إنت ع مهل لسا عمرك 25 غيرك وصل لـ 35 ولسا ما أمن جيزة وأنا معك ومع كل يلي بفكروا هيك بس أكيد المساكنة مو حل لا للبنت ولا للشب
الله يهدي الأهل وبلا منها الصالات والتكاليف الفارطة ويسهلوا عالشباب وعالبنات يلي بدون السترة أمورهن -الشام
مشارك 2006-07-05 14:28:26
مشارك
احي جرأتك واضم صوتي لصوتك
واتمنى من ذوي العيون ان يعملوا عقولهم لحل المشكلة اذا كانوا يون ان ذلك مشكلة أو انه انجاز تعبوا حتى وصلوا له لأنهم المستفيدون الاكثر من هذه الظاهرة أو انها تزودهم بدخل اضافي من طرق خلفية وخفيه-syr
Escamillo 2006-07-05 06:58:15
1
أوجه كلامي هذا إلى اولئك الذين توجهوا بـ " النصح و المشورة " إلى مايا و غيرها من خلال الرابط التالي
http://www.syria-news.com/readmynews.php?sy_seq=33406-syria
سوري غير شكل 2006-07-04 15:00:11
جرأة
بغض النظر مع الذين يقفون مع المساكنة أو يرفضونها نلاحظ أن الموضوع أكثر من رائع فكثرة عدد التعليقات تدل الباحث أن هناك مشكلة في سورية ويجب أن نجد حلاً لها فالشاب في النهاية يريد زوجة والإنثى تريد زوج ويجب أن نجد لهم حلاً وإذا كنا كمجمتمع نرفض المساكنة لا يكفي فقط أن نقول أننا نرفضها ولكن يجب أن نجد بديلاً للشباب عنها.-سورية
ملكة 2006-07-04 14:22:42
يا سنفور..
أنا ما عم هاجم الشباب وبعرف انو قلة الحيا صايرة عند الشباب والبنات ومافيني حدد من قليل الحيا أكتر بس مستغربة انو الشباب مو عاجبتهن المساكنة وهن اللي بضلوا عم بنقوا وما فيهن يتجوزوا وبرأيي انو 90% من شبابنا انبسطوا بالفكرة ويمكن كمان البنات انبسطوا الله العليم بس الشب أكتر لأنو كلشي بلاش كتر منو..مو هيك-الضيعة الواسعة
?? 2006-07-04 13:31:42
??
عفوايا أنسة ملكة نحنا كل المجتمع بيهاجم الشباب وما بيحط أيا حأ على البنات لإنو بصورة مجتمعنا الشاب هو كتلة من الأرف و إلة الحياء وإلة الأدب والبنت هي معصومة عن الأغلاط ومستحيل إنها تغلط إذا الله عز وجل قال بالقرآن "إن كيدهن عظيم" فحرام كل المجتمع نازل بالشباب عن أبو جنب ساعة حدائق للنسوان وغير شي شو بيعرفني عيب والله -??
سنفور غضبان 2006-07-04 13:22:00
ردا على الأنسة ملكة
عفوايا أنسة ملكة نحنا كل المجتمع بيهاجم الشباب وما بيحط أيا حأ على البنات لإنو بصورة مجتمعنا الشاب هو كتلة من الأرف و إلة الحياء وإلة الأدب والبنت هي معصومة عن الأغلاط ومستحيل إنها تغلط إذا الله عز وجل قال بالقرآن "إن كيدهن عظيم" فحرام كل المجتمع نازل بالشباب عن أبو جنب ساعة حدائق للنسوان وغير شي شو بيعرفني عيب والله ---
دبور 2006-07-04 12:35:28
الى أبن البلد منصور..
السيد المسيح هنا, كان يجرد المدعين بالطهارة والذين كانوا يتصنعون الأخلاق,وينصبون أنفسهم كمدافعين عن الدين والأخلاق وهم كاذبين مدعين..تملئهم الخطيئة من رأسهم حتى أخمص قدميهم..فأذا كانت المجدلية مذنبة وواضحة للجميع..هم يملكون من الخطيئة الكثير ولكنهم بالسر..فلا يحق لهم محاسبتهالأن هناك من سيحاسبها,وهذا الكلام ليس دفاعا عن المساكنة وتوابعها..وجب التوضيح-سوريا
ابن البلد منصور 2006-07-04 10:03:59
(((الأخ جورج بلا تخبيص)))
كأنك تقول بأن السيد المسيح سمح بالزنا (معاذ الله) وهنا نحن نناقش الزنا على عينك ياتاجر وإيجاد المبررات له ومن ثم تقنينه بقوانين أما من يزني بالخفاء ساتراً نفسه فلا يعلم به إلا الرب الذي سيحاسبه ، وعن الحرية فكلنا في مركب هذا الوطن فمن يخرق هذا المركب بالزنا (أول طريق الدعارة والأمراض الجنسية) فهو يعتدي على المركب كله ومن حق المجتمع منعه .-
ملكة 2006-07-04 10:06:07
يا شباب
أنا ما بعرف ليش الشباب كتير مزعوجين من الموضوع؟ مو هيك بدكن؟ بتقولوا انو ما عم تتجوزوا لغلاء المعيشة وانو ما في سكن طيب هي المساكنة حلت الازمة وكلياتكن صار فيكن******!!!!!!-الضيعة السورية
Muhammad Airoud 2006-07-04 01:36:03
المساكنة
اعتقد اذا كانت المساكنة بالسر فهي زنا لما تسببه من اضرار وبذلك تكون حرام اما اذا كانت في العلن وبمعرفةالاباء فهي زواج خاصة اذا كان الطرفين بالغين وعاقلين وكفى النظر الى المراة بانها ضلع قاصر ولا تعرف مصلحة نفسها ، لخبرتي بالنساء ارى ان العكس هو صحيح بالاضافة الى ذكائهم انهم اصحاب مكر ودهاء وهذا معروف عنهم من اقدم العصور -scotland
nnn 2006-07-03 19:43:32
I will do whatever I want
حتى الحب ابسط حقوقنا رح تمنعوا تحت اسم رزيله ودعارة.شو رح نعمل بحالنا نحن الشباب مابكفينا الفساد وغلاء المعيشه واستحالةشراء بيت. ممنوع علي الحب يا منافقين-/dwelaaI am happy in usa
جورج 2006-07-03 18:13:25
حرية المعتقدات
ليش بدنا نحاول نفرض التعاليم الدينية و بالزور ، كل انسان حر بتصرفاته يللي بدو يزني يزني و هو الخسران، ما دام ما عم بتسبب بالأذى للآخرين( تنتهي حريتك عندما تبدأ حرية الآخرين). أنا انسان مسيحي و مؤمن، لكن ما في شي ممكن تطبيقه بالفرض و الغصب حتى في الايمان و قدوتي في هذا هو السيد المسيح( من كان منكم بلا خطيئة فليرجمها(للمرأة المومس))-سورية
دبور 2006-07-03 16:27:00
بلا فضايح
الأن ستبدأالصحف العربية والغربيةوكل أنواع المجلات بتناقل الخبر ويضعون أحصائيات عن المساكنة في سوريا..فهاهي طالبة دكتوراه سورية تعيش ببريطانيا لم تصدق أن هذا يمكن أن يحصل في سوريا..!وهي بنت سورية فكيف بالغريب؟؟ يافضيحتنا-سوريا
طالبة دكتوراه في بريطانيا 2006-07-03 15:57:52
شو هالتسارع المدهش
يعني أنا كتير متعجبة على زماننا يعني قبل شي اربع خمس سنين كانت البنت اذا حكت مع شب تنشمس والفضيحة اذا راحو على شي كافتيريا وهلأ عم اقرا انو في عالم عايشة مع بعضا بدون زواج يعني متل هون بفرد شكل والله حاسة حالي نايمة نومة اهل الكهف وقت يللي بدي ارجع عالبلد ولا شو رايكن؟؟-قلتلكن ببريطانيا شو كم مرة بدنا نحكي الشغلة
ابن البلد منصور 2006-07-03 15:27:07
(((((المهم أن ترضي ربك))))
مايا حالتك خارجة عن نطاق المناقشة ( حالة المساكنة كالأزواج بدون عقد شرعي )، ثم إن ربك أمرك أن تعيشي بشخصية واحدة وهو وحده الذي يستحق أن ترضيه لا المجتمع ، أما عن ال4 أشهر التي تعيشين فيها مع غير زوجك وبدون علاقة جنسية فأرجو من الله العلي العظيم أن تتكلل بالزواج وبأسرع وقت ومبروك سلفاً، وأدعوه عز وجل أن يحفظك أنت وكل بنات وطني من كل سوء .-
مايا او انا الي اكتب باسم 2006-07-03 13:11:03
طفل الخطيئة!!! ومجادل بالمعروف؟؟؟
مارح يجيبو اولاد اذا كانوا بيفهموا...
