كل بنت مفكرة حالها انجلينا جولي وبتستاهل تاخد شب يعيشها بفيلة ويجبلها خدم وسيارات ....لك اصحو بقى اصحو من حلم مهند ونور ولميس ...وكل شب قبل ماتندم حظك على بنت ارتبطت فيها لاتنسي انو انت يلي اجيت وخطبتها وانت اخترتها يعني هاد اختيارك يلي فرجاك القشور فقط لانو نظر الشباب هالايام معد فرجاهون غير الصبايا يلي ساكنين عند دكاترة التجميل جملو الخارج ونسيو الداخل....

حااااااااااااااج تحكو مثاليات بعيدة عن الواقع .....اغلبية الشباب وقت يخطبو عم يدورو على الجمال الخارجي ...اذا كانت امو يلي عم تخطب بتكون عم تدورلو عبنت روسية طولا مترين شقرا عيون زرق ومابتفكر ابدا بالاخلاق الا لبعد العرس ...وان كان الشب هوة عم يدور عبنت بس يلاقي بنت حلوة بركد لعندا وبنسى شي اسمو جمال داخلي او خلاق او ادب او حياء او علم او كلشي صفات عم تذكروها ه......والبنات بحبو 10 شباب بنفس الوقت والشب يلي معو مصاري اكتر بنخطبولو وفعلا البنات صارت سلعة مين بزود ....

أن تكون أنثى ..

للأسف أصبحت الزوجات المثاليات قلائل في زمن الفيس بوك و ماي سبيس وغرف التشات و خاصة نص بناتنا وشبابنا عاملين هل الواقع للتعارف ووضع الصور. كيف الرجال بدو يتجوز وهو عم يشوف هيك نمر من البنات وتعود كل يوم يشكل مع بنت شكل. وكيف البنت بدها تستقر عل رجال واحد وقد تعودت تعمل تشات مع كتير شباب. الحمد الله أنا عرفت زوجتي ٌقبل ماتنتشر مشاكل النت لأني لوعرفت فيها كنت ترددت بالزواج لأن مايهمني هو العفة والطهارة. على كل حال الزوجة المثالية والزوج المثالي بكونو على قدر عال من الحكمة والأدب والخلق الراقي

أن تكون امراة تحافظ على انوثتها .. في منزلها و شكلها و اخلاقها و حيائها و عفافها ..لا اريدها متدينة بل اريدها خلوقة ذكية محافظة غير حالمة او مقلدة او مسترجلة بتصرفاتها

يكفي أن تكون: متدينة، وصادقة، وحنونة، ومثقفة، ومتواضعة، وجميلة.

Women and Men should have: fairness, equality, ,forgiveness, respect, and sincerety

زوجتي حبيبتي وأميرتي هي الفتاة صاحبة دين وخلق. لطيفة في طباعها حليمة وذات حياء . أهم شي بلبنت يكون عندها حياء وما بتطئ حنك بلا طعمة. إن شالله بتقبريني

و أبسط من هيك ما في، تكون صادقة مع نفسها أول شي و مع الشخص يلي رح تتجوزو تاني شي.

أنا آسفة خربطت بكتابة اسمك بالمرة الأولى...........

أنا كتير بتعجبني تعليقاتك وبكل المواضيع عنجد أنت انسانة كتير فهمانة وتفكيرك كتيرقريب من تفكيري بهني يلي بدوياخدك...... أنامو حابة بصراحة علّق لأنه حاسة الشباب عم يتفأسوا ومعهن حق لأنه كل واحدماشاءالله شريف مكة وأي بنت بتتمناه(باستثناء البعض)وشكرا

ان تكون امرأة

في الحقيقة أكثرت من الكلام عليكم و لكن نحن كمجتمع نطرح من الأسئلة ما يحتاج للتوضيح أكثر مما نحن بحاجة لأجوبتها . نسأل عن الزوجة و نحن غافلون عن الزواج أصلاً . نسأل عن المثالية و نحن لا نعرف الضروري من المثالي . الخ الخ الخ أرجو من سيريانيوز أن يكون الموقع الذي يأخد على عاتقه التفصيل في هذه القضايا و عدم صرحها كما كانت تطرح في عصور الظلام . أو كمن يسأل طفلا نم تحب أكثر أبوك أم أمك ؟ ؟ ؟ فيعلق ذهنه في غياهب الغسق

أما الحديث عن المرأة العاملة أو ذات الشخصية الإستقلالية فهو خلط مقيت نكرسه دوماً في مجتمعنا فأحيانا عمل المرأة هو من أسس النجاح بحسب وضع و ظروف الزواج و أحيانا يكون العمل سبب من اسباب دمار الزواج و يكون خطأ إذا لا مطلق في هذا الأمر , و أما الأستقلالية ؟؟ فهذا يثير السخرية برأيي فحتى الرجل ضمن مؤسسة الزواج ليس مستقلاً و الإستقلال ضمن الزواج سبب لدماره و خرابه و الطلاق أو المعاناة الدائمة إلى ما شاء الله . و على الزوجين أن يطيعا المنطق الصادر عن الآخر بحسب الحالة .

الزوجة المتعلمة ليست بالضرورة أنجح من تلك التي لم يحالفها الحظ بالتعلم و السؤال هنا , كيف نحدد مفهوم كلمة "أنجح" ما هي الزوجة الناجحة ؟ من يحدد نجاح الزوجة ؟ الزوج أو المجتمع ؟ أو هي نفسها ؟ أو أولادها ؟ و قد تكون الظروف أحياناً ؟ بالنسبة لي شخصياً: الزوجة مهما كانت مثالية لا توصف بالناجحة بل يوصف الزواج بالناجح و الزواج الناجح هو الذي يؤسس لبيت و أسرة تتمتع باستقلالية اجتماعية بعيدة عن تأثير الوسط المحيط من أهل الزوجين مثلاً و جعل ما يبنى تحت سقف الزوجية هو الغاية المثلى بجماله

متابعة : و بما أنه كلنا بشكل أو بآخر نختلف عن بعضنا فخيارنا سيكون مختلف للشريك و هذا يفرض حتماً انعدام وصف واحد للشريك المثالي و بالنالي لا امرأة مثالية واحدة و السؤال خطأ , فما أراه أنا مثالي يراه جورج أو أسعد أو عمر أو حسين غير مثالي لا بل مقزز و العكس صحيح . أما إذا أردنا تحديد مواصفات يتشارك بها كل الرجال فأنا أجزم أن كل السوريين يريدون : 1- إمرأة جميلة 2- إمرأة محترمة و سمعتها عطرة . 3- عذراء. 4- مطيعة و بتفهم عالطاير. 5- قادرة على الإنجاب . و فيما عدا ذلك كلٌ له رأي .

بما أنو المسموح بس 500 حرف رح اكتب مرتين : يعني السؤال كتير فضفاض و كتير صعب الإجابة عليه بجمود و تحديد الموضوع مو حالة بسيطة و الجواب واحد . كل إنسان بحد ذاته ذكر كان أم أنثى له طبع خاص و له شكل يراه العوام في الشارع و البيت و العمل , و بما أن المثالية هي غاية السعادة العظمى فكلنا نسعى للمثالية في حياتنا و أبعادها و كل ما هو حولنا , و قمة السعادة و المثالية هو التناغم مع المحيط و الشريك هو جزء نختاره من هذا المحيط على عكس أشياء لا نختارها كالأهل مثلاً .

من يملك سلطة الإعلام, يملك القدرة على التوجيه الصحيح, أو التشويه. وبقدرتكم الغير متوازنة بالنشر أو عدم النشر, بالحذف أو الإهمال, تملكون لعبة إعلامية مفبركة على خطأ مسطنع قد ينقلب ضدكم على المدى المتوسط والبعيد. إلا ترون أن هذه اللعبة من القط والفأر, بحيث تنشرون اعتراضي دون أن تنشروا على ماذا أعترض أصبحت طريقة بدائية من أبسط مدارس الدس والتشويش حينما ترغبون إهمال فكرة صائبة صحيحة ترفضونها, لأنها فقط ليست من ابتكاركم أو خطكم الشعبي والسطحي؟ فكروا بالمستقبل.الخطأ لا يدوم أبدا.

وبكل الصراحة أنا إنسان جامعي ومتعلم والزوجة المناسبة هي المتعلمة ولكن أريدها أن تكون زوجة وإمرأة فقط فأنا لا أويد توظيف المرأة أو عملها هذا من جانب وأنا أحب المرأة المطيعة التي لا تقف وجها لوجه مع الرجل الذي هو زوجها يعني خلقت المرأة أنثى ويجب أن تكون أنثى حقيقية بكل معنى الكلمةفي كلامها وهمسها وتصرفاتها حتى في ابداء رأيها فلا تظن بعض النساء أن الصوت المرتفع وقوة الشخصية قد يجعل الرجال ينجذبون اليها بالعكس تماما فالرجل الشرقي شرقي بكل ماتحمله الكلمة من معنى

السلام عليكم ورحمة الله وبركاته كما قال النبي صلى الله عليه وسلم تنكح المرأة لأربع لدينها وجمالها وحسبها ونسبها ومالها فاظفر بذات الدين تربت يداك المرأة المتدينة والمتعلمة والمتفهمة لظروف الزوج هي المرأة التي يطمح لها كل زوج بالاضافة إلى الجمال فلا أحد ينكر منا ضرورة جمال الوجه والجسد والروح ايضا ومن الصفات المهمة أن لاتكون نكدية مشان الواحد ما يكره عيشتو بالاضافة إلى مراعاة الأصول والنسب عند الاختيار

شبكي دغري غرتي من الشامية ؟؟؟ ماتخافي لما بيقولوا الفتاة الشامية بيقصدوا بشكل عام البنت العايشة ببلاد الشام يعني بتشمل السورية واللبنانية والاردنية والفلسطينية هدلول البنات زوجات رائعات اذا ما قارناهن بباقي المنطقة العربية

هههههههههههههههههههه يلعن حريشك يا ابو البيس يا سيدي انته بروفيسور علم نفس ..... قوية وصحيحة 100 %

عندك.. ست البيت,الجميلة,المتعلمة, والخلوق و..... الخ كلهن ممكن يكن ممتازات انما يقتنصن فرصة للانقضاض عليك لا يغرك كل ماسبق غلطة الشاطر بألف ولاتقول مستحيل مرتي ام اولادي مابتعمل بي هيك ,غيرك قال أكثر من هيك بس تشعر احداهن انها ممكن تستغني عنك من اي ناحية ماحتقصر لا معك ولا مع اهلك وحتكب عا(......) ماء وتحلقلك عالناعم وحتنسى كل شئ منيح عملتو معها. اذا مالك مصدق جرب وحتشوف بنفسك . المجرب

على رأي ستي، المرأة المثالية لها قواعد ثلاثة: للسيف للكيف لغدرات الزمن وهاي الخلاصة على مر العصور

مافي إمرأة بشعة، أو غير حنونة أو تنكد على زوجها أو لا تصونه. المرأة بطبيعتها وبتنشأتها بالأسرة السورية بتداري زوجها وبتحن عليه وبتقف معه بسسسسسسسسسسسسسسسسسسسسسسسسسسسسسسسسسسسس إذا كان هو مستاهل يعني عاملها منيح بتوقف مع بالمحن، وبتصونك، وبتحن عليك وبالعربي بتكون خاتم بإصبعك إذا شعرت بالأمان معك وأنكم شخص واحد مو إثنين بس لما الشب يعمل حاله فتح ويربط لها ع الكلمة والحركة بتحس حالها بحرب وبتنكد عليه مثل مو منكد عليها. مافي امرأة بتتزوج لأنها مو شبعانة أكل عند أهلها وانما لأنها تسعى للاستقرار

بحكم اني كمان ما رح وجه كلامي لاحد مشان ما اقصد الاساءة الو ... بس عندي كلميتين لوحدة ما .... لفي حالك بهالكيس الاسود اللي بيحميكي وحطي راسك بين الروس وقولي يا قطاع الروس ... وعليكم السلام يا كرام

أنا بشوف أنو حلم ابليس بالجنة يكون في مرأة مثالية

فائقة الجمال: للأسف تتزوج من صف التاسع و نيالو لأبو غني يشتريلو ياها. جميلة: تتزوج من البكالوريا و بجوز عملت علاقة مراهقة عل السكيتي. حلوة: بتكمل جامعة و بصيرو الشباب بيتقاتلو ليحكو معها و بعدين بتكبون كلون و بتاخد واحد غني. وسط: بتكمل جامعة و ببتوظف و حاقدة عل البنات الحلوين و بتقعد بتنظر عل الشباب مساواة ما مساواة و بعدين بتقبل شو ما كان اذا اجاها عريس. بشعة: يالطيف هي بقا لحاقدة عل البنات الحلوين و الشباب كمان و هي بتستلم مناصب و شخصيتها قوية و انا بدعيلها انو الله يفتح نصيبها.

بعد قراءتي للتعليقات ومستواها التفكيري. لا أستغرب ألا تنشر سيريانيوز أيا من تعليقاتي وأن تغمرها بالحجب والنسيان. لأن مستواها الفكري لا يتعدى قطعا مستوى كتابها ومعلقيها... وهذا ما يشرفني...

للأسف تعليقات محزنة..بعدين الشامية زوجة مثالية و الحلبية مثلا مالها مثالية؟ شو هالمنطق؟ انا برأيي أساس الزواج هو التكافؤ سواء الديني او العلمي أو الاجتماعي أو بالشكل حتى. و الام مدرسة اذا أعددتها..الخ الاعداد التربوي طبعا مهم و لكن المهم أيضا الاعداد العلمي.. و الله يا جماعة البنت اللي تعليمها عالي تختلف كثيرا عن ذات التعليم المتوسط ..و سبحان الله كل يغني على ليلاه

خلونا نسأل مايك فغالي

كثيرون من الرجال إذا أحبوا شيئا في وجه المرأة أخطأوا فتزوجوا المرأة كلها ******خذ من بيت الغني جواداً ... ومن بيت الفقير زوجة *************

تلك المطيعة التي تجعل كلمتها دوماً بعد كلمة زوجها؟

المشكلة أن الرجل يسأل عن المرآة المثالية بس للأسف مو ليكون في بالأول رجل مثالي أو على الأخص "رجل" مع احترامي لكل التعليقات هادا الزمان ندر فيه الرجال، حقيقة مانجده هو عبارة عن أشباه رجال..للأسف الشديد تحياتي

هل صفة المثالية عند المرآة والرجل هي واحدة عند الجميع مع اختلاف أطيافهم ؟ رأي عندما يجد الرجل امرأة تتوافق مع رؤيته بنسبة تزيد عن 55% يكون ذلك الخطوة الأولى لزواج ناجح باق التوافق يأتي بعد الزواج وان الزواج المثالي والناجح لاتزيد نسبة التوافق عن 75% إما أن تطلب أو تطلبي التطابق فهذا لاينطبق على الناس من لحم ودم ومشاعر وأحاسيس تتأثر وتؤثر في كل لحظة من الحياة كونوا واقعيين ولا تكونوا واهمين

(يلي بياخد شامية ، بعيش عيشة هنية) فعلا ياجماعة الشامية غييييييييييير أدب وأخلاق ، دين وطاعة والتزام وحشمة وعفة وووووووووووووووو............. الله يرزقكم متل ما رزقني

والله يا مغترب القصة ماهي قصة حلاوة ولا انا بدي اجرح البنت بس بتلاقي في كم بنت بشوفو حالون و كانو الله خلقون و بعدون بطل يبعت حلوين ...انا برايئ الموضوع وما فيه ان الجمال شي مطلوب بس الاساس الاخلاق يعني البنت المتربية و بتفهم عليك احسن بكتير من ستين بنت بعيشو معك بس على مالك او جمالك او.. او .. (مع انه ضروري) لكن ما هو كل شي ....دايما في شي اسمو اخلاق و بصراحة بدي احيي كتير مرمورة الله يسلم البطن اللي جابتا و الله يهنيها هيي و زوجها بحياتون و يبعتللون ذرية صالحة

أحزنني أن أرى كثير من الردود السخيفة التي تقلل من أهمية الزواج ودوره في إعفاف الشباب والبنات وتربية جيل يعرف الله الزوجة المثالية بنظري هي التي تحسن تربية أولادي وإذا نظرت إليها سرتني وإن غبت عنها حفظتني.. هي التي تكون لي أماً وأختاً وصديقة وحبيبة.. زينتها الدين.. ولباسها الحشمة.. وكلامها اللين.. وسأجدها بإذن الله ولا تقولوا اني عم بالغ أو عم اطلب مواصفات صعبة لأنو إذا خليت خربت

التربية الدينية لا تعني ان المرأةأو الرجل صحيحون نفسيا وهناك الكثيرون ممن تربو تربية دينية ولكنهن مريضون نفسيا .ليس هناك شي يسمى الالتصاق بعاداتنا وتقاليدنا فمنها الجيد وأكثرها السيءوالتعصب الجتماعي والديني هو السبب الرئيسي لمعظم مشاكل الحياة .الصح والخطأ هو مفهوم نسبي كما هو الجمال مفهوم نسبي.المضحك ان من عرفتهم في الدول الغربية يتحدثون عن المراة ذات الاصول الشرقية كما يتحدث العرب عن الجمال الأوروبي..وصدق من قال ان العشب اكثر خضرة على الجانب الاخر من النهر.

الخلاصة الي وصلتلا ياشباب انو مافي بنت كاملة بس في بنت مكملة شلون يعني ؟ يعني حد ادنى من كل شي انو يكون تعليما متوسط اهلا اهم شي يكونو كتير مناح وماديا متوسطين وجمالا متوسط لاتكون حلوة كتير ولا بشعة وبعد كل هدول تحبني كتير كتيرهي اهم شي وتسمع كلمتي وتحترمني سواء كنت عم احكي صح او غلط وهيك بتكون البنت كاملة مكملة ماناقصا شي ابدا

بدي ياها و اسمعوا يا بنات: عيونها زرق... سنانها فرق...و شوفتها بتقطع الرزق... اللي فيها هالمواصفات تتصل فيني

شكرا ابنة الحربية وأحمد بسمار على تعليقه الجميل عن المرأة المثالية..واستغرب من فول أوبشن ومن من تطلب طبيبا ومهندس زوجا وانا اعرف كثيرا من الاطباء والمهندسين ذوي العقل المتحجر والمدعين للثقافة..احيانا يكون أبسط الرجال أكثرهم رقيا.ولفول اوبش اقول عندما يحب الرجل امراة سوف يراها اجمل النساءمهما كانت مواصفاتهاوالعكس صحيح.من الجميل ان نحلم بشريك الاحلام ولكن عندما نحب انسانا سوف نحب عيوبه ومحاسنه ولا يهم وقتها ان كان طويلا او جذابا او ذو ابتسامة ساحرة بل سيكون كل الأشياء الجميلة بنظرنالاننا احببناه

قالو يمر في حياة الرجل ثلاث نساء: امرأة يحبها و اخرى تحبه و اخرى يتزوجها

أنا بضم صوتي لالك يا م.عمار وأنا بدي وحدة كاملة مكملة,مرباية وطويلة وحلوةوعيون خضر ومثقفة متل بنات اوروباو اقل من هيك مالنا مصلحة. وبقول لمايا شكلك لحى تستني كتير و كتير كمان وتقولي بالأخير " ليت الشبب يعود يوما "

مواصفات الزوجة يالي رح تكون نصيي انشاء الله , ان تكون قادرة على تربية أبناءها تربية صالحة, بالمختصر المفيد

تكون متفهمة عقلانية تتماشى مع واقع الحياة اليومية

صباح النور.لكان ادعيلي انتي وكل واحد بدو يقرأ تعليقي يجمعني مع بنت الناس يلي تريحني

الفتاة المثالية من كانت في حياتها جدية وتتمتع بروح رياضة وتمتلك جذابة داخلية وقوام رشيق وليست انفعالية وتكون موظفة في دائرة حكومية وتحترم زوجها وتعمل له لقمة هنية ويكون بيتها نظيف 100 % وأمها إنسانة متفهمة وعقلانية وتحترم أمي و أبي وتعيش معي ع الحلوة و المرة بالعش الزوجية.

مع احترامى لكل المعلقين بس بدى قول شغلة انو كل واحد حر برايو وبمواصفات شريكتو او شريك حياتها واهم شى بالعلاقة هى التربية الدينية والاخلاق لانو ازا انوجدو فراح يولدو الاخلاص والاحترام والحب الصادق.فدعولى بالزوج الصالح......سلالالالالالالالام

أحلى تعليق تبع شفير التكسي ههههههههههههههههههههههههه

في شيئ مضحك لكن اعتقد انه موجود انه النصيب , يجلس الرجل والمرأة شهورا وسنوات يضع شروط ومواصفات للشريك ومن ثم نجده بعد فترة ارتبط بشريك بعيد عن مواصفاته واحلامه لا اعرف لماذا لكن هذه هي الحقيقة طبعا لا اقول ان 100% من الحالات لن يجد شريكا مناسبا انما كثير من الحالات التي اعرفها تكون هكذا وبالاخير بقلك نصيب. في حالات تانية بكون بدهن بنت ممشوقة وعيون وشعر ومن هالحكي وبيتجوزا بس بيطلع مو منتبه لقصص تانية بيرجعو بيتطلقوا و البنت كمان طبعا نفس الشي. الخبرة شغلة ضرورية والحكي النظري سهل كتير.

روكسي بنت مثالية، حسب الطلب، ورخيصة سعرها لا يتجاوز مقدم بنت سورية شايفة حالها ومو مصدقة، لا بتاكل ولا بتشرب ولا بتطلب، بتحطها بالخزانة وإمتى ما بدك بتطلعها وبتبسطك، لا نق ولا سق ولا خيانة ولا كره ولا برود ولا مناقرة.

عزيزتي مايا انا مهندس و الحمدلله الله عاطيني و عبشتغل بالنمسا بس اذا انت بتفكري بهالتفكير فاظن انا ... حرام ارتبط معك لانو انا كمان من حقي ارتبط بوحدة تكون مكملة يعني اول باشتان اخلاق عالية وتاني باشتان جمال اوروبي و بنت عيلة و على قولة المتل اللي ببيت بالنمسا على مهللو

الحقيقة المحزنة اللتي يعرفها كل متزوج...فعندما يتزوج الرجل يكمل دينه وينقص نصف عقله, مع أني إذا عدت في الوقت فسأتزوج من زوجتي , الشرف, ونزاهة الأهل والسيرة المحمودة ,هي أساس بناء العلاقة.

ان أي امرأه في العالم رى فيها شئا يستحق المحبة والأحترام

بدي ئول هي لعالم شبعانه لخبز حتى تفكر بزوجه المساليه

من وجهة نظري، أنو تكون طبيعتها من طبيعتي. بتفهم علي وبفهم عليا. ما تكون بارده. ما تكون بشعة وما تكون كتير حلوة الإنو وبحسب خبرتي البنات ل كتير حلوين بوجعو الراس. ولازم تكون طالعة وشايفه قبل ما تكون رفيقة حياتي ل حتى تعرف إنو أنا الخيار الصحيح ول حتى تعرف قيمتي.

