سيريانيوز شباب وتعليم :: رواتب الموفدين والمعاناة تستمر

رواتب الموفدين والمعاناة تستمر

مساهمات الطلاب

الى متى يامحاسبي البعثات , ياجامعة ياوزارة ياسفارة؟؟؟

نعود لنطرق موضوع تاخر رواتب الموفدين, هذا الموضوع القديم الجديد والذي اصبح مسلسل كوميدي تتكرر حلقاته كل اربعه اشهر باخراج وزاره التعليم وسيناريو الماليه وتقديم السفاره السوريه.

منذ فتره قرانا على موقعكم الكريم مقاله لاحد كبار موظفي وزاره التعليم بان الرواتب ستكون بحسابات الطلاب موعد استحقاقها, وها نحن في منتصف الشهر تقريبا ولم نرى حتى قوائم.

مره اخرى نتمنى من وزاره التعليم الصدق والشفافيه في مخاطبه الموفدين, ونقول لهم ان مسلسلكم هزيل ربما يضحككم لكنه بالتاكيد لا يضحكنا.

الشكر الجزيل لهذا الموقع اللطيف............

شارك بالتعليق

معيد موفد من فرنسا

معيد وعم اشحذ

رواتبنا ماوصلت وللاسف صرنا بنص الشهر وحاطين موظفين بالسفارة مابيعرفو الله وين حاططهم من الاستعلامات للمسؤولين عن رواتب الموظفين ، مفكرين حالهم وزراء بالوكالة ومابيشتغلو ولا بيداومو ولابيساعدو ولابيرحمو ولابيخلو رحمة الله تنزل ، ****

معيدة قرفانة و ندمانة

بحب خبر معيدي الفرات أنو القوائم و الرواتب مبعوتة من 1/9، يعني من أكتر من 40 يوم، بس الهيئة صارلها رجلين و هربت يمكن لأنو نحنا كتير من نق، بس لا تخافو رح ترجع بس ما حدا بيعرف إيمتى يمكن بكرة يمكن بعد شهر شهرين بس رح ترجع صدقوني....

بالنسبة للتعويضات

بالنسبة للتعويضات القوائم جاهزة و سيتم ارسالها خلال اسبوعين على اكثر تقدير

زميلتي سيدة ملعقة شكرا للمساهمة اللطيفة وللنصائح البالغة الاهمية . يبدو كأنك ما قبضت لسه بتمنى تقبضي باقرب وقت..

سيدة ملعقة

كفاية بقى

زملائي زميلاتي الموفدين حاجة بقى الرواتب رح يوصلوا اكيد بعد يوم. شهر أو حتى سنة رح يوصلوا يعني إن نقيتوا ولا ما نقيتوا ما رح يجوا الا متل ما بدون ........ما في داعي ننشر غسيلنا ونقول مثلا متل زميلتي الموفدة وصلوا.قبضت ماني مصدقة وما بعرف شو....ولا تنسوا صاروا قراء سيريانيوز عم يستنوا يستمتعوا بتعليقاتنا و ردودنا ع بعض مل تلت

طبيب المعيدين

السيد معيد جربان ومقمل

دوا الجرب بسيط كتير بألمانيا وخصوصي إن بدأ موسم الشتاء ونزلت درجات الحرارة في أغلب المناقط إلى 10 مئوية ... خدلك غطة بشي نهر أو بحيرو وبضمنلك إنو تنشفى خلال أيام معدودة .. هاد إذا ما ودعت ... أخي رواتب وما وصلت شو تعمل يعني تخربش السما .. تبلط البحر ... تشرب البحر .. عميل يلي بريحك

حدود ألمانيا مع الدنمارك

معيد جربان و مقمل

الجرب ذبحنا و السفارة مطنشة

جامعة الفرات ارسلت القوائم في ٢٧ ايلول اتوقع ان تصل الرواتب في ٢٧ تشرين دبروا امركم يا موفدي سوريا ******

عذرا للخطأ المطبعي . ببعت مشاركتي مرة تانية بعد التعديل. وبضيف عليها صلواتي انه توصل رواتب كل الموفدين اللي قاعدين لهلق بلا راتب وناطرين. اللهم لك الحمد والشكر ... وصلوا وصلوااااااااااااااا وصلوااااااا يا ناس ما ني مصدقة عيوني؟؟؟!!! قبضت الراتب!!!