تاني شي عجبتني فكرة طفل الخطيئة حتى بلش فيها كعنوان لمسلسل....مأساوي.....
-سوريا
مايا 2006-07-03 13:06:21
طفل الخطيئة!!!ومجادل بالمعروف؟
أؤكد لك اني سأتزوج زواج شرعي وان قرأت تعليقاتي السابقة كنت ستفهم اكثر..الا تتوقع مثلا ان طفل الخطيئة يمكن ان يحدث حتى في الزواج الشرعي؟؟اليس طفل خطيئة من يأتي من اب وام يقضي الاب وقته خارج البيت خيانة بخيانة...اليس الطفل خطيئة ان ياتي من اب ربي على الخطيئة والخطيئة هنا هي الخيانة هي الكذب ....هي كل الصفات السيئة بعدين اللي بدن يساكنو يا استاذ مابيساكنو-سوريا
ابن البلد منصور 2006-07-03 09:38:11
(((((إلى العذراء مايا)))))
صدقيني من يؤيدون المساكنة لا يعتبرونك إلى الآن مساكنة حقيقية بعد أن أفصحت عن عذريتك فهدف من يصدرونها لنا أن يروا البكارات تنفض والأمراض تنتشر وأولاد الزنا تعم وإن تذرعوا بالحرية والمتعة والإستقلالية فهم يعلمون حاجتنا الماسة لهذه الأشياء الثلاثة وتعشقنا لها فقاموا برميها كطعم لصيد كبير وهو إفساد المجتمع علم ذلك من علم وجهله من جهل . -
مجادل بالمعروف 2006-07-03 09:12:01
أخالفك الرأي يا مايا
تقولين أن علاقة الزواج الشرعي كانت ستفشل بطريقة افظع نظرا لما على الطلاق من تبعات مادية وقضائية وغيرها وأنا أقول : هذا لصالح الفتاة 100%، وأرجو أن لا تمري بمرحلة ضربة الظهر ( حسب تعبير مواطن سوري ) عندئذ ستتمنين لو بيدك سند قانوني ينصفك من خائن العشرة فهو وبكل بساطة سيساكن غيرك بدون تبعات ويتركك تعانين ويلات الفراق بدون أو مع طفل الخطيئة ... -
HANY 2006-07-03 08:37:51
أذا في حدى بدو
يا حبابين أنا شاركت بهالمقالة مشاركة وقلت المساكنة مو من مجتمعنا في شي تاني نتحدث عنو وخلص,بس المفاجأة أنو الموضوع أخد أهمية عظيمة,هون بدبي المساكنة عادي,في كتي سوريين مساكنين,بس هي هون وهون غير شي,بس اذا المساكنة بسورية صارت سهلة عند بنات بلدنا كتير,انا بنزل كتير ع البلد,فاذا في وحدة حابة تساكن, اناجاهز بس منكتب كتابنا مشان الحلال والحرام, منيح هيك (,:فاضل 2006-07-02 15:44:57
الى السيدة مايا
تتكلمين عن تعدد الشخصيات وتعيشنها! كيف تقولين انك لا تهتمي بارضاء المجتمع؟اذا كنت عذراء كما تقولين لحد الآن فهذا يعني انك وفتاك تقاومان رغباتكما الجنسية وانتما تحت سقف واحد بهدف الحفاظ على عذريتك وبما ان أهلك لا يعرفون فهذه أيضا شخصية أخرى غير شخصيتك الحقيقية تعيشينها.لا داعي لكثرة الفلسفة ونحن لا نعي ماذا نقول.وكما قال احد المعلقين تجربتك ناقصة-
مشاكسة 2006-07-02 15:01:11
اوروبا
يمكن بالغرب تطورت الأمور اجتماعيا لانو الاولاد هونيك بيستقلوا عن اهلهن عبكير كتير برغبة الاهل كمان ومن هون بلشوا يسكنوا مع بعض لتحمل اعباء الحياة بعدين تطورت الامور اكتر وصاروا اللي بحبوا بعض بيسكنوا مع بعض بدل ما يسكنوا حدا غريب.نحن عنا الوضع مختلف وما في استقلالية عن الاهل حتى بعد الزواج بيتدخلوا فشوا معناتهاانو بنت بتغيب بالسر عن بيت اهلها منشان ".."-هنا
دبور 2006-07-02 14:35:07
الى الحرة مايا...أنت حرة
نعم ..البعد الجغرافي يفسر الكثير..!وهناك مبالغة ببعض كلامك..وأنت تعرفين أين!!!!وهناك خوف واضح من أهلك ومن الموضوع الجنسي..!!فلا داعي من التشدق ورفع سيف الأحرار..بكل مناسبة!!الأحرار لا يكونوا هكذاخائفين..!!وغدا ستكون لك أبنة عندها ستعلمك معنى الحرية-سوريا
مشاكسة 2006-07-02 14:41:50
مو رايحة غير عالبنت
يعني أول تجربة مساكنة لنقول بتدوم سنة وبعدين بتقلعوا لشي سبب تاني مرة لنقول 3سنين ويمكن يديق خلقه منها وما في شي هو ملتزم فيه تالت مرة يمكن تدوم سنتين أو أكتر أو أقل وكمان مو شرط تظبط وكل واحد بروح بحال سبيله الشباب جربوا والبنت بتكون ضيعت عمرها وكل الناس صارت تعرف وضعها وين هالشب المتفتح اللي رحيقول معلش وانا رح حبها؟أكيد بعد هالفشل حيفكر الغلط منها-هنا
أختي مايا المحبة لها 2006-07-02 14:11:58
((((( إلى الأخت مايا أو من تسمى بإسمها )))))
لا أدري هل أنت مؤمنة بالله أم لا ، سأحسن الظن بأنك تؤمنين بخالقك ، أن تفعلي فعلتك بيك وبين ربك لا يدري بها إلا هو فهذا الذنب يخصك تتوبين منه فيتوب عليك التواب الرحيم ولكن أن تدعي وتشجعي غيرك على الزنى فذلك خطير وخطير جداً قد يودي بك إلى عواقب أدناها أن يختم الله على قلبك فلا تجدي سعادة بحياتك ولا بأخرتك ، أنت لم تنته تجربتك بعد والعبرة بالنهاية.-
مايا 2006-07-02 14:05:05
رد الى السيد دبور
لا تلق الاتهامات كيفما كان ولا تعتقد ابدا ان الشيطان(بالمعنى التقليدي الغبي للكلمة)قادر ان يدخل حياتك ان لم تسمح له انت بذلك فهو ضعيف جدا وانا اقوى منه بعقلي وحريتي التي تعني ان اعيش بشخصية واحدة لا ان اكون بعشرة شخصيات كي اكسب رضا المجتمع علي اتمنى لكل شخص ان بتخلص من تعددالشخصيات شخصيةفي الباطن واخرى في الظاهر حتى يستحق لقب انسان وشكرا-سوريا