هلق التعليق للرجال فقد,,,, مع ذلك بنات بلدي بتفوت و بتعلق,,,, مع احترامي لبنت السوريه لكن صفه كتير وحشه انو تكونو حشريه,,,,مع كلو هادا,,,,انا بدي انزل و اتزوج من بنت سوريه,,,لسبب ديني اجتماعي و لانو احلى بنت بالدنيه هي بنت سوريا,,,بس دعولي ,,,الله كريم

التعليق للرجال فقط يمكن لو استنيتي شوي لأنو بتوقع الموضوع القادم رح يكون عن مواصفات فارس الأحلام بالنسب للبنت. أما بالنسبة للطبيب والمهندس اللي عم تنتظريهم بحب ذكرك ( ومع اني طبيب مهم ) أنو شهادة الطب أو االهندسة ماهي شهادة أدب وفهم وحسن سلوك. أما بالنسبة للمال والغنى بحب أقول أنو مو المهم الزوج يكون غني الجيب أنما المهم يكون غني النفس يعني كريم وعينه شبعانة من الدنيا لأنو في كتير أثرياء وزوجاتهن بتشكي من بخلهن فالرجاء منك أن تعيدي النظر بأفكارك.

المدرس : يحب المرأة التى لا تزيد عليه الهم ولا تحدث له الجلبة بعد ضوضاء التلاميذ اليومية ، ولا تناقشه كالناظر ، ولا تحسب له الأخطاء كالمفتش ، ولا تنساه كوزارة التربية والتعليم ، بل تنفض الطباشير عن صدره ، وتغسل الحبر من يديه ، وتتركه ينام حتى الصباح ، أما الأولاد فلهم رب أسمه الكريم .. الصحفي : زوجه الصحفي هي أشقى الزوجات ، فحياته بلا مواعيد ، ولا نظام ، كل ساعة في عمل ، وصباحه ظهر ، وظهره ليل ، وليله ينتهي بعد شروق الشمس

رجل الدين : يفضل المرأة التي يتزوجها أن تشنق نفسها بمسبحة طويلة ، وتنهض على قدميها بمجرد عودته إلى المنزل ، وترفع يدها إلى السماء إذا خرج من البيت وتدعو ليعود بها سالماً غانماً ، وبين الحين والآخر تقبل يديه قائله : "ادعيلى يا سيدنا الشيخ" .. ويدعى سيدنا الشيخ. * المحامى : يحب الزوجه التى تجعل له المنزل محكمة وتطلب له البراءة في كل تصرفاته بلا مرافعة أو شهود أو أدلة حتى إذا عاد إلى البيت بعد منتصف الليل متعبا أو حتى مخمورا، حينها لا يريد منها سوي أن تنتظره لتقول له "بـــــــراءة"

ويختلف مفهوم الزوجة المثالية لدى الرجال ، وذلك على اختلاف وظائفهم وأعمالهم ، فكل مهنة تحتاج إلى زوجة مقدرة لذلك العمل.* الطبيب : يريد زوجة لا تشعر بالغيرة أبداً ، يجب أن تكون أعصابها قوية ، فإذا دق التليفون و كان المتحدث امراة ، وضحك الدكتور وقال لها: " أنا جاى حالاً " على الزوجة أن تبلع ريقها و لسانها وأن تنام بصوت مرتفع ، وإذا أغلق الطبيب الحجرة ومعه امرأة تنزع ملابسها ، وكانت جميلة ، فيجب أن تكون أعصاب الزوجة من حديد

بصراحة كل الرجال متخلفين وانا واحد منهم منصير لما منا نتزوج نشرط ونشرط ونحنا حمار مابعاشرنا على قد مانا متسليط ولسانا وايدنا متبرين منا مناخد المرة لتخدمنا و تبسطنا ولا منهتم فيها اذا هي مرتاحة ولا شو بدا المهم نحنا وبس يترا هيك الاسلام قلنا

والله انك غلطان كتير ولازم تراجع حساباتك من جديد

مارح قلك غير يسلم تمك ويسلم البطن يلي حملك

مرمورة انتي نتخطبي بأي جامع , لأن فكرت حالي عم اسمع خطبة الجمعة ولكن بالمقابل كلامك لا غبار عليه والله يسعدك مع زوجك ويتمم معكم على خير  

أنا بدي ياها تكون قوية و متينة و اقتصادية وموثوقة ولو كانت ضايجة شوي و نزقة ما في مشكلة لأنو هي من علامات القوة و لازم تكون بتحما بسرعة بالشتا و من أهم الأشياء هي الشعور بالأمان معها وتكون ثابتة معي عالطريق وأخيرا بدي ياها تكون مجربة كتير من الناس ومادحين فيها واذا صحتلي وحدة مستعملة كمان ماشي الحال والحمدلله على كل حال بس عموما أنا بفضلها تكون من ماركة كيا.

بالنسبة لالي .. اهم صفة انها تكون سوريّةالتربية. لانو هالصفة بتعني انها بتحمل كل الصفات الحسنة. نقطة انتهى

ياجماعة شوفوا الخبر بقسم تكنلوجيا أسفل الصفحة .. وشوفوا المرأة روكسي .. يا عمي يا هيك المرأة يا بلا ... وقت اللي بدناياها تحس فينا بتحس .. ومنسطحها وقت اللي بدنا .. وشيلونا من الاحاسيس

تنويه إلك انو انا كنت اكتب اسمك غلط يعني كنت اكتبو Desert بدل Disaster فما تواخزنا..

صباح النور , انا بحترم رأيك ومتل ما بتعرفي كل واحد عقلوا براسو بيعرف خلاصو وانا مقتنعة برأيي يعني بالنسبة إلي الانسان الراقي هو يلي بكون عندو اخلاق اما اذا صار عندو علاقات ماقبل الزواج فأنا بشوف انو خلص هادا الشخص اخلاقو صارت بالارض وبالاخير كل واحد يصطفل بحياتو انا هيك ومقتنعة

أتمنى أن تكون فتاة أحلامي كالتالي: متكلمة متل مرمورة وغنية متل بنت الحرية واقعية متل أحمد بسمار متحررة متل انسانة واقعية وبسيطة متدينة متل scorpine وقنوعة متل لولو وطماعة متل ماريا وفيلسوفة متل شاب بسيط وواقعي وفل أوبشن متل هاوي العيون الزرق ومعقدة متل ثريا وضحوكة متل باسل وناقدة متل نضال وفهمانة وذكية متل سلفانيا وقوية متل رورو وربة منزل متل دو دو ومتكبرة متل انسانة ورغاية متل طالبة والأهم بدي ياها متل امي ومتل اختي ومتل حبيبتي ومتلي بدياها زوجتي....

وبما إن (على حسب نياتكم ترزقون) الحمدلله زوجي متلي نظيف من العلاقات وكنت المرأة الأولى في حياته كما كان الرجل الأول في حياتي والمرأة تعرف ذلك بالفطرة كما يعرف الرجل مهما تصنعت أو تصنع.ولن أشرح طريقة زواجنا فهذا لايهم في شئ ولكن كان لطريقة حياتينا الفضل بعد الله وأنتم لاتعرفوني لذلك لست أستعرض إن قلت أنه رغم الميزات الكثيرة التي تحسب لي والحمدلله والتي وجدتها في طلبات أكثر الرجال المعلقين إلا أننا لم نرهقه أبدا بالطلبات بل كنت من أقلهن متاعا لأكون من أكثرهن بركة كما أوصانا النبي محمدصلى الله عليه

نكمل..قلت إن الطريق الصحيح لزواج سليم وعائلة سعيدة بإذن الله ليس لقاءات المقاهي وتسكعات الحارات الجانبيةوهذا لا ينفي الحب والعواطف ولكن يضعها في إطارها الصحيح.ومن تنكر أو ينكر ذلك أقول له أنت تنظر لمن حولك وهم قطعامثلك لأن قل لي من تصاحب أقل لك من أنت وبدل أن تدافعوا عن نفسكم بادعاء عمومية الوضع توبوا وابدأوا صفحة جديدة فالتائب من الذنب كمن لا ذنب له ولا تحاولوا نشر الفساد من مبدأ كلنا بالهوى سوا وماحدا أحسن من حدا فأنتم لاتستطيعون خداع إلا قلة من المراهقين الغير متابعين أسريا

نكمل..وهاد رغم إنو أهلي مو متشددين كتير وإنما محافظين بس هاد كان خياري وعن قناعة كاملة واستعنت على إعفاف نفسي بصحبة صالحة بالجامعة لبنات متلي وبنفس قناعاتي وهي نصيحتي لكل بنت وشب لأن الصاحب ساحب كانت ومازالت نفسي وكرامتي كتير غالية عليي وما عندي إستعداد إغلط لأن مهما كابرنا وبررنا وادعينا التحرر فالعلاقات العاطفية بين الذكر والأنثى خارج إطار الزواج بتحط منو ومنهاومالها غاية غير الغلط أما الزواج فالطريق إلو مو لقاءات المقاهي والحارات الجانبية...يتبع

أكمل كتير من الصبايا والشباب بيحفظوا نفسهم ودينهم عن علاقات مالها معنى غير الدوران حول القضية الأبدية ذكر وأنثى خارج الإطار الشرعي يلي بيحمي هالعلاقة وبيقويها وبيجعلها سليمة ومنتجة.وهالكلام عن تجربة شخصية مني ومن اللي حواليي علما إني جامعية والحمدلله والله منحني نعم كتير من كل النواحي وفهمكم كفاية يعني لو بدي فوت بهالمستنقع كان فيه بدل العرض ألف بس الحمدلله عمري ما حاكيت شب ولا حتى سلام وحتى دكاترة الجامعة عمري ما حطيت عيني بعين حدا فيهم وتمقلت أو أخدت وعطيت بلا داعي

حاولت اليوم أقرأ التعليقات على هذه الصفحة...وكنت سعيدة جدآ في قراءة تعليق دكتور...لأنني أنا على طوول أقوول أن الذكاء والحياة العقليية ليس لهم علاقة مطلقآ في الشهادات والمثقفيين...ويوجد جاهليين أذكى وأعقل من أكبر مثقف ...مع العلم أنني أعيش ودرست في جامعات أوربا.. .وأيضآ...تعليق السيدة ثريا...صحيح جدآ..لأن في سوريا...الرجل السوري ضعيف جدآ...إذن...من الضروري جدآ... أولآ... تحرير 60 % من رجال سوريا من المرأة حتى تستطيعوا تحلموا أن تحطوا رجلكون وتدخلوا في باب الحياة الإنسانيية...سلامات...

لكل اللي علقوا إن ثلاث أرباع الصبايا والشباب إلهم علاقات غير شرعية والأنكى إنو برأيهم الربع الباقي ما عمل علاقات لأن ماصحلو مو لأنو استعفف بحب وضحلكم التالي إن كنتوا فعلا مقتنعين بهالشي وأنا ماحإذكر أسماء المعلقين لأن جوابي مو شخصي ولا بدي سئ فيه لحدا وإنما للتوضيح بحالة الجهل الفعلي ولتوعية يلي ماتورطوا لسه بهيك علاقات لأن أحيانا كلامكم واستسهال هالأمربيعلم مراهقين عميقروا معنا وبيفكروا هالشي فعلا عادي الحقيقة إن كتيييير من الصبايا والشباب بمجتمعاتنا..يتبع

كم آلمتني التعليقات السطحية جدا واليائسة غالبا التي تواردت حول هذا الموضوع الاجتماعي والوجودي. وكم تحسست بالألم والفراغ اللذين يهيمنا على مشاعر شبابنا,لأنهم لا يجدون الإمكانيات اللازمة للزواج وما يحيط به من متطلبات باهظة مفروضة من عادات وتقاليد ما قبل الانكشارية. إذ أصبح الزواج صفقة تجارية انتهازية باهظة, وليست لقاء توافقيا متكاملا بين شخصين يرغبا زرع حب وبناء عائلة صالحة (اجتماعيا) تشكل خلية جيدة من قواعد هذا الوطن الذي يتفكك بسبب الانحلال العائلي وضياع المثل الحقيقية الطيبة.

حبيت ردك كتير وفعلاً ضحكتني من كل قلبي لما قلت انو كان بدك تعمل جو ههه كل حدا فينا فيو شي بينحب وشي مابينحب فما بصير تكون هيك نظرتك لنفسك والى الانسان بسيط وواقعي عجبني ردك كتيروحابة قول شي لسيلفانا:حديثك انا بحترمو كتير لأنو بعبر عنك كأنسانة ولكن انا برأيي انو حديثك ظالم حاولي ترجعي تقري ردودك يمكن رح تنتبهي انك عم تصنفي الشب اوالبنت يلي عندن علاقات عاطفية او جنسية قبل الزواج على انن ادنى مرتبة،هالشي ظالم ومومن حقنا كبشر انو ندين حدا وكونك ماعشتي هالشي معناهارأيك مو عن خبرة،رأيك عن تقاليدمجتمع

قال رسول الله صلى الله عليه وسلم (تنكح المرأة لأربع: لمالها ولحسبها ولجمالها ولدينهافاظفر يذات الدين تربت يداك) حديث شريف صدق رسول الله

انت ما قلت انو يلي ماعندا تجارب بتكون جدبة بس اكيد ما كتير بتعرف شو بدا ونحنااذا ماكنامجربين انواع متعددة من العطور ما منقدر نحدد تمامااي عطر بناسبنا.. وبالنسبة لاختي وبنتي بعد ماتتجاوزال18 مو مهمتي حياتن العاطفية والجنسية اناشغلتي وقف معن لمابكونو بحاجتي ولمابكونوبدن مساعدتي مووقف ضدن بالامور يلي بتسعدن واناماعم قول بدي البنت يلي بحبا تكون سيئة انا عم قولا تكون الها تجارب وعلاقات وانابوثق بس بالصادقة يلي مابتنكر متل حضرتك طبيعة البشر وبنظر للمرأة متل ما بنظر لنفسي ...

قالوا للبسمار ليش فايت بالحيط ..... قال : من الدق يلي نازل فيي . هناك بعض الرجال يعانون من المازوخية ( مرض نفسي ) وهم لا يدرون ... الحمد لله الذي عافانا مما ابتلى به كثير من خلقه .

لك صدقوني و الله ما في احلا من التفاهم بس اهم شي ما يكون نسونجي و عينو لبرا و يكون شورو من راسو يعني مو دلوع البابا و الماما.........

انا بلنسبة الي بدي واحدكامل مكمل.يعني مو اقل من دكتور او مهندس هاد اول باشتان؟تاني باشتان لازم يكون وضعو المادي كتير منيح لانو ما لح اقبل عيش يمستوى ادنى من يلي عايشيتو, و حكي امي و امك و ستي وستك ع الخبزة و الزيتونة انقرضت من زمان , و يلي ببيت اهلو ع مهلو, و شكرا

وأخيرا اقول لكل من يطلب تلك المواصفات المثالية بشريكة العمر أن الأمر بسيط ولا يحتاج الى كل ذلك التعقيد فان اردتها مطيعة كن كريما وان اردتها حنونة كن مخلصا وان أردتها متزنة التفكير والمزاج كن ثابتا رزينا و ذو شخصية قوية. فان كنت كذلك ملكت قلبها وعقلها وكانت لك أفضل مما تريد. أما الذين يبحثون عن واحدة من الحور العين فأنصحهم نصيحة أخيرة وأقول انظر الى نفسك في المرآة وتمتع بجمالك المبهر ثم انظر بعد ذلك الى مرآة المستقبل لترى فيها صورة عمتك وخالتك ووالدتك ولتتمعن في جمالهن الخلاب.

مشكلة الشاب أنه يتوهم شريكة المستقبل ك ملاك أو شي جاي من كوكب آخر غير البشر يعني يريد فيها كل مواصفات الحسن والكمال بالشكل والمضمون ونسي أنو نحنا بالأرض مو بالجنة يعني اللي هون مالهن من الحور العين انما هن من البشر الغير معصوم والمليء بالأخطاء والعيوب وبدل ماالواحد يحلق يخيالو بنجوم السينما وملكات الجمال ومطربات الاغراء المزيفين قلبا وقالبا يروح يطلع بأمه وأخته نشان مايوقع و تنكسر رقبته. وبحب قول للي مفكر أنو الزواج متعة انت غلطان تماما لأنو الزواج بمعناه الحقيقي مسؤؤلية كبيرة وعطاء بلا حدود.

قال مرة في واحد تجوز وحدة حلوة كتير بس الخانم طلعت كووول زيادة وما وفرت حدا من الجيران الا و... قام الزلمة طلقها و اتجوز وحدة بشعة تاني يوم الدخلة طلع بمرتو الجديدة و قال لو ضليت عم اكل سكر مع الجيران مو احسن ما آكل *** لحالي

اخ اخ, دعولى يا شباب الكل معزومين على عرسي بس دعولى ارجع و اتزوج الله كريم, سلامات ل سوريا

الأوبشن الأولاني :عيونها زرق التاني تكون عاقلة و بتسمع الكلمة

بدي اكون بالنهار راكب همر(Hummer) وبالليل نايم مع قمر

اتمنى الزواج من حبي الاولاني...

يا شباب الله يكون بعونا هل الأيام طبعا بنات و شباب العامل المادي ما خلا حدا من شرو أول شي قضى على الآمال وصار الواحد يتزوج بعد 30 و البنت بعد ال25 على أقل تقدير تانيا العلاقات الغير شرعية صارت سبب تاني وأهم شي أنو ما عد تم رجال متل العادة مو القصد متل ما بقولوا السي سيد لا رجال يتحمل مسؤوليات البيت كاملة و ما ظل مرآة بتحترم الرجال و تفهمو و لا تواخذونا على الإطالة

المرأة المثالية؟ المرأة المثالية هي التي لا تنطبق عليها جميع الأوصاف التافهة والسطحية والرخيصة التي أبداها جميع المعلقين حتى هذا المساء, بدون استثناء, والتي تقف في وجوههم شامخة من الند للند. لها شخصيتها التي تعادل الرجال في المجتمعات والمؤسسات والأعمال والسياسة والفكر. إنها اليوم نادرة بسبب العادات والتقاليد الخشبية. ولكن من يبحث عنها يجدها.لأن المرأة السورية أروع وأجمل وأقدر نساء العالم. أقول هذا عن معرفة لأنها صفات زوجتي التي اختارتني واخترتها وأعيش معها حتى هذا المساء. تحية مهذبة

ما عم قول انو كلامك في تجريح او أسائة لحدا وكلامك واقعي بس حبيت اعمل جو هههه ..اما بالنسبة ألي المرأة المثالية بما اني غبي وجهة نظري لسانها قصير ومحترمة وزكية مشان تغطي غبائي بتعرف تدير امور البيت لانو موفاضي للبيت و بتحبني كتيييير.._ ما بعرف على شو لانو ما فيني شي ينحب _..ما بهمني الشكل تكون ملتزمة بنت عيلة

خلاصة الموضوع ببساطة أنو كل واحد قاعد عم يحط شروط ومواصفات لشريكة المستقبل ومفكر حالو عم يشتري شي بدلة بالتفصيل ويحدد لونها وموديلها ومقاسها ونسيانين أنو النصيب هو اللي بيحكم بالآخر واذا وقع القدر عمي البصر وللتأكيد على كلامي اسألوا اي واحد خاطب اديش نسبة تطابق خطيبتك مع فتاة أحلامك ما بتوقع حدا رح يجاوب بأكتر من 50 % وبعدين اسألوا هالسؤال نفسو للمتزوجين وبراهن أنو ما رح تتجاوز النسبة ال 10% عند أشد المتفائلين .فحاجة كل واحد يقعد يفصل ويخيط كأنو عم يشتري بدلة.

هي المرأة التي تنتمي إلى واقع هذا الرجل وحياته تشاركه وتكون معه في كل لحظة وتشعر بكل تفاصيل حياته أفراحه وأحزانه وأفكاره وخططه. امرأة لا يشعر شريكها أنها متفرجة تراقب الأحداث، بل هي تعيش في قلب الحدث، وفي كل اللحظات التي يمر بها. هذه المرأة، التي تشعر الرجل بأنها منتمية إلى عالمه الخاص، لا ينساها لأنها مرتبطة بحياته

سئل دون جوان: من هي أجمل النساء في نظرك ؟؟ قال: حبيبتي فقيل له: ومن غيرها ؟ قال: زوجة جاري.. فقيل له: ثم من ؟؟ قال: خادمتي . فقيل له: ثم من ؟؟ قال: زوجتي .

ما في حدا مثالي اصلا روحو حبو بعدين حتشوفو كل اللي بيعملو الانسان اللي بتحبوه مثالي

من قال لك أن من لا يعرف القراءة والكتابة لايفهم؟ الفهم والحكمة ليست حكراً على من يعرف القراء والكتابة وإنما هناك من الأميين من هو أذكى وأفهم وأكرم من كثير من حاملي الشهادات والمتعلمين! كثير من النساء الأميات أنجبن عمالقة على مر العصور وهن لايعرفن القراءة ولا الكتابة! لذا لاتجعلي ذلك حكماً ولا مقياساً فالحياة خبرة والذكاء فطرة والفهم فكرة التواضع سترة

أعتقد ان الكثير من الرجال والنساء عندما يفكرون بشريك الحياة يعكسون عقدهم النفسية وطفولتهم التي كان فيها احد الابوين مسيطرا او ظالما للاخر..العلاقة الزوجية امر معقد للغاية والرجل حين يريد امراة مطيعة فهو انما يظلم نفسه لانه لم ولن يعش أبدا معنى ان تشارك انسانا تحبه الحياةاو ان تجد الحب الصادق وليست الطاعة دليل الحب انما قد تكون مسايرة للمجتمع او عقل ضعيف يريد انسانا يحميه بغض النظر من هو هذا الإنسان..حرية المراة تبدا بتحرير الرجل والرجل الضعيف يريد امراة ضعيفة لكي يخفي ضعفه

عزيزي الفصيح انا بحب قلك انو في رجال ومو كلهن طبعا, بيحكو شي وبطبقوا شي, يعني لما انت تيجي تقول : "بدي وحدة شايفة حياتا واختارتني انا بعد ماشبعت من كلشي مابدي وحدة تفتحت عدوري ومابتعرف شوبدا."هل هذا يعني انو يلي ما عندا علاقات سابقة يعني وحدة جدبة ومابتعرف شو تعمل؟ طبعا اذا كنت شب مارح آخد وحدة هيك خلي غيري ياخدها مو انا.

بعدين رح قلك شغلة تانية. اذا بيوم من الأيام رجعت هالمخلوقة عالبيت وشافت بنتها وواحد شب عالفرشة ياترى شو بدها تكون ردة فعلها؟ بدها تقلها جبتيلنا الفضيحة؟ ليش بقى؟ مو حضرتها عملت هيك بأيام شبابها؟ وبالنسبة إلك اذا شفت اختك بهيك موقف هل ستعتبر هالشي انها عم تتعلم كيف تصير منفتحة منشان اذا تزوجت ما تكون متل الهبلة؟ بالاخير كل واحد إلو رأيو الخاص واذا انت شب بدك هيك غيرك مابدو

وبالنسبة انو مابدك ياها تعمل حالها شريفة مكة بس تتزوجوا وانو مابدها تخونك لأنها خايفة من نار جهنم فكمان بحب قلك انو هادا الحكي يعبر عن عدم ثقة يعني دخلك كيف رح تتزوج من وحدة قبل مايكون عندك ثقة تامة فيها؟ طبيعة الرجل غير طبيعة المرأة وماتخاف مارح تعمل حالها شريفة مكة لأنو انت بالنهاية رح تكون زوجها وابو اولادها فمافي داعي انك تنظر للمرأة بهالطريقة.

