عادة "السرية" .. اقلعوا عنها؟ .. بقلم: نضال معلوف
لازال صديقي "الياس" يعاني منذ سنوات حتى اليوم من قرار صدر على حين غرة بإيقاف العمل بإنتاج زيت الزيتون من مادة "البيرين"* ، بعد ان كان هو وثلاث شركاء قد انهو للتو تجهيز المنشأة الصناعية ووضعوا كل مدخراتهم بها عندما كانت القوانين تسمح بذلك.
القرار صدر قبل ثلاث سنوات تقريبا عن وزير الصناعة ، لم يتصل احد باصحاب المنشآت التي تنتج زيت الزيتون باعتماد هذه الطريقة ، ولم يتم ابلاغهم او حتى التشاور معهم ، والمضحك المبكي انه بعد قرار المنع صدر قرار معاكس له بعد اقل من سنة ، اي عاد وسمح بانتاج زيت الزيتون من البيرين ، ايضا على حين غرة ، ولكن "الياس" وشركاءه كانوا قد باعوا المعمل وخسروا عشرات الملايين.
من خلال عملي كمدير عام للمركز الاقتصادي السوري وتواصلي مع العديد من رجال الاعمال والمسؤولين، كانت دائما القرارات الفجائية التي يكون وراءها لجان واجتماعات سرية لهم بالمرصاد.
ولعل كلنا يذكر تجربة شركات استثمار السيارات على سبيل المثال ، التي انتهت بعد عشر سنوات بالسماح باستيراد السيارات ، بعدما مررنا بتجربة تنفع ان تدرس كنموذج فريد للفشل الاداري في سوريا من خلال عشرات القرارات المتلاحقة والمتناقضة ، التي جعلت المواطنين السوريين يركبون سيارات بنمر زرقاء وزرقاء بيضاء ، مستثمرة ، مستأجرة .. كانت التجربة اشبه بالكوميديا السوداء والغائب الاول فيها الاطراف اصحاب العلاقة.
وبحكم عملي ايضا في مجال الاستشارات الاقتصادية كنت قد قرأت مئات القرارات الصادرة عن وزارات او ادارات مدنية ، اللافت ان الكثير منها اكتسب صفة السرية ، "سري للغاية" ، او "سري جدا" ، عبارات يمكن ان تجدها على قرار لتشكيل لجنة تناقش قضية تصدير البطاطا على سبيل المثال..
وكنت استغرب هذه السرية في قرارات واجراءات روتينية ، قضايا عادية ليس من المفترض ان تأخذ صفة السرية.
فنحن نعلم بان ، سري للغاية ، عبارات تستخدم في القضايا التي تمس الامن القومي وليس مفترضاً ان تكون على قرارات ومحاضر اجتماعات تتعلق بالحياة الاقتصادية على وجه العموم وليس لها اي صفة امنية ولا تتصل لا من قريب ولا من بعيد باي قضية تستوجب ان تعطى لها هذه الصفة.
الحقيقة عادة القرارات السرية ترتبط بنهج اداري عفى عنه الزمن ، يتمثل في اتخاذ القرارات من خلف الستار ، نهج انتهى عمليا في العالم منذ منتصف القرن الماضي ، وظهر نهج جديد اعتمد في كثير من الدول على ما يعرف بـ "مشاركة الجمهور في القرارات العامة".
وفي هذا الزمن الذي باتت التكنولوجيا ووسائل الاتصال تساهم بشكل كبير في نقل المعلومات والتواصل بين افراد المجتمع بسرعة فائقة بات من الصعب تجاهل هذا النهج والعمل وفق قاعدة "العادة السرية".
ولعل المثال البارز القريب في هذا المجال هو المعلومات التي تم تداولها على نطاق واسع حول قانون الاحوال الشخصية الجديد والذي صاغته لجنة سرية ؟؟!
وتسربت مواده بشكل او بآخر للجمهور وللجمعيات والتجمعات ووسائل الاعلام ، وتمت قراءة المشروع كل بحسب منظوره ووجهة نظره واحيانا تم اجتزاء مواد بعينها وتداولها وفق صورة ليس بالضرورة ان تكون صحيحة او واقعية.
وفي النتيجة تدخل الجمهور بقوة لاسقاط مشروع القانون "السري" ، قانون يتصل بحياة عشرات الملايين من المواطنين السوريين وكان لا بد لهم ان يشاركوا على طريقتهم.
المناهج الادارية الحديثة ( حديثة بالنسبة لنا على الاقل ) المتصلة بالقرارات العامة تطورت بشكل لافت في السنوات الاخيرة ، ومن خلال التجارب العملية بدأت تتحدد ملامح نهج "مشاركة الجمهور في القرارات العامة".
هذه الملامح التي لا تتضمن على الاطلاق اقصاء الجمهور المعني بالقرار الصادر عن صنع القرار ، بل تحدد مدى مشاركته و الدور الذي يلعبه وإن كان مقيدا ، وتبحث في الآليات التي ينبغي استخدامها عندما يكون قبول الجمهور مطلوبا.
وقد تبدأ هذه المشاركة من الدراسات الاستقصائية ، وانا لدي معلومات مؤكدة بان بعض الادارات العليا التي يتصل عملها بالشأن العام في سوريا قد قامت في السنوات الاخيرة باجراء مثل هذه الدراسات قبل اتخاذ قرارات هامة وحيوية تحدد مسار الحياة العامة في سورية.
ولكن كانت هذه التجارب مبادرات فردية وليست نهج اداري معتمد ، ما يجعل تطبيق نهج "المشاركة" يخضع للمزاجية الفردية ، ويمكن تغيبه في حالات هامة ، وهذا قد يفضي الى ازمات حقيقية.
ونذير الازمة قد بدا واضحا في مشروع قانون الاحوال الشخصية الجديد ، والازمة قد تتأتى بشكل مباشر من عدم مشاركة كل الاطراف بشكل او بآخر في صياغة قانون يتصل بتفاصيل حياتهم ومعتقداتهم.
وكما اسلفت فان المشاركة قد لا تعني اعطاء القرار كله للجمهور ، فالنهج الاداري الذي يعتمد "مشاركة الجمهور" يأخذ بدايةً تحديد درجة المشاركة ، ومن ثم دراسة الاليات المناسبة لتحقيق مشاركة ناجحة للجمهور ، تضمن هذه المشاركة ملائمة البرامج العامة لاحتياجات المواطنين وزيادة تقبل المجتمع لهذه البرامج.
