اكره شي بحياة الأولاد وقت بيكونو متحومين حولين التلفزيون وعم يتفرجو على برنامج  شغلة (علمي !!) وفجأة بيدق باب البيت ...؟

بيدق باب البيت ومدري ليش بيطير صحن المكسرات من حضن واحد والثاني بيكون مشغول بالتدوير على جهاز التحكم الثالث  بيقوم بيفتح الباب مشان ما يصير التباس عند الأب , وبعد تركيز الأحوال والأوضاع بيجتمعو كلن عند الباب

وبيرسموا البسمة العريضة وبيطجوا الواجب اليومي تبع بوسة لإيد وطبعا بعد تمسيح الجوخ للأب الكريم.

بيبدأ الاب الاسئلة المحرجة تبع المدرسة والعلامات وبعد مرور الاستفسارات على خير (نوعا ما( , بيطلع المسلسل يلي الاب شو بيحبو..، وبكل دعاية بيسأل الأم عن موعد انتهائه وبعد ما بيخلص وبتكون , روح الاولاد طلعت بيبلش مسلسل الاخبار يلي ما بيخلص الا مع انتهاء السهرة بس الأولاد طبعا ما بيعدو مكتوفي الأيدي

طبعا ما رح يسمحوا للأب أبدا انو يسمع شي وبعد معاركات طويلة يستسلم الأولاد ويتركون الصالون ويذهبون إلى غرفة النوم (غرفة الجنان) وهون بينتشروا بالغرفة واحد على الانترنت (طبعا لأنو ما في غير كومبيوتر واحد (و انثنين بيلعبو كرة طائرة بس ليخلصو من الأخبار المعتة يلي بنسمعا كل يوم ما في تغير ولا تبدل لبنان العراق فلسطين افغانستان

الخ الخ الخ.... 

بس شو بدنا نعمل بلأخير بيضل الأب يلي لازم نحترمو