ع الجامعة الكان في إلي فيها صديق

عاشق رحت تا انصحو وقلو فيق و ع مدخل الأداب والدنيا حريق وقفت ناطر لا زميل ولا صديق وفجئة وانا عم عاتب الظرف الدقيق

ع رصيف ما وفر عشيقة ولا عشيق

 طلت صبية سر نقلتها غميق عصفور عابس لا سجين ولا طليق

قربت وندهتلها بصوتي الرقيق

يا مدموزيل تطلعت شع البريق

ع صدرها وع ثغرها ضحك العقيق

قالت نعم وشفافها تسكب رحيق وبسماتها بتمول الملهوف ريق قلتها شو بيلزم القد الانيق

قالت إلي عاشق  وفي مهذب انيق

قلتلها شو الحب عن حق وحقيق قالت إلي قلبين منهجهم وثيق واشواق بتحنن فريق ع فريق شعرت الحكي نازل ع قلبي السحيق

متل الأيادي يلي نمدت للغريق نسيت الصديق يلي كنت رايح انصحو

شنكلتها ورجعت من نص الطريق