مايا 2006-07-02 13:57:31
الى السيد دبور
اوافقك الرأي ان المبادئ الاساسية لا تتجزأ وهي خالدة لكن هناك فرق بين المبدأ وطريقة ممارسته وبين المبادئ والقيم ثم فيمايخص الموضوع الجنسي رغم اننا على وشك خطوبةواعيش معه حياة كاملة بحكم بعدي الجغرافي عن اهلي لكن لم يحصل بيننا علاقة جنسية بمعنى اني مازلت عذراءتماما ولا فخر لكن انا وهو اخترنا ذلك لاخوفامن اي شئ وانما نحن احرار بطريقة علاقتنا فأرجوك-سوريا
بسم الله 2006-07-02 13:55:01
***بعد كل هذا النقاش ترسخ لدي***2
وَإِذَا قِيلَ لَهُمْ لاَ تُفْسِدُواْ فِي الأَرْضِ قَالُواْ إِنَّمَا نَحْنُ مُصْلِحُونَ {11} أَلا إِنَّهُمْ هُمُ الْمُفْسِدُونَ وَلَـكِن لاَّ يَشْعُرُونَ {12} وَإِذَا قِيلَ
لَهُمْ آمِنُواْ كَمَا آمَنَ النَّاسُ قَالُواْ أَنُؤْمِنُ كَمَا آمَنَ السُّفَهَاء أَلا إِنَّهُمْ هُمُ السُّفَهَاء وَلَـكِن لاَّ يَعْلَمُونَ {13}( سورة البقرة )-
بسم الله 2006-07-02 13:51:54
***بعد كل هذا النقاش ترسخ لدي***
إِنَّ الَّذِينَ كَفَرُواْ سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْلاَ يُؤْمِنُونَ {6} خَتَمَ اللّهُ عَلَى قُلُوبِهمْ وَعَلَى سَمْعِهِمْ وَعَلَى أَبْصَارِهِمْ غِشَاوَةٌ وَلَهُمْ عَذَابٌ عظِيمٌ {7} ( سورة البقرة )-
suri 2006-07-01 23:16:15
مشاركات أم
يبدو من المشاركات أن فيها الكثير من
الكلام المختلق يعني المساكنة عندنا صار لها عشر سنوات صيحيح
بس ما كان اسمها هيك
احزروا شو اسمها ياشاطرين ولكم مساكنة
جديدة -س
طالب دكتورا في فرنسا 2006-07-01 15:37:38
حسب مبدأ كل شخص
وقت الشخص ما بكون عندو مبدأ و بيترك ربو و بيلهث وراء الدينا و ملداتها كما يحلو له فوقتها ما راح ما تفرق سكن معها سكنت معو بيشفها بالسر ووو...يعني الموضع مو موقف على السكن أو المكان وأكيد مو واقفة الشغلة على هادا الموضوع فقط. يعني باختصار يا أما أنا ملتزم و بخاف من الله و بساوي ما أمر به و رسوله يا أما بساوي كما يحلو لي وطول عمري ما بشوف السعادة الحقيقيةدبور 2006-07-01 15:43:08
عم تمزحوا
كفى مزاحا..هل هناك مقال جديد لهذا الموضوع؟؟؟؟؟كما قال أحدهم!!!يا ويلللللللللللي!!!-سوريا
دبور 2006-07-01 14:06:36
ساكن قصادي ..وبحبو
لو عرف أبوك وعائلتك التي تحبك بما كنت تفعلينه تحت أسم الحرية وما شابه!لندموا على تلك الثقة..وأشياء أخرى!!سؤال: وأنت تقومين بالمساكنة هل كنت تغيبين عن المنزل,أيام أوعلى الأقل 24ساعة بدون أن يسأل أحد عنك...؟هذه هي المساكنة نوم وقيام لأيام وأشهر مع الحبيب!الذي تفعلوه ليس مساكنة..هناك فهم خاطئ للموضوع ..اذا لنسميه أسم جديد..لك أن تختاريه!!-سوريا
عبد الرحمن 2006-07-01 13:58:48
تحية قلبية للسيد مدهوش وشكرا لك
على هذا الكلام المختصر المفيد ..هذا هو الكلام الحكيم والمليء بالتقوى والعدل والفهم الحقيقي لظروف الانسان وتركيبته.الفرق بين المساكنة الحرام والشرع هو عقد شرعي وعدة في حالة الطلاق ولا شيء غير ذلك.أرجو أن تراجع تعليقاتي في هذه الصفحة لترى كم نحن متفاهمان ,,شكرا لك.الدين جاء ليجعلنا نفعل كل ما نريد ونحتاج ولكن في ظل الله وفي ظل الايمان به فأين أولو الألباب-المانيا
مدهوش2 2006-07-01 13:10:26
أين من يخاف الله ؟
أوجه كلامي إلى من يدعون الدين ومحبة ومخافة الله : إن الشباب في مرحلة الخطر وهم على شفير الهاوية إن لم يجدوا الدعم الكافي منكم ، أعينوا هؤلاء المساكين على الزواج بالمال والدعم المعنوي ، والله إن المبالغ التي ستصرف على زواج الشباب هي عند الله أهم وأجدى من بناء ويرميم المساجد والكنائس ، وهي التي تحمي من الإنحراف ، لاأحد عاقل يفضل الحرام على الحلال-
مدهوش 2006-07-01 13:06:12
مساكنة شرعية
إلى السيد كاتب المقال : ألا يمكن الجمع بين المساكنة والشرع بأن تكون هذه المساكنة زواجاً رسمياً شرعياً ؟ عندما تجد فتاة تقبل مساكنتك فهذا يعني أنها تقبل ظروفك الاقتصادية ومستعدة لمشاركتك الحياة . عندها ستكون هذه الحياة شريفة عفيفة وبمباركة العائلتين -
Selfmartyr 2006-07-01 11:54:12
أفهمك يا مايا
و أحييك , فواضح من تعليقاتك بأنك تدركين و تعين تماما ما أنت عليه , أرجو منك الاطلاع على ردودي أيضا (في كل مقال عن المساكنة في هذا الموقع ) و اليك و الى كل الأخوة أقول : ترقبوا قريبا جدا مقالا مفصلا سأطرحه عليكم للمناقشة-سوريا (و ليست سويسرا)
دبور 2006-07-01 11:13:10
الشيئ بالشيئ يذكر..الى مايا