انا لم أتراجع عن رأيي الشخصي, يلي عندها علاقات سابقة فيها الخير بس لواحد متلها إلا اذا الله بعتلها واحد شريف مكة وشيخ زمانو يمشيها عالصراط المستقيم وبالنهاية يلي كان عندها علاقات كتيرة مع شباب مابعرف على شو بها تربي اولادها؟ عالتربية والاخلاق من بعد ما تتوب يعني؟ ليش ما بتعلمهم متل ما اتعلمت هية؟ منشان يصير هذا الفرس من ذلك الخيال! للأسف صرنا بزمن يلي ماعندو علاقات معناها واحد مانو منفتح واجدب ومابيفهم شي بهالدنيا لاء وشو كمان صرنا محسوبين مع يلي مسبع الكارات كمان..

طبعا انا معك 100% مع الشي يلي قلتو لأن يلي ماعندو علاقات سابقة ماحدا بصدقوا وبصير محسوب مع يلي ما بيسوا وبالأخير الطيبون للطيبات والخبيثون للخبيثات

اي طولي بالك حبيبتي مابدها كل هالعصبية وبالنهاية كل واحد عندو رأي خاص فيو وكل وحدة في براسها الرجل يلي بتتمناه, نحنا هون في ساحة نقاش وحوار وليس ساحة قتال وعلى كل حال سواء كان رأيك سلبي او ايجابي نحنا عم نتناقش, بعدين شو هاي كلمة "يا استاذ" ليكون اسمي صبياني وانا مو عرفانة؟ له يام الزوز له

في كتير تعليقات صدرت من الشباب بتهين الشب مابتهين البنت لانو بتدل عن عجزونئص حئيئي بشخصية الشب وئدرتو عالتكيف مع الاخر بدو ياها تلبي كل طلباتو ورغباتو من دون ما يكون الها طلبات ورغبات وحئوء يعني هي عبدة وهو سيد واللي عم بيطالب البنت تكون متل بنات باب الحارة متخلفة وجاهلة ولتاتة بس عبدة مطيعة هو مستعد يكون رجال حئيئي حاميها وصاينها وكافيها ومحترمها ورافع مئامها وعاززها وكارمها اكيد لاء مو مستعد ولا عندو الئدرة اساسا ليكون هيك وعفكرة لبنت لمثقفة ولعاملة ولندية ولئوية بشكل عام نتيجة لندرة الرجال

ما في امرأة مثالية... ولا صفة من يلي انذكرت بتخلي المراة مثالية... تربية المراة والمجتمع و الدولة والظروف تحول دون وجود المراة المثالية... وكذلك الامر بالنسبة للرجل....

البراااااااااااااااااااااااااااااااءة أهم شي

برأيي ان أهم صفه للزوجه المثاليه هي أن تكون أنثى , و قبل أن تبدأ التعليقات : الزوجه الأنثى حنونه ,مليئه بالعاطفه و تطيع زوجها في غير معصيه تهتم بشؤون زوجها و أطفالها وتصون بيتها طبعا اذا كان الزوج رجلا , فسوف يقدر زوجته و يحترمها

المهم تكون ام مثاليه وتنسى الماضي وجراحو وتذكر شى واحد زوجا و اطفالا

لا مفر من ذات الدين يضاف إلى ذلك ان تكون بنت قبيلة عربية أصيلة نسبها معروف حتى قحطان او عدنان كما يجب أن تكون بارعة الجمال , طويلة , تجيد فن الغزل , يزينها الحياء , تحمل اجازة جامعية , تتمتع بفراسة العرب, تجيد الشعر او تحفظ منه الكثير,تقدس زوجها وتحترم أهله ,ولها شعر اثيث يزين المتن أسود فاحم , بيضاء كما الثلج ,رشيقة كما الغزال , اسنانها كالبرد ,ولها خد أسيل,عوارضها مصقول كالسجنجل(المرآة), رضعت من ماء الفرات, او استنشقت عبق البوادي, ايييييييييه

بس شغلة وحدة ... تكون خرسا..

انا ما قدرت اقرا كل التعليقات الموجودة بس انا رح قول رايي بكل صراحة بهل الايام ما بقى في رجال الا من رحم ربي يعني هاد اللي قاعد بدون شغل ومرتو عم تصرف عليه !؟وهاد اللي كلمة بتاخدووكلمة بتجيبو ؟!وهاد اللي عيونو فاضيةومن وحدة لوحدة ؟!وعلى فكرة حتى لو الزوجة فيها كل المواصفات اللي بيتمناها بيزهق منها بعد فترة الا من رحم ربي لذلك اذا في رجال يعني الامان والاستقرارالحب والاخلاص الشهامة والاخلاق العالية يورجيني حالو لاني ما عم لاقي رجال بهل الايام مع احترامي للجميع

شكرا لتفهمك وجهة نظري...أكيد في كتير ناس بيتفقو على نفس وجهات النظر متل ما في ناس بيختلفو..يعني مو كل المتعلمين الون وجهات نظر متقاربة لانو طريقة التفكير بتعتمد عالثقافة المكتسبة من البيئة المحيطة ...يعني الي بيعرف عدة مجتمعات وعدة ثقافات مو متل العايش ببيئة مغلقة ..طبعا التعرف عالثقافة شي والتأثر فيها شي تاني ..هاد بيعتمد على ذكاء الشخص وقدرتو على تمييز الغلط من الصح.

يا رب الله يسمحلي ارجع على سوريه و اتزوج بنت من بلادي, يا جماعه عنجد بنت السوريه ما في متلا بالدنيه كلها, الله كريم بس دعولي

أول شي شكرا لحكمك عليي بدون ما تعرف خلفيات الخلاف,تانيابحب قلك انو مو كل وحدة بتعرف قيمتا وامكانياتا لازم تكون شايفة حالا ومتمردة ونقاقة..بالعكس الثقة بالنفس دائما بتكون عماد لاسرة مو سبب بهدم بيت ...والرجل بيكبر بقيمة مرتو وهيي بتكبر فيه ....ويمكن انا قلت انو قعدت بالبيت لراقب نجاح زوجي بناء على رغبتو لانو مقتنعة انو نجاحو هو نجاحي وانو نجاحو الو الأولوية ..

هو بالنهاية صار في اخد ورد كتي بلموضوع ولكل واحد رايو، بس اهم شي بالزواج هو استمرار المحبة بس يكون في محبة كل شي بيهون الفقر والعز واالمصايب يعني كل ما توقع مصيبة عراس الواحد تقويه اكتر ويكون الطرف التاني داعم الو بغض النظر عن اي شي سابق( علاقة طلاق ميت جوزا لاننا بالنهاية بشر وعم تعامل البني ادم بانسانيتو) وهي هي كل الحكاية... عم اسمع ميادة بسيليس يا الله ما احلاها

اول شي لازم تكون حلوة كتير و متعلمة و مانا مايعة و تافهة..

الحقيقة قرأت في إحصائية لشركة جالوب الإيطالية انه أصعب شيئ في الكون أن تكون وحيداً وثاني شيئ ان تختار شريك حياتك على الجملة نصيحة يارجال إذا ما بتعرف البنت قبل الزواج أو حدا زكالك ياها من معارفها أوعا تقرب دخيلك وفي 3 نصايح عالسريع لا تتزوج وحدة بتعرف بالدين أكتر منك ولا وحدة مستواها الدراسي أعلى منك(مشان ما تركبك)ولا تتجوز وحدة غنية أكتر منك ودعولي

المشكله انو لا المتعلمه ع بتعبي الراس ولا العامله ع بتعبي الراس ولا المطيعه ع بتعبي الراس ، لنو نحن هل الذكور ( الرجال من الناحيه التناسليه فقط ) منا عرفانين وين الله حاططنا ( ع ايام البلي بوي ماعجبونا نسوانا و ع ايام كسندرا كمان ما عجبونا نسوانا وهلء ع ايام التركي المدبلج للاسف ما عجبونا نسوانا ) طيب وين المشكله فينا الا ف نسوانا .. انا شايف العيب فينا .... يمكن هل الحكي مارح يعجب حدا كتير !!!!!!!

هي تجربتك اكبر برهان لبعض الشباب الفرحانة بطريقة باب الحارة وكلامك فعلا كلام بنت متعلمة ومثقفة .,وبتمنى من بعض الشباب انو يقراو الكلام منيح ويفتحو مخهن شي 5 دقايق. الله يحميكي

ان تحترم مسؤولياتهةتجاه خالقهاوزوجهاوتتحلى بمرونةحتى تستطيع تجاوزظروف الحياةمع الشريك والتعليم أصبح ضروري للمرأةبصفتهاام لأولادهذاالعصرعصرالعلم والمعلومات

مواصفات المرأة المثالية كي تكون زوجة ناجحة هي أن تكون متعلمة وعاملة وتتمتع بشخصية مستقلة ونديّة. وتكتمل الحلقة عندما تعمل الزوجة في نفس الشركة أو الإدارة التي يكون الزوج المدير العام فيها، وطبعاً سوف تمارس الزوجة شخصيتها المستقلة والندية ليس فقط في البيت، بل أيضاً في العمل. والتمتع بشخصية مستقلة وندية من قبل الزوجة يشكل قفزة نوعية للزوج، وخاصة عندما يكونون في زيارة، أو يكون عندهم ضيوف، ويسترسل الزوج في الحديث، والجميع ينصت بإهتمام، إلا عاصفة الصحراء تلك المستقلة والنديّة التي تقاطعه وتنتقد رأيه.

هههههههه عنجد معك حق ماكان لازم شارك ،مرقلنا ياها هالمرة حقك عليي ،بس تعليقك اثبت وجهة نظري انو مافي احترام للآخر ولرأي الاخر مع العلم انو رأيي ماكان فيو تجريح لحدا،ومابعرف ليه انت ماقريت من السؤال غير انو للرجال فقط ،يعني ماعندك جواب ؟شو المرأة المثالية الي حابب ترتبط فيا؟ولا هيدا الشق من السؤال ماقريتو؟

وأما الخامسة والسادسة فالتفقد لوقت طعامه والهدوء عند منامه فإن حرارة الجوع ملهبة وتنغيص النوم مكربة وأما السابعة والثامنة فالعناية ببيته وماله والرعاية لنفسه وعياله أما التاسعة والعاشرة فلا تعصين له أمرا ولا تفشين له سرا فإنك أن عصيت أمره أوغرت صدره وإن أفشيت سره لم تأمني غدره ثم بعد ذلك إياك والفرح حين اكتئابه والاكتئاب حين فرحه فإن الأولى من التقصير والثانية من التكدير وأشد ما تكونين له إعظاما أشد ما يكون لك إكراما ولن تصلي إلى ذلك حتى تؤثري رضاه على رضاك وهواه على هواك فيما أحببت أو كرهت

من خير ما أوصت به أم لابنتها المقبلة على الزواج: إنك قد فارقت بيتك الذي منه خرجت،ووكرك الذي فيه نشأت إلى وكر لم تألفيه، وقرين لم تعرفيه فكوني له أمة، يكن لك عبدا، واحفظي له عشر خصال يكن لك ذخرا أما الأولى والثانية فالصحبة بالقناعة والمعاشرة بحسن السمع والطاعة أما الثالثة والرابعة فالتعهد لموقع عينيه والتفقد لموضع أنفه فلا تقع عيناه منك على قبيح ولا يشمن منك إلا أطيب ريح والكحل أحسن الحسن الموصوف والماء والصابون أطيب الطيب المعروف وأما الخامسة والسادسة فالتفقد لوقت طعامه والهدوء عند من

تشكو وهى ظالمة وتشهد وهى غائبة، قد ولى لسانها بالزور وسال دمعها بالفجور وأبتليت بالويل والثبور وعظائم الأمور!

شرهن السريعة الوثبة، كأن لسانها حربة، تضحك من غير عجب،وتبكى من غير سبب، وتدعو على زوجها بالجرب،أنف فى السماء وأست فى الماء،كلامها وعيد،وصوتها شديد،تدفن الحسنات وتفشى السيئات، تعين الزمان على بعلها ولا تعين بعلها على الزمان، ليس في قلبها عليه رأفة ولا عليها منه مخافة،إن دخل خرجت، وإن خرج دخلت، وإن ضحك بكت، وإن بكى ضحكت، كثيرة الدعاء قليلة الأرعواء، تأكل لما وتوسع ذما، ضيقة الباع، مهتوكة القناع، إذا تحدثت تشير بالأصابع وتبكى فى المجامع، بادية من مجابها نباحة عند بابها، تشكو وهى ظالمة وتشهد و

كل رجل يحب امرأتين,الأولي يرسمها في خياله والثانية لم تخلق بعد...

ربما سبب طلاقك هو ادعائك المستمر أمام زوجك للعلم والثقافة والندية والكلام الفارغ الذي نغص عليه حياته..طبعاً لا أحد ضد العلم والمعرفة ولكن نوعية هذا العلم والمعرفة وكيفية الاستفادة منهما وتوظيفهما بالشكل المناسب هي الأهم. ربما أيضاً نكدتِ حياة الرجل بنقك عليه بأنك من عيلة كذا وأنك متعلمة ومثقفة ومن عيلة ميسورة..الخ فهذا يكفي لتحويل حياة الرجل إلى جحيم!وحتى لو كانت المرأة ملكة جمال الأرض وأغنى نساء العالم وكان طبعها سيئاً ونقاقة فلن يدوم الزواج مع رجل شهم وكريم وذو شخصية. أنا لاأقبل ذلك أبداً.

الحرمة لازم تنضب ببيتها وتسمع كلمة زوجها وتحترمو ونقطة انتهى والحرمة اللي بتعصي امر زوجها بتكون عم تغضب الله وعم تغضب زوجها والحرمة الطالعة والفايتة اللي بتقرا حكي انصاف المثقفين واللي بدهم يهدمو المجتمع بتكون عم تلقي بنفسها للتهلكة .. كفانا تخلف بقا .. لسه لاحقين الغرب بشكل اعمى وما عم نلتزم باصولنا وديننا .. بشرفي قلبي عم يحترق على شباب وبنات الوطن المساكين اللي التفت حبال المشنقة الغربية جوليهم  

المراة المستقلة والتي لديها شخصة ندية افضل بكثير

المسلسلات التركية دمرت عقول البنات ونزعت افكارهم وصار بدهم زوج متل مهند ويحيى , نحنا مو متل الغرب لأن الغرب همش الدين واشتغل بعلمانية مفرطة فتطور علميا وتقنيا وفتر روحيا, ونحنا لازم نحدد خياراتنا على اساس الرقي المادي والسمو الروحي اللي بقنن النواحي المادية , بنصح شباب وبنات سورية بالايمان بالله ثم بالعلم مشان يكون دافعهم نحو التطور هوي رزانة الفكر وسعادة الروح وما بيلزمنا من الغرب الا علمو وتقنيتو واخلاصنا لبلادنا بكون على مبدأ الايمان بالله والوطن والتسامح وساعتها رح نقدر نتجوز دون نفاق

الموضوع يتكلم عن العلاقات قبل الزواج أقرأ جيدا ثم انقد كيفما شئت فبالحوار نرتقي

هلأ أنا مالي مضر أني أحكي للعالم شو بدي مواصفات شريكت حياتي بس بديها فوق ال30 في شي وحدة حابة تعرف شوطلبي

شكرا لردك ولكن تكلمت من منطق فلسفي وليس من منطلق عقلي بل منطلق فلسفي اجتماعي بحت وأنا لا أملك علاقات جنسية مع أي فتاة بالكون وربما لا تصدقونني ولكن أمثالنا قلائل أو يخجلون من الافتخار بعدم وجودعلاقات قبل الزواج فيلزمون الصمت ويحسبون على أصحاب العلاقات

لآنسة انسانة بسيطة وواقعية كلامك ما في أحلا منو بس لو كنتي قرأتي عنوان الموضوع ما كنت لازم تتدخلي لانو مكتوب للرجال فقط هههههههه

بصراحة ... كون مخلص و صادق مع البنت يلي بتحبها بتعطيك كل شي بتتمناه...بس كون صادق !

تكون قنبلة متفجرة مو مملة وبتحب الرقص وتعملي مفاجئات كل يوم وتعبي البيت شمع ومشكلجية وبتزعل وبتتصالح بسرعة وبتحب المزح مو جدية دائما ما بتاكل كتير خصرها كتير ناعم مهفهفة وبشرتها بيضا مو سمرابتفيق بكير مو بتضل نايمة حركة ونشيطة

شباب بس بدي ضيف انو يلي مفكر يتجوز و ينبسط بكون غلطان العزوبية احلى بكتير بس الجواز و تاسيس عائلة هو شي غريزي و مسوولية كبيرة بس اختار صاحبة التربية و الدين بترتاح و كونو انتو كمان اخلاق عالية بترتاحو كتير طبعا الجمال شي اساسي بس مو الجمال الكتير لازم تكون اكتر من مقبولة بشوي عند الرجل مشان يمشي الحال اصعب شي اول سنتين بعدين بصير الشغلة اسهل و الله يسهل

أنا برأيي انو العلم والدراسة صارو مهمين للبنت أكتر من الشب...لانو الشب بيقدر يشتغل شو ما كان أما البنت في حال طلع زوجا مو منيح وطلقا بلا سبب أو فقدتو لاي سبب من الأسباب(ممكن يكون موت)لازم تكون قادرة تعتمد على حالا وما تحتاج حدا ....وبالنسبة للي عم يقولو انو الرجال صارو قلال هالأيام أنا بأيد لانو الرجولة معنى كتير كبير أكبر من فرض الاراءوالتسلط لانو أهم الشي انو البنت تحس انو هيي بكنف رجال حاميها مو تحتمي بالعالم منو وبالنهاية(في كل علاقة بين شخصين هناك طرف لا يستحق الاخر )

بحكم تجربتي....أنا وحدة حلوة وصغيرة ومثقفة ومتعلمة(من الأوائل عالجامعة)وبحكي لغات مو لغة وحدة,من عيلة ميسورة تزوجت انسان متعلم أعلى درجات العلم والثقافة وطلب مني انو اقعد بالبيت راقب نجاحو وأنا سمعت كلمتو طبعا .. الي صارانو لخلاف صغير صار بيني وبيتو صارو أهلو بدون يطلقو (وهو قال عاجز عن اتخاذ القرار المعاكس)وعندو ولد وهاد كلو صار وأنا لسا ما صار عمري 25 .بدي اسأل سؤال للي عم يطالبو البنت انو ما تتعلم وما تتوظف لو كنت أنا مو متعلمة شو كان صار فيني مع هيك شخص عاجز عن اتخاذ القرار يتبع

أهم شي أهم شي أنو هيي تحكي معي بالأول بعدين تاني شي انو تحبني و تنسى الدنيا يعني كون أنا كل شي بحياتا

ومو كل شخص أد أنو يتجوز،بعدين برأي في مشكلة التعميم ،يعني مثلاً كتير منقول :البنات كلن ماديين ،او الشباب كلن بهمن الشكل،هالتعميم لازم نخففو شوي لأنو مافي شخص متل التاني ،بعدين لازم شوي يكون في عنا تقبل للآخر ،ازا الشخص التاني مختلف عني هاد مابيعني انو سئ ،يعني انا بنت مسيحية بس عندي كتير رفقات بنات اسلام و منقبات ،فهل هنة مو مناح لأنو شكلن او حياتن بتختلف عن شكلي وحياتي؟اكيد لا ،فخلونا نحترم بعضنا شوي وخلونا نستمتع باختلافاتنا ،وبالنتيجة الزواج خيار شخصي متل غير خيارات يابصيب يابخيب

بعدين كل شخص بهالدنيا بدو شي من الزواج ،في اشخاص بدن مصاري ،في اشخاص بدن جنس ،في اشخاص بدن اطفال ،في اشخاص بدن شريك حياة بالسراء والضراء ،المصيبة بتكون لما الواحد مايكون عرفان شو بدو هههه وهي المشكلة فيني قول منتشرة شوي بمجتمعنا ،يعني البنت بتتجوز لأنو لازم تتجوز ،بس شو بدا من الجواز مابتعرف ،شو مسؤوليات الزواج مابتعرف ،كيف منربي الولاد مابتعرف ،هون برأيي المشكلة الاساسية لأنو البنت بمجتمعنا من لما تخلق بيزرعو بتفكيرا هدف وحيد وهوة الزواج ،الزواج شي مهم ولكن مو هوة كل شي

انا ضدانولبنت تكون مجربة ئبل لزواج وضدانو تكون متقوقعة يعني لاهيك ولا هيك تكون طالعةوفايتةوشايفةلدنية كيف ماشية من دون ماتفجروتفلت وتخسرانوثتهاولشب نفس لشي لازم يكون ئدحالومواجدب من دون ما يتفلتن ويعمل لسبعةوزمتها يعني رب العالمين بيحاسب لبنت ولشب عنفس لزنب نفس لعقوبةليش نحناكبشرما منحاسبهون لتنين كمان نفس الشي ونحطهون بنفس لميزان وعفكرةان كان لشب اولبنت عندهون تجارب موتمام ئبل الزواج فهلشي رح يضل يلاحئهون طول عمرهون لان اللي بيغلط ببنات العالم الله ما بيتركووالانفتاح بيختلف عن الانفلات والفجور

انا وعم اقرا التعليقات لاحظت انو كلنا عم ندور على نفس الشي ،على نفس الجوهر ،بس بأشكال مختلفة ،كلنا بدنا شخص حنون ويفهم علينا ويحترمنا ويعاملنا كبشر وبدنا ياه كمان يحبنا متل مانحنا :حلوين بشعين عنا ماضي او ماعنا ،معنا مصاري او مامعنا ،فلذلك طولوا بالكن ولا تعصبوا ،الفكرة ببساطة انو الاشيا المطلوبة وحدة بس بتختلف الظروف ،وبعدين في شغلة انا مابفهما انو ليه لما حدا يخالفنا الرأي منعصب؟ومنبهدلو؟ههههه ياجماعة مالازم نكون كلنا نفس الرأي،حلو نسمع بعض ونحترم بعض بس ماضروري نقتنع بكل الحكي

"بصراحة تعليقك فاجأني كتير وانا لو كنت شب مارح يشرفني ارتبط بفتاة كان عندها علاقات سابقة"،"انا مستغربة انو في بنات بدهن شب عندو علاقات سابقة كتيرة واستغرب كيف انو البعض اعتبرو رأي السيد walking desert بيجنن ورهيب!.. هي اقتباسات من بعض تعليقاتك بالاول. بتصور انو عدم التشرف بالارتباط بشخص معين بيعني انو هالشخص مابيسوا ولا شو رأيك؟؟ .ماتتسرعي باطلاق الاحكام وبعدين تحاولي تتراجعي عنها وتجمليها منشان مصداقية حكيك ماتروح. ومع تحياتي بالنهاية

يسلم تمك يا استاذ انو يعني بدن مساواة وبدن مدري شو طيب اوكي والله انا بالنسبة الي ما عندي مشكلة بالمساواة بس وين هالمساواة اذا انتي متلي بكلشي بدك ياه بس انا يلي بدي اطلبك من اهلك وادفع المقدم والمأخر وانا بدي جيب بيت واصرف عليكي وامنك وامن ولادنايا مساواة بكلشي يا استحو وبستغرب كيف امرأة بتطالب تكون كيان حر وبنفس الوقت معجبة بكونها سلعة ناطرا الشاري المناسب ليجي يدفع اكتر لا وبنط ابوها بقلك بدي امن بنتي ..طيب ليش مو انتي تأمنها ولا مانك زلمة او هيي بنت الجيران مثلا

حرة حرة حرة مثقفة متعلمة صريحة ربوبية(لاتؤمن بأي دين) واخيرا لها علاقات عديدة

يعني لازم تكون المرأة غير الشكل والفهم لا زم تكون وفية وهي صعبة بهاالزمن وتكون صادقة وكمان هي شبه مستحيلة ولازم يكون لسانها قصير وهي أكيد مستحيلة 00000مستحيلة

بنصح كل الشباب ماحدا يسجل للزوجةمهراكترمن100 او 200 الف لانوبكون عم يقضي على حالووعيلتو,,اغلب الزيجات صفقات تجارية.وبعض المحامين جاهزين للاتعاب..قلت يلي عندي..شكراسيريانيوز*

عزيزتي الفصيحة ..مابدا سطورك ويلي بين سطورك لتفهم كلام الفارس لماقال انوهوي ما بأيدني وضد الخاينة وانا رديت وقلت انوانااكيد ضدالخيانة وانامابررت الخيانة ابدا.وطلبت منو يرجع يفهم شو عم يقرا قبل مايعلق وبطلب تعملي نفس الشي وكلشي حكاه عن مرتو المثالية مابيتعارض مع يلي قلتوبانولازم تكون الهاتجارب بس صادقة مو منافقة ومدعية. وكمان ما بيمنع اذا كانت الوحدة مجربة وصادقة تكون مع زوجها وحبيبها بالسراء والضراء متل ماسبق وتفضلتي ويلي بدها تخلصلي لانها خايفة من جهنم مابدي ياها

اكيد عم تمزح ما(للمرة المليون ارجو النشر) هالمرة ماكتبت شي ...

