syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
شعارات مجانية وسحرية للمرشحين للاستفاد منها
أخبار القراء

بلديات ريف دمشق
حيث إن الموسم الآن هو انتخابات لمجلس الشعب الذي يمثلنا و يحل مشاكلنا أدعو كل المرشحين و خاصة عن ريف دمشق للإستفادة من هذه الشعارات السحرية التي اذا أدرجوها ضمن برنامجهم الانتخابي يضمنون النجاح:


- القضاء على فساد بلديات ريف دمشق و خاصة قدسيا و جرمانا.

- تحسين الطرقات و إنهاء أشكال البسطات و المدعومة منها في قدسيا.

- اجبار و مراقبة كشافين ساعات الكهرباء على زيارة المشتركين و قراءة العدادات بشكل صحيح في قدسيا .

- حجز كل سيارة تقفل في منتصف الطريف في قدسيا لشراء الحلويات أو معجنات أو فلال لعرقلة السير .

- منع و تطبيق القانون فيما يخص المخالفات في العقارات و خاصة نزلة الأحداث.

- إزالة المخالفات و تطبيق المخططات الموجودة لدى بلدية قدسيا و خاصة نزلة الأحداث " ساحة نهاية الخط" .

- مراقبة الأسعار المجنونة للمأكولات و الخضراوات في قدسيا.

- الحد من السرقات المنتتشرة في قدسيا .

- منع التجمعات في ساحة قدسيا وكأنها مرتع للعاطلين و قاطعين الطرق.

- تنظيم المرور بشكل أفضل و عملي .

- الحد من تسلط سائقي المكاري و اجبارهم على احترام العملة السورية و لو كانت بقيمة ليرتان داخل قدسيا .

هذه الشعارات التي تعبر عن بعض متطلباتنا أتمنى و لو أدراج بعضها ضمن برامجكم الانتخابية

تحسين حسين
 


2007-04-14 11:06:44
شاركنا على مواقع التواصل الاجتماعي:



شارك بالتعليق
سوري مرفوع الراس2007-04-15 14:19:04
شعارات ببلاش والمواطن بصدق
أعجبني أحد المرشحين بشعاراته الرنانةوهي( وحدة وطنية،تحرير الجولان، ضرب الفساد، محاربة الغلاء، مكافحة الفقر، سيادة القانون، منع المضاربة بالعقارات، سكن بأسعار معقولة، حماية الشباب من البطالة والانحراف) بقا شو رأيكن بهالمرشح، أنا برأي بكفي هالمرشح لحاله ليمثلنا بالبرلمان ولشو كثرة هالأسماء وهالمصاريف إذا واحد بدو يعمل كل هالشي لكن الباقي كومبارس؟؟؟
-
قدسياوي2007-04-15 11:01:19
قدسيا وبعدها الطوفان
عاشت قدسيا حرة مستقلة...ولك فلقتونا بقدسيا،لازم تسمو الموقع قدسيانيوز وتخلصونا...بس بحب قلكن بأنو هيك مطالب بدها هيك مرشحين فمن دهنو سقيلو...وفهمكن كفاية!!!
-سوريا
مواطن بهالبلد2007-04-15 09:58:08
من شان الله انتخبوه
ليش بس بقدسيا بتصير هيك شغلات
-
د. آزاد خضر2007-04-15 08:52:28
و العراقيين
أخي الكريم.... نسيت تحرير سوريا من العراقيين؟
-ألمانيا
غوار الطوشة2007-04-15 04:52:08
تابع
وبتلائي معهون كم مصخم عم يحلم,لك يا عمي شمس بلادي وبعرفها ,صرلنا بهالحياة كذا عقد من السنون ونحنا عنفس المنوال..بيهوبروا..وكذب ..وبعد ما يصلوا ماعاد تشوفون ..الا عالتلفزيون وهنه نايمين حاجتنا ضحك عاللحة..هدول شغلتون يناموا لما يصير اجتماع..ويوافئوا عالمرسوم لما يطلع..ويعبوا كروشتهون.وبعد اربع سنين يشرفوا على حملتون الجديدة ويكذبوا عالعالم
-سوريا المعترة
غوار الطوشة2007-04-15 04:44:05
مين هاد تحسين
يازلمة عليك كل حديث انته شو اسعار وشو تنظيم وشو مخالفات..وشو تحسين ؟ اصلا مين هاد تحسين..كل هدول اللي شايفون عالصور المعلئة ناس عونطجية وبحياتون مارح يتعرفوا عالاخ تحسين هدول يا اما واحد عبا كرشو كتير وبدو المزيد يا اما واحد مخبص لشبعان وبدو هالمخفية الحصانة يا اما واحد زنكيل وعندو نئص بشخصيتو وبد يصير مسؤول شلون ماكان...يتبع
-سوريا المعترة
سوري2007-04-14 12:29:51
نسيت أسعار العقارات
الأخ الكريم نسي أسعار البيوت المجنونة و الخيالية في قدسيا حيث أن المنزل هناك بحسب مساحته و الخدمات الموجودة حوله لا يجب أن يزيد سعره عن مليون ليرة سورية في أفضل حالاته بينما يعرض سعر المنزل هناك بأكثر من ثلاثة ملايين أوأكثر من غير لا رقيب ولا حسيب مع أن المنطقة بقدسيا سيئة مع المعاناة اليومية لمن يسكن هناك فلماذاإذا هذه الأسعار الخياليةوالغير مبررة!
-سوريا