حتى لو كان أبوك أكبر منك ب70سنة المبادئ الأساسية للحياة قبل الأجتماعية,لا تتجزأ!كيف يستطيع أب مثلا مهما كان الفاصل بالعمركبير أو صغير أن يقبل,هو أب...وأنت بعد عمر طويل ستصبحين أم وعندك بنت..وسيكون هذا الفاصل بالعمر!هل ستتركينها تمارس حياتها بمفاهيم عصرها بعد 30سنة بما يخص هذا الموضوع الحساس مثلا:أنهاتستطيع أن تجلب طفل ثم تتزوج!لأن مفاهيم عصرها كذلك!فكري-سوريا
طرطوسي 2006-07-01 11:16:50
ساكن عليها تنجلي
اجببت ان انزل الى سوقنا الوطنيه هدا المصطلح: (ساكن عليها تنجلي) و هو للامانه مقتبس بتصرف من مقولة المتنبي الشهيره: دخن عليها تنجلي. و عسى الباري عز و جل ان يجعل في زلك خيرا كثيرا-
سوري 2006-07-01 10:44:23
شكراُ لك
شكراُ جزيلاً لكاتب المقال، فقد أرحتني بمقالك وكتبت ما عجزت عن كتابته عند قرائتي لموضوع الزنا والذي أسماه الكاتب بالمساكنة.-سوريا
مايا 2006-07-01 09:57:52
رد الى مواطن سوري-تابع
لكن هناك حالات اخرى اثبتت فشلا ذريعا لكن هذين الشخصين حتى لوكانا على علاقة زواج (شرعي بالمفهوم التقليدي) كانت ستفشل بطريقة افظع نظرا لما على الطلاق من تبعات مادية وقضائية وغيرها , الفكرة بأي علاقة ومن اي نوع هي باشخاص العلاقة وليس باسمها او نوعها.فان كانت العلاقة امومة مثلا وعلاقة الام وابنتها جافة وسلبية فالامومة هناهي غلاقةسلبيةوتعود سلبا على الطرفين-سوريا
دبور 2006-07-01 09:31:18
الى أبطال الديجتال والنت..
لنميز بين علاقة جنسية كاملة وبين المساكنةبالمفهوم الأصلي,كل التعليقات التي مع المساكنة...رائحة الجنس فقط تفوح منها,وليست التكافل والتكافؤ,وحل لعقدهم الجنسية,لا أكثر ولا أقل!..***-سوريا
مايا 2006-07-01 09:52:59
رد الى مواطن سوري
ياسيدي العزيز شكرا لك لكن انا لست من المشجعين على هذه التجربة بالمعنى العام لكنها صدقني يمكن ككل العلاقات البشرية ان تأخذ شكلا سلبيا وتعود بالضرر على الاثنين معا ,قرار المساكنة يتعلق بالشخصين معا :كيف يفكران ؟ماالهدف الذي يريدان تحقيقه؟هل يمكن ان تأتيهم المساكنة بوجع راس اكثر مما تأتيهم براحة واستقرار؟قد تكون تجربتي كما قلت جيدة ومشجعة لكن هناك حالات -سوريا
مايا 2006-07-01 09:48:07
رد الى السيد دبور-تابع
استطيع ان اتحمل مسؤولية قراراتي سواء بنجاحاتي الدراسية المميزة وباختيار الفرع الذي احببته ومكان العمل الذي فيه اثبت جدارة والاصدقاء الذين معهم عشنا اروع العلاقات الانسانية وحتى علاقتي باهلي التي هي اكثر من رائعة كل هذا انا الذي بنيته فلا تخف لا انت ولا اهلي علي بقراري بالمساكنة مع من اختاره قلبي وعقلي ...شكرا لردك واهتمامك -سوريا
مايا 2006-07-01 09:41:38
رد الى السيد دبور
انا احب اهلي جدا هم ناس رائعين بدون شك لكن تعال لنفكر بطريقة جديدة: انا التي يكبرني والدي 40 عام اي جيل كامل فما انا مقتنعة به بهذا الموضوع الحساس ليس من الوارد ان افرضه على اهلي او ان اعيد تربيتهم من جديد ان كانوا يحترمون انسانيتي فعلا لا يفكرون ولا يقولون لي كلاما كالذي قلته انت فانا لي حرية اختيار الحياة التي اريد ان اعيشها وعلى مدى 25 عام اثبت اني -سوريا-دمشق
محمد 2006-07-01 02:32:35
ساعدونا على الصوم
عفوا يمكن الموضوع بعيد شوي, بس والله رح نموت من هالشوفات والإغراءات يللي عم نشوفا 24 ساعة
لك بدن يخلونا نغلط بالغصب
والله شي متعب هالتحرر الزايد-سوريا
حيادي 2006-06-30 18:08:02
كلكن صح
ولك يا جماعة الموضوع مو مستاهل كل هالأخد وهالرد كلكن صح يا عمي ويللي بدو يحجب نسوانو يحجبهن ويللي بدو يتزوج يتزوج ويللي بدو ياخد من غير دينو ياخد كل الشغلة بتنحل بالزواج المدني وكل واحد ينام على الجنب يللي بريحو وحاجة انتو يا متعصبين تطلعو وتنزلو وبدكن الكون يمشي على مرائكن -
ابو اكرم 2006-06-30 17:23:53
الزنا مرفوض و مستقذر و حرام
اتفق مع الاخ مراد في كل ما قاله , ثم نحن بحاجة لتعزيز دور الدين الذي يحارب على كل الاصعدة! فهو شبه مغيب في المدارس, ويمنع نزوله للحياة العامة! اما علماؤنا الكرام فهم على العين والراس لانهم (ورثة الانبياء) كما اخبرنا سيدنا محمد(ص)-حلب الشهباء
الرقم الخاص يتصل بك 2006-06-30 17:12:21
إلى مايا ودبور والشباب الرايقة
كنت أسكن في دمشق لمدة 10 سنوات ومررت بفترة المساكنة وكانت رائعة فيها استقرار عاطفي واجتماعي ولكن الظروف منعتنا من إكماله الى الزواج ولكنني لك اكن أجرؤ على فتح الموضوع اما الأهل ومعهم حق فانا خرجت خارج الحدود ولكن لا داعي للمجاهرة ولا داعي للخوف مما فعلته المهم ان المساكنة شيء شخصي ولا يجوز فتح نقاش فيه على النت ولكن صحتين قولة الدبور -شيكاغووووووووورررررررر
ضحية القمع الجنسي 2006-06-30 16:14:14
حلوا عنا!!