الله يلعن هديك الساعة....

اما انا جوابي بسؤال الفتاة كيف تريدين فتى احلامك..انا متاكد ان 95%من الفتيات تريد الزوج الجاهز ماليا اذا فمن حقنا نحن الرجال ان نختار ايضا كما تختار الفتاة .وسنسعى لتاسيس جمعية لحقوق الرجل المسلوبة من قبل المراةقبل ان نشاهد الرجال الحوامل .فمن حق المراة ان يكون زوجها هو الحامل ..!!

هل تريد زوجة ام كائن يتحرك بكبسة زر من اوامر حضرتك؟ لا احد يتدخل في شريكة حياتك ولكن ماتقوله هو انتقاص للمراة وبرأيي اذا كان هذا ماتريد فعليك بفتاة مشلولة, صماء بكماء عمياء!

ياجماعة لايوجد انسان مثالي لارجل ولامرأة ولكن يوجد شخص مناسب والذي يملك اقل مايمكن من العيوب والتي تختلف باختلاف مقاييس الاشخاص وكل انسان مليء بالعيوب وياريت اي شخص قبل مايخطب ينظر الى سلبياته قبل ماينظرالى سلبيات الطرف الثاني

البنت والشب صار همهم الوحيد المظاهر وخاصة ئدام الاصحاب والاقارب هيك صار... وزمن البساطة والتواضع والحب العفوي رحل عنا..وفيروز غنتلكن ما في حدا لا تندهو ما في حدا .. عتم و طريق و طير طاير عالهدا .. يا قلب أخرتا معك تعبتني .. شو بك دخلك صرت هيك و شو بني...

كل شخص بدو مواصفات مثالية بالنسبة الو. هلأ أكيد الكل بيعرف أنو ما في بنت أو شب كاملبن بس المهم الاحترام المتبادل و التقارب بجميع النواحي الثقافية والاجتماعية و المادية ويكون عندن تشارك بالأراء وهيك ممكن يعملوا علاقة مثالية.يا شباب لازم تنتبهوا أنو لو خليت بليت

لاقصد الاساءة لاحد من الطرفين بس والله العظيم قبل شوي اجتني هالنكتة ايميل فحبيت خفف ضغط المعلقين وتوتر المعلقات شوي :) .... ولد سأل أبوه، يابا الحمير بتجوّزوا؟؟؟ قلّه أبوه: ليش في حدا غيرهم بتجوّز يابا !!

بالنسبة لموضوع انو عم انتظر وحدة تقول ياي شو ظريف :) كتير بيقولوها من اصدقائي وصديقاتي مو مستني تعليق عالنت , وبجميع الاحوال مو هاد غرضي,بدي اسألك انو كم امرأة عاملة في الدولة؟؟ العدد كبير جدا هل هؤلاء غير مهتمين ببيوتهم واولادهم؟؟ومن ثم انا اتحدث بصفة عامة عن طريقة تفكير تجاه المرأة وماذا نريد منها , اتحدث عن ضرورة المساواة في النظرة والتكافؤ عن التوقف عن معاملتها بشكل دوني وكأنها عبد و السيد.

بس رح قلك شغلة انو يا استاذ لسه في بنات فيهن الخير وماعندن هيك شغلات، والله هالسطور انا قريتا بس غريب ما بعرف مين كاتبا!!! وبالنسبة لآرائي انو بتدل على عدم جدية بتوقع انو هاد تقييمك الشخصي و بالاخر هاد رايي ومتل ما بحترم رأيك انتي لازم تحترمي رأيي طبعا ازا بتحبي، وبالنسبة للفرحة فيني اكيد رح اخد واحد يشاركني آرائي مو يشاركني آرائك ما هيك، وعقبال ما نشوفك مع واحد كلو خير وبيفهم عليكي مية مية ، عفكرة الدنيا قائمة ع الاختلاف مافي صح مطلق ولا خطأ مطلق، تحياتي

يعني والله العظيم ما بعرف شو بدي احكي كل العالم عم تمشي للامام إلا نحنا للخلف مو معقول التعليقات ناس عم تحن لايام زمان وناس عم تدور علجمال وناس ما بدها الزوجة تشتغل يعني ما عم افهم ايمتى بدنا نصير نحترم انو الحياة مشاركة وانو مثل ما الرجل بحاجة لزوجة تكون حنونة ومتفهمة وهادية الزوجة كمان عندها نفس الطلبات. بس سدقوني يا شباب طالما انو رح يضل تفكرنا هيك رح نضل مجتمع مليئ بالخيانة والكذب والغش....عن جد بهنيكون

تحياتي الى الجميع,موضوع الزواج واختيار الشريك المناسب مع الأسف أصبح صعبا للغاية وبوجود الانترنت والفضائيات والخلوي ما عاد حدا بمأمن من الغلط,أنامابدي وحدة مو مفتًحة وموحاكية مع شباب قبلي ولا قصة دارسة أومو دارسة لأنو هاد كلو مو مهم بدي وحدة تحبني حب صادق خالي من النفاق وأبادلها هالمشاعر وأكتر,أفيق الصبح وألاقيها عم تبتسم في وشي تكون رقيقة بأسلوبها وحكيها والله لأفيدها بروحي هداك الوقت بس مع الأسف هالطلبات اللي ممكن تكون بسيطة جداً ماعادت سهلة,وشكرا لسيريا نيوز على هالطرح اللطيف.

انا ما قلت انو يلي عندو تجارب سابقة ما بيسوا ومابعرف من وين جبت هالحكي الظاهر انك ما قرأت تعليقي منيح فياريت ترجع تقرأ منيح بعدين بنحكي

أهم شيء .... أهم شئ.... أهم شئ ....أهم شئ .... تفهم من كلمة واحدة .... يعني بس قول لها ( للرجال فقط ) يعني للرجال فقط وما في داعي عيد الكلمة .. ولعلمكم السؤال المطروح بحد ذاته غلط ، كأنك تقول ابحث عن موزة مستقيمة ، ولا تؤخذنني فالحقيقة مرة والتي أخذت على خاطرها وعلقت أذكرها بأن العنوان للرجال فقط

يعني انا قريت كتير تعليقات مساندة للمرأة وما حد بيكره المرأة وانت بتعرف بس ما شفت متل حماستك لهالموضوع !!! هل السبب انو عمتدور على وحدة تقرأ تعليقك وتقول ( ياي شو ظريفف هالسامر )؟ ولا بس اثبات وجهة نظر لأن ما عم بقدر افهم انو هاد رأي حر بيعبر عن شخصيتك وبعدين ياسيدي انته قلت انو الذكور مو متل بعضها وكل واحد بيحكي حسب البيئة الي ربي فيها ف وين المشكلة برفضهن الشغل للمرأة !!! يعني انا شايف انو الشغل للمرأة مو شغلة مهمة بقدر بيتها وولادها باستثناء المضطرين والله يعين العالم

لازم تكون متحررة لأني بموت بالتحرر ( لذيذ تحت اليبرق) ولازم تكون مثقفة كتير ومستقلة وبتحب القراءة والمطالعة ومو مشكلة ماضيها لأنو نحنا مع بعض بنصيغ الحاضر والمستقبل وبنرسل أشعة من نور حبنا لنطفي منغصات الماضي وبندحش اسمنا بحروف من نور على صفحات امحبة والتضحية ولأنها انسانة واحتراما لانسانيتها لازم ساعدها بشغل البيت وما افرض رأيي عليها لأنها بتضل حرة ولازم استقبل رفقاتها بوجه حسن ( طبعا رفقاتها الشباب والبنات لاني مو متحجر او متقوقع او متزمت )واكيد ما رح اغصبها على شي ما بتحبو من ناحية اللباس  

مواصفات الزوجة المثالية الآن اختلفت عن ذي قبل،فالآن ( براي الشخصي ) الزوجة المثالية يجب أن تكون ذكية اجتماعيا، متعلمة، يجب أن تكون اقتصادية وتعرف أن تزين الأشياء بميزان العقل، والعمل ضروري جدا بالنسبة للمرأة وتنعكس آثاره الإيجابية على الرجل،فيجب على الرجل أن يطلب من زوجته أن تعمل،وبشكل عام الزوجة المثالية غير موجودة ولن تتواجد لأن الزوج مثالي غير موجود

كالعادة, آراؤك تعبر عن عدم الجدية وعدم القدرة على القراءة بين السطور والذي يعجب برأيك بكون متل حكايتك تماما,انا ماقلت انو يلي كان عندها علاقات سابقة مافيها الخير,اناحكيت عن المرأة المثالية بنظري بغض النظر اذا كان عندها علاقات سابقة اولاء, وقلت انو المرأة شوماكان عندها علاقات سابقة لما بدها تتزوج هادا معناها انها بدها تبلش حياة جديدة ومارح تفكر بالشباب يلي كانو بحياتها متل ما البعض قال,رجاء تقرأي منيح حبيبتي بعدين أتحفينا ونورينا!وعقبال نفرح فيكي مع واحد يشاركك آرائك

االكل عم يطالب بمواصفات وكأنوا عم يوصف شي بضاعه بمخزن مو إنسانه بدا تشاركو الحياة كتف بكتف السؤال هون انك إمتى حست مرتك انها الوحيده المناسبه الك؟ او انها شريكتك مو بس لؤت حاجتك الها ؟

قال رسول الله صلى الله عليه وسلم تنكح المرأة لمالها ولحسبها ولجمالها ولدينها فاظفر بذات الدين تربت يداك ، وقال حين سئل عن خير النساء : التي تسره إذا نظر وتطيعه إذا أمر ولاتخالفه في نفسها ولاماله بما يكره ، مختصر مفيد ولايوجد افضل من هدي سيد العالمين وإمام المتقين محمد الصادق الأمين ، وكل عاقل وذو رؤية ومتفلسف يحاول أن يتمعن ويستنتج ويستنبط الحقائق من أحاديث رسول رب العالمين، ويرى النتائج ويقارنها بأقرب الناس ومن يعرفهم ممن هم حوله وسيصل في النهاية للحقيقة الأبدية، الإسلام هوالحل لكل صغيرة وكبيرة

يا ريت يا hiba ما تتدخلي بيني وبين زوجتي المستقبلية .. انا هيك بدي ياها والشرع امر الحرمة انو تطيع زوجها وما أمرها تعصي امرو وتكبر راس معو , بقا يا ريت تشيلو هالستالايتات من عأساطيحكم لانو الظاهر بلشت تقطع بعقولكم شغلة المسلسلات التركية يا بنات بلدي , يعني شو بدو يحكي الواحد , وقت بشوف المسلسلات البيئية الشامية بترحم على اهل زمان وعلى نسوان زمان كيف كانو مطيعات لزواجهم وحافظات لبيوتهم .. الله يرحم بنات زمان وبتمنى لاقي وحدة بمواصفاتهم حلوة ومطيعة مو متل هالأيام , الله يعقل هالجيل احسن شي  

تكون أنسانة حرة الوعي والتفكير بالشكل الصحيح والثقافة أمر مهم جدا كرمال بناء أسرة ناجحة والعمل هاد أمر الله وبفضل يلي ملتزمة بعمل منشان يكون في تجدد دائم بحياتها يعني ماتصير حياتها محصورة ضمن بيتها وزوجها وولادها بظن العمل ممكن يكسر طبقة الروتين يلي ممكن تتشكل مع الأيام وأهم من كل هاد تكون فهمانة الدين مو حافظتو حفظ لأنو الدين لحلو بيبني أسرة رائعة المزايا تقبلو رآي

الزوجة المثالية هي التي تناسب زوجها المثالي وأهم شيْء ثقافتها فهي مربية الأولاد, واحترامها لزوجها وتكون له صمام أمان عندما يكون بحالة عصبية لكي تزيد الحالة تأزماً وخاصة في هذه الأيام حيث ضغوط الحياة كثيرة ومن النادر إيجاد هكذا امرأة في هذه الأيام بسبب اختلاف مفاهيم الحياة في المجتمع فلا الرجل مناسب ولا المرأة مناسبة.

كتير من التعليقات عم تحكي عن عمل المرأة ومافهمت شو مشكلتهن؟ انو واذا اشتغلت المرأة؟؟وين الغلط؟؟لكن احلى تكون قاعدة طول النهار على طق حنك مع الجيران وادام التلفزيون ومسلسلات تافهة؟؟ بعدنا عم نفكر بعقلية ايام شامية وعلى فكرة هي مادخلها لا باسلام ولا بديانات هي الها علاقة بفكر حجري ونظرة دونية استعبادية للمرأة, اغلب اللي علقوا عالموضوع بدهن المرأة تضل متخلفة غير متعلمة لحتى هو يحس حالو افهم واهم واحد بالدنيا عقد نفسية يعني, وانو شو ماعمل برا وكذب عليها بتقلو ايه مزبوط ابن عمي وهو بكون طبل

مافهمت هالسؤال انو شو مواصفات الزوجة المثالية ؟ وكانو كل الذكور متل بعضهن! وعلى فكرة الذكور غير الرجال, يعني في كتير ذكور مانهن رجال للاسف. بيروح ليدور على بنت يعمل حالو عليها ابو علي لانو مابيطلع بايدو اكتر من هيك او بالاحرى خدامة بس انو كمان بيقدر ينام معها!! هالتعليقات شي معبر كتير عن النفسيات المريضة وطريقة التفكير بالزواج والنظرة للمرأة بشكل عام. اهم شي هو الصدق بين الطرفين مو الكذب والدجل والبهورة والمنفخة الفاضية ,مابيهم مين كانت بتعرف ومع مين حكت المهم انت بالنسبة الها شو!وكيف بتشوفك

إلى كل الذين مع عمل المرأة اتمنى لو نستطيع توجيه السؤال المطروح للسيد زوج مارغريت تاتشر , مادلين أولبرايت , غونزاليسا رايس ......

هلق انا و الله مع انو البنت تكون مثقفة و واعية و منتجة و تبني مع زوجها حياتهون المستقبلية يد بيد بس يعني هلق البنت ما بتكون متفتحة و متحررة الا اذا ما شالت السيجارة من تمها و قعدت عالارض و ما على لسانها غير كلمات متل "كفو" و "بشرفك" و "يستر اختك" و كلمات تانية ألعن بمية مرة...برأيي التحرر مو نلغي كل الفروق بين الشب و البنت و نصير نحكي و نلبس و نسب متل بعض... التحرر هو ان تكون للشاب والبنت حقوق متساوية لكن مع محافظة كل منهما على خصوصيته فلا البنت تسترجل و لا الشب يتخنث

كل رأي موجوديعبر عن صاحبه والإناء ينضح بما فيه كل شخص يبدي رأيه تكون هذه تجربته اهم شئ في الوجود هو الإخلاص والإحترام مقابل هذا الشئ لن تتلقى إلى السعادة فا المرأة هي أم وأخت وحتى كل شئ في الوجود لإن الجنة تحت أقدام الأمهات تصور يرعاك الله

الماضي نحنا ما فينا نغيرو بس فينا نغير الحاضر و نرسم للمستقبل ..... مافي كلام بعد هالكلام... شكرا الك

عصرنا .. عصر الذكاء .. والزوجة المثالية هي : ابنة عصرها ( ذكية ) ( والذكاء .. لا العلم .. يبني بيوتاً .. لا عماد لها .. والجهل يهدم بيوت : ( المرأة المتعلمة ) و ( الزوجة العاملة ) و( الزوجة المطيعة ) إذا لم تتمتع بالذكاء والذكاء هنا يعني تمثّل الزوجة للحالات الثلاث المذكورة / مجرد رأي /

أما بالنسبة ل "دكتور"فإذا كنت عن جد دكتور كيف بدك تعرف تتفاهم مع وحدة لا بتقرا ولا بتكتب ولا بتفهم شي بعدين ليش انت معلش تكون بتعرف كل مواقع الدردشة والتطبيق وهي لأ؟ يا دكتور اذا انتو الشباب متعقدين من نوعية البنات اللي عم تكون حواليكون اللي شغل مصاحبة وقلة أدب بحب قلك انو موكل البنات هيك ولو خليت خربت يمكن الفساد الاجتماعي والانفتاح الزايد خرب المجتمع شوي بس اللي متربية منيح ببيتها وبتخاف الله ما بينخاف لا عليها ولا منها وأكيد انا وانت منعرف هيك بنات دارسين ومثقفين ومنفتحين ومربايين

انا حابة علق على تعليقين قرأتون واستغربت منهون أول شي الشب اللي مسمس حالو انو ما بيؤمن بالانفتاح لما فريت انو بدك ياها منقبة ولتمة و... قلت يمكن من باب تدين بس بعدين لقيت انو حتى بدك ياها تقطع أهلها كرمال حضرتك وتوافق انها سنة ما تشوفون وهاد مو بس ظلم الجتماعي هاد حرام شرعا بعدين اذا انت مانك واثق فيها لدرجة ما بدك ياها تشوف حدا ولا تسمع غير صدى صوتك ليش تتجوزها وتأمنها على بيتك وترباية ولادك الزوجة هي شريكة حياة مو عبدةأو خادمة وبيحقلها متل ما بيحقلك واكتر"استوصوا بالنساء خيرا"

مافي حدا مثااااااااالي ولما بدك تدور ع بنت مثالية او زوجة مثالية ياريت تطلع ع حالك قبل ما تفكر بالموضوع ف لو لقيت نفسك مثالي ف تأكد انو عندك مشكلة .....

اذا بتلاقي نص المواصفات يلي حضرتك طالبها بدي قص ايدي من شرشهاانا قبلان بربع المواصفات والشروط يلي انت حاططها عمري 31 سنة وصرلي عم دور 5 سنين ولسى ما اجتمعت سيدي الله يجمعنا ويجمعك ببنت الحلال الفهيمة

الرجال هنا لديهم عمل ومؤمنون بالله ويحبون أطفالهم وشكلهم جذاب ولهم قابلية رومانسية عالية لمغازلة زوجاتهم دائماً وكادت أن تطأ قدمها ذلك الطابق إلا أنها استمرت بالصعود وفي مدخل الطابق السادس وجدت علامة : أنـت الـزائـرة رقـم 4.363.012 ليس هناك أي رجال في هذا الطابق لأن هذا الطابق وجد خصيصا كبرهان أن النساء لا يمكن إرضاؤهن شكراً للتسوق في 'متجر الأزواج' وانتبهي لخطواتك وأنتِ تخرجين ونتمنى لكِ يوما سعيداً

وفي مدخل الطابق الثاني علامة : الرجال هنا لديهم عمل ومؤمنون بالله ويحبون أطفالهم وفي مدخل الطابق الثالث علامة : الرجال هنا لديهم عمل ومؤمنون بالله ويحبون أطفالهم وشكلهم جذاب وكانت المرأة تـفكـر 'واو ولكن سأستمر بالصعود' وقد وصلت إلى الطابق الرابع لتجد علامة : الرجال هنا لديهم عمل ومؤمنون بالله ويحبون أطفالهم وشكلهم جذاب ويساعدون زوجاتهم في أعمال المنزل فتعجبت في خلجات نفسها ' يا إلهي إني لا أستطيع التحمل سأوافق ' ولكنها استمرت بالصعود وفي مدخل الطابق الخامس

أنا بلعادة بس بشوف التعليقات.. بس عجبني تعليقك و حابب أنو ألك يا ريت لو كل البنات بفكروا متلك.... متل ما ألتي أنو تلت رباع بنات البلد صاروا عاملين السبعة و زمتا و أنا إزا بدي ضلني ناطر مشان لائي هل بنت المثالية ..و إذا بدي أحكم على كل بنت من خلال الماضي تبعا .. أي بعمري ما بتزوج هههه ...... الماضي نحنا ما فينا نغيرو بس فينا نغير الحاضر و نرسم للمستقبل .....