الهم لك الحمد والشكر ... وصلوا وصلوااااااااااااااا وصلوااااااا يا ناس ما ني مصدقة عيوني؟؟؟!!! قبضت الراتب!!!

ابو عدنان

لك اي والله

وصل الراتب.... بس ممسوخ ... وين راحت التعويضات

موفد لصالح جامعة حلب

اليوم دخل راتبي في حسابي

اليوم دخل راتبي في حسابي والحمدلله...والى معركة اخرى في بداية العام القادم...اقول قولي هذا واستغفر الله لي ولكم ولسيريانيوز...اللهم امين

خلينا نساعد بعض

انا برايي يلي وصلوا الراتب يساعد زملاؤوا يلي تاخر راتبون- الناس لبعضها اذا نحنا من بلد واحد ما ساعدنا بعض صدقوني احسن ما ينجرف البعض لاعمال مسيئة لنفسوا ولبلدوا

سوريا الأبية

اهلا و سهلا بالليجان

و اخيرا و بعض الشنططةو الدين و كسر النفس قد و صلت الرواتب من جامعة البعث و احلى زلغوطة ,بس ليش تأخرت يلا الغايب عذرو معو

موفد لصالح جامعة حلب

الحق على السفارة

انا موفد لصالح جامعة حلب....وحتى تاريخه ...لم يصل او بالاحرى لم يحول راتبي.وكذلك احد موفدي البعثات اخبري بان راتبه لم يصل...اذا كان رد السفارة سابقا بان هناك عدة معيدين مجمدين الايفاد وهم وراء البلبلة..طيب ما ذنب بقية الموفدين ان تجمد رواتبهم بحساب السفارة بجريرة هؤلاء الاشخاص.مابنته السفارة من سمعة ومعاملة حسنة طوال الخمس سنوات هدمته بتجميد راتب مستحق.

ابو خضر اللاذقاني

ان غبت عنكم ولم تروني . فانا ابو خضر فاذكروني

بلا طول سيرة .الحمد لله من اسبوع الراتب وصل.لكن للاسف بعض رفاقنا الى الان لم يصلهم شيء مثل معيدي جامعه البعث. لا اعرف اين المشكله لكن والله ياشباب ان نصير في 6/ 10ولم يصل رواتبهم فهي مشكله والمشكله الاكبر ان هذه الجامعه ترسل رواتب التعويضات في وقت لاحق.الرجاء لكل من يملك ضمير ويعرف اين سبب المشكله ان يساهم في ايجاد الحل والعمل على وصول الرواتب باسرع وقت

كتر خير القص والنسخ واللصق

لاء والأحلى من هيك . اتحاد الطلبة بينشر قائمة برواتب موفدي جامعة البعث عن الثلث الثالث 2009 وهي نفسها قائمة رواتب الثلث الثاني . نفس القائمة . يعني يا قص -- لصق او نسخ -- لصق. ولحسابنا ما وصل شي.؟؟؟؟ هو لأنه لسه ما ناقصنا غير هيك لتكمل معنا.

وجدت الحل

أبسط ما يمكن

أبسط موضوع هو أن نطرح هذا الموضوع على بابا سنفور ... أرسلت له فاكسا مستعجلا لكن لم أجد أي رد بعد ... يبدو أن تعقيد المشكلة يفوق مقدرات بابا سنفور العقلية

حدود سنفورستان مع البحر الأزرق

معيدة موفدة/ البعث

كيف بدي ادرس وانجز؟؟

يعني كيف بده يدرس المعيد وينجز ويركز بهيك حالة وهيك ظروف ؟؟؟ والله ما بصير هالحكي . يعني شكلنا مارح ناخد الدكتوراه الا وفينا مية علة ومرض. واولها امراض نفسية وعقد!

