1...

يا قطعة سكر عم تدوب بفنجان

يا قلب مقهور مليان بحنان

يا وجع طفل بكيان

يا طفلة عم تدور على أبن الجيران

ليخبرها عن أبوها لمفكرته هربان

أبوها يلي عم يزورها بأحلام

حلم أسود مكتوب بألوان

يا طفل أنتَ وحدكَ وجع هالإنسان

2...

أمك يا طفل عم تخبي لحكاية

حتى تبقى أنت فرحان

 يا أم عم ترسم بدمعتها أحزان

وعم تسقي بدمعتها بستان

بستان فيه مخباية لحكاية

حكاية شُهداء وأبطال

أبطال شرب من دمهم البستان

يا أم أنتِ وحدكِ دمعة هالإنسان

3...

زوجك يا أم الطفل منو هربان

زوجك بأعلى سما فرحان

عم يغني أناشيد وألحان

شهيد وعريس العرسان

بطل وفارس الفرسان

بس حزنه مكبوت بدمعة فراق

عم تعذبه الطفلة

عم يعذبه طفلك لبكيان

 هي حكاية يومية

من أرضك يا فلسطين

يا أم الأبطال

وحزنكِ وحده رح يقتل هالإنسان

*************************