اعتقد بانه يجب علينا ان نفكر في تغيير عادة السرية في اصدار القرارات وتجاهل مشاركة الجمهور ، لان هذا لم يعد خيارا بالنسبة لنا كما في السابق بعد ان توفرت ادوات يمكن ان يتواصل بها المجتمع بسرعة وان يشكل مجموعات ضغط تحرك الرأي العام وتؤثر فيه ، ولكن هذه المرة بطريقة فوضوية وغير مضبوطة ولا منظمة وقد تتسبب في اربكات كبيرة نحن في غنى عنها .. نتجاوزها فقط بان نضع الحصان امام العربة وليس خلفها.
*مادة البيرين : هي ناتج عصر الزيتون بالطرق التقليدية ( المعاصر ) ويتم اعادة معالجتها لاستخراج زيت الزيتون منها ومن ثم تكريره لوضعه في الاستهلاك أو استخراج زيت المطراف ( لصناعة الصابون ).
موظف 2009-06-22 20:33:33
بيع اخبار
انا موظف وكثيرا ما يصدر قرارات من مدرائي لا اعرف بها الا بعد ان تحدث مشكلة مثلا ..ويتم التبيلغ بالقرار هاتفيا احيانا ..
هل تعرفون انه بحلب يوجد بعض الاشخاص يجمعون القرارات الجديدة و اعلانات المناقصات و المسابقات و ما شابه و ببيعها باشتراك شهري 3000 ليرة للمهتمين !! لماذاا بعض المدراء يتقصد من اصدار قرار غير واضح او غير مدروس او به ثغرات او اصدار قرارات متناقضة خلال فترة قصيرة !! او تفصيل قرار كرمال عيون البعض !!-سوريا
حمصي 2009-06-22 08:05:03
مابرجع
بتعرف شو قال نسيب عريضة وانا رح قلك مابرجع ولو حشو الكفن -الدومينيكان
ممارس 2009-06-20 21:13:27
اسماء وهمية
سيد نضال انا ممارس لهذه العادة عنما اكتب اسم مستعار بمشاركتي بالتعليقات و اذا اردنا ان يقلع الجميع عن هذه العادة المقرفة فيجب ان نضمن سلامة المعلق وذلك بسيادة القانون و العدل و اتمنى لك الله يحميك لأنك ما عم تمارس هي العادة -سوريا
wat ever 2009-06-20 20:09:31
العوامل المشتركة بين عادة السرية والعادة السرية
1-عدم المشاركة بالمتعة (المسؤولين بس هنن اللي مبسوطين).
2-كلاهما يتم بالخفاء
3-تنتج هنهما حالة انطواء (بيصير المسؤول بيتخذ قرارات بدون اسستشارة)
بالمناسبة بالنسبة لكلام الاخ مواطن على حافة الجنون .... براقش كلبة ... شغلة تانية ما تتفرج على مسلسل مرايا كتير سامر 2009-06-20 15:04:22
هههههههههههههه
أحل شي صدمني او عجبني بال كاتب هههههههه هوي
عنوان الموضوع بصراحه راح فكري لبعيد
عادة السرية اقلعوا عنها بقلم نضال معلوف حلو منك يا نضال خليتني اقرء الموضوع بال غصب غـريـب الـحـاج صــابــر 2009-06-18 23:10:13
أعود إليك يا سيد مـعـلـوف
هذه المرة أصبت يا سيدي. ولكن ألا تشكل أنت والموقع الذي تديره جزءا من هذه الممنوعات والسريات, والقوانين التي تصدر مساء في الخفية وتلغى في الصباح, خدمة ومؤازرة ومشاركة لفلان وعلتان, الذين يعرفهم النايم والفايق والماشي والقاعد والغشيم والواعي. وما من أحد يلفظ اسمهم ولو تلميحا, خشية النطق بالحقيقة والتعرض لأخطار من ينطق بالحقيقة في هذا البلد, وذلك رغم المحاولات الإصلاحية الطفيفة والمعزولة لمحاربة ما بدأت تسميته حديثا (الفساد). علما أن العناوين لا تطابق ارض الواقع يا سيد معلوف. أحمد الببيلي 2009-06-18 18:01:56
هذا الكلام إهانة للخزينة
كما قال أحد الوزراء في مجلس الشعب من يومين: هذا الكلام يعد: (إهانة للخزينة)!!!!! والخزينة بالمناسبة لا تسكت على الإهانة لأنها بنت عالم وناس.. وما عاش اللي بدو يهينها... يعني لو تم توجيه الإهانة للاحتياطي النقدي أو لصندوق التقاعد لكانت المسألة بسيطة.. أما الخزينة، فلا وألف مليون لا.... الخزينة لن تركع..... بالمناسبة أستاذ نضال اتركهم يمارسون العادة السرية وينفسون عن طاقاتهم.. هذا أفضل من أن يستعملوا طاقاتهم ضد المواطنين المساكين!!