موفد حمصي

حتى تاريخه

لم يصل شيئ لا رواتب ولا غيرو وين جماعة الهيئة الادراية والطلابية او هنن وصلت رواتبهون و ما عاد همهن

لهون و بس

يعني وآخريتا محدعم يردو معبرهالموفدين اللي سيكونون بناة الوطن أظن هالحركة مقصودة و هي تعليم الباحث على الشنططة من هلق و الذل كمان لأنو المخبى اللي جاية أكتر بس,جامعة البعث ياحرام ما عم تعرف كيف بدها توصل القوائم على السفارة شو بتقول شو ذنبس اذا فاكس السفارة عاطل و السفارة شو بتقول الفاكس مافيه شي,بقامين نصدق و نحن الحلقة الاضعف

أبو سنفور

نارة يا ولد

لك شو صار بالتعويضات ... ليش هيك ناقصة الرواتب... بشرفي السنفوري سأقوم بحلق شعرات المحاسب ونتف شواربوا بالشمع إذا ما سنفر وبعت بقية الرواتب ..... سنفور عليه شو إنو سنفور

حدود قرية السنافر مع شرشبيل

الى الزميل سنفور معيد

فكرة مسنفرة لكن....

فكرة مسنفرة يا معيد سنفور, مع اني جربت سنفرهالفكرة قبل هلق بس ما ظبطت معي, شايفلك لازم ندور ع فكرة اكثر سنفرة من هي, لازم ناخد دور شرشبيل لمرة وحدة بالعمر ونسمي بالاسم الشخص المسؤول عن تاخير الرواتب بلكي بيتحركوا وبيردوا .

سنفور معيد

عندما تصل الرواتب سأسنفر

كما يقول بابا سنفور الغاية تبرر سنفرة الوسيلة.. ولذلك أنا قررت أن أسنفر بعد أن تصل الرواتب .. ولمن لا يعلم ما معنى كلمة سأسنفر .. يمكنكم البحث في قاموس السنافر الموفدين على موقع وزارة التعليم العالي أو السفارة أو الجامعات المختصة ولكي أوفر مجهود البحث ,, فهذا يعني أنني سأعمل جاهدا على توفير جميع رواتب وبجهد سنفوري حتى لا أضطر إلى شحادة ما يحق لي..

معيدة موفدة لا تقرفوا....

والله مصدقة

والله مصدقة كل واحد بقول انه ما معه مصاري . لأن كمان انا ما معي... اذا طلع خبر وفاتي لا تنسوا حقي بالتحنيط... طالبوا فيه من بعدي.. رجاء زملائي

كمان معيد من جامعة دمشق

بس ما وصل شي!!

لا راتب كامل و لا ناقص... ما وصل شي, و عن جد , والله العظيم ما معي مصاري

معيدة موفدة

بس بدي المسؤول عن التأخير يفترض انه واحد من الموفدين بالمشفى وتأمينه غير شامل وبحاجة الراتب .شو برأيه الحل . أو موفدمتل وضعي جديد وحط كل رواتبه دورات لغة والخ....وبده هلق يدفع مستحقات التأمين والسكن والمعيشة والهاتف و مصروف الدرس..يعني شو بعمل؟؟؟؟

معيد من جامعة دمشق

والله وصلوا بس بلا راتب شهر ونص

شكراً كتير عل الرواتب اللي وصلت..خيركن مغرقنا بس حابب أعرف من الموفدين اذا هنن متلي ما وصلن راتب الشهر والنص الاضافي اللي بيوصل بالعادة اخر كل سنة..ولا التغى القرار فجأة

معيدة موفدة

وين الراتب

لك وين الراتب يا جماعة.... انا بعدني جديدة والموفدين السوريين اللي هون وضعهن ببكي اكتر مني يعني بدهن مين يساعدهن .. والحل؟؟؟؟؟؟

