شبيك لبيك عبدك بين ايديك ... كانت اول جملة يقولها لي خادم المصباح السحري. بدأت بالتفكير وراودني الارتباك والخوف بأن يذهب هذا الحلم بعيدا ... ولا يعود..

م م م  .... اريد قصر ... او او اريد مليار ليرة  ... او  ... او م م م  بدي ... على مهلك .. على مهلك قاطعني خادم المصباح.. انا خادم مصباح متدرب ولا استطيع تحقيق هكذا امنيات , يعني على قدي ... لو سمحت انا خادم سين جيم يعني بتسأل وبجاوبك  و بس .

يا حبيبي ... يعني ما في قصور ومصاري..

لا لا لا  ... سؤال و جواب بس..

طيب ...

و رغم الخيبة الكبيرة .. بس ...  الحمد الله على كل شي

يعني اتعودنا على هالجملة بكل تفاصيل حياتنا وصارت جزء من طموحاتنا و احلامنا بعدين من شو بيشكي السين جيم ليش حدا ملاقي بهل لأيام حدا يجاوبك على شي .. كلو الحمد الله تنظير ... خلينا نشوف ...

لو سمحت يا خادم المصباح  لماذا نحن مستعدون لفهم وتفسير واستقبال كل الامثال العربية و المحلية والشعبية ما عدا المثل القائل:

الوقت كالسيف ان لم تقطعه قطعك ؟؟

متى نقف بالدور؟؟

لماذا نستمتع برمي القمامة بأي مكان إلا المكان المخصص لها ؟؟

لماذا لا يفتح الا باب واحد في ملاعبنا عند قيام مباريات الدوري المحلي؟؟؟

لماذا كل شي ممكن ... وما في مشكلة الا لها حل .... ؟؟؟

اشرح لي كيفية التعامل مع اعداء النجاح ؟؟

ما هي المسافة  بالكيلو متر بين ما نقول وما نفعل؟؟

متى نقرأ .. او متى نفهم ما نقرأ ؟؟؟

كيف نقضي على اعداء السياحة ؟؟

اشرح معنى ( قم للمعلم وفه التبجيلا كاد المعلم ان يكون رسولا) ؟؟

ماذا تعني كلمة " انسان" ؟

واسئلة كتيرة وكتيرة كتير ... يعني تشكيلة مرتبة

وهيك عشنا انا وخادم المصباح بثبات ونبات نهاية سعيدة

انا أسأل و هو يجاوب .......