المسؤول: أيها المواطن تفضل وتحدث ولا
تخف وعبر عن رأيك , نحن الآن في عصر الربيع العربي
المواطن: الحمد لله , الحمد لله كل شيء أصبح عندنا كتير وأد ما تتصور يا سيدي
المسؤول : عظيم جدا متل شو
المواطن : الكذب بحر والموج عالي جدا لأن الكبير أصبح يكذب على الصغير, والصغير
تعلم الكذب من الكبير.
الوفاء والإخلاص: في الحقيقة كان في عندنا شوية وفاء وإخلاص , ولكن يا سيدي والحمد
لله من يوم ما دخل ( النت , والفيس , والواتس )على البيوت صار الرجل بيحكي مع عشرة
نسوان غير مرته باسم الصداقة , وأن زوجته شو ظالمته في الأمور العاطفية . والمرأة
بتحكي مع أكثر من رجل باسم الصداقة على أنها مظلومة وهي المنقذة للأسرة ولولاها
لدمر البيت .
الغش : حدث ولا حرج حتى صاروا عم بجوز البنت على أنها شقراء بعيون زرق وهي مركبة
عدسات لاصقه .
النفاق : موجود بين كل أفراد المجتمع, وأنت موجود خود مدح فيك , وأنت ما في أحلى
منك وأنت شيخ الشباب ,وعندما بترحل بصير القرد أجمل وأحسن منك .
الأمن والأمان : والحمد الله بفضل الربيع العربي رحل من عندنا الأمن والأمان . وأنت
في بيتك وبين أهلك وما بتشوف إلا وشي طلقة هاون بتروح فيها أنت ومن معك . وإذا شفت
حرامي عم يسرق بيتك بتعمل حالك موشايف لأن يمكن يقتلك وما بيطلع منها أي شيء .لان
ضيوفنا كتروا يا سيدي ومن كل دول العالم حتى من الشيشان صار عندنا أمراء وزعماء
تصور يا سيدي .
المسؤول :ألا يوجد أمور أخرى تفتخرون بها أمام المجتمع الدولي
المواطن نعم .
المسؤول : أنا معك تحدث
المواطن : الصدق العمر إلك وبسلامة عمرك . انتهى من حياتنا من زمان ونسيناه تعيش
أنت.
التعاون: لقد تم الطلاق بينه وبين كل الناس الآن الأخ ما عم بيعترف على أخوه وأذا
طلب منه ليرة واحدة بيحلف ألف يمين على أن ما عند ,وهو معه الملايين يا سيدي .
الرشوة : أصبحت شعار موجود في كل دوائر الدولة , مكتوب في عيون الموظف وعلى وجهه
(ارشي حتى معاملتك تمشي )
الزكاة : الحمد الله ما حدا دفعها ,
وفطر الصيام :اختصروها
وكل ما نحن فيه يا سيدي بفضل رعايتك للقوانين يلي عم تصدر عن سيادتك متل قانون
(مكافحة الفساد .....ومن أين لك هذا ) لأننا بنسمع فيهم بالإعلام بس من خلال ندوات
التلفزيونية .
https://www.facebook.com/you.write.syrianews