واحد مو فهمان بس حاقد شوي

درهم نق خير من قنطار علاج

لاتخافوا يا اولاد صرلي خمس سنوات بفرنسا نفس القصة تتكرر 3 مرات بالسنة ونفس النقاش عم يتكرر والاخ الفهمان بس الحاقد عم يخلي القوم يعصبوا بنفس التعليقات من سنوات الرواتب رح توصل ولو بعد حين وانا برأيي بلشوا نقوا من هلق على رواتب كانون ثاني 2010 نصيحة ببلاش

معيدة موفدة / البعث

اشاعة مغرضة

كيف ناس عم تقول وصلت الرواتب لموفدي ألمانيا ؟؟؟ لتاريخ اليوم وما وصل شي

فلحان البيدر

بشرى لموفدي تشرين

الحمد لله رواتبي وصلوا و أظن رواتب الكل عالطريق شغلة شي اسبوع مو اكتر...

جمهورية ألمانيا الاتحادية

و الله كلمة عيب قليلة عليهم

أنا قرأت جميع التعليقات بشان تأخير الرواتب و لكن للأسف نحنا المعيدين ما بإيدنا غير نفش خلقنا بكم كلمة و مع ذلك ما حدا من المسؤليين عن الرواتب سمعان. أنا شخصيا كنت حابة أرجع عالبلد و أخدمها بس هلأ صار لازم عيد النظر بهيك قرار...

هل هناك من يحاسب المقصرين

ان تتاخر الرواتب شهر فهذا طبيعي في بدايةالعام واما ونحن في نهاية العام فهذا امر غير طبيعي ان تتاخر لشهرين علما نحن الان في الثاني من تشرين الاول فكيف يعقل ذلك. كما انه ليس هناك من مسؤول يرد علينا نحن المعيدين وكأننا موفدين من دول اخرى. يارئيس جامعة حلب -ياوزير التعليم العالي - اليس انتما من وقعا على قرارت ايفادنا. شكرا لموقع سيريانيوز

موفد حمصي

يا جماعة حتى تاريخه لم يصل شيئ لموفدي جامعة البعث

لعنة الله عليكون

خيو ما عاد بدنا الرواتب حاجتنا بهدلة... أنا من ناحيتي رح قدم طلب إعفاء من مهمتي العلمية ومالي راجع ... لأني أنا هلأ بلا مصاري

البلدان المتخلفة

راتب موفدي دمشق في فرنسا لم تصل

راتبي ما وصل; ليش مستوطين حيط جامعة دمشق ... لما لانو لقمتا اكبر??!! الاخ سامي ابو العوف و الاخ الحاقد : من كان يؤمن بالله و اليومالاخر فليقل خيرا او ليصمت....

معيدة موفدة

و ع الوعد يا كمون

كل عام وانتم بخير بكرة اول تشرين اول وما في راتب..

حاجتنا بهدله

مع الإحترام للمسؤولين عن رواتب الموفدين نحن الان في 30 من شهر سبتمبر ولا جديد فيما يخص رواتب المعيدين لفرنسالصالح جامعة دمشق أو حتى الزملاء في الدول الأخرى نحن لا نطلب بأي شي سوى ان تصل رواتبنا وهذا هو حقنا ولا أعتقد ان أحديقول عكس ذلك وهو يريد أن يخفف دم بهذه المزحه نقول له دمك مهضوم بس بعات الرواتب والله عيب عيب عيب لك قرفتوني العلم

على راسي شباب السفارة

وصل راتبي انا بالمانيا

لذا يرجى وقف النق من المانيا الى اللقاء في شتائم جديدة شباط القادم

سورية الاسد

وين صارت رواتب موفدي جامعة دمشق إلى فرنسا؟

فوائد الودائع

أخواني الكرام يعني معقولة ما بتعرفوا أنو أقل زمن للوديعة بالمصرف هو 3 أشهر؟ يعني بس تتطلع الفوائد ويستلموها المستفيدين وقتها ممكن تقبضوا رواتبكن...وسلام