سامر عبد الرزاق 2009-06-18 17:18:32
أرجو عدم اليأس
الأخوة المشاركين بالتعليق أرجو منكم عدم اليأس لأنو كثرة النفخ على النار يقويها والطبخة تحترق وتفوح رائحتها والكل بيشم خفير ومسؤول
عمار 2009-06-18 16:55:38
ما بدها شطارة
بالنسبة لديبو الفهمان حاولت أصور أولادي بمطار الكويت الدولي وتم منعي من قبل رجال الأمن هناك وعندما جادلت قالوا التصوير ممنوع في جميع مطارات العالم. لم أفهم ولا زلت لا أفهم لماذا
القرارات السرية سببها ببساطة
1 ذكاء وأهمية المقررين
2- أحد صناع القرار يريد الاستيلاءعلى منشأة مثل منشأة السيد إلياس المذكورة فيصدر القرار مؤقتاحتى يتم الشراء بأبخس الأسعار ثم يلغى بقرار مضاد، والأمثلة على ذلك بالمئات وعلى عينك يا تاجر. المشكلة إذا صاحب الرزق مبرمج أموره على جدول معين ولا يستطيع ممارسة التناحة والعنة-سوريا
ذيبو الفهمان 2009-06-18 11:31:45
العادة السرية
أهنيك أخي نضال على مقالك وأضم صوتي لصوتك فالروتين لا يزال راسخ برأس البعض فكله سري للغاية وبالحقيقة كله مفضوح للغاية وكمثال أرادت زوجتي (أجنبية)وأولادي أخذ صورة في المطار للذكرى فجاء صاحب القميص الأزرق لأعلامنا بأن ذلك ممنوع لضرورات أمنية؟؟ فقلت لها ولا يهمك فعندما نصل سوف أضع صوركم على مدرج المطار أو في برج المراقبة بواسطة برنامج غوغل أيرث لا زلنا للأسف نعاني من هذا الواقع و أتذكر الأن نكتة السائق وهو يعلن مطار سري مين نازل. -موزامبيق
مواطن على حافة الجنون 2009-06-18 09:27:44
خرجكم
خرجكم - فساد على ابو جنب - لطش وسرقات علمكشوف - الرشوة صارت ثقافة عامة - والشاطر يلي بدو يسرقك - وكمان وكمان - والله يلعن هالزمان لأنو هيك شعب بدو هيك أوادم يتحكمو فيهم - ويا فرعون مين فرعنك - وآآآخ يا بلد شو ساوو فيكي هالأوادم - أكلوكي لحم ورح يرموكي عضمم - ويلي مخلص لهالبلد مارح يلاقي غير العضم يعيش عليه - اصلا ما رح يتغير شي عليه لأنو طول عمرو كان عم ياكل عضم - ليش احنا شو لحتى ناكل عضم؟- بسيطة!: احنا يلي جنينا على نفسنا كما فعلت في غابر الزمن أختنا براقش!!!.
-سوريا
عابد 2009-06-18 09:12:42
لم تنخدع يا عبود
فالعادة السرية والقرارات السرية نتيجة منطقية لممارسة الشذوذ مع الواقع .. والى أن تتبدل طبيعة الشذوذ .. فنحن بإنتظار زواج علني يكون نتيجته حكومة بنت حلال.-سوريا
سالم 2009-06-18 08:59:10
FOU
يعني يا استاذ نضال كان با ستطاعتك ان تضع عنوان البق من هذا بما يتناسب مع قرائكم المحترمين,,,,,,,,,,,,,,,
-سوريا
سوري طرطوسى مغترب 2009-06-18 03:06:07
كلو من تحت الطاولة
يا أحبائي هل تعتقدون ان المسؤولين في الدولة والموظفين يقرؤن التعليقات التي تكتب في سيريا نيووز انا اقول لا ....? لانوا لو كانوا بيعرفوا يقروا ما كان صار هادى الشئ المصير في سوريا يا مسؤلين ويا موظفين انتم سوريين ونحنوا مواطنين سوريين وليس شعب من كوكب اخر -فنزويلا
مظلوم يا ناس 2009-06-18 00:38:20
غابة
نحن ما في عنا قانون يعني غابة الكبير بياكل الصغير
فيا حبيبنا يا نضال حاج تحكي لانو ما حدا رح يسمعك -البحرين
عبود 2009-06-18 00:33:53
خدعني العنوان
افتكرت انو الموضوع عن العادة السرية .... مشكورين كتير -سوريا
لسا فاكر قلبي.... 2009-06-17 22:54:54
ليش مين بينسى ؟
الي عملوا عادة السرية بليلة الجمعة عند الي طلعوا قرار رفع أسعار المشتقات والمازوت والبنزين بيعملوا غيرا وغيرا مادامت الفحولة الاقتصادية العبقرية موجودة ..
ملعوبــــــــــة عشرة صفر استاذ نضال -سوريا
المحقق غادجيت 2009-06-17 22:13:23
ما هو عكس السرية؟ العلانية أو الغلاسنوسنت
من منكم سمع بالغلاسنوسنت؟ أو من منكم يتذكرها؟ هذه الكلمة التي هزت الاتحاد السوفياتي بعدما أصبح هشا لدرجة كبيرة فصرخ كبير العمال في أحد المصانع العملاقة في موسكو أطالب بالعلانية ردا على الجلسات السرية التي تقيمها إدارة الشركة مع الحكومة المركزية وتؤدي لخسائر متفاقمة للشركة دون أخذ رأي أحد . وسرعان ما تطايرت الكلمة وأصبح الكل يطالب بها: غلاسنوسنتّ! هذا فعلا ما تريده سورية اليوم: العلانية على كافة المستويات وإلا سنقبع مكبلين في عقد الماضي ومكبوتين على كافة المستويات. وشكرا للنشر -سوريا
مريم 2009-06-17 19:07:43
تعاطفت مع المسؤولين
أسلوبكم في النقد اللاذع جعلنا و أنا بآلاف الأميال من سوريا أتعاطف مع المسؤولين.
لو المشكلة حدثت معي بكل هدوء أرتب ملف خاص بالمعمل و أحاول أن أقابل مكتب وزير الصناعة. و أن كان مشغول و رفض المقابلة أطرق باب مكتب رئيس الحكومة. لكني على يقين أن المسؤولين سوف يستمعون
للشكاوي و الاقتراحات إذا كانت الشكاوي مرتبة و منطقية بدون قذف على أحد. في النهاية المسؤولين يهمهم زيادة الدخل القومي و تحقيق الرخاء الاقتصادي التي تؤدي للزيادة في رواتبهم و تحسين و ضعهم و وضع أسرهم الاجتماعية.
-سوريا
دحام 2009-06-17 18:44:44
الاستثناءات مدرة كما البقرة الحلوب
القوانين السرية خلقت من اجل الاستثناءات ،الاستثناءات تخلقها الحظر والمنع ، المنع اوجدمن اجل بيع الاستثناءات وهكذا دوليك .اي دولة تبحث عن التطور الاقتصادي فعليها البحث في ايجادآلية تسمح للاعمال ان تمر بأقل لوائح تنظيمية ممكنه وباقل تراخيص ممكنه مع مراعاة حماية البيئة و الانتج المحلي والدخل القومي الضريبي الناتج عن النشاط الاقتصادي الناجم عن لقطاع الخاص. -سوريا
الابيض 2009-06-17 18:17:18
الحمد لله
احمد الله تعالى ملايين المرات باني خارج الوطن حيث لا نفاق ولا كدب -الولايات المتحدة
شادي 2009-06-17 17:01:40
عادة (( السرية )) ؟؟؟؟!!!!!!