أنا فتاة من أسرة مثقفة و حاصلة على أعلى الشهادات من دولة أوربية ولكن بسبب تربيتي المحافظة كانت مسألة البكارة تسبب لي خوفا دائما وعندما تزوجت من الشخص الذي أحبه (سوري) منذ خمسة أشهر لم أستطع أن أتخلص من عقدتي وحتى الآن لم نستطع أن نمارس علاقة زوجية كاملة وكله بسبب الكبت الجنسي الفظيع في مجتمعنا وأنا متأكدة اني لست الوحيدة-
عبد الرحمن 2006-06-30 15:26:20
عرفة ومنتفعاتها وعقد زواج شرعي دون
مبالغة في التكاليف وبامكان أي شاب وشابة موظفين أن يقدما على الخطوة وأن يعيشا بالنقود التي يكسبانها بدل هدرها على الشكليات التي لا يرضى الله عنها ولا بشكل وعقد الزواج الشرعي هو أن يتراضى العريسين على المهر ومن الممكن أن يكون عشرة آلاف ليرة مثلا والالتزام بالعدة في حال الطلاق وبذلك نكون قد وصلنا الى ما نريد دون مخالفة شرع الله فما رأيك-المانيا
عبد الرحمن 2006-06-30 15:22:19
لمن يزاودون بالدين والمثالية أقول
اذا كان الشاب يمضي الفترة بين 18 و30 لبناء قاعدة للزواج فمتى سيتمكن هذا الشاب من بناء ما استطاع من قوة لبلده ليحارب أعداءه..الزواج الاسلامي القرآني هو الحل وابعاد رجال الدين ومعاقبتهم بالحجر ضرورة ملحة...المسألة هي غرفة ومنتفعات وعقد مسجل عند الدولة وهذا ما يتمكن كل شاب من فعله تقريبا وما يمكن للاخرين مساعدته أن لم يكن بمقدوره فعله واليك الكلفة-المانيا
عبد الرحمن 2006-06-30 15:19:25
اٍن أكبر خدمة يقدمها مجتمع لأعداءه
هو أن يمضي شبابه فترتهم العمرية بين ال 18 وال30 دون ممارسة الجنس وهذا فيه هدر للطاقة النفسية والانتاجية الفكرية للاٍنسان بشكل لا يستطيع اصحاب العمامات استيعابه ومازالوا يحاولون تصوير الجنس على أنه عيب وأن الرغبة به مسألة يمكن حلها بالعبارات المثالية وأنا أقول أن الحالة التي نعيشها هي أكبر جريمة ترتكب بحق مجتمع وتهدف لتدميره واضعافه -المانيا
عبد الرحمن 2006-06-30 15:16:00
أولا شكرا جزيلا على هذا المقال الرائع
والذي أصنفه في مرتبة أهم خطوة اصلاحية وأكثرها الحاحا ووالله كنت أكتب مقالا عن هذا الموضوع وبنفس الفكرة والمعالجة ولكنني كنت أتوخى الدقة فاستغرق الأمر طويلا...يا سيدي المساكنة اٍذا توفر العقد الشرعي والمسجل تصبح زواجا وحلالا ويترك لطرفي الموضوع تحديد الاتفاق المادي واٍن اتفقا على أن المهر بضع ليرات فهذا حقهما وهما بذلك قد أقاما حدود الله-المانيا
Selfmartyr 2006-06-30 12:28:13
الى الأخ دبور
هل سمعت بالعبارة التي يقولها الشرطي الأميركي للمتهم : لديك الحق بالحفاظ على الصمت و أي كلمة تقولها يمكن أن تستعمل ضدك.
قد تسميها جبنا و لكني أسميها حذرا , فهل تريدني أن أفصح عن نفسي و ع وضعي أمام الناس ؟ و هل في حدا يجيب الدب لكرمو ؟ و سلملي على كرمو-سوريا (و ليست سويسرا)
مواطن سوري 2006-06-30 01:35:14
رد على مراد
يعني يا سيد مراد أذهلتني بذكائك المفرط!!! بحب خبرك إنه الموضوع موضوع إجتماعي بحت، بمعنى إنه مطروح للنقاش للجميع بغض النظر عن الدين... ولاحظ إنه أغلب الذين يلجؤون للمساكنة أو الزواج المدني، عم يلجؤولها لإنهم من دينين مختلفين... وفهمك كفاية!!!-سوريا
فرتوك 2006-06-30 00:44:57
إلى دبور
"صحتين"!!!! شو مشان؟! يا زلمة والله ضحكتني ومو جاية على بالي.-سوريا
مغترب 2006-06-30 00:26:15
بل هو تقليد اعمى
لعلنا نستفيد من تجارب الامم السابقة واللاحقة , لعلنا نستفيد ممن سبقنا لاحضارة المدينة , لكن علينا ان ننتبه , وننتبه جيدا الى المطبات التي سقطوا فيها فنتجاوزها ولا نقع فيها , ان المساكنة بدول الغرب ومايعرف عن البوي فرند والغيرل فرند هو نتيجة افرازات حتمية للانحلال الاخلاقي لديهم وبالتالي ايضا المساكنة لديهم افرزت بدورها اطفالا شبه الايتام ,فلنفكر اذنعبد الحميد الثالث 2006-06-30 00:20:02
سؤال
سؤال للسيد مراد المحترم ما هو انتمائي الديني والمذهبي...اذا حزرت فلك مني جائزة قيمة...MURAD 2006-06-29 21:57:36
مقالة مسمومة
المقال كله كمن يدس السم بالعسل! فهو ينتقد علماءنا الاجلاء , ويجد مبررات للزنا(المساكنة)!! واقول للذين مع المساكنة: نحن نعلم انتماءاتكم الدينية والمذهبية! لكن غالبية الشعب السوري ستبقى تهتدي بشرعنا الاسلامي , و انتم تصطفلوا, بس ديروا بالكم من الايدز!! -
مواطن سوري 2006-06-29 18:35:37
إلى الآنسة مايا
بهنيكي على هالتجربة الحلوة وعلى جرأتك، وبتمنالك إنه علاقتك مع هالشب تنجح وتتكلل أخيرا بالزواج (الديني أو المدني) لتكوني قدوة لغيرك، وومثال رائع يستشهد به في النقاش مع من يدعي أن المساكنة هي "خلل اجتماعي فادح وفاضح".. وحتى إن لم تنجح هذه العلاقة، فلا تندمي عليها لإنها تجربة عظيمة وأنا متأكد إن لها فوائد كبيرة لك فـ"الضربة اللي ما بتكسر الظهر بتقويه"-سوريا
مواطن سوري 2006-06-29 18:07:05
غريب!!!!
غريب أمره هالـ"ابن البلد منصور"!!! يعني هلق برأيك ما فيه فرق بين الدعارة والمساكنة؟؟؟ يعني من كلامك بفهم إنك يا أما ما بتعرف شو يعني دعارة، يا أما ما فهمت أساسا شو يعني مساكنة... بترجاك لا تخلط عباس ودباس... بعدين يا أخي إنت ما بتعرفني ولا بتعرف كيف بحكي بين الناس، فعلى أي أساس عم تطلق اتهاماتك؟ -سوريا
فرتوك 2006-06-29 16:43:18
إلى مايا
أليست هذه خيانة لعائلتك؟ أليس لهم عليك حق؟ ألم يربوك ويعلموك؟ أنت تفعلين شيئاً لا يرضون عنه, وربما لم يتصوروا يوماً أن ابنتهم التي أحبوها وربوها ستطعنهم بهذه القسوة, وإن كنت على حق وأهلك على باطل فضعي اسمك كاملاً (إياك أن تفعلي فأنا لا أريد أن أشارك في جريمة تحطيم عائلة وإنما أردت أن أحفز عقلك)-سوريا
دبور 2006-06-29 15:52:49
الى مايا
صحتين....و1000و1000و1000مبروك,وعقبال العازين..-سوريا
دبور 2006-06-29 15:23:06
طق..طاق..