لازمنا لقاح ضد أنفلونزا الرواتب

شو يا عيني ما وصل شي لسا ... والله عيب عليكون ما بيكفي يلي عم يصير وتأخير شهر كامل بالرواتب ... لو تأخر راتب السفير أو أحد الموظفين المدعومين لكان كم تلفون على السريع وبتنحل المشكلة ... خير

دولة اللامواطنة

عيني الله

صار فني اشتري كتير شغلات وصلت الرواتب

أول شغله شامبو عيني الله... يوبيييييي

فلحان البيدر

1- عيب على الزميل كاتب المقال لانه الرواتب رح توصل عاجلا أم آجلا و النق له تأثير سلبي في بلدنا و لا داعي لتحريك التهاب العصب الوركي لبعض الناس كل تلت سنة 2-عيب على أصحاب الشان هذا التأخير 3-عيب على المقرشين شو بدكن الحكومة تعطينا راتب على القد حتى نرجع بعد أن نكون قد أفنينا عمرنا في الدراسة صفر اليدين لنبدأ من الصفر!! شرشحتونا و صرت أخجل قول إني موفد

جمهورية ألمانيا الاتحادية

موفد ضائع

الموضع الاساس

يا جماعة مافي داعي نطلع عن الهدف الرئيسي سواء اراتب بكفب ام لا وسواء الموفد عم يبعزق ام لا الشي الاساسي الراتب حق ولازم يوصل بوقتووغير هيك بكون في تحايل وعالم عم تستفيد بدون وجه حق والكل بيعرف شو المقصود بس لا حياة لمن تنادي وطالما الامور هيك فلا امل وشكرا للتفهم

يا سامي : موضوعنا هو التاخر

الاخ سامي ابو العوف :راتب الموفد اقل من حد الفقر في فرنسا بمئتين يورو.... ولا احد يعمل كما تتصور لقلة الوقت و لانه ممنوع بقوانين الايفاد. وكل انسان عم بوفر ويبعت لسوريا عم يعاني الامرين حتى يدفع قسط صغير لبيت يلمو من الشارع. بعبارة اخرى عم بعيش تحت نصف حد الفقر و يقطع عن تمو من شان يسكن. ولمعلومك هادا انسان وطني و قومي لانو عم يرجع مصاري البلد للبلد

سامي أبو العوف

الكذب والنقّ حرام وعيب 2

إلى ذلك مدخول آخر من العمل بالجامعة للأغلبية ب 400 يورو وما فوق. فالرجاء كفى إنكارا للنعم والتذكر أن هنالك من الزملاء من لا يجد ما يأكل إلا بصعوبة من الموظفين والموفدين داخليا و أهالينا الموظفين بسوريا. وشكرا لسوريا نيوز على النشر سلفا.

سامي أبو العوف

الكذب والنقّ حرام وعيب 1 يتبع

راتب الموفد الأعزب لوحده (بدون راتب زوجة وأطفال و تعويضات من سوريا ومن بلد الإيفاد والأحسن ان لانذكرها الآن) يصل تقريبا 900 – 1000 يورو شهريا. المصروف الشهري لحياة كريمة على أقصى حد 650- 700 يورو كالتالي: (300 غرفة محترمة مع انترنيت حتى بالمدن الغالية + 200 للأكل + 100 هاتف + 50 مواصلات). أما الباقي فيتم استرداده من سوريا (رسوم تسجيل + صحي). يتبع..

معيد موفد

أين يذهبوا بالواحد يورو

كالعادة السفارة الموقرة سوف تحول الرواتب ولكن سوف تأخذ يورو واحد من راتب كل طالب كما جرت العادة . واحد يورو لا يعني شيء للطالب ولكن إذا جمعت هذه المبالغ كلها سوف ترى أن المبلغ يقارب ستة ألاف يورو أو أكثر سنوياً تأخذه السفارة ,هل يمكن توضيح من يأخذ هذا المبلغ , علماً بأنه إذا طلبت أي رسالة منهم يقولوا لك أرسل ظرف فارغ مع طابع ملصق عليه , عيب عيب