بصراحه العنوان رائع واللعب على الكلمات فظيع 000يعني فيه ضرب عشرين عصفور بحجر عادة السرية -السعودية
متشاثم 2009-06-17 15:44:11
السيد الرئيس اوصى بالحماية من الفساد وهم يقررون با
كل مرة اقول لنفسي هذه اخر مرة ساكتب تعليق . لانه على ما يبدو ليس من امل بالتغيير وتطوير البلد اذا مابقي سرطان الفساد والمحسوبيات . من اجل وخاطر عيون 10 بالمائة من المتنفذين ندمر بلد بكاملها مع شعبها الحي . سؤالي لك هل تعتقد ان املا ما مازال موجودا لقضاء على ثقافة فساد غلغلت في كل المواقع -سوريا
ناقوس 2009-06-17 15:34:08
اخر شيء سيرينوز ما بتنشرلك التعليق
شهرين!!!. اما الرخصة والله بدها... وبدها... وبدها!!!...اما المواطن اللي هو عاملنا... بيترجّاك مية رجاء ومع واسطة!!!. واحلج مع معارفك و بمجرد ما سجلتوا بالتأمينات صار بدّو يعمل على هواه!!!. وهاد اذا ما بلش يتنطوط على اكتافك .وصفر الانتاج!!! .اما اذا ما امشيت على تولنا بـمغلف سري للغاية بنخربلك بيتك وكل هالحكي اخر شيء سيرينوز ما بتنشرلك التعليق -سوريا
ناقوس 2009-06-17 15:31:57
واشتكي ماحدا سامعك
واشتكي ماحدا سامعك وما حدا لحدا!!!. اما مسئولنا او موظفنا الافندي ... منشان طابع بعشر ليرات لمعاملة مستثمر بيحرم بلدو واهلو من مليارات هالمستثمر !!!...والسبب لانو ما عطاه المعلوم اللي صار يتقدم على اشكال عديدة .(واخرها على شكل تبرع كيلوات ذهب باسم منظمات منقدسها بتسلمها لمدير مكتبي؟؟؟.)اما الخدمات ياعيني...تصور منطقة صناعية ما فيها سيارة اطفاء حريق!!! وخط هاتف بدو معاملة بتستغرق -سوريا
ناقوس 2009-06-17 15:30:17
حبيبي نضال
مانك ملاحظ انك شويييي دست عالكاحل... يا عيوني انت.... نحن شعب بما فيهم تجار وموظفين وغيرو - مع الاسف بدي قولا (كويسين)- والسبب هو انو الصناعي او المستثمر البدو يفتح معملو اللي بيكلفو 400 مليون وبنية صافية لينتفع وينفع هالبلد تاني يوم او يومين بيجيه حرامي!!!. وبيفتح معمل مقابيلو!!!. وبدون ترخيص !!!.يا اما بيدفعلو كم قرش - طبعا مو إلي انا... -او يشارك شي حرامي مثلو بيسرق قوالبو ليقلدو وببيع نفس البضاعة للتاجر اللي متفق معوا جارو وبابخس الاسعار (والغاية معروفة حسد وديقة عين )وضل صيّح وعيّط -سوريا
مالك مملوك 2009-06-17 15:27:20
سري للغاية
عنوان صغير وخراب بيوت ناس اكتيرين .ومن جملتن داعيكن المعتر ؟؟؟. عام ال1982 اشتريت قطعة ارض زراعية . طبعا رحت المصالح العقارية سحبت بيان قيد عقاري ولا مشكلة عليها وبعد اجراء وكالة غير قابلة للعزل ودفع ثمن الارض علمت ان مغلفا من مجلس المدينة باسم سري للغاية جردني من حقي بامتلاك الارض وبعد فترة راجعت المصالح العقارية علمت ان ارضي قد استملكت وبعد فترة راجعت مجلس المدينة مجدد علمت ان ارضي سجلت باسم مجلس المدينة ودون ان اتبلغ بكل ما حدث.مارأيكم طال عمركم. -سوريا
من وحي العنوان هذا مرادك ..؟؟ 2009-06-17 14:58:54
أتطالب عنها الإقلاع وبالصبر بلاها لا نتحلى
وحتى بالأحلام لم تعد تراود الجياع والآمال راسميها غدوا ضياع..يهبط الواح والدروب الوعرة والميسرة يتوهـ من هي الأفضل والمقصود حتى يدركه العوم ببحور التعرق وعنها لا يتوب ليعود يحيى بصراع دوما لا غالب متقهقر مغلوب قواهـ مسلوب وحيله معطوب من الهبوط والصعود بردهات الدوائر وأروقة المضلعات لتزاحم أطنان اللحوم البيضاء الحية كالدمى متحركة شي منها مغلفة بإتقان كي لا تهفهف الحشرات ومنها مكشوفة لوضوح جوهر القالب والإغراء يغدو أكثر غالب لا تعاني آثار العقص ولا اللدغ ولا اللسع ولاخرمشة ولاعضعضة فمحصنة بالذوق
-سوريا
شو قلت!!!!عادة سرية..وللا!!!! 2009-06-17 14:30:13
ابو غضب
شو اخ نضال !!!لولا شوي كانو فهموك الناس غلط!!!!!!!!!!
مهاجر 2009-06-17 13:56:51
ما حدا لحدا لا تصدق حدا
دخلكم في حدا عم يقراء شو عم نكتب و حابب يغير او ما بدو يغير هيك بدو.
اذا مافي مشان نبطل نكتب و نهاجر.ناصر عباس 2009-06-17 13:54:45
تعليقي سيكون مختصر جدا
هل نحن فعلا نشجع الاستثمار الجواب قطعا لالالالا000000 اما فيما يتعلق بالقوانين السرية فهي تخدم كما تعرف اخي نضال اصحاب النفوذ ولن استرسل في التعليق حتى لاتقطعوا منه شيىء sary 2009-06-17 13:37:34
تعلم
يا نضال أجار السيارات - دفع مخالفات المرور - ترسيم السيارات - الجمعيات السكنية - تورزيع المازوت - التراخيص الخ ... هل يعاني احد من الدول المجاورة من هذه المشاكل و هي الأفقر نظريا !! هي ابواب فساد مشرعة و لن تغلق ناهيك عن انعدام التخطيط للجهل اولا و لسوء النية ثانيا ..