أزواج للبيع في إحدى المدن تم افتتاح متجر لبيع (الأزواج) حيث يمكن للمرأة الذهاب لاختيار زوج بنفسها ومن بين التعليمات التي وضعت في المدخل حول أسلوب عمل المتجر: أن للمرأة فرصة الدخول مرة واحدة للمتجر ! ويمكن الاختيار من أحد الطوابق أو الذهاب إلى الطابق الآخر الأعلى منه ولكن لا يمكن النزول إلى أسفل. دخلت إحدى النساء (لمتجر الأزواج) لاختيار زوج لها في مدخل الطابق الأول علامة : الرجال هنا لديهم عمل ومؤمنون بالله وفي مدخل الطابق الثاني علامة : الرجال هنا لديهم عمل ومؤمنون

لازم تكون منقبة وملتزمة بحشمتها ( يفضل أن يكون نقاب كامل لا يظهر العيون ولا الكفين )وأن تكون جميلة كتير ورشيقة وليست خريجة جامعية وليست دارسة ثانوية عامة ( لا طالعة ولا فايتة) وأهم شي ان تكون مطيعة وملتزمة بأمري ولا تعصي لي أمر وحتى لو طلبت منها ان لا تخرج لزيارة اهلها لمدة عام كامل وان تكون صبورة تصبر على فقري وضيق عيشي وأن تفهم واجباتها الزوجية جيدا وخاصة اليلي منها وأن لا تتابع اقوال المثقفين والمسلسلات ودعاة الانفتاح وان تلبي كل ما اريده , وهيك برتاح ولا بدي نام بين القبور ولاشوف منامات وحشة

لا والله البنت صارت سلعة بهالأيام والأم الشاطرة يلي بتحصل مقدم أكتر لبنتامشان تتفاخر قدام الغير أنو مهر بنتي غالي طيب شو بتفسرو لكان أنو لما ابن خالي راحت أمو تخطبلو طلبو الجماعة 300000واصل وليش يا حزركن قالت الأم أنو الأسعار غليانة هدا حكي حماتو لابن خالي الله الوكيل ما عم ذل عليكم بحرف وبعدين نزلوا لل250000على رخص المازوت وبدي اسأل الكل لما الواحد بدو يتزوج هلأ بنت عليها القيمة ما بدو يحط شي نص مليون من فضى يعني متلي بدي حلوة وجامعية وصاحبة أخلاق يعني من الآخر البنت صايرة سلعة

ياشباب مابتعرف خير البنت السورية لحتى تشوف غيرها والله انا بتشرف انو تكون زوجتي وام اولادي سورية اولا مو كل اصابعك متل بعض وتانيا شو بس البنات بتغلط ليش الشب يعني مابيغلط وانا براي انو الشب بغلط اكتر بكتير من البنت واعتقد انو في بنات سوريات شخصيا تون قوية والله انا في نقطة وهي الاهم الحق مو على البنت الاكتر الحق على الاهل لانه البنت صارت عم تنباع بيع اللي عندو مصاري اكتر بيعطو وما بيسئلوها وبتحاول الام دائما تقلها هاد العريس مافي متله جاهز وشاريكي الخ//////هاد كره الاساسي للشب

فما هي الصفات التي يجب تخيرها في الزوج أن يكون صاحب دينلقوله تعالى {وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ فالزوج صاحب الدين هو الذي إذا أحب زوجته أكرمها وإن كرهها لم يظلمهاأخرج الترمذي بسند فيه مقال وحسنه لبعض شواهده من حديث أبي هريرة أن رسول الله r قال إذا أتاكم من ترضون دينه وخُلُقه فزَّوجوه إلا تفعلوه تكن فتنة في الأرض وفساد كبير "فصاحب الدين لا يظلم إذا غضب ولا يهجر بغير سبب ولا يسئ معاملة زوجته ولا يكون سبباً في فتنة أهله عن طريق إدخال المنكرات وآلات

ولا بد من ذكر الزوج الصالح ايضا لانه لا تنفع الحياة ان كانت الزوجة صالحة والزوج سيء وقد كرم الله عزَّ وجل المرأة وجعلها شقيقة للرجل في الحقوق والواجبات فقد أخرج الترمذي من حديث عائشة ( رضي الله عنها) أن النبي r قال إن النساء شقائق الرجال .و قال ابن الجوزيإن النساء شقائق الرجال فكما أن الرجل تعجبه المرأة فكذلك الرجل يعجب المرأة فقد صار من حق المرأة أن تختار الرجل الذي ستقاسمه حياته وتظل تحت سلطانه بقية عمرهاوعلى الولي أن يختار لكريمته فلا يزوجها إلا لمن له دين وخلق وشرف وحسن سمعة

يقول رسول الله صلى الله عليه وسلم متحدثا عن كيفية اختبار الزوجة: \"... فاظفر بذات الدين تربت يداك\". وقال: \"ما استفاد المؤمن بعد تقوى الله عز وجل خيرًا له من زوجة صالحة: إن أمرها أطاعته، وإن نظر إليها سرته، وإن أقسم عليها أبرته، وإن غاب عنها حفظته في نفسها وماله وعن ابن عباس رضي الله عنهما أن النبي(ص)قال:\" أربع من أعطيهن فقد أعطي خير الدنيا والآخرة: قلباً شاكراً، ولساناً ذاكراً، وبدناً على البلاء صابراً، وزوجة لا تبغيه حوباً في نفسها وماله ) وقال صلى الله عليه وسلم:(أربع

عنجد اذا بدنا نحكي بالمثاليات تمام فاكيد موجودين بالبلاد الاسيوية (الصين الفلبين ماليزيا .....)لانو عنجد بناتون خيلة نضافة وظرافة واجسام حلوة (قبل وبعد الجواز) يعني اذا ماشية ئدامك بتشم ريحة شعرها من بعد مترين بدون مبالغة واهم شي انو اطرافون ناعمة واكلون طيب ودمون خفيف ومالون مطالب

شوبدكون بل حكي بسورياماعادفي بنات خرج جواز كللو راكد على بسطو و روائوانا برأيي الصين(الفتاة الصينية ما بتحكي ما بتسمع ما بتشوف بتشتغل شو ما بدك و اذا مليت منها تصمدا عل فيترينابيطلع منظرها حلو و اذا عجبتك في عندون عروض تلاتة بسعر وحدة)بس بتعرفو شو الحلو فيا؟الاحترام و المحافظة على شرف الزوج.يا ترى عننا هيك صفة ؟كل شب بيتجوز ببلدنا كل يوم بكون حاطط ايدو عقلبو من ورا الخيانة و خاصة اذا كان في انترنت بل بيت.انا رأيي الزواج من برا البلد احسن.ملاحظة:مو تنطوا تقولو لا تجمع لا طبعا في نسبة منيحة5بلمية

ليش البنت اللي عاملة علاقات بيكون ما فيها خير؟ معناتو بحب خبرك انو تلت رباع بنات بلدك ما فين خير والربع الباقي لو صحلو ما بقصر ، تانيا ليش الللي عاملة علاقات ما بتقدر تهتم بزوجها واولادها وتعطيهم الحنان,وما بتقدر تغفر اخطاء زوجها منشان ما تسبب المشاكل وينتهي المطاف بالطلاق,وما بتقدر تبتسم لزوجها بفنجان القهوة الصباحي ومانهالبيبة من الاشارةبتفهم ومابتقدر حب الرجل لها وكفاحه من اجلها..يا ستي هدول شغلات مو مرتبطين ببعض اللي عاملة علاقت بتقدر تكون اشرف واطهر وتكون ام من احسن من خمسين وحدة بلا علاقة

الزوجة المثالية يكون ابوها عندو شي 4 محلات بالحريقة

وبالنهاية اكيد مافينها أي امراة تكون مثالية بالمطلق او رجل يكون مثالي بس فينن يكونوا مثاليين لبعض البعض وهادا المهم . يعني المثالية باختصار مفهوم نسبي وهي حلاوته.

وكمان مابستغرب إذا في عالم بدن شريك حياة متدين وكمان مابرضى انو حدا يستغرب انو كيف بدي انا حدا ماله متدين. هادا اللي بحاجته نحنا أنو نتفهم بعض ونفهم انو نحنا مختلفين واختلافنا مابيخلف للود قضية.بعدين مو معناة انو اللي عنده تجارب سابقة صار واحد مابيسوا على حكيك في عالم مابتتوفق لا بأول ولا بتاني ولا يمكن بعاشر علاقة وبتجرب وبالاخير ممكن تلاقي الشريك المناسب إلها مو شرط كل العالم من اول علاقة ترتبط وتتزوج وهادا كان رأي والكينج ديزاستر على ما اعتقد بس عبر عنه بطريقة كوميدية شوي.

الزوجة المثالية يلزمها زوج مثالي وظروف معيشة مثالية و هنا الطوباوبة بحد ذاتها. على كل أرى في المرأة التي تحنو على بيتها ، زوجها وأولادهاتصحو باكراً لتضفر شعر ابنتهاوتودعهم في طريقهم للمدرسة وتعد القهوة الممزوجة بابتسامة حب لزوجها زوجة مثالية لأنها بذلك تمحو كثيراً من الأسباب التي تدفع بزوجها أو أولادها أن يجافوها وهي بذلك تكون أهم من منصب مديرة،معاونة وزير أو حتى رئيسة وزراء

للاسف نفتقد في هذه الايام للزوجات والامهات المية مية فتبقى الامور تحت منظور الاخلاق وتبقى التربية هي التي تحكم هذه الامور ... لكن كون البنوتة متعلمة قد يضيف لها بعض الامور لكن تبقى التربية هي الاساس ... والقناعة والاحترام المتبادل... وأيضا لازم تكون حلوة وبالنسبة الي لازم يكون إسما حصرا ((مرام)) وتكون عم تدرس صيدلة ....هيك أنا أخي هيك بحب ...حدى أخو مراإي شييي

بدك تدفع كتير وقليل؟؟؟عم تشتري سيارة ولا عم تستاجر بيت ؟؟؟بشر نحنا بشر

إن أمرها أطاعته، وإن نظر إليها سرته، وإن أقسم عليها أبرته، وإن غاب عنها حفظته في نفسها وماله. مالقيت أجمل من هالحديث لمواصفات الزوجة و خصوصا بزمانا هاد

والله بالنسبة لإلي بدي ياها حلوة وجامعية وأخلاق عاليةصاحبة دين وتكون فهمانة بالأمور العائليةيكون ذوقا حلو يعني أكابري وبدي ضل دور لحتى لاقي هيك مواصفات لأن أنا مو كل يوم بدي أتزوج مرة بهالعمر بدي أدفع كتير وقليل بقى خليني إدفع على شي محرز بدي إذا فقت الصبح لاقي قدامي وجه حلو أكسب فيه ثواب الصلاة عالنبي وأسمع فيروز وأنا رايق مع فنجان القهوة الصباحي من إيدين حلوة وأهم شي تكون حماتي مثالية تساعدني على حياتي ما تخربا لأن إذاكانت حماتي أكابر راح حطا هي وبنتا على راسي (قولوا يا رب)(الله كريم

أهم شي في رايي ان الزوجة المثالية لا تكون سورية الجنسية...

مستغرباً من السؤال ليش بدوا يستوردوا نساء من العالم الاخر ؟ مو كلهم متل بعضهم ( كل القطط في الليل سوداء ).........

أما بالنسبة لمن يقول لكل طنجرة وإلها غطاها فيرجى ترك هذه التشابيه السخيفة فنحن بالنهاية بشر ولسنا أدوات طبخ لحتى كلما تزوج واحد من وحدة تقولوا : طنجرة ولقت غطاها, فهذا فعلا قمة التخلف ويلي مو عاجبو رأيي يعطيني رأيو بلكي بنورني وبأتحفني!

الى Walking desert ردا على تعليقه للفارس النبيل: انا لا ارى في تعليق الفارس النبيل أي مغالطة في طريقة تفكيره, بالعكس تعليقه كان موضوعيا جدا ولكن لا ادري لماذا انت تتهم الناس بأمور لا تفهمها!فأرجو منك عندما ترغب بالتعليق ان تقرأ الموضوع جيدا وأهم شيء هو ان تقرأ " بين السطور" لأن قراءة مابين السطور هي التي تكشف لك المخفي, اعذرني اذا انا عم رد على تعليقك للفارس النبيل ولكن نحن في منبر حوار ونقاش كما تعلم,

اذا ما كانت بتعرف اطبع جلي مالا عازي

المثالية هي اللي مابتسمع كلمة امها وما بترد عليها يعني المثالية هي يتيمة الام

ورح قلك شغلة بصراحة انو انا صحيح متخرجة من الجامعة وعمري 27 سنة " طبعا مو قصدي اعمل دعاية عن حالي" بس انا بعمري ما طلعت مشوار مع شب او اني رحت مع شب على شي كافيتيريا بس بكون كذابة اذا بقلك اني ما حكيت مع شباب! لاء حكيت بس "كعلاقة اصدقاء جامعة مو اكتر" بس الناس دايما بتظن بالسوء وانا مابهمني اذا ماصدقوني انا بهمني انو لما بدي اختار شريك حياتي انو كلشي ماضي بدو يكون ملغي "وبهمني انو اولادي يتربو اولا على الاخلاق الفاضلة لأن اذا مافي اخلاق معناها العوض بسلامتك..

يا اخ عدالة انت تتحدث عن العلاقات الجنسية قبل الزواج ولكني ارغب في توضيح نقطة معينة ان الشاب عندما يكون على علاقات سابقة مع فتيات تكون تلك العلاقات مجرد إشباع لرغبات جنسية مكبوتة يتم تفريغها عن طريق العلاقات الجنسية ولكن عندما يريد الارتباط لا اعتقد ان الرجل سيفكر بعلاقاته السابقة لأن اختيار الارتباط لديه تكون عبارة عن وضع نهاية لتلك العلاقات وإلا فإنه لن يكترث بموضوع الزواج وسيبقى على تلك العلاقات مع التنويه انه حتى بعد الزواج قد يقوم بخيانة زوجته

فهذه طبيعة الرجل ولكن ليس كل الرجال على هذه الوتيرة أما بالنسبة للمرأة فلا اعتقد انها عندما تتزوج ستسترجع شريط علاقاتها مع الشباب قبل الزواج لأن مهما كان لها من علاقات سابقة , فعندما تقرر ان تتزوج فهذا يعني انها فعلا تريد رجلا يقدرها وليس رجل يستغلها جنسيا في سبيل اشباع تلك الرغبات, لا انكر ان الكثير من الشباب والبنات يقومون بعلاقات قبل الزواج ولكن هذا لا يعني ان كل شب تزوج سيخون زوجته او بالعكس, مازالت الدنيا بخير وهناك شباب وبنات مازالو على طريق المستقيم

أنا بيهمنى تكون متعلمة وعندها شوية أخلاق ودين وذرة ضمير عموما النسوان بيستغلوحتى دموعهن لتحقيق مطالبهن وما بتنقع بتمون فولة بس مالنا غنا عننون من جهتى غوي تعب وبتأقلم مع مختلف النماذج ما عدا نموذج الكاذبة

أنا مع الفارس النبيل بكل كلمة قالها لأنو أفكارو من أفكاري أنا ما حبيت علق على هل الموضوع أبدا ولكن تعليقاته شدتني للتعليق كل كلمة قالها مزبوطة ومشان كون أنا مخلص لزوجتي بحاول أتجنب كل ماوقع به الاخرون

إن مفهوم المثالية كأي مفهوم آخر هو مفهوم نسبي يتعلق بالشخص بحد ذاته فما هو مثالي بالنسبة لي لن يكون بالضرورة مثالي بالنسبة لك وعلى هذا نحن نتفق جميعاعلى القيم العليا ولكننا نختلف على تفسيرها وتطبيقهالذلك أقول إن المرأة المثالية لشخص ما هي التي تمنحه السعادة ولكل منا طريقته في السعادة فلربما تجد إمرأة توثق بعلها بالحبل وتشده من عنقه بحيث لا يأكل ولا يشرب إلا بإذنهاوتجد هذا البعل في غاية السعادة وهو يرى بأن زوجته مثالية ويقول هي حنونة محبة مطيعة مثقفة...فدعوا كل طنجرة تبحث عن غطاها.

أنت تتحدث عن الحياة الزوجية في المدينة الفاضلة ربما .. أو أنك ترى في لزواج دخولا في عالم النيرفانا الذي يجب أن لا تشوبه شائبة من الماضي...ألم تسمع بأي حالة طلاق بسبب البرودة الجنسية لدى أحد الطرفين ??أو بليالي الدخلة الأشبه بالاغتصاب ...هل حقا أنت تؤمن بما تكتبه هنا أم أنك على الأرجح تعلق لمجرد التعليق و توجيه المثاليات التي تنقصك للغير...تعليقاتك هي تعد على أفكار اأخرين فنرجو منك الصمت

يا صديقي العزيز ياريت تقرا وتفهم منيح قبل ما تعلق انا ما حكيت عالخيانة انا ما عم احكي عوحدة منافقة وخاينة انا عم قول تكون مجربة كلشي وعايشة حياتهاومو همها تعمل حالا ماباس تما الا امها مشان لما تحبني انا تكون بتعرف تماما انو حبتني مو عم تجرب شي جديد وتتوهم انو بتحبني مشان ما تخوني يا استاذ الخيانة والكذب شي والحرية شي تاني الالتزام الارادي بشخص بيفرق عن التمثيل والنفاق يلي للاسف ناس بطريقة تفكيرك بخلي الصبايا عنا يضطروا يلجأو الو

الزوجة المثالية برأيي هي الزوجة التي لا تقرأ ولاتكتب ولا تعرف الانترنت ولا فيسبوك ولا تويتر ولا ماي سبيس ولا مسينجر ولا صالونات الدردشة ولا مسلسلات نور ومهند وبطيخ ...الخ... إذا حدا بيعرف بنت حلال بالهمواصفات أنا مستعد أتجوزها وأعمرلها قصر. عجب لسع في بدو عنا ياناس؟ لازم روح عالبادية من هون لكم يوم أبحث عن زوجتي المثالية وأنا جدي في ذلك.

لا يوجد شيء اسمه زوج مثالي أو زوجة مثالية هنالك شيء اسمه امرأة عاقلة و رجل عاقل و هذه العقلانية تمكن كلا الطرفين من أن يكون مثالي للطرف الآخر

( أي فتاة تستطيع أن تكون زوجة لكن ليس أي فتاة تستطيع أن تكون أما) (أي شاب يستطيع أن يكون زوجا لكن ليس أي شاب يستطيع أن يكون أبا)

برأيي أن لكل شخص امرأة مثالية بتختلف عن مواصفات الشخص الثاني ، بحكي عن حالي : مواصفات المرأة المثالية لإلي: أن يكون صوتها ناعم ما هو حاد ولا خشن ،حلوة وعينيها خضر، بتحبني (مابعرف على شو )، شو ما بعمل تنبهر فيه (هبلة)،كلامي عندها يكون له تأثير كبير ويغيرها (ضعيفة الثقافة)، وبنفس الوقت تكون ذكية لماحة تتقبل رأيي بتفهم، بتحب الفلسفة (أهم شي)،خرج أحاكيها بأي موضوع بعيد عن المطبخ والسرير(علاكة متلي)،خفيفة الدم وابتسامتها على طول على وجهها، ما تكون خجولة،ما توصل حكي لأهلها،الطول ...مافي شرط للطول 

كلامي كان قائما على تحليل نفسي لعادات ألفها الزوجين قبل الزواج واستمتعا بها ورغباها وهي متاحة بعد الزواج لكليهما وهذا يعني إعادة تكرارها أثناء الزواج وما ينجم عنه من خيانات زوجية وارتفاع عدد المطلقات والمخلوعين وبالتالي الأرامل وانتشار الرذيلة وفساد المجتمع والأسرة هذا عدا وجود أطفال لا يعلم بحالهم إلا الله تعالى وبالتالي أتمنى من سيريانيوز عرض موضوع العلاقات الزوجية أثناء الزواج وليس قبله فقط لانتشار الحالة من الجنسين في المجتمع ونصيحتي هي ... يتبع

توضيح حالة الحرية الجنسية ةالعلاقات الواسعة قبل الزواج للجنسين : كيف لفتاة ستكون أما تربي أطفالها على العلم والأخلاق والسلوك الحسن أن تكون ذات ليال حمراء فكلما تغزل بها زوجها تتذكر الشباب الذين غازلوها سابقا وتتمناهم قربها وهي أمام زوجها وكيف لها أن تمتنع عن هواية تغيير الشاب وقد ارتبطت بشاب واحد طول عمرها وكيف لشاب على علاقة مع فتيات قبل زواجه أن يخلص لزوجته وكيف تقبل به أو يقبل بها وقد خانها بليلة مع فتيات قبلها أحبهن وبادلهن نفس مايبادل زوجته (الكلام للجنسين ) ووووو ...يتبع

اذا بدك تلاقي زوجه مناسبه لكل الشباب هذا راي اول شيء شوف امها وام امها تعرف معامله امها مع زوجها واهل زوجها تعرف زوجتك كيف بدا تكون والجمال يجي بعدين اهم الشي اخلاقها واخلاقها من اخلاق امها وام امها

لاأعتقد بوجود زوجة مثالية في هذا الكون إلا إذا كانت بنفس المواصفات التي ذكرتها الأخت سيلفانا وصدقوني الجمال زائل مع تقدم العمر أو أي مكروه يحصل والغنى زائل مع تبدل الأحوال وضعف إدارة الأموال أما الأخلاق ممزوجة مع الدين وليس الدين وحده أو الأخلاق وحدها أنا أتمنى ولست حالما بالمواصفات التي ذكرتها الأخت سيلفانا ... أما موضوع التحرر الخلقي والجنسي للفتاة أو الشاب وتجاربهم سابقة فصدقوني هي وبال على علاقتهم الزوجية وسأشرح ذلك ... يتبع

من قال الله وقال رسول الله وليس من قول : زوجك على ماعودتيه وأبنك على ماربيتيه ( هذه المقولة مع مقولة قطع رأس القط ليلة العرس سبب لفشل أغلب الزيجات ) . ومع ذلك فلا تتوقع المثالية فالزواج أخذ بنسبة 10% وعطاء بنسبة 90% .

بدكن ياها جميلة : رح تشوف حالها عليك .... بدكن ياها متعلمة : رح تتفلسف وتسكت العالم وتسكتك بكل نقاش وتعمل حالها دكتورة جامعة أل يعني العلم بالشهادات .... بدكن ياها غنية : رح تمننك طول عمرها لولاها كنت بعدك شحاد .... بدكن ياها من عيلة : سوف تعيرك بكل قعدة بأنك لقيط وهي صاحبة الحسب والنسب .... بدك ياها عاملة السبعة وذمتها : رح تعمل التمانية والتسعة والعشرة ...وذمتها .... بنصحك بصاحبة الدين الحقيقي التي تخاف الله بجمالها ومالها وعلمها وحسبها وتطيع زوجها بالمعروف وتعرف مالها وماعليها

أكيد كاتب المقال.. رجل.. مختصر مفيد, والمضحك إنو كل الزلم عم يختارو من الخيارات المقترحة من قبل الكاتب... يعني ما حدا طلع ببالو شي برا صندوق اللعب؟؟ وأحلى شي لو كان المقال بالعكس... هههه بتصور شي زليار سطر عن الخيارات يللي ممكن يختارو منها.. الإناث... وأكيد ولا وحدة رح تختار من الخيارات ورح تقعد تألف...ويالله يا بطاطا

انا مستغربة انو في بنات بدهن شب عندو علاقات سابقة كتيرة واستغرب كيف انو البعض اعتبرو رأي السيد walking desert رأي بجنن ورهيب! انا كفتاة لن اقول مواصفات رجل احلامي لأني لا اريد أن احلم ولكني سأقول لكم من هي المرأة المثالية

انا شايفة انو انت بدك خادمة وليس زوجة

بصراحة تعليقك فاجأني كتير وانا لو كنت شب مارح يشرفني ارتبط بفتاة كان عندها علاقات سابقة, بس رح قلك شغلة انو يا استاذ لسه في بنات فيهن الخير وماعندن هيك شغلات, انا كبنت مسلمة بشوف انو الزوجة المثالية هي التي تهتم بزوجها واولادها وتعطيهم الحنان, هي التي تغفر اخطاء زوجها منشان ما تسبب المشاكل وينتهي المطاف بالطلاق, هي التي عندما تبتسم لزوجها بفنجان القهوة الصباحي,هي التي تكون كاللبيب من الاشارة يفهم,هي التي تقدر حب الرجل لها وكفاحه من اجلها..يتبع

فالحب ليس بالكلمات انما بالافعال, هي التي تكون مع زوجها في السراء والضراء, هي التي لا تكون فقط زوجة وانما الأم الحنون لزوجها وابنائها, هي التي تربي ابناءها على جمال الاخلاق الحميدة,المرأة المثاليةهي المرأة الجميلة بأخلاقها, انا فعلا مستغربة كيف ان معظم البنات احبو تعليقك وتمنو رجلا له آراء مثل آرائك,

باختصار معليش تكون عورة و كتعة و عرجا و بظهرها حردبة بس المهم تكون بتفهم و صاحبة أخلاق شرقية عربية أصيلة و هذه مو صعبة بس عم تصبح نادرة مع التطور اللي عم نعيشه اليوم

تخيل الدنيا بدون نساء 1 الأسواق هادية 2 كساد اقتصادى 3 شوارع فاضية 4 شركات الاتصالات تخسر 5 سوق السيارات ينكسر 6 دواء الضغط ماله لزوم -7 كل الرجال يدخلون الجنة ..!!