نحن شعب نحب..طق.. طاق..طق..طاق,الى الذين يعارضون المساكنة..أسئلهم:هل سمعتم من خلال أحاديثكم مع الناس ,ومن حولكم أن أحد يقوم بالمساكنة..يعني هل تعرفونه؟..لاأعتقد ذلك ,قامت الدنياولم تقعد بسبب بعض الآراء المتطرفة..التي لن تقدم ولا تؤخر وهي.. طق طاق..! لا أكثر ولا أقل,كلام وأمنيات فقط..أنا بصراحة لم أسمع بذا الشيئ ألا هنا..هيا لنتابع طق..طاق..طق..طاق!!!!-سوريا
مايا 2006-06-29 15:03:20
اعيش معه منذ 5 اشهر
احبه ويحبني وانا اعيش لوحدي بحكم العمل كنت من الفتيات التقليديات وانتمى لعائلة مثقفة ومتعلمة ومحاورة لكنها لا يمكن ان تقبل المساكنة الان اعيش معه في بيته هو حبيبي الذي معه تحسنت كل احوالى النفسية والعلمية سنتزوج في بداية العام القادم سموا ما انا به كما تشاؤون لكن انا اعيش السعادة بكل معناهاواحس بانسانيتي معه-
بسم الله 2006-06-29 14:30:53
#####نتيجة هذا الحوار مع البعض#####
إِنَّ الَّذِينَ كَفَرُواْ سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لاَ يُؤْمِنُونَ {6} خَتَمَ اللّهُ عَلَى قُلُوبِهمْ وَعَلَى سَمْعِهِمْ وَعَلَىأَبْصَارِهِمْ غِشَاوَةٌ وَلَهُمْ عَذَابٌ عظِيمٌ {7} ( سورة البقرة )-
ابن البلد منصور 2006-06-29 14:26:40
((((إلى الأخ الشجاع ال (مواطن سوري))))))
الموضوع واضح متل عين الشمس ، ببلادنا الفكرة مرفوضة وغير صالحة للتطبيق الواقعي واسأل دوريات الأخلاقية التي تلاحق كل بيت دعارة بالبلد ، الجبان هو الذي يرغي ويزبد على الأنترنيت ويقول أنه ملحد ويقول بممارسة أخته للفاحشة ثم بين الناس يجبن ولا ينطق بحرف من ذلك ..أنا أتحداك أيها الشجاع ومن يساكن أن تقول لجاره ذلك ... فمن هو الجبان شباب .-
souri 2006-06-29 10:03:31
السيد شهاب الدمشقي
مقارنة بين المسيار و المساكنة الفرق شاسع، و بالعكس هما ضدان، لانه بالمسيار لا يوجد بيت للزوجية اساسا، ويتم اللقاء في اماكن مختلفة و فترات متباعدة، في حين ان المساكنة، معايشة ضمن البيت الواحد ،و اللقاء متصل بين الاثنين، طبعا أعني باللقاء، الرؤية و ليس اللقاء الجنسي،و لا أدري كيف تراهما متشابهان، بالمناسبة أنا أرفض حتى المسيار، لكنه كحل أفضل من المساكنة-الغابة السورية
hany 2006-06-29 08:46:10
يعني أهلين مساكنة
لك خلصونا يا جماعة, كل الحكي يلي حكيتو منيح وحلو ومفيد, بس مو هيد الوضع بهل الدرجة بسوريا وصعب كتير يصير متل أوروبا, بعتقد لسافي ناس قابضة على الجمرة ةفي تقاليد وعادات, انا عايش ببلد عربي تاني, شوفو المساكنة هون, مجتمع منحل بكل القيم, بدي من يلي مو مرتبطين بدين, وشايفين المساكنة عادي, حدى منون بيرضى أختو تساكن حدى, اذا بيرضة وعادي , معناها أهلييييييييينشهاب الدمشقي 2006-06-29 08:40:36
بالون اختبار
اعجببتي كثيرا تعليق العزيز دبور الذي وضع القضية في حجمها الحيقيقي بالفعل، فالمساكنة بالمعنى الغربي لم تحدث في سورية الا بحالات تعد على اصابع اليد، ولكن بالمقابل يحق لنا أن نسأل : اليس زواج المسيار هو شكل من اشكال المساكنة بعد تغليفه بغلاف شرعي !؟ .. ما سر هذا النفاق الاجتماعي الذي يدعونا الى رفض ممارسات، وتبرير اخرى بعد صبغها بصباغ شرعي ! souri 2006-06-29 05:11:36
الى عبد الحميد الثالث
و الله يا عزيزي انت كل مرو عم تكتب باسم و كل مرة عم تحاول تبين اشياء مش صحيحة، من قلك انو الله خلقنا عراة، من وين جبتها هي، انا لح احتج بالشيء اللي بآمن فيه و هو القرأن، و لح اذكر القصة،انو لما أدم وحواء أكلوا من الشجرة، بدت لهما سوأتهما و طفقا يخصفان عليها من ورق الجنة، يعني ما كانوا شايفين عورات بعض، و حاولوا تغطيتها ، ياريت تجبلي انت بقى أي دليل عكس -الغابة السورية
مواطن سوري 2006-06-29 04:53:26
إلى السيد أنطونيوس
إن الملحد سيدي الكريم يحترم إلحاده كاحترام المتدين لدينه... تستطيع اعتبار الإلحاد هو ديننا نحن الملحدين... وجب التوضيح... شكرا-سوريا
سياسي فذ 2006-06-29 04:25:27
غريب
ياأخي هالموقع غريب ..والله موضوع المساكنة لايوجد الا بالموقع اما على ارض الواقع فلم اسمع ولم أرى ولم اشم حتى ريحة عن هالموضوع ..يعني اتخيلو شب وبنت عايشين بحارتكم ومو متزوجين والله ماصارت ياجماعة ..ف ليش الكذب ..وقت قريت المقال فكرت حالي ب سان فرانسيسكو او نيويورك..بقى خلينا واقعيين
أما عبد الحميد فياريت تجرب تطلع عاري بالشارع وخبرني عن مشاعرك اذا وجدت-
مواطن سوري 2006-06-29 04:26:26
تحية إلى سيريانيوز
أنا بعكس بعض المعلقين الكرام بدي إشكر سيريانيوز على هالموضوع المهم اللي طرحته وعم تعطيه حقه الطبيعي من النقاش... أنا ما رح قول عن المعارضين لكتابة هالمقالات إنهم متخلفين أو رجعيين أو.. أو.. أو.. لإنهم ببساطة ممكن يكونوا أفهم مني وأكثر علماُ وثقافة، بس رح قلهم (وأنا مسؤول عن كلامي) إنهم جبناء وما عندهم الشجاعة إنهم يواجهوا هالموضوع المهم.... شكراً-سوريا
مواطن سوري 2006-06-29 04:15:17
نقطة مثيرة للاهتمام2
وأنا كمؤيد للمساكنة (ومؤيد بشكل أكبر بكثير للزواج المدني)، لا أطلب من المجتمع أن يعتمد المساكنة كطريقة وحيدة للارتباط بين شخصين، وإنما أطلب منه أن يقبل هذه الطريقة كإحدى الطرق للحياة، وأن يحترم أفراده ويترك لهم حرية الإختيار بين الحل الديني، والحلول الدنيوية المدنية... -سوريا
مواطن سوري 2006-06-29 04:07:52
نقطة مثيرة للاهتمام1