ع الوعد يااااااااااااااااااااااااااااااكمووووووووو

مسا الخير زملائي وزميلاتي في بلد الاغتراب.. ادعو الله ان يفك اسر الرواتب ويهون امرها, وندعو للموظف المسؤول بدوام الصحة الجسدية والنفسية, ويبعد عنه الاذى وبالتالي يفطن انه في ناس هون رح تشحد.. تحيااااااااااااااااااااتي

موفدة .... و ع الوعد يا ك

حسبي الله ونعم الوكيل

يعني والله بستغرب من اللي عم يحكوا ع توفير الراتب وضب المصاري. لك يا اخي والله حرام عليك فوق الغربة والتعب والضغط لسه جاي مين يقرش الراتب. برأيي اكسب فينا ثواب وادع لله معنا يعجل فرج هالرواتب.. ان شاء الله الرواتب توصل السنه .. سلامات...

ما قبض شي

ما قضنا شي ولا في حدا يدينا

موفد فرنسي

رواتب جامعة دمشق في فرنسا لم تصل بعد

رواتب جامعة دمشق لم تصل بعد.... وسيد حاقد و فهمان : راتبي بكفيني ولكن متاخر... الله يعلم وين عم يستنى .... ********

تعقيبا على الشكوى رقم 37376

رجاء يا سيريا نيوز تحولوا الموضوع لتحقيق صحفي يتحاسب فيه المسؤول عن الموضوع وينعرف مين عم يكذب. انا موفد ووضعي طبيعي بالمانياوكتير من الموفدين معي وللساعة هي ما وصلنا شي من الراتب واضطريت ادين انا مضطر على المصاري ما متل ما يحكو بعد المعلقين عن التوفير ومدري شو. كلي رجاء متل ما عودتونا بتحقيقاتكم اتابعوا الموضوع

موفد حائر

حسبي الله ونعم الوكيل

انا اتصلت بالسفارة قبل العيد وقالوا لي انو مافي موظف الان لبعد العيد اتصلت بعد العيد قالوا قوائم الاسماء لم تصل وسؤالي الى متى الاستخفاف بالوطن وبطلاب هذا الوطن لماذا لا تحول الرواتب بوقتها اكيد عم يشغلوا المصاري بالبنك وبد ما يربحوا شوي وبعد نق الوفدين من اجل حياة كريمة يقرروا تحويلها لا اقول الا حسبي الله ونعم الوكيل والله يخلص الايفاد على خير

تعقيبا على الشكوى رقم 37376 في سيريانيوز

يالطيف حتى الكذب لهون السفارة ما حولت ولا سنت وقال الشفير إنو الموفدين عم يكذبوا .. لعما وين تواريخ التحويل ... بالفعل السياسة لازمها ناس تعرف تكذب

معلومات مغلوطة

ارجو من سيريانيوز متابعةالموضوع هنارد وزارة التعليم العالي وهي تقول ان الرواتب في السفارة منذ 1/9/2009 ورد السفير وهو يقول انه تم تحويل جميع الرواتب الى الموفدين http://syria-news.com/wilive/showonecomp.php?id=37376 شو عمنضحك على حالنا شو رأيكم انو ما تم تحويل ولا راتب موفد في المانيا عن الثلث الثالث والمصاري لسا بالسفارة أرجو النشر

ولي على حظي

حسب علمي انو الرواتب هي بالسفارة السورية بالمانيا من 3 او 4 / 8 والجداول تقريبا كانت بالسفارة بهذا التوقيت ولكن قال ما حولوا المصاري للطلابلانو المسأول عن الموضوع آخذ اجازة يعني الملحقة الثقافية وما بيقدر حدا يوقع عنها هزلت

والله راتبي وحقي يوصلني بوقته وكمان انا حر ان شاء الله بكبه بالبحر و الي مو عاجبه ينطح راسه بالبحيط وكل هالتعليقات البايخة من غيرتكم كنت تتفوق بالجامعة وتطلع مكانا والمهم يتبعت بوقته الراتب يعني نفسي اعرف شو بتكون ردت فعل الموظف بسورية لو تاخر راتبه شهرين