ببساطة، مسلمة، صالحة، واعية، نظيفة، مطيعة، ذات نسب، مستوى اجتماعي مماثل، جميلة بس يا ترى كم وحدة فيهم أكتر من تنتين من هدول....!!!؟؟

المرأة المطيعة التي تجعل كلمتها دوماً بعد كلمة زوجها

الرجاء من البنات عدم التعليك .. أصدي التعليق ... يعني مكتوب أنو للرجال فقط!!!! يعني تركوا هل شباب يفضوا لبعضون و كل واحد يكتب شو بحب على راحتو ... و يا ريت يا بنات تحاولوا تفهموا كيف الشباب بفكروا هل الأيام ... و بطلب من كل الشباب يكونوا صريحين مع نفسن بس يعلقوا.. ما في شي أسمو بنت مثالية أو شب مثالي !! في شي أسمو حب و تفاهم .. إذا هلشغلتين اتحققوا كل شي بكون منيح.. هاد رأيي...

المرأة صاحبة الضمير الحي ويلي بتكره الروتين هي المرآة المثالية وماتبقى كل شي بينحل

أن تكون انسانة محترمة صادقة مهذبة ولا مانع من أن تكون عاملةومتعلمة كونها النصف لثاني من المجتمع ولها الحق في أن تأخذ حقوقها كاملة بشرط أن تكون زوجة صالحة.أما ان تكون مطيعة فهذا يعود الى تربيتها في منزلها واسالها لو كانت رجلا هل ستطلب من الزوجة ان تكون مطيعة كما نحن نتمنى؟ أعتقد ان الطاعة بشرط ان تكون الاطاعة في أمر يكون في صالح الاسرة ولا يكون في دمارها فالزوجة العاقلة افضل من ان لا تكون وليس عيبا أن تكون مطيعة بما يرضي الله والزوج, ..فالزوج بالنهاية رب الاسرة وقوامون على النساء

المرأة المتعلمة زوجة أنجح من تلك التي لا تتمتع بمستوى تعليمي مرتفع؟نعم لأنهاهي التي تصنع الرجل وراء كل رجل عظيم إمرأة وثبت أن عقلها أكبر من عقل الرجل ولكن قلبها أضعف

كل واحد بيقول بدو مثقفة وغنية و مدعومةواخلاء وجمال و موضة ومنيكور وبديكور و جسم وضرب وام ولاد وشوي تانية بدون حورية...اي شو مفكرين حالكون بالجنة وعم تتوحموا ؟؟!! الواحد يترك القصة لربو و ما يفكر و بتبئى الشغلة ازا انت الله وامك وابوك رضيانين عليك ولا لاء!! والله يطعم العزابية بطيخ أحمر و حلو ويعوض على يلي طلعلوا ابيض ومالو طعمة هههههههه

ماهي فوائد المرأة النكدية اولا تقربه من ربه اكثر فهو على طول يقول لاحول ولا قوة الا بالله او حسبي الله والنعم الوكيل ثانيا تجعله يصل رحمه فهو على طول عند امه ثالثا تجعله يعمل ريجيم مجانا فهو على طول مقطوعة نفسه عن الاكل ------- فكل امرأة نكدية شكيتها لله تعالا

بدي ياها تسمع كلمة بدون ما تناقش وتكون عاءلة وما وما تنقص علي شي جوا البيت وتكون حلوة ولطيفة وبالها طويل

لله يهنيكون فيه لسعيد قصدي walking disaster بس ما قلتولنا ايمتى رح ينزلكون على خانته ونفرح فيكون بس لا تعملو مشاكل ها بعرف أنا مشاكل الضراير خليكون حبابين متل مرتاتو لأبو الروس بمسلسل باب المقام وعلى قولة المتل وافق شن طبقة بس الظاهر عنا هون طبقتين وشن واحد

اما بالنسبة للفتيات اللاتي اعتبرن ان راي هذا الشاب جميل فأنا للاسف اعتقد ان هكذا فتيات تبحث عن التبرير لنفسها بسبب ارتكابها خطا ما فكيف تطالب الفتاة من جهة ان يكون الزوج رجلا ومن جهة اخرى تطالبه بغض النظر عن اخطائهافهل يمكن ان تلتقي صفة الرجولة مع صفة الغض عن لأفعال السبعة وذمتها للزوجة أو للتي سوف تكون زوجة

انا للاسف ما بأيدك برأيك وما بتشرف ارتبط بفتاة عاملة السبعة وذمتها لأنو اللي بخون مرة بخون كل مرة طبعا اللي بخون ما بخون شخص واحد بل يخون اولا زوجه المستقبلي وبخون اهله وبخون الاخلاق وما أكره الخيانة هذا الكلام لاينطبق فقط على البنات بل ايضا ينطبق على الشباب الذكور

جميلة، مثقفة، متفهمة،مخلصة، صاحبة قرار، و أهم شئ أن تكون تحبني... بعرف أنو كتير صعب لأئي هيك بنت .. بس رح ضلني عمدور ...

لك اخي بلا نسوان وبلا جواز بلا بطيخ .. حدا بيجيب الدب لكرمو ؟؟ لسا جواز وحرمة وهم وغم وولاد وواع وويع وبيجيك هالولد وبيكبر وبيفوت عالمدرسة وبيصير صف خامس وتعا التبك فيه شو بدك تدرسو انكليزي ولا فرنسي .. تركونا بحالنا ياه عزابية ومو ملحئين و همنا فوئ راسنا

تكون مدعومة مظبوط يعني مو شلون ماكان. ويكون أبوها من هدول المعبايين ونشالله تكون متل قرود أفريقيا مو فارقة.

أنت الشاب المثالي التي تحلم به كل فتاة..رجاء إكتب بريدك الكتروني

وأخيرا اريد ان اقول انه صحيح لكل فتاة فارس احلام ولكن ايضا لكل شاب اميرة يحلم بها ،ولكن للاسف في هذا الزمن هناك الكثير من الفتيات قد فقدن اخلاقهن وانوثتهن كما ان اغلب الذكور قد فقدوا خصال الرجولة فليس كل فتاة انثى وليس كل ذكر رجال ولكن هناك مقولة مشهورة وهي ان الطيور على اشكالها تقع فالصالحون للصالحات والطيبون للطيبات والفاسقون الفاسدين للفاسقات الفاسدات والله يعطي كل شخص على ثدر نواياه، ولهذااريد ان أطلب من الجميع الذكور والفتيات ان لايعمموا حول فقدان الرجولة أوالأنوثةان خلييت بليت

ان ماذكرته سابقاً يعتبر جزء من واجبات المرأة المثالية ، ولكن انا برايي ان كل أمرأة لكي تقوم بواجباتها كاملة لابد لها ان تحصل على حقوقها حتى تستمر في عطائها ، فحتى تستمر حبيبتي في عطائها لي اعتقد انه يجب علي ان اشعرها بحبي لها وأن اوؤمن الرعاية والأمان ، ان اخلص لها ،ان تكون الوحيدة التي اسكن لها،ان اؤمن لها رغباتها واحتيياجاتها حسب استطاعتي،ان اكون بجانبها دائماً وأبداً، ان اشعرها بنضالي من اجلها وان اجعلها فخورة بي

لا أريدها ان تكون مطيعة عمياء اريدها ان تقتنع بأرائي الصحيحة وأن تصحح لي أرائي الخاطئة ، ان تشاركني في وضع وتحقيق أهداف مملكتنا الاسرية ، أما ان تكون موظفة أو غير موظفة فهذا لايعني لي شيئ لأن برأيي أن المسئولية المادية تقع بالدرجة الاولى على عاتق الرجل وليس المرأة ، بل حتى انني لا أحبذ الموظفة اذا كان عملها سيؤثر على رعاية منزلها .

أمرأتي المثالية هي التي تعرف واجباتها وحقوقها تعرف مالها وما عليها تجاه الحياة الزوجية,تكون محبوبتي وأكون حبيبها تقف بجانبي في جميع مراحل الحياة في يسرها وعسرها وتقدر ظروفي ، تسلب عقلي وتقدر حبي لها ، هي التي تفرض علي احترامها بوقارها وأخلاقها وعزتها وقوة شخصيتها (وأنوثتها أمامي)،أما الجمال فالمهم ان اراها انا جميلة وليس المهم ان تكون خارقة الجمال ، ياليت استطيع ان اجدها تلك التي تكون قادرة على تأمين الحب والحنان والرعاية لي ومن ثم لأبنائي تلك التي تعطي بيتها حقوقه كاملة ... يتبع

تكون بتفهم الحياة وما بتحكي كتير وبتحب الهدوء اخلاق وسمعة وو شوية جمال بكون منيح

طيب ما حدا حكا من ناحية العمر .. برايكن العمر بين الزوج والزوجة كم لازم يكون ؟؟؟ اما اخونا حنظلة بحب قلو انو الحياة مو بس جنس وجمال .. صح الالمانيات حلويين وكتيير كمان بس كلمة صباح الخير من تم بنت عربية سورية بالعربي .. بتسوى المانيا وضواحيها .. شرقها وغربها .

الزوجه التي تسألون عنها لا يمكن الحصول عليها من خلال البلوتوث او الفيس بوك او من السوق,هي موجوده في بيوت تلقت فيها تربيه وعلم ودين,الله يحميكي يا بنت بلادي والله ما في بالكون كلو احسن منك,ولو ما كنت سوري كنت اتمنيت ارتبط ببنت سوريه,يا شباب دوروا عليها بتلاقوها صدقوني,وما حدا يحكي عالمعيشه ولا الظروف,العيب فينا نحنا الشباب يلي مقصرين,وصدقوني الاهل بدهون (الرجل) بالفعل والشكل والمضمون اللي يصون الجوهره ودير بالو عليها والرزاق الله,وحطو عينكن بعين الله وشوفوا شلون بتتوفقوا.بس بدون عنتريات

فالطيبون للطيبات والخبيثون للخبيثات والله يرزق كل رجل على قد نيته

برايي يا مغترب حضرتك اللي نسيت خلق رسول الله مع زوجاته لا اطلب منكم ان تكونوا مثله لانكم لن تستطيعون فبطبيعتكم البشرية انانيين بتاخاذ الاراء والفردية وعدم الحوار لانكم لاتملكون من القدرة على الحوار والنقاش شيء اما انت ياالخبير السوري فأنت لاتملك من الخبرة شيء وعندما تريد ان تضع قول الرسول الكريم فعليك ان تكون اكثر خبرة في البحث عن السبب الحقيقي للقول هذا فالنساء ناقصات عقل لان الامر اختصاص لا انتقاص من قدر المرأة ولانها عاطفية وصبورة بطبيعتهاوعليها تحمل رجال امثالك وامثال المغترب

لااطلب انسانة مثالية لانني ببساطة شديدة انا لست بالشاب المثالي ..لكني اتمنى ان تكون على معرفة بأمور دينها حق المعرفة وعلى درجة جيدة من الثقافة وان تتسبب بقلب قوانين الجاذبية من حولي اي ان افقد جاذبيتي أمامها .. ان تقدس فنجان القهوة الصباحي متابعة لقناة الجزيرة وان تقرأ مابين السطور ويكون لديها اب رائع واخوة رائعين وأن تحب النشي بحارات دمشق القديمة وان تحب الياسمين وان تحتوي الولد الصغير بداخلي كلما ارتكب حماقة.. ان تكون كما أمي بحبها لي بخوفها علي بلهفتها علي ...

قوليلي وينك والله عهدا علي وبدون مزح لاطلب ايدك وانا ابو ريبال.

ان تحمل جزئ بسيط جدا من المخ

يعني الكل بيسال عن الفتاة المثالية ومو غرور عم احكي بس الكل اللي بيعرفني بيشهد بجمالي نفسيتي الحلوة شهاداتي مو قليلة وموظفة وسمعتي والحمد لله بيشهد فيها كل اللي بيعرفني اني مترباية صح , بس لاني بنت عيلةمعروفة الكل بيقول مارح نعلق هالعلقة!!!! و هادا الشي بخلينا نسال بديهيا انو وين الرجال؟ ؟؟؟

لان انكر باني مقتنع بان الرجل هو السبب بكل شيء هو الاساس في السعادة الزوجية لانه هو من يستطيع ان يجعل زوجته تتأقلم او من يحول بيته نعيم او جحيم ولكن السيدة المحترمة الملتزمة هي من تعرف كيف تدير بيرتها الملتزمة اولا لان الدين يعلم كل شيء ومن ثم المتعلمة التي تعرف من اين تبدأ واين تنتهي الحياة هي المراءة ولا حياة بدون امراءة او زوجة او اخت او ام واصل الرجل امراءة اي بدون امراءة لم يكون له وجود هذه صراحة لاعيب ولاخجل فيها

العازب يموت ميتة الكلاب.............. بس المتزوج يعيش عيشتها!!!!!!!!!!!!!

بس من لما ظهروا البنات عالساحة (عالتعليقات) بلش التمثيل. يعني فكروا شوي شو جاييكن إذا أعجبت هي البنت ولا هديك بتعليقكن المفبرك؟ إلا إذا كنت نويين تتزوجوها وعيملين هالاستبيان خطابة (يا بخت من جمع اتزين بالحلال). إذا بدنا نجي عالمثاليات وبيض الحكي كان عندي شعبية كتير. بعدين البنات شو جابكن لهون بدي أعرف؟ يا أخواتي بدكن تقروا تفضلوا بس تعلقوا كمان؟ أهاااااا... والله جبتا يا فرويد! مكتوب للرجال فقط... معناها...

والله ياجماعة انا مابهمني تكون من عيلة معروفة او لأ او متعلمة او لأ مع انو انا جامعي ، بس كل اللي بهمني اخلاق البنت وعيلتها وثانيا وضروري جدا انها تكون جميلة جدا لانو مش معقول الواحد فينا طول نهارو بالشغل وآخر الشي يروح على البيت يلاقي قردة عم تستنى ، المال مش مهم ولا شهادتها يتلزمني بس اهم شي عندي الجمال

واحد بسأل صاحبه: مرتك من النوع النكد ؟ قالو: ليش ... هو في نوع تاني؟!!

هي اللي بتكون مع زوج مثالي

واوووووو رد رهيب وبجنن وفظيع ، يعني بالمختصر المفيد ، انا بدي شب متل المواصفات اللي ذكرتا انت بالنسبة للبنت ، ما بحب هاد الشب الي بيبلش اخلاق ومثاليات وحكي فاضي، بحبو يكون مجنون وما تكون تصرفاتو تقليدية، تحياتي يا باشا

الزوجة هى غلطه، ورطه وطول العمر ربطه يا تصيب يا تخيب يا تجيب جلطه

كتير لابئلكم زوجات مثالية...يا أخي لأنكم يا رجال كتير مثاليين..(عجبي)

شاب اخبر امه بحماسه انه وقع بالحب وانه رح يتزوج . قال لأمه:" ماما, بدي أجيبلك 3 بنات وانت حاولي واحزري اية وحده فيهم رح اتزوج" . وافقت الام اليوم التالي,جاب ثلاثة نساء جميلات على البيت وقعدوا على الكنباية ودردشوا لفتره. وبعد ما راحوا البنات سأل أمه:"يللا ماما, احزري من رح اتزوج ". ردت بسرعة:"اللي على اليمين" قلها "ما شاء الله عليكي يا ماما,ما أشطرك, بس كيف عرفت؟؟". ردت الأم .... "سبحان الله, ما حبيتها"

ياسبحان الله كم هذا الاستبيان ضحل وموضوعي حين يهمل التربية والاخلاق كثير من اهم المواصفات!!!!!! عجبي

واحد منع زوجته من زيارة اهلها بيخاف علي حاله من انفلونزا الطيور,قالت له زوجته : بس اهلي ما عندهم لا بط ولا دجاج ولا طيور, جاوبها: بس أمك بومة

واحد بيسأل خطيبته : حد قبلى لمسك ؟ سكتت‎ شويه قالها : زعلتى‎ قالت له : بأعدهم

وحده تقول لزوجها : يا ليتني أخذت إبليس ولا أخذتك قال لا استغفري ربك يامراه ... ما يجوز أخ ياخذ أخته

المرأة المثالية غير موجودة على هذا الكوكب

أحلى رد قريتو لهلأ هههههههه فهيم ،واضح انك فهيم وبتشغل عقلك تمام ،هاد ازا افترضنا انو هالحكي طالع من جواتك ،يااخي رح افترض انو هالحكي عنجد طالع من قلبك ورح قلك بهنيك وبهني الصبية يلي رح ترتبط فيك

الزوجة المثالية هي نتيجة الزوج المثالي

يعني على شو بدكون ياها ترمي حالها بالبحر وتطيعكم على الحلوة والمرة ليش أنتو شو مأدميلها الواحد بيعطي وبعدين بطالب بالأخد وخاصة أنو الرجل هو صاحب القوامة يعني لازم ياخد ومايستنى حدا يعطيه وليش الكل تكلم عن الزوجة وماحدا حكى عن الأم المربية ؟؟؟

فقاقيع من الصابون والوحل فمازالت بداخلنا "رواسب من " أبي جهل ومازلنا نعيش بمنطق المفتاح والقفل نلف نساءنا بالقطن ندفنهن في الرمل ونملكهن كالسجاد كالأبقار في الحقل ونهذا من قوارير بلا دين ولا عقل ونرجع أخر الليل نمارس حقنا الزوجي كالثيران والخيل نمارسه خلال دقائق خمسه بلا شوق ... ولا ذوق ولا ميل

يا سيدي العزيز هذا خطاب امرأة حمقاء هل كتبت إليك قبلي امرأة حمقاء؟أخاف أن أقول مالدي من أشياء أخاف لو فعلت أن تحترق السماء فشرقكم يا سيدي العزيز يصادر الأحلام من خزائن النساء يستعمل السكين والساطور كي يخاطب النساء ويذبح الربيع والأشواق والضفائر السوداء لا تنزعج يا سيدي !إذاانا كشفت عن شعوري فالرجل الشرقي لا يهتم بالشعر ولا الشعور,الرجل الشرقي,لا يفهم المرأة إلا داخل السرير,قل ما تريده عني ، فلن أبالي,سطحية,غبية,مجنونة,بلهاء فلم اعد أبالي لأن من تكتب عن همومهافي منطق الرجال امراة حمقاء

صدقوني لسه ما خلقت

يعني أفضل ذات الدين ، بس مفهوم الدين ليس كما يفهمه معظم البنات ، الدين الحق : أن تعرف ماهي حقوقها وماهي واجباتها كزوجة وتعلم ماأمرها الله ورسوله لإسعاد زوجها وأطفالها ... بصراحة الجمال والمال والحسب تذهب ويبقى الدين

والله انا يلي شايفتو انو فعلا احتكرتو هالزاوية للرجال فقط! يعني بعتت اكتر من تعليق وما نشرتولي ياه! يرجى من سيريانيوز تطبيق سياسة المساواة في المشاركة بالتعليق لأنو نحنا بحقلنا نرد على فرساننا المعلقين بلكي فينا المواصفات الخيالية يلي بدهن ياها؟! فلا تقطعوا بنصيبنا الله يرضى عليكم

اهم شي لاتوصل اي حديث بينها وبين زوجها لأهلها .. لان هون ما ماعاد يتصلح شي ولازم تعتني بنظافتها الشخصيه ولازم تقدر انو زوجها بيتعب وبيشقى لاجلها واجل الاطفال وفي كتير اموور لازم الزوجه تعملن متل عدم الكزب على زوجها بأي موضوع وتكون صريحه معه بكل شي .. على فكره هذا الموضوع ما بيخلص ولا بيتسكر .. وكما تكونو يولى عليكم ..

مع إحترامي للمرأة...بشكل عام...الحياة مع المرأة الشرقيية حلوة فقط في 10 سنوات الأولى للزواج...ولكن بعدين...خلال 40 سنة.. .المرأة الشرقيية بلوة على أولادها... وبلوة على زوجها...وبلوة على أهلها... وبلوة على المجتمع...يعني... بعد تبذير الأولاد...الحياة تعاسة خلال 40 سنة... طبعآ...كلامي موجه فقط...للشباب الذين عندهم عقوول تعشق الحياة البسيطة والضحك والرشاقة...لأنهم رح يكتشفوا بعد تبذير الأولاد...أنهم عبيد للنساء وللمجتمع... الحياة الشرقيية كلها سخافة وكئابة ومظاهر وكذب بكذب...!!!...

شرطين لاثالث لهم ان لاتكون لاهي ولاامها فاجرة ولاغبية

أنا بدي امرأة متل مسلسل أيام شامية ما بتقول غير أمرك تاج راسي و حاضر ابن عمي والحكي عن امرأة مثالية أو زواج مثالي غير موجود لأنو مافي بيت بلا مشاكل واذا كان الزوجين متفاهمين أكيد الحمايات مو متفاهمات و هدا الحكي باختصار

بدي ياهاتكون عاملةالسبعةوذمتاوماتخجل وماتجي تعمللي حالهاشريفة مكة وماباس تماالاامها؟بدي وحدة شايفة حياتا واختارتني انا بعد ماشبعت من كلشي مابدي وحدة تفتحت عدوري ومابتعرف شوبداولازم تكون متعلمةموظفة مثبتة موعقداوفاتورة ولا ساحبة قرض ولاكافلة حداولااخدة سلفة عالراتب وبطاقتا الذاتية خالية من العقوبات والحسومات وما بتحب الطلعة عقاسيون واهم شي ما تحب مهند شاداوغلوولا يحيى وماعندابروفايل عالفيس بوك ولا الهاي فايف وقحة مع الناس كلها وقد حالها ومعي انثى بمعنى الكلمة موالعكس

الفرس من الفارس يعني الرجال هو الي بخلي المرا تصير مثالية شو ماكانت متعلمة او ماعندها تعليم لانو ما في مرا جاهزة مثالية بدها تعليم لتصير وبدك تصبر عليها انا هيك رايي

تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها أنا أفضل الجمال والمال إن وجد [email protected]

أفضلها غنيه عندها المال الكثير وأملاك مابتاكلا النيران أموال بالهبل وأن تكون بشعه جدا غير متطلبه ولاتسأل عني عندما أسافر أو أدعي السفر أو أكذب إنه حلمي المفضل كشاب سوري محافظ وذخر لهذا الوطن

مابيصير بدي أستخدم حق الفيتو مكتوب التعاليق خاصة بالرجال وأنا شايف بالمقالة في أسماء لبعض السيدات يا أنساتي لا تعلقو أحسللكون بضلو تتحركشو بالحمة لتجيكون البردية معقول تركولنا بعض من حقوقنا ليي سلبتونا ياها ياسيدات الزحمة قصدي الرحمة رحمونااااااااااااااااااااا _ منكون لله M

بدي اياها بخصر يلوي وعيون خضرا ذباحة وحنووووووووووونة وشخصيتها قوية ومثقفة ومحاورة دون الرضوخ لرغبة الرجل لمجرد الرضوخ والرغبة بالاحتفاظ به كما تفعل بعض النساء امرأة متمردة مندفعة محبة للحياة .بصراحة هذه هي المرأة المثالية ولكل رأيه بالنهاية

ومن المنطقي في سيريانيوز أن يكون الموضوع القادم في سلسلة \\\"مارأيك\\\" هو مواصفات الرجل المثالي بالنسبة للمرأة لنرى ونبحر في عالم حواء القارئة المثقفة المتعلمة كيف ستقيمنا وماهي مساوئ الرجال في نظرهن...