أتفق تماما مع الكاتب في قوله:"إن المساكنة هي زنا(من وجهة نظر دينية)". وهذه حقيقة لا أستطيع لا أنا ولا غيري أن ننكرها. أما المشكلة الحقيقة تكمن في أن مجتمعنا هو مجتمع ديني (بمسلميه ومسيحييه) ولا يحترم الآراء غير الدينية، بل يذهب إلى أبعد من ذلك، إذ يحارب هذه الأفكار اللادينية ويحاول مصادرة وجهات النظر الأخرى. وأنا كمؤيد للمساكنة لا أطلب من المجتمع أن-سوريا
مواطن سوري 2006-06-29 04:01:59
الحق الذي يراد به باطل
مع كل ما ذكر في هذا المقال من معلومات وتحليلات أؤيدها، إلا أنها تمثل الحق الذي أريد به باطل، إذ أن الكاتب يعتبر المساكنة "مشكلة" لها أسبابها، وبحاجة إلى "حلول" وما إلى ذلك من الكلام المصاغ بطريقة معسولة ومؤدبة. أشكر لك مشاركتك هذه سيدي كاتب المقال، ولكن أرجو أن تفكر مرة أخرى، فلربما تجد أن المساكنة هي حل للعديد من المشاكل، وليست مشكلة بحاجة إلى حل. شكرا-سوريا
عبد الحميد الثالث 2006-06-29 01:08:54
يا فرتوك
عزيزي الله خلقنا عرايا ولم يفطر عقلنا على شئ وهذا ما أكده معظم علماء علم النفس ... وبالمناسبة هذه الجملة لا تفهم حرفياً طبعاً فهي رمز ومجاز عن الخطيئة الجنسية التي صدع الأنبياء رؤسنا بها لا غير.. أتمنى منك بعد النظر وتحية--
فرتوك 2006-06-29 00:36:02
إلى عبد الحميد الثالث
خلقك الله عارياً ولكن ألم يفطرك على ستر عورتك؟ ما هذه السفسطة: "خلقنا الله عرايا" هل كان يفترض أن تخلق مع ملابس تكفيك طوال حياتك؟ بصراحة سأستعمل كلامك هذا مثالاً على المدى الذي يمكن أن يبلغه الإنسان.-سوريا
أحمد 2006-06-28 19:43:58
من الطرف الآخر
على من يريد التشريع للمجتمع أن يراعي وجود آخر، والآخر الجديد هنا والذي لا تعترفون به على ما يبدو هو الملحد! لايمكنك أن تفرض عليه أسلوب حياتك بحجة أن الله قال كذا، فهذا لايعنيه وليس من حقك أخي المسلم أن تفرض عليه أي شيء. عليك فقط أن تدعه لله وهو من سيحاسبه وعندها سيحاسبه على دينه هو وليس على دينك أنت. يمكنك استشارة شيخ على قدر من العلم في هذا الخصوص.-سوريا
؟؟ 2006-06-28 18:16:36
؟؟
عفواً يعني ما صرعتونا...يلي بدو يصاحب يصاحب ويلي بدو يزني يزني واللي بدو يصوم يصوم واللي بدو يصلي يصلي....وبكره الله بيحاسب الجميع ....أو بكره كلنا رح نموت (هاد ليلي مابيآمن بالله)..وخلص ...عملتوها قصة الزير سالم.-؟؟
أنطونيوس 2006-06-28 17:44:25
الى أرثوذسكسي
ياسيد أنا شاب مسيحي كاثوليك,كفى بهدلة يارجل,كلنا يعرف أنك اذا أردت الزواج بمسلمةلا بد أن تشهر أسلامك,هذا قانونهم وقانون البلدالذي أنت فيه,ماالذي تريده تغير شرعهم لايمكن !زواج مدني.. الكنيسة هنا رفضته قبلهم!!يكفي أخد ورد الى مالا نهاية,والذي يقع بحب فتاة مسلمة يضع نصب عينيه هذا الوضوع,وبماانك علماني عتيق وتحب فتاتك بهذه الصورة تخلى عن دينك غير مأسوف عليك-سوريا
صلاح الدين السوري 2006-06-28 16:52:09
تتمة
الصيام هو حل مؤقت ريثما يتزوج وهو لاينفي ان يقوم المجتمع والاسرة معا بما ينبغي عليهما القيام به فلقد دعا رسول الله صلى الله عليه وسلم فحديثه الى تزويج الشاب التقي (اذا جاءكم من ترضون دينه وخلقه فزوجوه ان لاتفعلوا تكون فتنة في الارض ) وحث المجتمع على تحمل مسؤوليته في الاصلاح (الا كلكم راع وكلكم مسؤول عن رعيته) فلايجوز للبعض ان يفسر الدين على هواه -سوريا
صلاح الدين السوري 2006-06-28 16:44:05
تتمة
فاجد قول الله عز وجل ( انك لاتهدي من احببت ولكن الله يهدي من يشاء ) وعموما لن نمل فهذه سبيل الله عزوجل ومنه الى الاخ كاتب المقال لقد ارتكبت خطاء فادحابتفسيرك لحديث رسول الله صلى الله عليه وسلم على هذا النحو واجدد القول ان ديننا الحنيف يناسب اي مكان واي زمان لانه شرعة الله في خلقه واقول لك يا سيدي ان الحديث الشريف والذي يدعو الشباب الى مطهرةالخلق من خلال-سوريا
صلاح الدين السوري 2006-06-28 16:34:08
حالة من التناقض
السلام عليكم ورحمة الله وبركاته اما بعد اصبح المرأ منا يعيش حالة من التناقض انطلاق من حبنا لابناء قومنا واخوتنا وحب بالتعريف عن ديننا الحنيف انطلاقا من حديث الرسول صلى الله عليه وسلم ( لايامن احدكم حتى يحب لاخيه ما يحب لنفسه ) وبين البعد من الاساءة التي يتعمدها البعض او المفاهيم الخطاء التي ينشرها البعض الاخر عن ديننا وعن هدفه ومبتغاه -سوريا
سوري من الشام 2006-06-28 16:33:39
بسم الله الرحمن الرحيم
وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَن يَفْعَلْ ذَلِكَ يَلْقَ
أَثَامًا{68}يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا{69}إِلَّا مَن تَابَ وَآمَنَ وَعَمِلَ عَمَلًا صَالِحًا
فَأُوْلَئِكَ يُبَدِّلُ اللَّهُ سَيِّئَاتِهِمْ-*****************
سوري من الشام 2006-06-28 15:26:19
إلى جهنم و بئس المصير
والله لو ظللتم تتحدثون من الآن إلى يوم القيامة و قلتم أن المساكنة زنا سيظهر بعضهم و يقوم بها و لن تردعهم أي عظة المسلمون منهم يعرفون أنها حرام وغيرهم لا رادع له والنتيجة أولاد بالحرام ونساء تصبح عاهرات بعد الانفصال عن الشريك نكاية به وحقوق ضائعة لهن وسوف نجدأيضاأجنة في النفايات.هذه هي الحضارة والحرية التي يريدونها.ياأسفي على هذا الشباب الضائع.فإلى جهنم-××××××××
قنوع 2006-06-28 15:29:53
ياشباب
كلامك كله فاضي يا عبد الله وحجج واهية وتشجيع على المساكنة ولكن اتبعت الطريق الغير صريح فعيب عليك وعلى سيريانيوز اللي ما عاد عندها غير هيك موضوع تناقشه بلا قرف بقى-
77 2006-06-28 15:20:42
لك طول عمركم رح تبقو محلكم إي ؟
لك بتعملو من الحبة قبة ومن الريشة قضية ..