مغترب مبسوط 2009-06-17 13:17:44
مغترب إلى نهاية العمر إنشاء الله
أريد أن أسأل سؤال أرجو أن يجيبني عليه الأخ الذي أقدره نضال معلوف .. منذ أن بدأت سيريا نيوز ومقالاتهاوتعليقات السادة المشاركين .. ماذا لمس الأخ نضال من تغيير للواقع الذي يطرحه الموقع ؟؟ وشكرا لإجابته سلفا-السعودية
الدومري 2009-06-17 13:11:03
المستثمرين المغتربين
جاؤوا ليستثمروا في القطاعات الرابحة فقط وهي تجارة السيارات وبيعها بالتقسيط في سوريا وهذا يوفر لهم ربح 30% وهو معدل فائدة لا يحلمون فيه في المغترب وفي النهاية سوف يكووشون على المغانم ويتم تهريبها الى المغترب لأنو الغربة كربة والأكرب هم من يشاركهم في اللعبة من المحليين الأوادم وكاسك يا وطن
-سوريا
محمد 2009-06-17 12:59:33
اخ نضال شكرا ولكن استغرب عدم ذكرك للسبب الذي يجعل قراراتنا بهذا الشكل وهو واضح للعيان:(الشراكة بين المسؤلين والتجار)
واغلب مسؤلينا وهم في مواقعهم او بعد انهاء تكليفهم واولادهم هم رجال اعمال مع العلم انهم عندما دخلوا الى الوظيفة كانوا في مستوى مادي سيء للغاية **
عبد 2009-06-17 12:53:25
فيروز
القرارات الادارية والحكومية عنا بسوريا بتذكرني بغنية فيروز تعا ولا تجي -سوريا
مرشح مشرشح 2009-06-17 11:52:53
بوشك على مجلس الشعب
سويسرا البلد الوحيد الذي تطبق في كانتوناته الديمقراطية المباشرة اما في الدول الاخرى يتم العمل بنظام التمثيل الديمقراطي يعني تحل المجالس المنتخبة محل الافرادفي وضع القوانين بالنسبة للقرارات الادارية اذا خالفت القانون يتم الطعن بالغائها اما مشاريع القوانين التي تعدها الحكومة فتعرض على مجلس الشعب للدراسة و بامكانه تعديلها و المراسيم الصادرة عن الحكومة يمكن ان يمتنع المجلس عن تصديقها المهم بالموضوع ان الطابة في ملعب مجلس الشعب في كل الاحوال و منذ عقود و جميع السوريين بانتظار الكول-سوريا
أ. قادري 2009-06-17 11:48:35
ياريت نتشارك
المشكله هي انه كل واحد بيصير بيقدر يصدر قرار بيصير يفكر كثير بعواقبه ونتائجه (الا ما ندر) لاته هالنتائج لحتفيد ناس وتضر ناس وهيك هو بيبحث عن المستفيدين وبشاركهم الفوائد واذا ما رضيوا يشاركوه بيلغي القرار ومن ناحيه ثانيه بيشوف المتضررين وبيازرهن على الألغاء يا أما بيصدر القرار!
"مشاركة الجمهور في القرارات العامة".
هي مثل الضوء! وأكثر أصحاب القرارات مثل الخفاش بيحبو العتمه مشان ماحدا يشوف ويحاسب! اليوم يلي بيعرف شو بو يصير بشي منطقه من تغيير بيكون وصل لكنز يشتري منطقه مضمونه مثلAlaa 2009-06-17 11:58:50
يا عمي آخ
لك يا عمي آآآآخ
ما مبين مين مستفيد من وراء كل هل القرارات
ليش في شي وزير او مدير عام او عضو مجلس شعب إلا عندو وإلا مصالح هون وهون وكلو إلو مصالح مشتركة مع هاد وهاد. اكيد ما رح تنشروا سريانيوز !! 2009-06-17 11:44:16
متل العادة !
لك و الله الشام ما في منها بس شو هل الاداريين الموجودين .. ما بعرف من اي عصر حجري جايين.. كرهتونا البلد و شوهتو صورتها بذاكرتنا. بدنا قوانين شفافة.بدنا عالم خايفة ع البلد تستلم و يلي بيسرق يتحاسب مو بيعفى من منصبه وقتها بنخاف و منصير نحسب الف حساب قبل ما نسرق. ما بقا تنفع الاخلاق لانها قانون بدون عقوبات بدنا قوانين مع عقوبات لحتى تنعلم ان الله حق! -سوريا
ماني علاك 2009-06-17 11:39:41
مابدي عللك
مابدي علق مليت صرلي من يوم ما فتحت سيريانيوز وأنا بعلق ولهلأ ما في شي على الأرض غير أنه القافلة تسير ونحن نعلك..... -سوريا
عصام حداد 2009-06-17 11:43:22
مشكور أخ نضال
الحل للخروج من هذه الدوامة أي إصدار قرارات ومنعها وتعديلها وتخفيفها وتشديدها .. هو الإحالة الى التحقيق لكل من اشترك بإصدار قرار فاشل أو غير مدروس وتسبب بضرر المواطنين .. وبعد التحقيق عزله من منصبه أو وظيفته .. وهكذا سيصبح كل مسؤول أو مدير أو موظف أو مشرّع يلمس على رأسه ويبذل كل جهده لإصدار قانون واحد مناسب قليل التعقيد وتعليماته التنفيذية بسيطة جدا وليس له فروع وأقارب وإخوة وأولاد عم .. وشكرا لك سيد نضال على ماتطرحه دائما .-سوريا
fatima 2009-06-17 11:16:44
تجارب علمية
و هل يستطيع الفأر أن يبدي رأيه أويعترض على مايقام عليه من تجارب .. وهل العالُم يقوم و يفضح أسرار تجاربه على الملأ .. عندما تنجح التجربة يعلن عن بحثه وأما إذا فشلت فيعيد التجربة من جديد فالفئران كثر و لا مشكلةإن مات أحدهم نتيجة فشل أحد التجارب فالعلم يستحق التضحية أليس كذلك .. سامحك الله يا أستاذ نضال تريد أن تقفل باب البحث العلمي بههذهالسهولة..