أفضل طريقة للبقاء أعزباً مدى الحياة هي البحث عن الرجل أو المرأة المثالية! لاتستغربوا بعد الآن سبب العنوسة وتفشيها في مجتمعاتنا لأن من يقرأ التعليقات يعرف السبب!ثم من يريد أن يعرف ماهي نوعية النساء التي عرفها كثير من الناس فليقرأ تعليقاتهم هنا فكل معلق يحاول أن يتجنب المواصفات السيئة لزوجته أو النساء اللاتي عاشرهن عن قرب متناسياً أن المرأة المثالية لا وجود لها إلا في عالم الخيال أو تصنع في السينما فقط.لاشك أيضاً أن نظرة النساء للرجل هي أكثر كارثية ومادية ومثالية متأثرة بمسلسلات حب تافهة وماجنة

لمالها ولِحَسَبها ولِجَمَالها وَلدينها حتى لو كانت بربع عقل يعني هبله جدبه مجنونه

انو تكون مستسقية من الحب بما هو كافي وتكون رومنسية وشخصية قوية وتحبني مثل ما رح حبها لانو الحياة الزوجية اشتراك روحين بمسار واحد ..

يعني انا من زمان بقول أنو الشباب مظلومين بمجتمعنا كتير بس والله هلأ حسيتهن ظالمين ... ظالمين كتير يا جماعة مافي كلام .. أنا برأيي تصبروا وتتقربوا للله منيح بركي بتاخدوا الحور العين بالجنة و بتريحونا يا أما فركوا عيونكن منيح مشان تصحوا وتبقوا لما تتطلعوا بالمراية تعرفوا حالكن أنكن مو مثاليين بنوب .. بنوب بنوب يعني ... فحارتنا ضيقة والله يا شباب ... كل واحد مفكرلي حالو هارون الرشيد

أقول بصراحه أن هناك سر صغير فبالإضافه إلى كل القيم المتعارف عليها على المرأه أن ترضي زوجها جنسيا صدقوني الكل يتكلم عن هذا الموضوع ولكن الكل لايعمل من أجله لذلك تراه ناقصا وفي كل منزل شكوى وهو من أهم الأسباب المدمره للعائله

أفضلهن التي تنظر في عينيك لتعرف ما يعتمر في خلجات نفسك دون أن تتحدث والتي تسامحك إن أخطأت وتلتمس لك سبعين عذرا لو قصرت ويجب ان تكون مثلها وأسوأهن التي تتكلم معها لساعات فإذا بها تنطق بكلمات تعيدك إلى نقطة البداية والأسوأ أن تكون مثلها

خرسي طرشي عمية مشلولة شلل رباعي

والله انا بكل صراحة بحب البنت يلي بتشاركني الراي والنقاش بس مع مراعات انو انا الرجل وبرأي انو ما يكون عندها عمل منشان ما تقول لجوزها انا بعيش حالي وعندي مدخولي لازم تكون ربة منزل واخر رواااااء

انو تكون بتحبني وبس

يعني أنا بعرف أن النساء سوف يفتحون هذه المقالة قبل الرجال بحكم معرفتي بالنساء وغيرتهم لذا سأثبت لكم ذلك برأيي بالموضوع : أنا صريح وبدي زوجة ليست مطيعة فحسب بل إذا قلتلها اللبن أسود تقول لي صحيح وإذا قلتلها زتي حالك على الموت تقول لي أمرك حبيبي ...وترضى تعيش معي على الحصير .... وغير هيك مابدي .

مافي زوجة مثالية أصلاً ...

الزوجة المثالية هي الزوجة التي تجيد الكذب باحتراف انها مثالية بشكل لا يصدق، وبشكل تقنع الرجل بأنه أفضل ماحصل لها لحتى تتزوجه وتوقعه على خندق رقبته، وقتها بيقول ان الله حق وبيعرف انه لازم يكون رجل بكل معنى الكلمة لتكون زوجة مثالية (الرجل هو صاحب المواقف وليس القادر على الانجاب بطرق طبيعية)

أنا بحب اتجوز وحدة خرسا (طبعاُ لازم تكون رقيقة)

لكل وحدة بتقول ما في رجال معكن حق والحق على الرجال اللي تعاطفت معكن وسايرتكن وعططكن حقوقكن وعطوكن وش (منشان هيك عم تقولوا ما في رجال) والحق على الرجال اللي ما عم يكسروا راسكن لأنو ما بيلبقلكن تنعطوا وش ولا قفاوالصدق ما بتجوا إلا بتكسير الراس واللي بيحكي غير هيك بكون عم يضحك على حالو وعليكنننن وما في امرأة بالعالم رح تعارضني بهالحكي ولو ضمنياً,,,,(متأأأأكد)مليون بالمية....

الحياة الزوجية قائمة على المشاركة والتنازل لانه ما فيه انسان بيقدر يحافظ على طبيعة واحدة دائمايعني الزوج ما بيقدر يكون دائما محب والزوجة ما بتقدر تكون دائما مطيعة لذلك المهم بالحياة الزوجية هي القناعة والصبر . وبالنهاية الزواج قسمة ونصيب ربنا يرزق كل الانسان الشي يلي بتمناه.

ارى ان اكتر الشباب بدهن روبوت متحرك بكبسة زر كما قالت الآنسة " متابعة" يعني هلأ صرتو انتو مثاليين ومافي منكم؟ والله بصراحة انا يلي شايفتو انو معظم الشباب مو هاممكم غير المظاهر بس وكل واحد بيعملي حالو مثالي بحط النظريات تبعو بس لما منيجي عالتطبيق بينقلب 100 درجة " طبعا انا ما بنكر انو في شباب عندهن عقلية مختلفة"

المرأة المتعلمة زوجة أنجح من تلك التي لا تتمتع بمستوى تعليمي مرتفع

مرحبا اذ كنت ترغب في الزواج اجمل النساء الافضل اما بنت الشام هي الاطعم وبنت حلب هيا الافخم وبنت حمص هي جورية سوريا وبنت الساحل هي السهر الدائم وبنت حماة هي الشمعة المحبة وكل بنات سوريا اجمل نساء العالم بشرط مايقلدو احد هم على الطبيعة اما بعد التقليد ؟؟؟؟؟؟؟؟؟؟ اهرب بجلدك

الزوجة المثالية اهم الشي ما تكون نكدية وبس وصدقوني هادا اهم شي والحمدلله نساءنا السوريات يتمتعنا بهذه الخاصة منذ نعومة اظافرهن يعني بين النكدة والنكدة في نكدة ودامت الأفراح في دياركم والله يعطينا نحنا الرجال الصبر والقوة والسلوان وتحمُل النكد بجميع اشكاله الايجابية - ان وجدت - والسلبية فتخيل ياراعاك الله ياسيدي وشكرا

هيه بس تكون خرسا ، والباقي سهل .

طيب انت كتبت بالألماني وانا فهمت عليك بس شو منشان يلي ما بيعرف الماني؟ على كل حال تتهنى بزوجتك المثالية شكلها كتير مخلصة ووفية وعم تساعدك بالشغل كمان, بس اذا بنات المانيا الشرقية مخلصين ومافي منهن شو منشان بنات بلدك؟خدلك فنجان Coffe Mate

أفضلهن التي تنظر في عينيك لتعرف ما يعتمر في خلجات نفسك دون أن تتحدث وتعفو عنك إن أخطأت وتسامحك إن قصرت ويجب أن تكون مثلها واسوأهن من تتحدث إليها ساعات فتنطق بكلمات تعيدك إلى نقطة البداية والأسوأ ان تكون مثلها

مرحبا للكل الزوجة المثاليه هي الانسانة التي احبتني ومن شدة حبها لي احببتها؟؟ لايوجد زوجة او زوج او كائن حي كامل وكلنا نرى شريكنا او حبيبنا الافضل لذلك ان احبتني الفتاة فهي مخلصة لي والاخلاص راحة للقلب والعقل والروح وان جعلني حبها القوي احبهاهذا يعني انه قادرة على ازالة همي واسعاد حياتي لان الحب لا يشرا ابدا وهي جعلتني احبها بحبها فما اجمل حياتي معها......على فكرة ناطرين تبع بس للنساء بدنا نعرف كيف بفكروا هههههه

رايي فيكم واحد واحد

اهم شيء في المراءة مخافة الله لان من يخاف الله ويتقي الله يحترم زوجه ويقدر ظروفه سواء كان غني لا تبذر وفقير تحاول تحسن وضعه وتساعده ومن ثم يأتي العلم وباقي الاشياء انا كانت لي مواصفات شكلية معينة ولكن ليش كثير أركز عليها حتى اجتمعت بانسانة ارتحت لها من اول نظرة رغم ان المواصفات التي كانت بخيالي لاتطابقها ابدا ولكني اعجبت بها واحببت حبا جما ولن اتخلى عنها وهي كاملة مكملة من كل النواحي واحمد لله على كل شيء يعني الله بعث لي بزوجة صالحةوكاملة مكملة من كل شيء وكل انسان يأخذ حسب نيته وعلى نيتكم ترزق

المراةالمثاليةهي المناسبة لوضع الرجل,فالرجل الذي يملك مواصفات ثقافية وعلمية وجمالية ومالية يحتاج لامراة على قدر من العلم والثقافة والجمال والغنى ,والرجل المتوسط الثقافة و....و....يحتاج لامراة تناسب صفاته وتتحمل ظروفه اما الرجل الجاهل و...لاتناسبه المراة المثقفة المنفتحة وكذلك الامر بالنسبة لعقلية الرجل فالرجل المتحجر لاتناسبه المتحررة المنفتحة الخ....لذلك لايوجد امراة بمواصفات واحدة لجميع الرجال ليس كل مايتمناه المرؤ يدركه بل كل وليف على وليفه يقع

بالنسبة لي كشاب.لا يهمني دين الفتاة ولاحسبها ونسبها ولا وضعها الاجتماعي والاقتصادي.مايهمني فقط الفتاة نفسها.ان تكون مثقفة ذات شخصية قوية واثقة ومعتزة بنفسها وبانوثتها مثقفة جدا قادرة على ان تكون مخلصة تتمتع بقدر كبير من الشفافية.لا احبها مستكينة ولا أحبها عندمالاتعرف سوى قول نعم وحاضر اريدها شريكة لحياتي قادرة على مشاركتي هموم الحياة وملذاتها.تدعمني عندما اكون محقا وتعارضني عندما اكون مخطئا.ولها بالمقابل مني كما طلبت وأكثر. وباقي الامور قابلة عندي للتفاوض والنقاش

لاتوجد أخي القارئ لهذا لاتبحث طويلا وأعمل لأخرتك عسى أن تجد المثالية في الحور العين وكذلك لايوجد رجل مثالي. ومع عليك أخي الرجل سوى إدراك هذه الحقيقة والتعامل معها وأنظر للجوانب الإيجابية لزوجتك وطنش وسامح لأنها مخلوق متعدد الصفات والالوان والطبائع ;سريعة التحول والتأقلم ورفقا بالقوارير.

بعرف عزيز حنظلة ومقدر وضعك أنهاجنبك وبعرف علقة الألمانيات بس لاتنسى تبعث نسخة منقحة صادقة بالعربي ومشكور مسبقا على الصراحة.

أستمع لزوجتك أوبالأحرى أترك السماعة مفتوحةوقول إن شاء الله بنعمل وبعد التسجل قم بالفلترة وبالنهاية أعمل الذي يوافق الحق بغض النظر عن التسجيل المطول. يعني طنش وأعلم أن هذا الكائن يعشق أستخدام الميكرفون فما عليك سوى إجادة أستخدام السماعة.وعليك بشعرة معاوية شدوترك بدون تقطيع.

من خلال متابعتي للأخوة المعلقين وجدت ان معظمهم يطلب روبوت بهيئة أنثى يعمل بكبسة زر, لا يأكل و لا يشرب و لا يشتكي و غبر قادر على الكلام و المناقشة و لكن ينفذ مباشرة ما يطلب منه بدون اعتراض طبعاً باستثناء القليل جداً من أصحاب العقول الكبيرة من يحس بقيمة الأنثى كانسانة و شريكة حياة على الحلوة و المرة. الله يهدي ذكورنا و يخلصهم من التشتت و التمزق و قلة الرجولة اللي عايشينها.

كلهن ناقصات عقل ودين.وكل رجل يضع هذه الحقيقة نصب عينيه ويعامل المرأة على هذا الأساس (بيأخذها على قلة عقلها ومايترك لها المقود مشان ماتهور العائلة) سيفلح ويخرج بأقل الخسائر والحياة ستمشي بتطنيش وحلم وصبر وكر وفر والعوض في الاخرة. وأتحدى رجل يعرف 100 % شوبدور بعقل زوجته أو خطيبته وأحيانا ستعرف أنها لاتفكر بل تتصرف بعاطفتها بدون المرور على الدماغ ولكن رغم كل شيء لاحياة بدون النساء.

خيو أنا كنت بدي أكتب بس بسبب المخابرات الداخلية أعرضت عن الأمر تلافيالسلامة مجتمعي الصغير وحفاظا على الامن القومي لأسرتي .ياشباب السوريات أحلى مخابرات حتى لوبدي علق راح تعرف أنو تعليقي وتبحبش وتمحص وتدقق ولو علقت من خارج المنزل. لهيك أقول الشغلة قسمةونصيب ولكل واحد نصيبو ولكل طنجرة غطاها والله المعين بعدالزواج على طبيعة العزل تبع الطنجرة هل هي ضغط بدون تنفيس تبع اليبرق أم نحاسية تبع المحشي .

الله يبعت لكل شاب وحدة متل يلي أنا حبيتها بس للأسف ما أدرت اتزوجها لانها كاملة مكملة الى حبيبة قلبي وعمري وحبي الاول والاخير لما

ما بدها شي إنو تكون على كيفي أنا بس مو أكتر

مواصفات زوجتي المثالية (مدير تجاري بعمر 31 سنة) 1- ان تكون على درجة لا باس بها من الجمال 2- أن تكون من بيئة محافظة (و ليست متشددة) دون سوابق عاطفية 3- مستقيمة الخلق والسيرة 4- ان تكون على مستوى تعليمي و ثقافي متناسب 5- ان تقبل بالهجرة الى الخليج و لاحقا الى كندا او اوربا 6- ان تكون ذات شخصية مستقلة قيادية و ليست انقيادية 7- ان تكون على سعة اطلاع و معرفة بالعالم 8- ان تكون اهتماماتها ابعد من فنون المكياج و الملابس 9- ان تكون العائلة مقدسة 10- ان تكون طموحة و مبدعة و تتفهم دور المراة

لا تتمتع بمستوى تعليمي مرتفع000 لا تملك وظيفة000 المطيعة التي تجعل كلمتها دوما بعد كلمة زوجهاnot well educated 000 doesnot have a job 000 obeyant 0000 and attracts me only !!!

زواج = زوال مؤسسة فاشلة مبنية على الكذب والنفاق

أنا سجلت مواصفات الرجل يلي بدك ياه و لحا ابعتون للمصنع من شان نصنع الرجل المناسب.أما ردي للطالبة بحب قلها أنك يمكن نسيتي أنك بنت عربيةسورية وهي عاداتنا وتقاليدنا وإذا مو عاجبك أنا بنصحك تدوري على غير سوريين بتتحاوري معهن و بتتناقشي مع تنفيذ رأيك دائما وليس الأكثر إقناع و لا التوسط

بدي ياها تكون مابدها بيت ولا سيارة ولامصاري كتير وتعيش معايي عالمرة لانو كل حياتي هيك وتقلي على قد بساطك مد اجريك وطبعا لازم قص اجريي لانو ماعندي حتى بساط وبس يارب تتحقق احلامي المتواضعة مع انو بعرف انو مستحيييييييييييييييييييييييييييييييييييييييييييييييييييييييييييل

مابهمني جواب هالسؤال لأنو حاطط خطة أنو ما اتزوج لأنو بهالحالة رح وفر كتير مصاري وجهد وتعب ممكن وجهن بأمور أهم كتير منهامتعة السفر اللي بلشت فيها من كم سنة وخاصة مع هواية التصوير والمشاركة الفعالة بالمجتمع وترتيب حياتي بالبيت اللي ساكن فيه لحالي بهدوء ورواء ومساعدة الناس وتثقيف وتهذيب نفسي والتعرف على ناس أجانب من معظم الدنيا وأخيرا إذا لقيت الفرصة اني شارك بالحملات التطوعية عبر العالم لمساعدة المنكوبين وتقديم الإرشاد والتثقيف للمحرومين, أنا مبسوط كتير بوضعي حاليا وبتمنى السعادة للجميع.

البنت المثالية هي البنت التى تصرف على نفسها و على البيت و الاولاد

بيقولوا الزواج نصف الدين بس أنا خايف اتزوج ويطير نصف الدين اللي عندي على الحكي والسمعات اللي عم نسمعا عن بنات هالايام وطلباتهون الغير عادية هاد اذا كانت البنت عادية من ناحية الجمال والعلم -أما اذا كانت خارقة على مستوى الجمال والعلم فحدث ولا حرج بدك تحط مافوقك وتحتك لذلك أنا قررت اتجوز سيارة (قصدي اشتري)

الانثى من الزهرة والرجل من المريخ ...فمهما حاولت البحث عن امراة لن تفهمني كما اريد لذلك برايي اجمل صفة في المراة التي ارغب بالزواج منها هي ان تكون ذات نهدين كبيرين وهذا كاف بالنسية لي

ولارجل بالمقابل لازم يحترمها ويقدر تعبها ويحسسها بتقديرو وبالنهاية الحب والتفاهم اهم شيء والثقة المتبادلةوبس كل واحد يعرف شو الو وشو عليه الامور بخير

اناصحيح بنت بس مابحكي الا الصح البنت لازم تسمع من زوجها وتحترم رايه كتير بس للاسف وصلنا لعصر ماعاد حدا فهم حدا الكل عم يركض يثبت حالو بالحياة الزوجية ويتسابقو مين بينقد التاني اكتر مين الاذكى ومين الاحسن ومين ومين ومين.......ونسو انو الحياة مشاركة وتفاهم ومالازم تنوجد فيها كل هل الاشياء الزواج استقرار واحترام وبناء خلية واسرار مشتركة البنت لازم تحترم زوجها كتير وتسمع منو وتعمل كلشي بريحو وحتى ولو كانت موظفة برايي بتلحق بذكاءا ع البيت والعمل(بس وصلنا الى زمن الكسل والملل)والزوج بالمقابل لازم يح

راي الكثير من الشباب بالمختصر المفيد. يجب ان تكون جملية و رشيقة وانيقة طويلة عينيها ملونة و من عائلة حسب و نسب , غنية , مثقفة, و جامعية, تجيد اللغات الاجنبية بنت سبور و مدرن افضل اذا كانت حاملة شهادة ماجستر او دكتورة يا سلام. يجب ان تعمل بوظيفة مرموقة. تحب زوجها جدا جدا جدا و تطيعه و لا ترى احد في الدنيا مثله .

مشكلتنا دائما انوا نتناول المواضيع السطحية وبنسى اللب والاساس واحلى شي البنات زعلانين ودمقراطية ومدري شو. اصلا الشب ليش لاقي ياكل لحتى يتزوج ولما بيتزوج بيرضى باي بنت تحمل معوا كتف... برأي ان يتم طرح موضوع انت قادر انك تتزوج..البيت من 60 ال 70 سنة شغل مع الفرش والازي منوا بدك شي 100 سنة ... مواصفات مين والناس نايمين

هي من تريد التعايش وتسعى الى ذلك.

عودوا رجالاً كي نعود نساءاً

العلاقة الزوجية لازم اتكون قائمة على اساسات و قواعد و الدين بيشمل كل هالشغلات فالزوجة المثالية هية يلي بتطبق أحكام الدين بكل نقاط حياتها لأنو الدين كامل و شامل

برايي يا سيريا نيوز لازم تطرحوا هالموضوع عالبنات كمان ونحن عمنقرأ بتمعن عن يلي بدهن ياه الشباب وأغلبهن عبيكونوا انانيين ونسيانين انهن عبياخدوا انسانة الها افكارها المستقلة وبرايهن المراة المطيعة او (اللي مالها راي ) هي اهم شي انتم تطلبون خادمة ولا تطلبون الزوجة وانا مع الحوار والنقاش مع تنفيذ رايي الكثر اقناعا ولا فالتوسط في الامور الرجاء التكلم عن المراة وكأنها انسانة اولا  

انا بنوتة ورح اعتبر انو السؤال بالعكس فالجواب كالاتي:رجال بكل معنى الكلمة يعني كريم النفس واليد وحباب وامور وما بيزعلني ومو متخلف و لا متزمت ولا متحجر يعني بياخد الامور ببساطة واهم الشي يكون بيحبني حتى لو جار الزمن عليي يعني مرض غيرو كلو بايدالله مهضوم ومو طرطور ولا نسونجي ولا بصبوص وشورو من راسو يعني بياخد بالراي والراي الاخر من دون ما حدى يسيطر عليه وابشع الشي الشب اللي بيكون دلول الماما ومايع لانو العيشة معو شي بيئرف كنت بحب الشب زو القامة الطويلة بس اكتشفت انوبيكون زعولجي طرطورلاموسوري منكن

هي التي نستطيع سويا أن نطبق في معاملتنا لبعضنا الشريعة الإسلامية بكل تفاصيلها. وصدق رسول الله بختم حديثه:فَاظْفَرْ بذاتِ الدِّينِ تَربَتْ يَدَاكَ

بس تكون مقتنعة انو سوبر مان قصة خيالية للاطفال ولا تفكر بحياتها انو في رجال كامل و لازم تقتنع بأفضل السيئ نسبة للوضع الجتماعي الي عايشينو

I think the wife should be the best friend..for the man....and she could replace all his friend..but he should to choose this girl before and discuss with her in all subjects for many hours...so not the first girl he meet her and fast and marry her ..because not any girl can mach with his caracter..beauty,love,good family .rich .poor...not really important...for long term relationsship you need a real good friend...that mach with your spirit..and your way of thinking..thanks syria

الزوجة المثالية هي الزوجة يلي ما بتنق

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْه طبعا من حديث النبي صلى الله عليه وسلم نفهم انه من الافضل ان نختار من تحظى بالدين و لكن من وجد الدين بجانب الجمال او الحسب او المال او مجتمعين فلا مانع اذن اول ما يبحث الرجل في المرأة الدين ثم باقي الخصال وهذا الافضل لتحفظه و تحفظ نفسها و اولادها بحضوره و غيابه

die besten frauen sind die ost- deutschen. sie sind fleißig, unverwöhnt, treu und hübsch.sie stehen zu ihren männern und machen gerne mate tee. sie sind manchmal zickig aber naja

مافي غير ابو هريرة ونزار قباني الي نازعين البشر ،الدين لله والمرأة للرجل حاج عاد كل واحد بدو اياها متدينة وجميلة وحنونة ومخلصةومثقفة واهلها واهلي و وووووووالسؤال خطأ خطأ لايعتبر هذا شكل من اشكال السؤال,ولاتعتبر هذه أجوبة !!!!وسلمولي على ابو هريرة ونزار بطريقكم.

له يا ابو حميد ليش خربان مزاجك؟ شو مافي وحدة بترضى فيك ومابعرف شو!!!