ابو خضر اللاذقاني

موفدين اخر زمن ... الرجاء النشر احتراما لكرامة الم

الى مواطني بلدي انا واحد موفد واعرف من رفاقي هنا من يستمر في تلقي راتب الايفاد وهو قد اتخذ القرار منذ سنين بعدم العودة للوطن نعم يا اصدقائي يقولون بالحرفشو بدنا نرجع نسوي.طيب ايها الموفد لولا بلدك كنت طلعت وتعلمت وكبرت .منهم من ياخد من بروفيسوره تعويضا وياخد عن اطفاله وعن بيته والمدارس هنا مجانية والتعليم وكل شيء وبالاخير يقول لا اريد المته وانما الوسكي

ابو خضر اللاذقاني

موفدين اخر زمن ... الرجاء النشر احتراما لكرامة الم

الى الذي يدعي انه انذه من شرب المته اقول لك..المتة ليست بغلاء الدخان او ********. فليعلم ابناء وطني الذين يتحملون الصعود بالسرافيس والمشي تحت المطر ليوفروا لابنائهم تكاليف حياتهمان هناك من هم مثلهم سوريون يدفوعون ليليه حمراء واحدة هنا في المانيا مايعادل3000 ل.س وقد زار اهم بلدان اوربا بينما حسابه البنكي للاسف فارغ

واحد فهمان بس حاقد

الى ابو واقع ملموس

كيف عم تدفع كل روحة 400 يورو .هادي مافهمتا .بس الطبابي للاطفال بالمانيا ببلاش او شبه مجاني . ولك على مين عم تضحك . **** حبيب ألبي

زيارة إلى السفارة

في زيارة مفاجأة قمت بها إلى السفارة تبين لي عند الدخول إليها أنها مثلها كمثل مكاتب كاتب العدل في دمشق ... إستهتار لأبعد الحدود ,,, وكأنك داخل إلى ****** الجنائي أو ... بصراحة شي بيخجل .. وعلى فكرة الرواتب ما رح تصل لآخر الشهر التاسع غالبا 30 أو حتى لبداية الشهر العاشر

واقع ملموس

الى المسوي حالو فهمان وحاقد

البيت يلي انا اخدو اجارو 500 يورو والفواتير يلي عم تيجيني كل راس سنة بدها حلم الله حتى بني ادم يستوعبها ولا يستوعب هالارقام غير هيك لقاح ابني الصغير بدو كل روحة عالدكتور شي 400 يورو بقى شو عم تحكي انت و..... *********** قال بيت قال ليش مين هالايام بيقدر يوفر حق زاوية بيت هزلت ........

أنا أبو صفر = 0

طمني أبو خضر حكيت معهم وقالولك وصلوا... فيق من المنام وحاج تشرب متة... الي بيشرب متة بالمانيا لازم يبعتوله راتبه متل الراتب بسوريا ... لانو ما رح يلزمه غير حق المتة. المتة :المشروب المفضل في العديد من المدن السورية...وخاصة على الساحل السوري نظرا لفوائده الجمة وتأثيره الكبير على تحسين القدرة على التفكير ورفع مستوى الذكاء...وتقوية الذاكرة

تعليق على التعليق

لهاد الي عم يقول أنو يكتر خير السفارة... مدري الوزارة بتبعت الراتب قبل 4 اشهر ومصاري كتير ومعلش لو تأخرت شوي...شهر او اكتر... حبيبي... وين عايش... الشغلة بيعة خضرا... ولا زرعة بطاطا... وبدك تستنى على الموسم. ولا الاستهتار صار بدمنا ومنموت بلا

تعليق على التعليق

للمعلقين الجهابذ الي عم يحكو لا تبعت مصاريك لاهلك ووفر وعميل مدري شو... لك اصطفل ان شاء الله بحرق الراتب وبحرق المصاري وبصرفهم على "ملذاتي الشخصية"... المهم بدي الراتب يوصل على الوقت متل كل البشر الي بيحترموا حالهم. **********

