syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
عن ملصقات الدعاية الانتخابية على الجدران
أخبار القراء

في مدينتي حماه الدعاية الانتخابية نقمة على المواطن..

شو ذنبي أنا وغيري ارجع أعيد دهان واجهة منزلي أو محلي التجاري لأنو لصق عليها صور مرشحي مجلس الشعب .
بكره بعدو جايه مجلس مدينه ومحافظه وكل الجدران تحتاج لازالة الصور وإعادة دهانها.
معقول هالكلام ؟؟ مو لازم يتعاقب كل من يفعل ذلك والأفضل انو يسحبو ترشيحه للمجلس فهذا يعتبر مخرب للبلد فكيف بدو يمثل الشعب؟؟؟
 

حموي
 


2007-03-31 01:57:00
شاركنا على مواقع التواصل الاجتماعي:



شارك بالتعليق
محلاكم2007-04-02 13:11:41
لا لمسابقة ملكات جمال مجلس الشعب
يا أولادي ... شو بدكم يانا ننتخب أشكال لا أفعال ، لك مشتهي شي مرشح يرفق بيان إنتخابي منطقي أو لوفكة مع صورته البهية!بمزح مع زميلة لي وبقولها مين رح تنتخبي؟ قالتلي أحلاهم. أهمس في أذن اللجان الإنتخابية أن يرقوا بالحملات للسويات التي تظهر البلد بصورته المشرقة.
-سوريا
متفلسف2007-04-02 12:52:53
خليها على الله
قانون المنع موجود ... بس التنفيذ على مين؟ بلد كلها مسؤولين منين بدي جبلك شعب (على رأي مختار غربة) ودمتم!
-سوريا
شامل2007-04-02 12:10:23
ما في حل
يا إخواني ما حدا يزعل من كلامي بس ما في حل لبلادنا ونعم أنا يأست من أنه البلد بدها تتصلح لذلك لازم الإنسان يتعايش مع الوضع متل المريض الي بيتعود على المرض العضال.
-الإمارات العربية المتحدة
حرستاني جئر2007-04-01 19:20:33
ابو (ف) التعبان
عنابريف دمشق/ بحرستا / في مرشح فهمان اسمو ابو (ف) ماخلا محل بالحارة ما لزق صورتو وما خلا حيط أو عامود كهربا أومدخل بناية يعتب عليه إلا ولزق صورتو عليه والمشكلة انو كل اهل الحارة بتعرف مين هوة و شو بيشتغل ؟؟؟؟؟؟ والمشكلة انو حاطط شعار / انتخب من تثق به/ مشان الله في اكتر من هيك جأرة!!!!!!!!!!!!!!! وين البلديات تمنع هيك تخبيص
-حرستا - الثانوية
-2007-04-01 16:43:50
شعب جاهل
شعبنا باغلبيته جاهل تماما وسوف ينتخب الحشت نشت وهيك شعب بدو هيك مرشحين المؤسف انهم يعرفون ان عقولنا صغيرة ولاشيء يقاوم اموالهم انها كارثة كبيرة وعندما اراجع صور هؤولاء اشعر بالقياء من وضعنا وحالنا التي وصلنا اليها وبكرة لنشوف مرشحي الجبهة راح يجينا العجب ايضا لان كثيرا من الاسماء ستتكرر وسينفد اصحاب الواسطة ولدينا طلب واحد انو يغيرولنا مديرالدراسات
-مزرعة صفوان العساف
متشائم2007-04-01 12:35:25
مرشحين اخر زمن
وين مراقبي هذا التنبيه من عندالجديدة حتى المعضمية صور مرشحين على ارمات المرور والاعمدة انا بقترح اذا كل اربع سنين رح يشوهوا البلد بها المناظر بلا ها الانتخابات بيكون احسن وبعدين في عالم صرلا اربع دورات عم ترشح حالا وماساووا شي كل واحد بيح صوروا باماكن تشوه البلد لاتنتخبوه وياريت يمنعوا اللافتات القماشية
-سوريا
خيروووو2007-04-01 09:18:27
هل تعلم يا مرشح الشعب ما هي عقوبة اللصق العشوائي
المادة 51 – يعاقب بالحبس من عشرة أيام الى شهر كل من يلصق البيانات و الصور و النشرات الانتخابية الخاصة خارج الأماكن المخصصة لها . و تضاعف العقوبة اذا تم اللصق على جدران الابنية العامة و النصب التذكارية و الآثار و المقابر و الأبنية المعدة للعبادة .
-فلتان
حمادة الحلبي2007-04-01 02:05:35
وعنا بحلب
أنو بدي افهم أنا شغلة يعني بيحطوا صورتون وفئتون .. وأناكناخب بدي أرشحوا لأنو منظرو حلو والله العظيم مسخرة ... يا أما يلزقوا على الشوراع برامجهم الأنتخابية وشو الوعود وشو بدهم يغيروا يا أما الأريح ما يلزقوا شي .. هذا بيحطلك صورتوا وعلى راسو العكال وما بيفهم يحكي كلمتين على بعضون .. وبيقلك انتخبني طيب يا ابني مو لأعرف برنامجك الأنتخابي لأنتخبك ولا هيك
-حلب
Rita2007-03-31 21:40:02
انتخــــــــــــــــــــــــــــــــابات
الحمد لله بالشام لهلأ ما حدا خالف الا كم واحد لازقلي صورته "الجميلة" على المرحوم براق بس ان شاء الله يضلو ملتزمين
-أرض الرتاريت
أبو عامر2007-03-31 09:34:12
....؟
الحمد لله عنا بالشام ملتزمين لأبعد الحدود وما في ولا صورة على الجدران كلو بالمكان المخصص للصق الدعاية الأنتخابية عقبال ما يتطبق هذا الشي في جميع المحافظات
-سوريا
موطني2007-03-31 04:46:47
مرشح للمجلس
يا اخي يعني كانك ما بتعرف انو المرشحين هدول هنن سيمثلون الشعب و الدهان سيحرك الدورة الاقتصادية و المالية في البلد بالتالي ستكون الجدران بالوان جديدة اجمل و قد تضطر انت و غيرك للحصول على قرض من اجل ذلك و هذه الدورة (الاقتصادية) تساعد على نمو البلد لذاااا لا تنزعج عوجه ما حتتعدل لك اخي عوجه ارجو ان يكون تمثيل الشعب في المجلس تمثيل بتمثل
-هنا