-سوريا
Diana 2009-06-17 11:11:25
Misunderstanding
الله يعطيك العافية أستاذ نضال بس بتمنى المرة التانية وقت بتكتب شي مقال يكون اسمو الرضاعة لأنو انا وقت قريت هالعنوان راح فكري لبعيد وقلت والله شي حلو هالمقال Diana 2009-06-17 11:04:23
misunderstanding
الله يعطيك العافية أستاذ نضال عالمقال
بس بتمنى بالمرة التانية وقت بتكتب شي مقال يكون اسمو الرضاعة لأنو انا أول ما قريت العنوان راح فكري لبعيد وصرت قول العادة السرية أقلعوا عنها وقلت شي حلو والله قرفان من الوضع 2009-06-17 10:39:00
يجب نشر التعليق
كغيره من القوانين قانون الأحوال الشخصية تمت مناقشته بشكل سري و الهدف الأساسي منه ليس حل الخلافات بين الناس بل العكس, يعني العالم بتعلق مع بعضها بالمحاكم و بتلتهي عن كتير شغلات مهمة بالحياة تاركين الساحةفاضيةلأصحاب القرارالي بيسرحو و بيمرحوا على كيفهم, و من احدى المهازل في هذا القانون الجديد هي دعوى الاحتساب او الحسبة(يعني اي مواطن صالح و تقي!!!! صار فيه يتبلى على جاره و يسجنه لأسباب دينية أو يطلق زوجين من بعضهما اذا كان أحد الزوجين مسيحي وأسلم ثم ارتد إلى دينه بعد الزواج)أنس 2009-06-17 10:46:15
مصالح شخصية
لماذا يكتب سري ؟؟؟؟؟ لانه يوجد اشخاص أصحاب نفوذ ولهم مصالح ويريدون تمرير مصالحهم والحل يكون بهذه الطريقة , ليش نسينا قرار السماح للسرفيسات البيض ان تعمل وبلبلة ما فيها ضو قمر تم إلغاؤها,القرار منذ البداية خطأ وراحت فقط على أصحاب السرفيسات اما من استوردها فوضع المصاري بيجيبو -سوريا
ابو النور 2009-06-17 10:39:27
لك حتى انفلونزا الخنازير لم تجرؤ على الدخول لعنا ؟
صفة السرية او على قولة الفنان ياسر العظمة عتم او عتموا هي من اهم صفات بلدنا الحبيب الذي يظل منيعا ومناضلا ضد كل ما هو سيء فانفلونزا الخنازير مثلا ظهرت في كل انحاء العالم والامس عند الجارة الصغيرة لبنان ولم تظهر في سوريا اية حالة بعد!!؟ لان التوجيهات هي كذلك لا اعلان وجود اية اصابة سوف يثير البلبلة والقلقلة الصغرى والكبرى!!!
وهذا مايثبت بلدنا في مكانه بينما يصل الاخرون للقمر( وصلوا) لان الاعتراف بالخطا رذيلة ولا وجود لاي شيىء غير طبيعي والامور عال العال والحمد للله رب العالمين
اقول قولي ه -سوريا
الموظف المواطن 2009-06-17 10:29:33
المشكلة في آلية صنع القرار
يكفي ان تشرك الجهة العامة موظفيها في صنع القرار وبذلك نضمن قرارات تناسب المواطن باعتبار ان الموظفين في واقع الامر مواطنين Syrian women 2009-06-17 10:28:56
sorry
نيالك إنتا صحفي فيك تكتب للصبح عن كلشي بيصير معك ومع أصدقاءك وجيرانك وئرايبينك بس الله يعين اللي مالو حدا وصوتو مابيوصل لحدا -سوريا
sam 2009-06-17 10:28:00
مهندس
للأسف القرارات عنا كلها عشوائية ,باستثناء القرارات الخارجية.
و في مشكلة كبيرة كتير أنو الشعب مقتنع أنو شو ما حكى ما حدا رح يسمعوا و بالتالي فينا نقول أنو نحنا سلبين ,ولتغيير هيدي الفكرة بدنا وقت كتير طويل
مثلا قرار وضع أسماء مهندسي النفط على الحدود ,أبسط شي أنو هو ضد حقوق الأنسان الطبيعي,كرهنا حالنا أنو درسنا هندسة و ما حدا عم يعمل شي منشان هيدا القرار مع أنو بعد القرار تسرب مهندسين أكتر من وقت ما صدر ,بنتعامل بالمطار كأنو مهربين حشيشة أو قاتلين قتيل و المهربين الحقيقيين عميسرحو و يمرحو.
-سوريا
syrian helten 2009-06-17 10:15:20
قانون السير
الحق يقال إنو لما عدلوا قانون السير كان في طلب على الانترنت من الناس إنو يشاركو في وضع مقترحات وتعديلات على المواد المطروحة للنقاش و الحقيقة اني تفاجأت لما شفت لنك وفعلاً شاركت وكتبت مقترحات وملاحظات من اطلاعي على الوضع في بلد الاغتراب في أوروبا لكن لا أدري إن كانوا فعلا إهتموا بمقترحات الناس لكن كانت تجربة ممتازة واقترح تعميمها واعطائها الجدية اللازمة -سوريا
تحسين 2009-06-17 10:11:52
كلو سري
المكتب السري - القرارات السرية - الاجتماعات السرية - اللجان السرية - العادة السرية أليست كلها نتيجة الكبت بكل أنواعه ؟؟؟؟-سوريا
الأعور الدجال 2009-06-17 10:10:30
الشباب الزبالة
لك شباب البلد بسوريا زبالة وفاشلين بتلاقي طول الليل أفى الشدة وعم يكفر مشان ختيار الكبة و النهار نايم و بعدين بسب الحكومة هي الحق عليها. و الأنكى من هيك بس بدوا يسافر بيطلع بيسافر قدام الأهل هو بدبي عم يشتغل بالمطار أو شركة بناء أو بمحل مديربيطلع مدير حاوية زبالة بيقلك زبال بس عم أخود راتب أحسن من الشام روح حل عنابزور عم يكفوك بس برات البلد بترضى تبلش من الصفر بس هون بدك تكون ملك زمانك روح حاجه فشكره
-سوريا
الأعور الدجال 2009-06-17 09:56:42
شبكون كلكون على الحكومة
الحكومة عم تعمل وعم تشتغل لمصلحة البلد وكل واحد مفكر غير هيك أعمى لا يرى من أساسيات أي عمل تجاري دراسة الوضع الخارجي شو زنب الحكومة إذا الأجدب يلي عم يشتغل مو عاطيى أهمية لك الحكومة عم تساوي كتير بس أنت مسكرين عيونكون عنى و نازلين في قال قاعدين بحضنا وعم ينتفوا بدقنى لك الأحلى من هيك طالعة هلق شغلة عند الشباب كان بالحمام عمى يتحمم أجتوا فكرة خلص مشروع بكسب دهب بس يحرق كفر الحكومة مابطعتي تسهيلات لك روح حل عنى إذا كل واحد فيكون بزنس مان و مبدع أفكار لك ليش عم تسافروا لبره و تشتغلوا زبالين.-سوريا
عبد الله بن عبد الله 2009-06-17 09:51:55
سوق الأوراق المالية
إن سوق الأوراق المالية هو الضحية الأولى لسرية القرارات. فقد المواطن الثقة بالحكومة التي تستحل أموال الشعب. ولكن الشعب يتحمل مسؤولية هذه الحكومات فهو لم يعترض ولم ينزل إلى الشارع رافضا هذه القرارات العشوائية.
