عنجد انتظمت حياتنا وصرنا ناكل ونواعد ونفيق ونتحمم ونصفن قبل أو بعد ما تنقطع الكهربا ..
زادت سهرات التأمل والصفن ومراجعة الذات على ضو الشمعة وصرنا نقرب من بعض أكتر منو ندفا ومنو نشعر بالأمان ..فزادت اللحمة الوطنية ..

 
خفت مشاكل الخلاف على ريموت التلفزيون .. بين الدنيا والجزيرة .. والاخبارية والعربية . فجمعتنا ضو الشمعة وصارت نقاشاتنا موجهة على الكهربا وايمت رح تجي وممكن ما تجي .. وتعى ولا تجي وعاشت الوحدة الوطنية..
صار في وقت للهدوء والسلام الداخلي ومراجعة الذات بعيد" عن ضجيج التلفزيون وصخب وكذب الاعلام وكل هالجنون ..

كل هادا وما بدكون يانا نقول .. الله سوريا .. الشمعة وبس ..!!!!!!!!!!!!
وأخير" شعار جامع .. لا خلاف عليه بين كل السوريين ..وبتقولوا ما في تخطيط ....!!!!!!!!