لك هلأ إذا ما كان في مساكنة بيجوز بعد هالـ 100 مقال عن المساكنة بدو يصير اكيد في .. لاقو شي شغلة غير البطيخ تحكو فيها .. شو رأيكم .. شو رأيك أنتي حبيبتي -كل الحق على رقم 77
Selfmartyr 2006-06-28 15:00:12
شكرا للأخ عبد الله و لكن ...(2)
وبمقارنة بسيطة,أنا - المساكن- أنجح حياتيا من كثير من المتزوجين الذين:( يخلفون أطفالا يجوبون الشوارع طوال النهار,و العاطلين عن العمل ,و الغير متغاهمين بين بعضهم البعض,أو المناسبين لبعضهم البعض , أو الخائنين لزوجاتهم و أزواجهم,أو الضجرين من بعضهم ) أعود و أقول "بعض" و ليس "الكل" وهذا البعض كثر. فهل برأيكم الأصل الديني المختلف هو عائق؟ وسواه كله مقبول؟-سوريا (و ليست سويسرا)
Selfmartyr 2006-06-28 14:53:23
شكرا للأخ عبد الله و لكن ...(1)
أرجو الاطلاع على ردي بالمساكنة في المقال السابق,خلال سنتين من مساكنتناكلانا استطاع أن يجد عملا و أن نستأجر بيتا و نفرشه" على مهل" لن أسلم أو أتنصر لأني علماني بطبعي , قد أكون كافرا في نظر البعض و لكن مبادئي تجعلني أفضل أن أكون كافرا , من أن أعتنق الاسلام منافقا. وأظن أن النفاق "حتى من وجهة دينية"مرفوض.الحل بالزواج المدني الذي هو غير متوفر في قانوننا-سوريا (و ليست سويسرا)
Wolf 2006-06-28 14:41:28
مسلسل مكسيكي
والله مسلسل مكسيكي , مامليتو من هالموضوع صحيح شعبنا بحب الحكي كتير.-
شامي مضطهد 2006-06-28 14:34:50
شو ما عندكن غير هالموضوع؟
يا موقعنا المحترم لماذا تلعبون على الوتر الحساس , المساكنة لم و لن تكون في سوريا الا بنسبة لا تذكر و الموضوع أتفه من أن يعاد تكراره مرات و مرات و هو بالأصل ليس موجودا , هناك مواضيع أكثر أهمية(السكن, الهجرة من الريف الى العاصمة, معوقات الزواج, البطالة....) و الله ملينا من هالموضوع البايخ -الشام
مسجد زيد بن ثابت بالفحامة 2006-06-28 13:57:28
لنتعاون على البر والتقوى ولا نتعاون على الإثم والع
أنا مع الكاتب بضرورة إيجاد حلول عملية لأزمة الزواج : من أهل الفتاة بتخفيف الأعباء وتيسير الأمور ومن أهل الشاب بالمساعدة والتعاون ، إن من أهم مصارف الزكاة الآن هي بتزويج الشباب ، هناك مشاريع بالشام مثل جمعية المودة والرحمة خصصت لتزويج الشباب يمكننا تقديم المبالغ العينية أو المساعدة كل بمهنته لإنشاء بيت الزوجية ، " وقل اعملوافسيرى الله عملكم .."-سوريا العفة والطهارة والأخلا ق والعلم والتقدم
lama 2006-06-28 13:41:28
رد عل المساكنة/2/
قلت بنبني حياتنا سواومن حسن أخلاقه لم أستطيع أن أعيش معه أكثر من عشرين يوم.
بقى مو كل الشباب بيستاهلوا يتاملوا نفس المعاملةlama 2006-06-28 13:28:45
رد عل المساكنة
الى الاخ عبدالله مافي أحلى من هالكلام بس عند التطبيق وين الشاب يلي بيستاهل انه يتعامل هيك؟أناواحدة من البنات يلي كانت تفكر بالشاب الخلوق ولو مادياكان على قده لانه حنبني حياتناسوافأنابنت أعطاني الله الكثير من الصفات الحسنة من جمال وعائلةوعلم و---رفضت كثيرامن الشباب الميسورين ماديالبعدهم عن الالتزام وعندما جائني شخص موظف راتبه هومصروفي الشهري رضيت به وأنادبور 2006-06-28 13:10:02
الكذبة الكبيرة
فلذلك أرجو أن يعود الموضوع الى حجمه الطبيعي..ولتكن فكرة وطرحت..لا أكثر ولا أقل,والله عندما قرأة كل المقالات التي تتناول هذا الموضوع الحدث والتعليقات تخيلت أن نصف عدد سكان سوريا يساكنون بعضهم..ونحن لا علم لنا,لقد كذبنا الكذبة ونحن صدقناها!!!-سوريا
دبور 2006-06-28 13:01:38
تتمة لفنتازيا المساكنة
ولاننسى أيضاأن تركيبة المجتمع هنا,لايمكن أن تسمح بمرور الموضوع هكذا!!يتم الحديث عن رجل يأتي ويذهب أو فتاةتلتقي من تحب بمكان ما!!أو بيت للدعارة..!ولكن أن يكون رجل ومرأة يسكنون مع بعضهم كمتزوجين وليسو كذلك 24ساعة, لم نسمع مثل تلك القصص!واذا كانت بالسر..الدخول والخروج ليس بالسر لوجود بشر ميزتهم الفضول بمجتمعنا هم الجيران!!ألا اذا كانوا يلبسون طاقية الأخفاء-سوريا
دبور 2006-06-28 12:47:49
المساكنة ..فنتازيا أجتماعية
يكفي مقالات ومقالات مضادة بهذا الموضوع..يأخي غريب!اقد أشبع هذا الموضوع بحثا وردود تثير الأعصاب,نحن نسمع عن علاقات غير شرعية تتم من قبل الرجل أو المرأة ولكن أن يكون هناك مساكنة حقيقية,وهنا في مجتمعنا..!لقد تمت المبالغة بهذا الموضوع حتى كاد أن يصبح فنتازيا أجتماعية,وكأن المساكنة أصبحت نسبها ملحوظة,وهي في الحقيقةتكاد تكون معدومة!!ان وجدت!!-سوريا
عبد الحميد الثالث 2006-06-28 12:39:53
مقال انكشاري
أولاً يا حبيبي الزنا والمساكنة ليست عيباً ولا عاراً فالله خلقنا عرايا فعلمنا أنبياء الشيزوفرانيا الخجل...ثانياً الانسان الجاهل بحاجة لقدوة أما الانسان العالم فيكون هو قدوة لنفسه ولغيره...يميني 2006-06-28 12:16:31
رد ع المسكنة في سورية
الدين الاسلامي واسع فالذين يرغبون بها عليهم فقط كتاب شيخ وموافقة ولي امر الفتاة اذا كانت بكر و تنقلب الامور منزنا علاقة الى زواج حلال يعني ليش التقليد الغبي للغرب متل بعض اللبناتية
بعدين مين هية البنت التي ترضا بالمسكنة صعب كتير كتير
copy rights ©
syria-news 2010