صاحب الدار 2009-06-17 09:47:59
نصب علني
ليعملو اعتبار للمواطن اصلا ..اعزائي صدقو انهم صادرو بيوتنا بحجة انها مواقع اثريه تعود للاغريق والرومان واقسم ابي ان جدي من قام ببنائها وقد هجرونا منها ومنعونا من ازالتها وبلحقيقه انها مبنيه من الاسمنت ولحديد فهل كانو يبنو المسلح ايام الرومان ?????سوري محروم 2009-06-17 09:36:16
عادة حجب التعليق ...أقلعوا عنها
تطالبون الحكومة بأشياء منها الشفافية واحترام الجميع وأنتم أبعد ما تكونون عن الشفافية. إذا كنتم تخافون السلطة فلا تنتقدوها وتتفلسفون علينا. أتحداكم إذا كنتم صحافة حرة وتدعي الشفافية والنزاهة أن تنشر جميع التعليقات وأولها هذا التعليق. وبالمناسبة أنا لست ضد الدولة كما تتوقعون بل على العكس تماما. -سوريا
آرا سوفاليان 2009-06-17 09:30:11
الى الوراء در
بهذه الطريقة الفجة في التعامل التي تؤدي الى ضرب مصالح المستثمرين بعرض الحائط غادر الألوف منهم سوريا بعد تحويل اموالهم الى دول أخرى وأحجم البقية عن الاستثمار إلاَّ في ما لا ينفع المواطنين ولا الوطن وقرر البقية ان يديروا ظهورهم وهكذا فإن هدم الثقة يحتاج لبضع ساعات وبضعة قرارات اما اعادة هذه الثقة فيحتاج لمحو الخطأ والتراجع عنه(التأميم) وإلاَّ فلن نحصل إلاَّ على مستثمرين كمستثمري اليوم جاؤوا لمص آخر نقطة دم من هذا الوطن يرجى العودة الى مقالة منذ التأميم وأمنياتنا في السباق في الموقعkhaled safwan 2009-06-17 09:27:42
le peuple
الجمهور و الجمهور ذو العلاقة وحده يجب ان يكون سيد القرار. كليا وليس جزئيا. الم تكف امراءة يد عمر بن الخطاب عن تحديد المهور بقولتها الشهيرة ليس لك هذا يا عمر؟ هكذا علنا من امراءة مغمورة بقيت مقولتها خالدة خلود مبداء الشورى -فرنسا
د. وائل 2009-06-17 09:11:00
كنت في مشروع ألماني سوري3
طبعا لم يخلو الأمر من مناقشات حامية كادت تصل إلى اتهامات التخوين والعمالة وحتى إلى ما يقارب الضرب لكن الحل الديمقراطي كان ينجح في النهاية. بالمناسبة لم نكن يوما نبدأ من الصفر بل كنا نأخذ تجارب الدول المتقدمة في المجال الذي نناقشه ونطلع عليها ونناقشهالنأخذ ما يناسبنا. ستسألوني وماهو الحال اليوم؟ بعد انتهاء المشروع عدنا إلى ما كنا عليه قبل بدء المشروع أي إلى نقطة الصفر. تحياتي -سوريا
د. وائل 2009-06-17 09:10:34
كنت في مشروع ألماني سوري2
وتبعاً لذلك كنا نرتب الحلول ونبحث عن السبيل لتطبيقها كل حسب اختصاصه: وزارات، وزير، مديريات، جامعات، هيئات بحوث ، قطاع خاص .... الخ بحيث تحمل كل جهة مسؤوليتها. بعد سنة يتم اجتماع لاحق لتدارس أين وصلنا في التطبيق، ومعالجة الصعوبات وتعديل المقترحات. وهكذا وفق برنامج زمني مضبوط تماما حيث تعطى مهلة لكل الجهات فإن لم تتجاوب تعتبر متقاعسة لا يحق لها الاعتراض فيما بعد. في النهاية يتم إصدار التشريعات المناسبة بعد الأخذ برأي جميع الجهات وبأقل قد من الأخطاء.
