syria-news.com
الصفحة الرئيسية
من نحن
اسرة الموقع
أكثر المواضيع قراءة
الإعلان في سيريانيوز
الإتصال بنا
مابعد الانتخابات
أخبار القراء

لن أدخل في غمار تفاصيل الانتخابات ومن نجح ومن رسب ومن دعموه ومن قشطوه بل سأركز فقط على موضوع اللافتات والصور والدعايات التي لم تكن أي منها في مكانه الصحيح بل شوهت وبشعت منظر المدينة المشوه أصلا .


آلاف اللافتات ومئات آلاف الصور التى لصقت على كل الجدران والأعمدة , بيذكروني بدعايات ورشات تسليك البلاليع المهم مين بدو ينظف المدينة ويشيل آثار الدعايات , ولا بدكن نضل نشوف صورالمرشيحين لأنو عرفانين مابقى حنشوفهن بعد ما نجحوا ( كالعادة دايما) نرجو التوجيه لإجبار كل المرشحين - من نجح ومن رسب - على ازالة صورهم من الشوارع , كي نقول استفدنا منهم شيئا
 

موظف
 


2007-04-25 15:31:51
شاركنا على مواقع التواصل الاجتماعي:



شارك بالتعليق
مشارك من بعيد2007-04-29 01:04:51
سيدي مين سائل
حبيبي اذا المرشحين بعد ما نجحوا ما عاد سألوا على حدا انت شو بدك بوجعة هالراس خليك بحالك حتى ما تفوت بسن وجيم والدليل على هالشي انو يوم الخميس كان احد المعزومين عامل غدا بمناسبة نجاحوا وكانت سيريانيوز موجودة أثناء القاءو كلمة قال بشوفكم بعد اربع سنين ويلي بيعرفوا مين هو بيربح كرسي بالمجلس
-سوريا الديموقراطية
ابو النور2007-04-28 18:03:03
تعليق على " الحق يقال"
صحيح انو المحافظة شالت كل الصور بس باقي صور قائمة الفيحاء يلي ربحت..... بما معناه ربحنا و مو سائلين على حدا. و النعم من هيك أعضاء حريصين على نظافة مدينتهم
-دمشق
الرجل الحر2007-04-28 10:56:43
وجهة نظر
أنا عم قول اذا عاجبن الوضع يخلوا صورن يخلوا بس بدي ياهن ما يفكروا حالن اليسا أونانسي أو عمر دياب الخ..... بس لو الشغلة بالصورة كان الكل نجح ياريت شفنا مساعدة خيرية من أي مرشح أجسن من حط الملايين على صورن الحلوة بس ما شاء الله ما نسمع اسمن الا بالأنتخابات
-سوريا
عمش2007-04-28 03:43:49
أنا لم أعلق ولم يعلق
أنا لم أعلق ولم يعلق لي صورة واحدة بل أكتفيت بصور الجبهة الوطنية علما أن صورا لي من الدور الماضى مكدسة في القبو وأنصح بأن يلتزم السادة الأعضاء من نجح ومن رسب بتنظيف ما فعلوهمن تشويه لمنظر قرانا ومدننا وحتى سهولنا ومن لن يلتزم يكلف ماليا وتزال على نفقته الخاصة من قبل البلديات ومن يتقاعس منهم يحاسب
-سوريا
رامي2007-04-27 18:13:23
سورية
انشاله بس يطيبو من ترشيحن بيشيلو الصور كلها لا تاكلو هم
-سورية
ppp2007-04-26 18:38:29
مو ضروري
لانهم المرشحين نفسهم سيرشحون انفسهم بعد اربع سنوات فما في داعي نزيل هالوجوه المبتسمة على الاقل منشوف شكلهم و هم مبتسمين لانو هيك شوفة صارت من سابع المستحيلات بعد الانتخابات
-ppp
شريف2007-04-26 01:48:00
مو شايفين حدا(حتى إشارات المرور لم تسلم)
لك اتصوروا إني شفت صورة خشب للمرشح( م) على إشارة مرور في منطقة المزة و مغطية الإشارة وين شرطة المرور مو شايفة بعينها لك شو مو شايفين حدا و الله لازم يفرضوا عقوبات على هذا الإستهتار لك ما كانوا يعرفو انوا الشغلة مو بكترت الصور لك الشغلة بالعمل و النزاهة سبحان الله
syria
المايسترو2007-04-25 20:15:46
كل مرشح مسؤول
انا بقترح انو يكون هونيك فيه عقوبه لكل واحد يلصق اعلانات في الطرق علا اعمدة الكهربا ومواقف الباصات وابواب المساجد لك يخرب بيتون ماضل غير يلصقو علا ضهر المواطن اعلانات انتخابيه هدول ما بيجو غيربالتهديد بانو كل واحد بدو يلصق اعلان مخالف يعاقب باشد العقوبات
-
مواطن آخر2007-04-25 16:55:34
أنا مع هذه الفكرة
الاقتراح معقول جدا خاصة و أن المحافظة أو أي جهة حكومية لم تقم بتغريم المرشحين على هذه الأعمال العشوائية و التي تدل على التخلف الذي نعيشه.
-دمشق - سوريا
logistics Manager2007-04-25 16:30:58
الحق يقال
بس الحق يقال أنوا محافظة دمشق شالت اغلبية الصور من الشوارع الرئيسية و نظفت هالشوارع و انا شفت سيارات المحافظة هنن و عم يلموا فالرجاء طلعوا دايما على النص المليان .الله يحمي هالبلد و قائدها
-Syria