واحد فهمان بس حاقد

الرواتب ماوصلت طبعا ولكن الطلاب الموفدين كالعادة ينعون ويشتكون ولماذا لااحد يدري ؛؛بس انا ادري؛؛ الحل لهذه المشكة بسيط جدا وهو :عدم ارسال الاموال التي يوفرها الموفدون الى الاهل ؛؛ والذي يتكلم عن اجار 700 يورو على مين عم تضحك

شوية كرامة

الفقر في الوطن غربة والغنى في الغربة وطن, تقاس قيمة الامم بقيمة الانسان فلا داع للكلام ولندع الموتى يدفنون موتاهم

لك مين هاد ابو خضر يلي عم ******* على الموفدين اي عنا مصاري شو حسد ولا ضيقة عين بس حقي واحد سينت وبدي اياه وانا من الناس زوجتي اجت من سنة ونصف وحتى الان لم ترسل الجامعة تعويضاتها يعني رايك ايها المحترم واذا كنت تقرش رواتبنا عالسوري وعم تحسدنا عليها ارجو منك تقريش مصاريفنا هون ايضا عالسوري.

انا تجوزت وعملت اجازة والعرس في بلد عربي اله يخليلي حماتي اشترتلي حتى دخان بس هلق يااولاد المضايقة من يومين خرمان لى سيجارة الرجاء ارسال سيجارة من مدخن لفا بالبريد

There is no Arabi key board here in the U.K but I'll write in English... I am a new student and I 've never been sent any salary yet but I feel scared after reading all these comments . Ok I'll tell u what is going to happen with me

ان كنت تدري فالمصيبة اعظم

يا سيدي يلي عم يحكي انو الرواتب وصلت بالمانيا انا بقلت اذا جامعة البعث حضرتها ما بعتت القوائم و موفدين كتير من هي الجامعة رجاء لا تحكي عن الكل احكي عن حالك انا متجوز و عندي ولد و زوجتي هون ولحد الان ما بعتولي رواتبهامن 5 اشهر و عايش على 1000 يورو و بدفع اجار شقة 700 يورو و عم نعيش ب 300 يعني توفير مافي ياابوخضر و المشكلة هلق عيدو انا خجلت من كتر الدين

ادريس محمد قيادة الاتحاد

الخلل طبا من السفارة ولكن

مرحبا شباب, المشكلة ادارية بحتة ومتعلقة السفارة حيث ان الملحقة الثقافية سلمت مهامها والتحقت بسوريا وتم التسليم لملحقة جديدة قادمة من لندن التي بدورهاالتحقت بسوريامن خلال اجازتها السنوية. القنصل وعدوبشكل رسمي بتحويل الرواتب والتعويضات للبعثات والجامعات اعتبارا من الجمعة القادمة وقدموا اعتذاراهم للطلاب عن الخلل, اذ ان الملحقة هي فقط المفوضة بالتحويل

المانيا / برلين

شكرا للزميل ادريس للتوضيح... و لكن اتمنى من الاتحاد و السفارة اعلام جميع الطلاب و بجديةو بصراحة ايضا عن طريق الاميل عن سبب و من سبب تأخر تحويل الرواتب

ادريس محمد قيادة الاتحاد

يعني وكأني اتحاد الطلبة بوزع الرواتب وتأخر بالتحوي

السلام عليكم ورحمة لله وبركاته كل عام وانتم بخير بمناسبة عيرالفطر السعيد بالرغم من ان العيد صادف مشكلة عدم صرف الرواتب وهذا شيء مزعج لكل الطلبة علما ان قيادة الفرع الذين يتبروظون هم ايضاموفدين وينتظرون رواتبهم ولو ان حل المشكلة بيد الاتحاد لما قصرنا ونعاهدكم ان نتابع الموضوع ولن نسكت وبانتظار سعادة السفير من سوريالطرح المشكلة وبجدية كما نحن دائما

المانيا / برلين