-سوريا
hello 2009-06-17 08:56:07
مو دائما عادة الرية سيئة واحيانا كتير بتكون ايجابي
شو استاذ نضال بدك يلي بيسوا ويلي ما بيسوا يشارك بصنع القرار من شان يجي واحد موفهمان شي يحط قوانين ع كيفو ولا من شان يدخل فلان وعلان ويحطوا القوانين ع كيفون , ,ات يصيروا المواطنين ع مستو عالي عنا ممكن نغير عادة السرية-سوريا
د. وائل 2009-06-17 08:54:14
كنت في مشروع ألماني سوري
تعلمت من خلال مشروع ألماني سوري استمر أكثر من عشر سنوات كيفية التطوير الإداري في عمل مؤسسة، تبدأ بتحديد المشكلة من خلال اجتماع تدعى إليه جميع الأطراف المهتمة ومن كافة القطاعات الخاصة (التي قد تكون لها المصلحة الأولى) والعامة وتحدد المشكلات (اجتماع أو اثنين أو حتى ثلاثة) ثم يتم في اجتماع أوسع ترتيب أهمية المشكلات من الأهم للأقل أهمية. وتوزع المشكلات على مختصين ليقترحوا الحلول، ثم يتم تعميم الحلول المقترحة ويجتمع المهتمون أيضاً لمناقشة الحلول وترتيب إمكانية تطبيقها... يتبع -سوريا
مالل 2009-06-17 08:20:01
شي ممل
الحقيقة إنو نحنا بسوريا كل القرارات اللي عم تصدر عن الحكومة أو مؤسساتها بتطلع ناقصة أو حتى فاشلة بدليل إنو أكتر من 99% من القرارات الجديدة تصب في خانة البهدلة والشرشحة للمواطن وعادة السرية يا سيدي هي دليل على إنو اللي باللجان بفكرو حالهم أفهم البشر ولا حدا بيعرف يحلل متلن بينما لو بيسمحو لحالن بالتواضع وبنقاش هالقوانين الجديدة كان ع الأقل بيعفوا حالن من مسألة العودة عن القرارات الفاشلة أو ينقصو شوي من بهدلة المواطن .. دمتم وسلمتم-سوريا
سوري متشائل 2009-06-17 08:21:09
حاقد بسبب القرارات
انا لهلأ بحقد عالحكومة بسبب قرار رفع سعر المازوت .....يلي لهلأ منعاني تبعاتو بالرغم انو رجعو نزلو شوي ..لأ و بحجة شو بحجة السرقة ...كأن ما بيعرفو انو نحن لا عنا رقابة على الأسواق ...و الحرامية رح يضلوا يسرقو المازوت وما حدا رح يقدر يوقفوون ... وانو ما راحت غير من جيوب المواطنين و يلي انخرب بيتون و لساتو عمينخرب من ورا هالسياسات الفاشلة -سوريا
هيثم حبيب 2009-06-17 07:16:06
للاستاذ نضال
اولا منيح أللي عرفتنا انوا مادة البيرين مو هي زيت الزيتون الاساسي.
ثانيا عنوان المقال حشد ضدك اصناف المراهقين؟لأنوا فكروا انك عم تحارب العادة السرية لدى المراهقين .
ثالثا بقلوا للاستاذ الياس الظاهر انوا مو مبيض الفال وفيه شي تاجر تاني مبيضوا اكتر منه.لذلك يا استاذ الياس عندما تريد ان تعمل مشروع في سوريا عليك بهذه الطرق التي سيصدر بها قانون من الوزارة قريبا.قانون تبيض الفال .
ولله يكون بعونك . -سوريا
محمد 2009-06-17 06:29:34
في الامارات
منذ فترة قامت الدولة في الآمارات باقتراح مشروع لقانون العمل الجديد وقامت بنشره على الموقع الرسمي لها وطلبت من الجمهور والمختصين التعليق عليه للأخذ بآرائهم، هل من الممكن أن نصل لهذه المرحلة يوماً ما؟ أتمنى ذلك-الإمارات
ابن البلد 2009-06-17 05:47:40
هذا اسلوب نصب واحتيال
اعرف شخصا تدخل عند بعض المسؤولين كيف لا يرفع الحجز عن بيت من بيوت دمشق واقنع صاحب البيت ان يبيعه البيت وانه هو سيتكفل بموضوع الحجز المهم اقنع صاحب البيت المحجوز واشتراه بيت كبير جدا وكنا نجلس فيه يصلح لان يكون فندقا لكثرة غرفه وهكذا تجري الامور يصدر المنع فتباع المصانع لان لم يعد لها جدوى وبعدها يسمح لها فيكون الرابح الشخص الخسيس الذي يعرف اناس بالدوائر المختصة وهكذا اللعبة آآآآآه يا بلدي -كندا
مجد 2009-06-17 04:32:33
السريه= عدم الثقه بالنفس
السريه هي نتيجة عدم الثقه بالنفس و بالاخرين, كان احد الفلاسفه يقول "افتح نوافذي لكل رياح الكون و اتحدى اي منها ان تقتلعني من بيتي" و قال اخر "كي تكون امنا ابني بيتك في العراء", العراء هو الشفافيه, عندما تثق بنفسك تثق بالاخرين و لا تخشاهم فلا تحجب عنهم و لا تحتجب عنهم. -سوريا
مازن 2009-06-17 04:01:31
القرارات السرية
لك شو بدو يحكي الواحد. والله عندي بيت بالشام ما عم اجرو من خوفي يطلعو بشي قانون متل ما عملوها من قبل وخلو المستأجر يعصى بالبيت وعلقو الخلق مع بعضون. ولاحدى يئلي مستحيل لأنو بيعملوها. أحسن شي نبيع البيت ونشتري هون بكندا. علمقليه مافي قرارات كيف ما كان هون -كندا
مشارك في التعليق على الأقل 2009-06-17 03:15:03
عين الصواب
تعالج هذه المقالة أحد أهم أسباب فشلنا على المستوى الاقتصادي والإداري. في الحقيقة، كلنا يلاحظ صوابية القرارات المتعلقة بالسياسة الخارحية ولكن المتابع للشأن الداخلي يلاحظ مئات القرارات الاعتباطية المتعلقة بقوت الشعب والاستيراد والتصدير والتي تصدر عن رئاسة مجلس الوزراء ووزير المالية ووزير الاقتصادوالأمثلة واضحة من الضريبة المضافة إلى منع استيراد السيراميك إلى تحويل الاقتصاد السوري إلى اقتصاد السوق الاجتماعي والحر دون تحقيق أدنى متطلبات هذا التحويل باستثناء أمر واحد وهو نهب الشعب على الطريقة الدردرية-سوريا
سوري مقيم في السعودية 2009-06-17 03:03:05
الله يهديكم
اشكرك اخ نضال على قلمك الجريء صراحة ما زالت دوائر الدولة وخصوصا القرارات التي تتخذ تتخذ لصالح شركات وتجار معينين -سوريا
Hakam Qadi 2009-06-17 02:26:29
give an example
Mr Nidal, can u please tell us more about the information and studies u have or is that is also confidential as well
-سوريا
copy rights ©
syria-news 2010