أنا حكم علي القدر بوفاة والدي رحمه الله و لكن لله يبتلي وبعين فقد ورثني بدل البيت بيوت و بدل السيارة سيارات و شغلي واعد و دكتور. لكن فيني شغلة سيئة ألا وهي أني بارد و طباعي أكبر من عمري بحكم تجربتي ولمن أجيت لأتجوز المدام ما عجبا الوضع لأني بارد على الرغم من إعجاب أهلها بكل الشروط الثانية. المغزى من قصتي أنو يجب على بنات هالإيام أن يتحلو بصفة واحدة فقط و هي "القناعة"!!! ولا بقا يتطلعو لفوق ويكونو بدهون الرجال يكون سوبرمان بكل شي و إذا كانت البنت و الشب قنوعين بيعيشو أحلى عيشة

المرأة النشيطة والمثقفة حياة ثانية للرجل أما أذا كان الرجل أتكالي فان المرأة تحب النظرة الاولى وكل قمحة مسوسة ولها كيال أعور وهذا مثل عربي أصيل وله حقيقة في قلوب النساء أكثر من الرجال

فيني قلكم المواصفات باختصار شديد مثقفة+ ان تكون انثى ومحاولة تأقلم مع مزاج الزوج وبالعكس شكرا

أنا برأيي مافي مرأة مثالية بس في إختيار مثالي فمثلا ماممكن أنو تكون حالتنا على أدا ونعجب بوحدة حالتا فوء الريح ونشوف المثالية فيها ولا العكس الأختيار وأقصد هنا أن الأهل يختارون لك أي بتروح بتشوف وحدة وتنين وتلاتة لتعجبك وحدة وتأكد أنو الأهل رح يختارولك من الطبقة يلي بتأدر تعيش معك (إن كان ماديا ولا دينيا ولا كحياة عملية )أما تألولي في حب قبل الزواج فهو كزب

مثقفة ، مخلصة ،خلوقة ، ذات طلة جميلة ، تؤمن بالزوج كرب للأسرة ، متفهمة ، نشيطة ، مبدعة ، حكيمة بحيث تفعل ما ينبغي بالوقت الذي ينبغي على الشكل الذي ينبغي ، ذات عقل متنور في خضم الجدليات الفكرية ، تشبهني بالتفكير والرؤى ، بظن بكفي هيك وبعدين كل شي بهون .

كنت بالأول حط كتير شروط للمرأة المثالية .... بس بعدين لقيت أنه المرأة المثالية هي المرأة يلي بتحبني، لأنه إذا بتحبني فرح تعمل كلشي أنا بحبه وبدي ياه.

نحنا عم نحكي ونوصف ونتخيل ونتمنا ونسينا شغلة انو اذا لقينا وحدة بهل الموصفات رح ترضى فينا مثلا انا ما عندي بيت وراتبي على قدي في وحدة بهل العصر بترضى تسكن مع زوجها ببيت حماها؟؟؟؟ هلء كملو وصف واحلمو

برأي ان الزوجة المثالية .هي التي تعجب زوجها بجمالها بأنثوتها بحيائها وبنفس الوقت قوة شخصيتها .وتشارك الزوج الحياة بحلوها ومرها وتقف المواقف التي يعجز عنها الأصدقاء فهي أدرى به منهم والصدر الحنون للرجل مهما عظم شأنه وعلى الرجل ايضا ان يشارك المرأة همومها وأشغالها سواء داخل البيت أم خارجه

السلام عليكم، نزار قباني اختصر المواصفات التي أبحث عنها، وحتى لو كانت تلك الفتاة موجودة بالفعل فمن في هذه الأيام ترضى بالارتباط بشاب لم يساعده الله إلى الأن سوى بإعالة أمه واخوته؟ من هم أهل الفتاة الذين يرضون بالارتباطها مع مهندس ليس له عمل ثابت؟ يريد فتاة تخاف الله وترضى بالقليل ويبني معها اسرة في طاعة الله؟ ... إن شاء الله سأجدها.

من يدخل حجرتها من يطلب يدها من يدنو من سور حديقتها من حاول فك ضفائرها ياولدى مفقود..مفقود ستفتش عنها يا ولدى فى كل مكان وستسأل عنها موج البحر وتسأل فيروز الشطئان وتجوب بحارا وبحارا وتفيض دموعك انهارا وسيثقل حزنك حتى يصبح اشجارا وسترجع يوما يا ولدى مهزوما مكسور الوجدان وستعرف بعد رحيل العمر بأنك كنت تطارد خيط دخان فحبيبة قلبك ليس لها ارض او وطن او عنوان ما اصعب ان تهوى امرأة يا ولدى ليس لها عنوان

مقدورك ان تمضى ابدا فى بحر الحب بغير قلوع وتكون حياتك طول العمر كتاب دموع مقدورك ان تبقى مسجونا بين الماء وبين النار فبرغم جميع حرائقه وبرغم جميع سوابقه وبرغم الحزن الساكن فينا ليل نهار وبرغم الريح وبرغم الجو الماطر والاعصار فالحب سيبقى يا ولدى احلى الاقدار بحياتك يا ولدى امرأة عيناها سبحان المعبود فمها مرسوم كالعنقود ضحكتها انغام وورود والشعر الغجرى المجنون يسافر فى كل الدنيا قد تغدو امرأة يا ولدى يهواها القلب هى الدنيا لكن سماءك ممطرة وطريقك مسدود..مسدود فحبيبة قلبك يا ولدى نائمة فى قصر مرصود

ان تداوي الجراح النفسية للأسرة لتكون بيت اسرارها.والحمد لله نحن محظوظين رجال سوريا-لأن المرآة السورية مصنفة الثالثة عالميا من حيث الجمال والرقة والانوثة-حسب تقرير مركز ستارش البريطاني للأبحاث العلمية .بعد المجرية والبولندية.ولكن ايضا المطلوب من الرجال عدم اخصاء انوثة المرأة بالمعاملة اللطيفة والمغازلة بأستمرار.وترك مشاكل الحياة خارج المنزل. و((عدم ضربها)) واشعارها بأهمية وجودها واحترام شخصيتها واختلافها مع الرجل. للحفاظ على كيانها الانثوي بأستمرار.عذرا سيداتي وآنساتي .ارجو اني لم اطلب المستحيل.

المشكلة فينا نحن الرجال!!! ياريت في أمراة ترضى فيي... لا شغل متل العالم... و لا بيت... ولا بقدر أستأجر...و مافي سيارة و أهلي مصخمين يادوب عايشين... و عمري فوق الثلاثين (وماعندي صاحبة -بخاف الله-) شو أعمل؟؟؟ بدي أختار.... لك أنا برضى بشجرة أنثى هادا إذا رضيت فيني!!!

المخلصة والتي تكون مهيأة للحياة بأسرة وان تستوعب افرادها من زوج وابناء .همها الاول سعادة بيتها التي يتمثل بحضورها من نبع الحنان الى الوفاء.ان تحفظ اسرار بيتها وتقدسه .ان تدعم زوجها معنويا باستمرار (فوراء كل رجل عظيم أمرآة)ان تجعل بيتها نهضة مستمرة تخلو من الملل والروتين .ان تألف روح الجماعة بالأسرة ولا تكون انانية.ان تكون( أنثى )فإن الله لا يحب المرأة المسترجلة.منخفضة الصوت فأن الصوت العالي يستفز الرجل.دائمة الاعتناء بنفسها ولكن ليس على حساب واجباتها.وان تجعل بيتها جنة يشعر بها حتى الزائرين يتبع

أول شي لازم تكون حلوة حتى انا ما طلع بغيرها,ولازم تكون مرباية منيح, ذكيةوذات شخصية,طيبة القلب ومو لئيمة,حنونة بتعرف شو الها وشو عليها. أما المستوى التعليمي فليس مهم جدا بس مو معناتها أنو الواحد ياخد وحدة جاهلة تفضحو أدام العلم بتصرفاتها.لا أفضل ان يكون لديها عمل مع إمكانية ان تقبل بالعمل إن احتاج الوضع.اما الكلمة الأولى والأخيرة في البيت فهي للرجل و هنا لا اعني أن يكون الرجل متسلط و مستغل لهذه النقطة,الحوار والنقاش أولا ,سماع وجهة الطرف الأخر ثم اتخاذ القرار ....... شو كمان ممممممم

لقد أرسلت مساهمة تأخذ رأي الفتيات بعريس المستقبل ومواصفاته واقترحت على إدارة السيريانيوز الأعزاء إذا أرادوا وضعه كرأي للمناقشة,,وهنا السؤال مختلف فهو عكس سؤالي ويمكن أن تنشر مساهمتي في مساهمات القراء,,وجوابي على هذا السؤال هو لا يوجد أحد مثالي من الجنسين ولكن بشكل عام الرجال تحب المرأة الخلوقة ذات التربية الحسنة والأخلاق العالية والمحبة لزوجها وبيتها وتكون قنوعة وتقف مع زوجها في السرّاء والضرّاء وليست مادية لا هي ولا أهلها,,كل تلك الصفات(طبعاً بدون تمثيل لأي صفة أو لعدة صفات)لأنها ستنكشف بسهولة

تنكح المراة لاربع لمالها وحسبها وجمالها ولدينها فاظفر بذات الدين تربت يداك رواه البخاري ,وقال ايضا رسول الله عليه الصلاة والسلام الدنيا متاع وخير متاع الدنيا المراة الصالحة رواه مسلم

اهم شي تكون متعلمة(يعني الواحد بقدر يناقشها وياخد رايها) وتكون هادية (غير قابلة للاشتعال عند اي مشكلة او ازمة) تكون مرحة(يعني ما تكون نكدية وما تخلي ولا لحظة حلوة تمر بدون نكد وهدول كتار)جميلة(بمعنى انها تهتم بجمالها ونظافتها ما تكون ريحتها كلا طبخ وشواربهامبينة)واهم من كل شي الاخلاص اذا ما كانة مخلصة كل يلي ذكرتو مالو فايدة (في شغلة كمان رومنسية وحنونة(ولا تقولو مافي حدا بهل المواصفات في كتير بس ماحدا بلاقي هيك وحدة الا اذا كان مرضي)

بالنهاية مافي مواصفات بتنفع للكل يعني بالنهاية المفروض الاتنين يكونو متقبلين لبعضون و بيحبو بعضون وبعدها يتحملو بعض. مثلاً ممكن يكون في رجل متعلم ومثقف جدا بس متسلط هاد ما بتنفع معو مرأة عندها أي شخصية والعكس كمان أحيانا في مرأة بتكون عم تدور على الرجال اللي يحميها(اللي يمشيها). وبعدين حتى لو اجتمع الشخصين المناسبين إذا ما حبو بعض ما راح يكملو لأنو ما راح يقدرو يتحملو بعضون. بالخلاصة: المهم هو المحبة و التفهم و الاحترام بغض النظر عن أي شي تاني.

الزوجة المثالية هي الزوجة التي تجعل بيتها مثالا للالفة والمحبة بعيدا عن اي منغصات سواء بالوظيفة أوعدمها متعلمة او غير متعلمة وتحرص على تربية اولادها تربية ممتازة وتعليم متفوق بعيدة عن الشكليات همها الاول والاخير بيتها وأولادها وزوجها والعلاقات الاجتماعية الاسرية الصحيحة

زكرتوني بقصة صاحبو لصاحبي هاد شب مرتب سافر على تركيا للدراسة وهونيك حب بنت بتجنن يعني ملكة جمال طول وعرض وارتفاع, وهيي حبتو, والبنت بتصير البنت الوحيدة لواحد من أكبر تجار السيارات بتركيا, طبعا الاب ما في رفض رغبة بنتو المدللة وزوجها لهلشب المعتر, ومن شان تكمل مع الشب, عمو ومرت عمو اهل مرتو توفو بعد شهرين من العرس بحادث سيارة, يعني بنت بتطير العل وورثت كل ثروة ابوها شو بدو احسن من هيك أنا هيك بدي!

الصراحة والصدق والاحترام اهم الصفات التي تهمني في المراة لتكون زوجة, لان بالصراحة والصدق والاحترام يمكن حل اعظم المشكلات (إن وجدت)....

المراة هي كل شىء في الحياة والمهم ان تكون حنونة وحنونة تشمل الكثير فمن غير الممكن ان تكون حنونة وغير ذكية طبعا ............ أخ ايمتى بنا نتجوز ؟؟؟؟؟؟

ما في بنت او شب كاملين ، بس يلي بهمني انا هوه : انثى ، بنت عالم وناس (مربايه منيح يعني) ، وجمال بالحد الادنى

الحمد لله كل الامور تمام بسوريا بس ضل ناقصكم مواصفات المرأة,,اول شي دفو حالكم انتو وحكومتكم وشوفو حل لمشكلة المازوت والكهربا تبعكم,,وبلكي تحنو شوي على هالدراويش.........................

المرآة بكل محاسنها و عيوبها لا يمكن الحياة بدونهافهي الاساس في استمرار حياة الرجل

لا أعتقد أن هناك ما يسمى بالمرأة المثالية .. بل هناك نسبية في هذه الأمر .. فمن كانت ايجابياتها تطغى على سلبياتها غي كل الصفات تكون أقرب إلى المثالية الحوائية ..

سنقرأ آراءكم باهتمام وسنرى هذه المرأة بعيونكم كيف تكون ..

80 بالمية من النساء السوريات متشابهات في الشخصية ( طيبة قلب - عدم تحمل مسؤولية - اتكالية - حنان كبير - عجز عن النقاش بشكل موضوعي - انقيادية لاي شخص يحبونه) لذلك عندما ابحث سابحث عن بنت اخلاقها عالية وبنت ناس مع درجة مقبولة من التعليم ( معهد او جامعة ) و مستوى جيد من الجمال . العشرين بالمية الباقية ينقسمون مناصفة بين مميزات جدا سلبا ومميزات جدا ايجابا . هذا ما لاحظته في سوريا بعد 7 تجارب مع بنات بعضها وصل لمرحلة الخطبة

أجمل شيء في المرأة أن تكون أنثى، ولكل كل رجل معّياره الخاص لقياس أنوثة المرأة. بالنسبة لي أفضل المرأة الذكية القادرة على تقدير المواقف وإعطاء كل ذي حق حقه. أكره المرأة الغبية والحسودة والمتطلب, وأحب المرأة الذكية الودودة الضحوكة. وبالنهاية أقول \"ومن أنفسكم أزواجاً\"

بتعرف انك ضحكتني والمعنى بقلي الشاعر واللبيب من الاشارة يفهم وارجو النشر

قال مافي بالدنيا تنين متفقين ألا وواحد حقو ضايع ..ركزو شوي بالمتل لانو يلي قالو الامتال ما ماتو . شكرا سيريانيوز

جميغ التساءبلا استثناء مثاليات في لحظة واحدة ...؟؟!! الا وهي اللحظة التي تكون فيها راقدة في النوم ... ألامرأة النائمة ..

للاسف طريقة السؤال خطيء الرجل بيعرف شو بدو والمرأة بتعرف شو بدها فالتلفزيون والاصدقاء والحياة ما تركوا واحد اجدب  ولكن المشكلة ان الطرفين لا يردون معرفة ما هي الواجبات التي عليهم قبل الاقدام على الزواج فهم ينصدمون مع المسؤلية والحياة الصعبة والتي لم تكن سهلة على احد قبلهم وهنا تظهر درجة الانانية فإن كانت عالية عند احد الاطراف فسيكون الطلاق مصير هذه العائلة ارجو ان يكون السؤآل ماهي واجبات الرجل أو المرأة عند الزواج فالنجاح هو المثالية

يا أخي لازم تتطرحو موضوع القدرة على الزواج في مجتمع الشباب السوري قبل ما تطرحو موضوع اختيار الزوجة

والله انا بشوف انو الشب بس بيدور عل الجمال(وبلا مانحكي) وا حيانا العيلة لا علم ولا ثقافة لا فهم لا حضور لا وجودولا حتى مطيعة لانو ما شفت و حدة الا نمرودة على جوزا

يعني بيلزم الرجل أكثر من امرأة لتفي بالغرض ؟ امرأة جميلة تريح النظر وامرأة مثيرة تدفئ الفراش , وامرأة عاملة ترفد اقتصاد البيت , وامرأة لسانها قصير لكي نتابع برامج التلفاز , وامرأة ...وامرأة .. وامرأة ...وامرأة...؟؟

السلام عليكم أنا بالنسبه إلي بدي تكون موصفات زوجة المستقبل إنشاالله 1بنت عيله معروفه وسمعتها نظيفه 2أخلاقها عاليه 3تعيش معي ع الحلوه والمره 4أفظل تكون جامعيه بس لاتتوظف 5تحترم أهلي مثل ما أنا بحترم أهلها 6تحفظ سري لأنومثل مابتعرفو الزوجه مخزن أسرار الزوج 7‏ المشاكل العائليه ما يعرف فيها حدا 8تكون روحه مرحه لأني شبعت طفش ومئت

أهم المواصفات أن ترضى فيي

صدقوني .... لاتوجد هذه المرأة وان وجدت لفترة محدودة .

مواصفات الزوجة المثالية التي ستبقي الزواج مستمر الى ابد الدهر هي ان تكون متدينة تخاف ربها , ذكية , محاورة جيدة , مثقفة , جميلة , ليس من الضروري ان تكون مطيعة بل يكون هنالك حالة من النقاش فاما ان اقتنع بوجهة تظرها او تقتنع بوجهة نظري والا فنتجه الى الحل الوسط فجميل ان تكون الفتاة ذات شخصية قوية , ان لا تلتزم الصمت بل تتكلم في كل المواضيع وان تكون مبادرة في بعض الاوقات... اتمنى ان اصادف مثل هذه الفتاة فصدقوني انها الفتاة التي تضمن الاستمرارية

بفضل الله عز و جل أنا أرى أن الزوجة المثالية هي زوجتي

إظفر بذات الدين تربت يداك

حتى تكون زوجة مثالي يجب ان تكون انت اولا من ثم هي

تكون جميله الروح لان جمال الوجه لايكفي

ممممم.... سأليتوني شو المواصفات ... في 3 خصال اساسية بدونهالا تعتبر المرأة مثالية: 1- جذابة 2- جميلة 3- حلوة وباقي المواصفات لاحقا بتتلبص

قبل ما فكر شو موصفات المحرك .... لازم جيب بيت وأدفع البدل وأمن شغل تمام وسد الديون وأرجع أدفع رعبون شي مليون يورو وبعدين أحتمال فكر بالزواج بس نشا الله في أمل

قبل ما فكر شو موصفات المحرك .... لازم جيب بيت وأدفع البدل وأمن شغل تمام وسد الديون وأرجع أدفع رعبون شي مليون يورو وبعدين أحتمال فكر بالزواج بس نشا الله في أمل

المرأة المثالية هيي المرأة التي تحبها و لا يوجد مواصفات محددة..

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

ان تكون ذكية ومتعلمة خريجة جامعة عالأقل وطالعة وفايتة ومتفتحة وجريئة وتكون حلوة كتير ويفضل تكون خريجة اداب وتقبل اني حبها قبل الزواج اقل الشي سنتين .. 

أنا قررت ما إتجوز لأنه الزواج بدو مصاري والمرأة هذه الأيام طلباتها كتيرة وبدها مثل فلانة وعلتانة وبنت فلان وعلان وإذا بدك تتزوج بدون يجوا الأولاد والأولاد سوف يموتوا من كثر البرد بسبب غلاء المازوت ومافي مصاري لنعبي مازوت وإذا بدك تاخذ إعانة المازوت بدك توقف ساعات بالبدور شحاد عم تطلب حسنة وكمان الزواج بدو بيت وبيت مافي وإذا بدك تستأجر بيروح معاشك كله فأحسن الواحد ما يتزوج وحاجة ياسيريانيوز تحطي مواضيع حول أمور لايمكن تحقيقها

لا يوجد زوجة مثالية كل شي على حساب شي ناجحة في العمل فاشلة في البيت والعكس صحيح

من جهتي انا اعتقد انو العلم مو مقياس للزوجة الناجحة وشو ما صار عندها من الشهادات تبقى امرأة المهم بالنسبة الي هووو اخلاقها لانو الزوجة هي الاكثر التصاقا بالزوج وهي الوحيدة اللي تعرف خفايا واسرار الزوج ولا افضلها عاملة لاسباب لايصح ذكرها هنا واحب ان تكون كلمتها دوما بعد كلمتي لان مبدأ الندية هنا غير عادل ويجب ان ترى البراءة في عيونها ومتوسطة الجمال ونظيفة وقليلة الكلام وذات قوام جميل وتعلمني الحب على اصوله ؟؟؟

فالمرأة المطيعة قد لا تكون مطيعة بطبيعتها ولكنها مرغمة على تمثيل هذا الدور بسبب نشأتها الاجتماعية. أما عندما تكون مطيعة بالفعل، فهذه مصيبة أخرى لأن الرجل يتزوج طفلة اتكالية وغير قادرة على تسيير أمورها بنفسها، فما بالكم بأمور العائلة ومسؤولياتها؟ أما المرأة المستقلة، فهي غالبا ما تكون مسيطرة، وتريد تسيير أمور العائلة (وحدها) بما في ذلك أمور الزوج أيضا. بالنسبة للمتعلمة أو غير المتعلمة، من الضروري برأيي أن يكون هناك تقارب في المستوى العلمي حتى لا يشعر أي منهما بالتغرب أو حتى الفوقية

حتى تكون لديك زوجة مثالية عليك ان تتحلى بعدة أمور أولها ان تكون زوج مثالي وان يكون اختيارك مثالي و انتهى

لاحظت من التعليقات انو الكل يفضل الزوجة المطيعة، شو بدك خادمة أو زوجة. الزوجة يعني شريكة حياة، وليست موظفة عنك حتى تطيعك.

بلنسبة لي مواصفات المراة تكون بلمرتبة الاولى ودودة تحب الزوج وتكون حنونة لانه الحنان بلنسبة للرجل اهم شيء وان تكون متفهمة وعدم ممارسة الكره والحقد واللئم للزوج اما المرتبة الثانية الجمال والعمل والدراسة

انا بنضري العلم مو مقياس للزوجة الناجحة المقياس للزوجة هو اخلاقها واهم شي لازم يكون في برائة بعيونها وتكون بنت عالم وناس تحب اهلي وتحترمهم كرمالي وانا كمان حب اهلها واحترمهم كرمالها

الزوجة الأمثل هي المطيعة والمتفهمة والنظيفة بغض النظر عن مستواها العلمي ويفضل أن تكون مستعدة للعمل في سبيل مساعدة العائلة على تحمل صعوبات الحياة. أنا اعتقد أن هذا النوع قد انقرض وأؤمن بالمقولة السائدة أن الزواج شر لا بد منه وبأن الزواج مقبرة الحب.

انا عم دور على واحد تكون طيبة مطيعة وتكون قنوعة وتعيش معي عالحلوة والمرة وانا انسان بيتوتي بحب كون ببيتي احسن ماروح مع ولاد ادو بيكفي اني شوفها بتسوى الدنية ومافيها ----------- انت لو انسان طاعك بتعشقه فما بالك لو كانت مرتك فالمطيعة افضل النساء

بالنسبة الي ياريت اولا تكون على مستوى ثقافي وتعليمي متقارب جدا مني يعني كويس وذات قوام جميل وحلوة وليس بالضرورة جمال فاتن ولكن على الاقل عند النظر اليها اشعر بالراحة ولطيفةواكون على أولى أولوياتها دائما والأهم حنونة لتخفف هموم وضغط الحياة ومتفهمة أما الأهم أن تكون عاشقة تذيقني و تعلمني الحب على أصوله فالحب خلق لها

مثقفة متعلمة من عاءلة محترمة/ طب الجرة على تمها تطلع البنت لامها/